དཔལ་ནཱ་ལེནྡྲ། བྱོན་པ་ལེགས།

ཇོ་བོ་རྗེའི་རྣམ་ཐར་ཕྱོགས་བསྒྲིགས་པོད་གཉིས་པའི་མཛད་པ་པོ། ༡༽ མཆིམས་ནམ་མཁའ་གྲགས་དང་། ༢༽ ལས་ཆེན་ཀུན་དགའ་རྒྱལ་མཚན། ༣༽ དཔའ་བོ་གཙུག་ལག་ཕྲེང་བ། ༤༽ ཇོ་ནང་ཀུན་དགའ་གྲོལ་མཆོག ༥༽ བདག་ཆེན་ཀུན་དགའ་བསོད་ནམས། ༦༽ ཡོངས་འཛིན་ཡེ་ཤེས་རྒྱལ་མཚན་བཅས་ཀྱི་རྣམ་ཐར་སྙིང་བསྡུས་རེ་མཚམས་སྦྱོར་ཞུ་བ་ལ། ༡༽ མཆིམས་ནམ་མཁའ་གྲགས་མཆོག་གི་རྣམ་ཐར། དེ་ཡང་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ཡོངས་གྲགས་རྒྱས་པ་མཛད་པ་པོ་མཆིམས་ནམ་མཁའ་གྲགས་པ་མཆོག་ནི།[1] གླེགས་བམ་ལས། ནམ་མཁའ་ལྟ་བུར་ཀུན་ཁྱབ་པའི། །ཀུན་མཁྱེན་གཉིས་པས་འགྲོ་བ་འཛིན། །

ཕྱོགས་སྒྲིག་པའི་སྔོན་གླེང་།   རིགས་རུས་ཕུན་ཚོགས་སྐུ་ཡི་ཆེ་བ་དང་། ། འཕགས་བོད་ཡུལ་དུ་གཞན་དོན་ཕུན་ཚོགས་ཀྱི། ། འཕྲིན་ལས་རྒྱུན་གྱི་རྒྱལ་བསྟན་དར་འཕེལ་སོགས། ། རྣམ་ཐར་ཁུངས་བཙན་ཟབ་གསལ་ཕྱོགས་གཅིག་བཀོད། ། ཅེས་བསྟོད་ཕྱག་སྔོན་དུ་བཏང་སྟེ། ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ཕྱོགས་བསྒྲིགས་པོད་ཕྲེང་གཉིས་པ་འདིར། ༡༽ སྣར་ཐང་གདན་རབས་བདུན་པ་མཆིམས་ནམ་མཁའ་གྲགས་པ་ (1210-1285) མཆོག་གིས་མཛད་པའི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་རྒྱས་པ་ཡོངས་གྲགས་དང་།

ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ཕྱོགས་བསྒྲིགས་གླེགས་བམ་གཉིས་པའི་དཀར་ཆག   ཕྱོགས་སྒྲིག་པའི་སྔོན་གླེང་། ༡༽ མཆིམས་ནམ་མཁའ་གྲགས་མཆོག་གི་རྣམ་ཐར། ༢༽ ལས་ཆེན་ཀུན་དགའ་རྒྱལ་མཚན་མཆོག་གི་རྣམ་ཐར། ༣༽ དཔའ་བོ་གཙུག་ལག་ཕྲེང་བ་མཆོག་གི་རྣམ་ཐར། ༤༽ ཇོ་ནང་ཀུན་དགའ་གྲོལ་མཆོག་གི་རྣམ་ཐར། ༥༽ བདག་ཆེན་ཀུན་དགའ་བསོད་ནམས་ཀྱི་རྣམ་ཐར། ༦༽ ཡོངས་འཛིན་ཡེ་ཤེས་རྒྱལ་མཚན་རྣམ་ཐར།

༄༅། །ཇོ་བོའི་རྣམ་ཐར་ཁ་སྐོང་ཟུར་དུ་གླེང་བ་ཟུར་བརྩམས་ཐོར་བུ་བ་བཞུགས་སོ།།   ༼ནག་ཚོ་ལོ་ཙཱ་བ་དང་། རྔོག་བློ་ལྡན་ཤེས་རབ་སོགས་ཀྱིས་མཛད།༽   ལོ་རྒྱུས་འདི་ཡི་དབང་དུ་བྱས་ན། འོ་སྐོལ་མི་ལུས་ཐོབ་པ་རྣམས་ཀྱིས། གཞི་ཚུལ་ཁྲིམས་རིན་པོ་ཆེ་ལ་གཙོ་བོར་བཟུང་ནས། འཆི་བ་མི་རྟག་པའི་ལྕག་གིས་བསྐུལ་ཏེ། ཉིན་དང་མཚན་དུ་གཏན་གྱི་སྐྱབས་གནས་དཀོན་མཆོག་གསུམ་ལ་བཅོལ། ཅི་ནས་ཀྱང་སེམས་ཅན་གྱི་དོན་དུ་སངས་རྒྱས་ཅི་ཐོབ་ཏུ་བྱེད་པའི་སེམས་བསྐྱེད། སྦྱོར་བ་ཡན་ལག་བདུན་པ་སྔོན་དུ་བཏང་། དངོས་གཞི་སྟོང་པའི་ངང་ལས་ཚད་མེད་པ་བཞི་གཡེལ་མེད་བསྒོམ། མཇུག་སྟོང་པ་ཉིད་ཀྱི་རྒྱས་གདབ་ཅིང་དགེ་རྩ་བསྔོ།

༄༅། །ཇོ་བོ་ཆེན་པོ་རྗེ་ལྷ་གཅིག་གི་རྣམ་པར་ཐར་པ་བཞུགས་སོ།།   ༼བྱ་འདུལ་བ་འཛིན་པ་བརྩོན་འགྲུས་འབར་གྱིས་ (1100–1174) མཛད།༽   ༄༅། །རྗེ་བཙུན་སྒྲོལ་མ་ལ་ཕྱག་འཚལ་ལོ། །རྒྱལ་བའི་མདུན་ན་རྒྱལ་སྲས་བཟང་པོ་སྐྱོང་། །ཁ་བ་ཅན་ན་དཔལ་ལྡན་མར་མེ་མཛད། །དགའ་ལྡན་གནས་ན་ནམ་མཁའ་དྲི་མ་མེད། །ཡིད་བཞིན་ནོར་བུ་ལྟ་བུར་གཞན་དོན་མཛད། །ཇོ་བོ་ཨ་ཏི་ཤ་ (ཨ་ལས་རྣལ་འབྱོར་པ་ཆེན་པོ། ཏི་ལས་པཎྜི་ཏ་ཆེན་པོ། ཤ་ལས་དགེ་སློང་ཆེན་པོ་བྱ་བར་རོ།།) ཕྱག་འཚལ་ལོ། །

༄༅། །ཇོ་བོ་ཆེན་པོ་དཔལ་ལྡན་ཨ་ཏི་ཤའི་རྣམ་པར་ཐར་པ་བཞུགས་ལགས་སོ།། ལུང་བསྟན་པའི་ཚུལ་རགས་རིམ་པ་ཡིན་ལགས།   ༼འབྲོམ་སྟོན་རྒྱལ་བའི་འབྱུང་གནས་ཀྱིས་ (1004/1005-1064) མཛད།༽   ༄༅། །རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །དེ་ནས་བླ་མ་དམ་པ་གསེར་གླིང་པས། །བྱམས་པ་ཐོགས་མེད་རྗེས་སུ་འབྲངས་པ་ཡིས། །བསམ་པ་སེམས་བསྐྱེད་གདམས་ངག་དུ་མས་བསྐྱངས། །ཤེས་རབ་ཕ་རོལ་ཕྱིན་པའི་གཞུང་འགྲེལ་རྣམས། །ཐམས་ཅད་ཡོངས་སུ་རྫོགས་པར་རྗེ་ལ་གནང་། །ཐེག་པ་ཐུན་མོང་རྣམ་པར་བཞག་པ་དང་། །གྲུབ་མཐའི་འདོད་ལུགས་དུ་མའང་རྣམ་པར་བསྟན། །

༄༅། །དཔལ་ལྡན་ཨ་ཏི་ཤའི་རྣམ་པར་ཐར་པ་ཆོས་ཀྱི་འབྱུང་གནས་ཞེས་བྱ་བ་བཞུགས་སོ།། གསེར་གླིང་དུ་བྱོན་པའི་རྣམ་ཐར་ལམ་ཡིག་ཆུང་བ་གསང་སྐོར་མ་འབྲོམ་གྱིས་ནག་ཚོ་ལ་གསུངས་པའི་སྐོར་རྣམས་བཞུགས།   ༼འབྲོམ་སྟོན་རྒྱལ་བའི་འབྱུང་གནས་ཀྱིས་ (1004/1005-1064) མཛད།༽   ༄༅། །རྒྱ་གར་སྐད་དུ། །གུ་རུ་གུ་ཎ་དྷརྨཱ་ཀ་རཱ་ནཱ་མ། བོད་སྐད་དུ། བླ་མའི་ཡོན་ཏན་ཆོས་ཀྱི་འབྱུང་གནས་ཞེས་བྱ་བ། བསྟན་པའི་རྩ་ལག་སྐྱེས་མཆོག་བླ་མ་དམ་པ་རྣམས་ལ་ཕྱག་འཚལ་ལོ། །

ཡང་ཡེར་པ་ལྷ་རི་སྙིང་པོའི་མགུལ་ན་ཇོ་བོ་ཡབ་སྲས་གཉིས་བཞུགས་པའི་དུས་སུ། རྔོག་ལེགས་པའི་ཤེས་རབ་ཀྱིས་ཇོ་བོ་དང་རྒྱལ་བ་རྒྱ་མཚོ་ཐུན་མོང་དུ་ཕྱག་ལ་སོགས་པ་ཡན་ལག་བདུན་པ་དང་། ཁྱད་པར་དུ་དངུལ་དཀར་གྱི་མཎྜལ་མདའ་གང་བ་དུང་ཆུང་དཀར་པོའི་རྒྱན་བཀོད་ནས་ཕུལ་ཏེ་ཐལ་མོ་སྦྱར་ནས། བླ་མའི་ཡོན་ཏན་དེ་འདྲ་བ་ཐོས་ཙ་ན། མིག་གི་མཆི་མ་འཁྲུག །ལུས་ཀྱི་བ་སྤུ་གཡོ། འདི་ལྟ་བུའི་སྐྱེས་རབས་བདེ་བར་གཤེགས་པའི་མདོ་སྡེ་དང་འདྲ་བ།

དེ་ནས་ཐོ་གླིང་པདྨོའི་གླིང་དུ་ཕྱག་ཕེབས་པའི་དུས་སུ། མགོན་པོ་ཨ་ཏི་ཤས་བལ་པོའི་རྒྱལ་པོ་ཆེན་པོར་བསྐུལ་བ། ད་ནི་རྒྱལ་པོ་ཆེན་པོ་བལ་པོའི་ཐང་དུ་དྷི་ཧ་རའི་གཙུག་ལག་ཁང་ཞེས་བྱ་བ། རྒྱ་བོད་གཉིས་ཀྱི་བར་གྱི་སོ་འཛིན་པའི་གཙུག་ལག་ཁང་ཆེན་པོ། ཕངས་མཐོ་བ། རྒྱ་ཆེ་བ། བབས་ལེགས་པ། བསིལ་ཁང་དང་ཞལ་ལའི་ཁྲིགས་ལེགས་པ། གསེར་ཀ་སུམ་ཅུ་རྩ་གཉིས། གཡུའི་ཀ་བ་ཤང་ཤང་གིས་བརྒྱན་པ་བརྒྱད། ཤེལ་གྱི་ཀ་བ་གཉིས་དང་བཅས་ཏེ་ཐམས་ཅད་ཀྱང་འཕྲུལ་མིག་ཕུན་སུམ་ཚོགས་པར་མཛོད།

དེ་ལྟར་གསེར་གླིང་དུ་རྒྱ་གར་བའི་ལུགས་ཀྱི་ཕྱེད་ལོ་བརྩིས་པའི་ལོ་བཅུ་གཉིས་ཀྱི་བར་བཞུགས་ཤིང་། སྤྱིར་ཐེག་པ་ཆེན་པོའི་ཆོས་མཐའ་ཡས་པ་དང་། ཁྱད་པར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་གཤེགས་ཤུལ་བསྟན་པ་ལ་འཇུག་པའི་ལམ་རིམ་དང་། བདག་གཞན་བརྗེ་བའི་བྱང་ཆུབ་ཀྱི་སེམས་སྒོམ་པའི་མན་ངག་ཐུན་མོང་མ་ཡིན་པ་རྣམས་གསན་ནས། ཐུགས་དམ་ཉམས་ལེན་གྱི་གཙོ་བོར་གནང་ཞིང་།