༠༡ མགོན་པོ་ཀླུ་སྒྲུབ་ཀྱི་གསུང་འབུམ།

༄༅། །དེ་ཁོ་ན་ཉིད་སྒྲོན་མ། ༄༅༅། །རྒྱ་གར་སྐད་དུ། ཏཏྟྭ་པྲ་དཱི་པཾ་ནཱ་མ༌[1]བཛྲ་པཱ་ཎི་སརྦ་པཱུརྞཱ་ལཾ་ཀཱ་ར།[2] བོད་སྐད་དུ། དེ་ཁོ་ན་ཉིད་སྒྲོན་མ་ཞེས་བྱ་བ། །ཕྱག་ན་རྡོ་རྗེའི་སྒྲུབ་ཐབས་ཐམས་ཅད་རྫོགས་པའི་རྒྱན། དཔལ་ལྡན་གོས་སྔོན་ཅན་ལ་ཕྱག་འཚལ་ལོ། །སྡུག་བསྔལ་མ་ལུས་སེལ་མཛད༌[3]ཅིང་། །འདོད་པ་ཐམས་ཅད༌[4]འགྲུབ་མཛད་པའི། །ཟླ་བ་ལྟ་བུར་མཐུ་མངའ་བ། །བདེ་བའི་དངོས་པོ་འབྱུང་མཛད་པའི། །ཡིད་བཞིན་ནོར་བུ་མཐུ་མངའ་བ། །རྡོ་རྗེ་ཅན་ལ་རབ་བཏུད་དེ། །

༄༅། །ཕྱག་ན་རྡོ་རྗེའི་ལམ་ཡན་ལག་བརྒྱད་པ།  ༄༅༅། །རྒྱ་གར་སྐད་དུ། བཛྲ་པཱ་ཎི་མཱརྒཱཥྚཱཾ་བ།[1] བོད་སྐད་དུ། ཕྱག་ན་རྡོ་རྗེའི་ལམ་ཡན་ལག་བརྒྱད་པ། འཕགས་པ་ལག་ན་རྡོ་རྗེ་ལ་ཕྱག་འཚལ་ལོ། །རིགས་ལྔ་ཁྲོ་བོ་རིགས་གཅིག་པས། །གཉིས་པོ་དབྱེར་མེད་རྣམ་བཞི་འདྲས། །བཅོམ་ལྡན་དེ་བཏུད་སྒྲུབ་པའི་ཐབས། །གཏུམ་པོ་ཁྲོས་པའི་གཞུང་བཞིན་བྱ། །དེ་ལ་དུར་ཁྲོད་ལ་སོགས་པའི་གནས་སུ་གདོང་ལ་སོགས་པ་དག་པར་བྱས་ཏེ་དྲི་ཆུའི་ཆག་ཆག་བཏབ་ལ།

༄༅། །རྡོ་རྗེ་ཁྲོ་བོ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག། ༄༅༅། །རྒྱ་གར་སྐད་དུ། ཙཎྜ་བཛྲ་ཀྲོ་དྷ་དེ་བ་པཉྩ་ནཱ་མ་མཎྜལ་བི་དྷིཿ། བོད་སྐད་དུ། རྡོ་རྗེ་ཁྲོ༌[1]བོ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག །བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ལོ། །གཏུམ་པོ་ཁྲོས་པས་ཞེ་སྡང་འཇོམས། །སྟོང་ཉིད་སྙིང་རྗེ་དབྱེར་མེད་པ། །རྡོ་རྗེ་འཆང་ལ་རབ་བཏུད་ནས། །དེ་ཡི་དཀྱིལ་འཁོར་ཆོ་ག་བཤད། །དུར་ཁྲོད་ལ་སོགས་གནས་ཆེན་དུ། །གཟའ༌[2]སྐར་དུས་ཚེས་བཟང་པོ་ལ། །བསྙེན་པ་རྫོགས་པའི་སློབ་དཔོན་གྱིས། །

༄༅། །རིམ་པ་ལྔ་པ། ༄༅༅། །རྒྱ་གར་སྐད་དུ། པཉྩ་ཀྲ་མ། བོད་སྐད་དུ། རིམ་པ་ལྔ་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མགོན་པོ་སངས་རྒྱས་ཀུན་བདག་ཉིད། །དཔལ་ལྡན་བདེ་ཆེན་ལ་བཏུད་དེ། །རྣལ་འབྱོར་རྒྱུད་ཀྱི་རྗེས་འབྲངས་ནས། །རྡོ་རྗེ་བཟླས་པའི་རིམ་བཤད་བྱ། །བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །སེམས་ཅན་རྣམས་ཀྱི་སྲོག་གྱུར་པ། །རླུང་ཞེས་བྱ་བ་ལས་ཀུན་བྱེད། །