༠༣ སངས་རྒྱས་བསྐྱངས་ཀྱི་གསུང་འབུམ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཞལ་སྔ་ནས། ཞི་དུལ་བག་ཡོད་དྲང་སྲོང་ཆེན་པོའི་སྐུ།། ས་སྟེང་རིན་ཆེན་ཟབ་རྒྱས་ལེགས་བཤད་གསུང་།། ཉམས་རྟོགས་ཡོན་ཏན་རྒྱན་གྱིས་མཛེས་པའི་ཐུགས།། བསམ་ཞིང་དྲན་པས་དད་གུས་ཐལ་མོ་སྦྱོར།། ངོས་རང་ལ་དྭགས་སུ་འབྱོར་བའི་སྐབས་ཤིག་ལ་ཁྲི་ཟུར་རིན་པོ་ཆེས་འཇིགས་བྱེད་བསྙེན་ཆེན་གྲུབ་མ་ཐག་ཡིན་པ་སྐུ་མདུན་དུ་བཅར་ནས་བསྙེན་ཆེན་གནང་སའི་བཞུགས་གདན་དེ་ག་རང་གི་ཐོག་ནས་གསུང་ཆོས་ཞུས་ཤིང་།

༄༅། །བུདྡྷ་པཱ་ལི་ཏའི་འགྲེལ་ངག་དང་པོའི་མདོར་བསྟན་ལས་འཕྲོས་པའི་དཀའ་གནད་མུན་སེལ་སྒྲོན་མེ། ལྷ་རམས་པ་བཀྲ་ཤིས་རྒྱ་མཚོ། མཁྱེན་བརྩེ་ནུས་པའི་གཡུ་རལ་མཁའ་རུ་འཕྱོ། །འཆད་རྩོད་རྩོམ་པའི་མཆེ་སྡེར་རྣོ་ཞིང་རྒྱས། ། རབ་འབྱམས་གཞུང་ལུགས་ཀུ་མུད་ཁ་འབྱེད་པའི། །འཕགས་བོད་མཁས་མང་གདོང་ལྔའི་དབང་རྣམས་རྒྱལ། །  དེ་ལ་འདིར་བུདྡྷ་པཱ་ལི་ཏའི་བདག་སྐྱེ་འགོག་ཚུལ་ལས་འཕྲོས་པའི་གཞུང་དོན་ལ་ཅུང་ཙམ་དཔྱད་པ་ལ་གསུམ།