༠༩ འཕགས་པ་ཐོགས་མེད་ཀྱི་གསུང་འབུམ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཞལ་སྔ་ནས། ཞི་དུལ་བག་ཡོད་དྲང་སྲོང་ཆེན་པོའི་སྐུ།། ས་སྟེང་རིན་ཆེན་ཟབ་རྒྱས་ལེགས་བཤད་གསུང་།། ཉམས་རྟོགས་ཡོན་ཏན་རྒྱན་གྱིས་མཛེས་པའི་ཐུགས།། བསམ་ཞིང་དྲན་པས་དད་གུས་ཐལ་མོ་སྦྱོར།། ངོས་རང་ལ་དྭགས་སུ་འབྱོར་བའི་སྐབས་ཤིག་ལ་ཁྲི་ཟུར་རིན་པོ་ཆེས་འཇིགས་བྱེད་བསྙེན་ཆེན་གྲུབ་མ་ཐག་ཡིན་པ་སྐུ་མདུན་དུ་བཅར་ནས་བསྙེན་ཆེན་གནང་སའི་བཞུགས་གདན་དེ་ག་རང་གི་ཐོག་ནས་གསུང་ཆོས་ཞུས་ཤིང་།

དགུ་པ། འཕགས་པ་ཐོགས་མེད་ ༼ཨསཾགཿ༽ ཀྱི་རྣམ་ཐར། ཀ༽ འཕགས་པ་ཐོགས་མེད་ཀྱི་མཚན་དོན།   དེ་ཡང་ཆོས་རྒྱུན་གྱི་ཏིང་ངེ་འཛིན་གྱི་མཐུས་འཕགས་པ་བྱམས་པ་ལས་ཆོས་གསན་ནས་འཛམ་བུ་གླིང་དུ་ཐེག་པ་ཆེན་པོའི་ཆོས་དར་བར་མཛད་པའི་སློབ་དཔོན་ཐོགས་མེད་ཀྱི་མཚན་དོན་ནི། རྡོ་སྦིས་དགེ་བཤེས་ཤེས་རབ་རྒྱ་མཚོས་ (1884-1968) མཛད་པའི་སྟོན་པ་དང་རྒྱན་དྲུག་མཆོག་གཉིས་ཀྱི་སྐུ་ཐང་གི་ཞལ་བྱང་དུ་གནང་བ་ལས[1]། འཕགས་པའི་གཟིགས་པ་དག་པའི་ཡེ་ཤེས་འོད། །འོད་བྱེད་ས་ཡི་རྣམ་པར་སྤྲོ་བའི་མགོན། །

གངས་ཅན་ལྗོངས་སུ་འཕགས་པ་ཐོགས་མེད་ཀྱིས་ས་སྡེ་ལྔ་དང་སྡོམ་རྣམ་གཉིས་སོགས་མཛད་པར་གྲགས། རྒྱ་ནག་ཏུ་ཐོགས་མེད་ཀྱིས་མཛད་པར་གྲགས་པ་ «འཕགས་པའི་བསྟན་པ་བསྟན་པའི་བསྟན་བཅོས་» ཞེས་པ་ཞིག་ཤྱན་ཙང་གིས་བསྒྱུར་བ་རྒྱ་ནག་སྐད་དུ་ 顯揚聖教論 (Xiǎnyáng shèngjiào lùn; T1602) ཞེས་གྲགས་པ་ཞིག་ཡོད་པར་བཤད།

༄༅། །ཡོངས་འཛིན་དམ་པ་རྗེ་བཙུན་བློ་བཟང་ཚུལ་ཁྲིམས་དཔལ་བཟང་པོའི་གསུང་ལས་རྒྱན་དྲུག་མཆོག་གཉིས་ཀྱི་རྣམ་ཐར་དང་གྲུབ་མཐའ་བཞི་སོ་སོའི་ལུགས་ཀྱི་གཞི་ལམ་འབྲས་གསུམ་གྱི་རྣམ་གཞག །ལེ་ཚན་ཆོས་འབྱུང་། རིགས་ལྡན་དྲག་པོ་འབྱོན་དུས། བྱ་སྤྱོད་གཉིས་ཀྱི་ལམ་རིམ་མདོར་བསྡུས། གཞུང་བསྒྱུར་ལེ་ཚན་བཅས་བཞུགས་སོ།།[1]   (མཛད་པ་པོ། འབྲོང་རྩེ་བློ་བཟང་ཚུལ་ཁྲིམས་ (1745-1800) གྱིས་མཛད།)