ཙ༽ དཔལ་ལྡན་ཨ་ཏི་ཤའི་རྣམ་ཐར།

ཇོ་བོ་རྗེ་དཔལ་ལྡན་ཨ་ཏི་ཤའི་སྐུ་བརྙན་བྱོན་གཙང་འདི་ཉིད་དང་། འབྲོམ་སྟོན་རྒྱལ་བའི་འབྱུང་གནས་ཀྱིས་མཛད་པའི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་གསོལ་འདེབས་འདི་གཉིས་ཇོ་བོའི་འཁྲུངས་ཡུལ་བྷང་གྷ་ལའི་ཡུལ་གྱི་དྷརྨ་རཀྵི་ཏའི་གཙུག་ལག་ཁང་དུ་བཞུགས་སུ་གསོལ་ཡོད། ཁོང་ཚོར་ཇོ་བོའི་གསུང་མདོ་ཕྱོགས་དང་སྔགས་ཕྱོགས་སྐོར་ཤིང་དཔར་པོད་གཅིག་ཙམ་བཞུགས་ཡོད་འདུག  

༄༅། །ན་མོ་ཨཱརྱ་ཏཱ་རེ་ཡ། ཨོཾ་བཅོམ་ལྡན་འདས་མ་ལྷ་མོ་སྒྲོལ་མ་ལ་ཕྱག་འཚལ་ལོ། ། ཕྱག་འཚལ་སྒྲོལ་མ་ཏཱ་རེ་དཔའ་མོ། །ཏུཏྟཱ་རེ་ཡིས་འཇིགས་ཀུན་སེལ་མ། ། ཏུས་རེས་དོན་རྣམས་ཐམས་ཅད་སྟེར་མ། །སྭཱཧཱ་ཡི་གེ་བཅུ་ལ་རབ་འདུད། ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། འདི་ཡི་ལོ་རྒྱུས་ནི། ཇོ་བོ་རྗེ་དཔལ་ལྡན་ཨ་ཏི་ཤ་སྙེ་ཐང་འོར་དུ་བཞུགས་པའི་ཚེ་ལེགས་པའི་ཤེས་རབ་གློ་བུར་དུ་བསྙུང་བ་ལ། འབྲོམ་སྟོན་པས་པྲ་ཕབས་པར་དུས་གཅིག་ལ་སྒྲོལ་མ་ཁྲི་ཚར་བཏོན་ན། ནད་ལས་གྲོལ་ཞེས་བྱུང་བ་ན།

༄༅། །དཔལ་མཉམ་མེད་ཇོ་བོ་ཨ་ཏི་ཤའི་བསྟོད་པ་ཟ་མ་ཏོག་བཀོད་པ་ཞེས་བྱ་བ་བཞུགས་སོ།།   ༼མངའ་རིས་རི་སྐྱ་ལྷ་འོད་བསྟན་འཛིན་འཇམ་དབྱངས་ལྷུན་གྲུབ་ཀྱིས་མཛད།༽   གང་ཞིག་སྐལ་ལྡན་འགྲོ་བའི་ཡིད་ཀྱི་མཁར། །རྟེན་འབྱུང་གཏམ་གྱི་དབྱར་སྐྱེས་རྔ་གསང་ཆེ། །ཆེར་སྒྲོག་མ་རིག་གཉིད་ཐུན་ཟློག་མཛད་པ། །ཤཱཀྱའི་རྒྱལ་པོས་དེང་འདིར་དགེ་ལེགས་སྩོལ། །འགྲོ་བའི་བླ་མ་དཔལ་ལྡན་མར་མེ་མཛད། །གང་ལ་ཕྱག་འཚལ་རྣམ་པར་ཐར་པའི་སྤྲིན། །སྐལ་བཟང་སྐྱེ་བོའི་མཁའ་ལ་རབ་དཀྲིགས་ཏེ། །དངོས་གྲུབ་འདོད་རྒུའི་གྲུ་ཆར་འདི་ན་ཕབ། །ཐུབ་པའི་སྤྱན་སྔར་རྒྱལ་སྲས་བཟང་པོ་སྐྱོང་། །རྡོ་རྗེ་གདན་དུ་དཔལ་ལྡན་མར་མེ་མཛད། །

༄༅། །ཇོ་བོ་རྗེ་དཔལ་ལྡན་ཨ་ཏི་ཤས་འབྲོམ་སྟོན་པ་རྒྱལ་བའི་འབྱུང་གནས་རང་གི་རྒྱལ་ཚབ་ཏུ་དབང་བསྐུར་བའི་རྒྱུ་མཚན་སྐོར་གླེང་བ།   [ནང་དོན་གནད་བསྡུས།] དཔྱད་རྩོམ་འདིར་ཨ་ཏི་ཤ་དང་འབྲོམ་སྟོན་པ་གཉིས་ཀྱི་རྣམ་ཐར་གཞིར་བཟུང་ཐོག ཨ་ཏི་ཤ་ཉིད་ཀྱིས་རང་གི་སློབ་མ་ཕུལ་དུ་བྱུང་བ་མང་དུ་ཡོད་པའི་ཁྲོད་ཀྱི་འབྲོམ་སྟོན་པར་སྐྱེས་བུ་གསུམ་གྱི་ལམ་གྱི་རིམ་པའི་གདམས་པ་གནང་སྟེ། རང་གི་རྒྱལ་ཚབ་ཏུ་དབང་བསྐུར་བའི་དགོས་པ་དང་རྒྱུ་མཚན། ཇོ་འབྲོམ་ཡབ་སྲས་བར་གྱི་འབྲེལ་ལམ་སོགས་ཀྱི་སྐོར་གླེང་ཡོད།