ང༽ ལེགས་ལྡན་འབྱེད་ཀྱི་རྣམ་ཐར།

༄༅། །སློབ་དཔོན་ལེགས་ལྡན་འབྱེད་ཀྱི་བསྟོད་པ། ༼༸གོང་ས་༸སྐྱབས་མགོན་ཆེན་པོ་མཆོག་གིས་མཛད།༽   བདེན་པའི་དངོས་པོ་སྐྱེ་སོགས་མཐའ་བཀག་ཅིང༌། ། ཚད་མ་མཐུན་སྣང་ཕྱི་དོན་བཞེད་པ་ཡི། ། གྲུབ་མཐའ་སྲོལ་བཏོད་ཡོངས་རྫོགས་པཎྜི་ཏ། ། སློབ་དཔོན་ལེགས་ལྡན་འབྱེད་ལ་གསོལ་བ་འདེབས། ། ཟབ་མོའི་དོན་ལ་སྐྲག་པ་སྤངས་པའི་ཕྱིར། ། རང་བཞིན་མི་འགོག་ཐུན་མིན་སྡོད་ལུགས་ཚུལ། ། བཀག་ནས་འཕགས་པའི་དགོངས་པ་རང་རྒྱུད་དུ། ། འགྲེལ་མཛད་ཟླ་བྲལ་སློབ་དཔོན་ལེགས་ལྡན་འབྱེད། །

ཁ༽ དཔལ་ལྡན་ཟླ་བ་གྲགས་པའི་མཚན་གྱི་རྣམ་གྲངས།   དེ་ཡང་བོ་དོང་ཕྱོགས་ལས་རྣམ་རྒྱལ་ (1375-1450) གྱིས་མཛད་པའི་དཔལ་ལྡན་ཟླ་བ་གྲགས་པ་ལ་བསྟོད་པ་བུང་བའི་སྒྲ་དབྱངས་གཡོ་བ་ལས[1]། ཚོགས་གཉིས་ཤར་རིའི་རྩེ་མོར་རབ་སོན་ཅིང་། །བརྩེ་བའི་དཀྱིལ་འཁོར་མ་ལུས་ཡོངས་སུ་རྫོགས། ། མཁྱེན་པའི་འོད་ཀྱིས་ཀུན་ཏུ་ཁྱབ་མཛད་པ། །དཔལ་ལྡན་ཟླ་བ་གྲགས་པའི་ཞབས་ལ་འདུད། །

བ༽ སློབ་དཔོན་ལེགས་ལྡན་འབྱེད་ཀྱི་རྣམ་ཐར་གྱི་སྙིང་པོ།   ལྷོ་ཕྱོགས་མ་ལ་ཡ་རུ་རྒྱལ་རིགས་སུ། །སྐུ་འཁྲུངས་ཀླུ་སྒྲུབ་བསྟེན་ནས་མཁས་པར་གྱུར། ། རང་རྒྱུད་སྲོལ་བཏོད་ཕྱག་རྡོར་ཞལ་གཟིགས་ནས། །རིག་འཛིན་གནས་གཤེགས་ལེགས་ལྡན་འབྱེད་ལ་འདུད། །

ཕ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་ཆོས་རྣམས་བདེན་པར་མ་གྲུབ་ཀྱང་། རང་གི་མཚན་ཉིད་ཀྱིས་གྲུབ་པའི་ཁར་ཆོས་ཅན་མཐུན་སྣང་བ་དང་ཕྱི་དོན་སོགས་བཞེད་པའི་དབུ་མ་རང་རྒྱུད་པའི་སྲོལ་ཕྱེ་བའི་སྒོ་ནས་སློབ་དཔོན་ལེགས་ལྡན་འབྱེད་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཐམས་ཅད་མཁྱེན་པས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]།