དཔལ་ནཱ་ལེནྡྲའི་བྱུང་རབས།

ཨཱརྱ་བྷཊྚ་དང་། ནཱ་ལེནྡྲའི་གཙུག་ལག་ཁང་།   ༄༅། །ཡིག་ཐོག་ཏུ་བཀོད་པའི་དྲི་བ་འདི་གལ་ཆེན་པོ་རེད། དྲི་བ་འདིའི་ནང་། ཁ་སང་ངས་ཨཱརྱ་བྷཊྚའི་སྐོར་ཞུས་པ་ཡིན། ཨཱརྱ་བྷཊྚ་ (Aryabhata) ནང་པ་དང་ནཱ་ལེནྡྲ་ནས་མིན་པར། ཏཀྵ་ཤིལ་ནས་ཡིན་པ་གསུང་མཁན་འདུག་པས། དེ་གང་འདྲ་ཡིན་ནམ་ཞེ་ན། དེ་དངོས་གནས་རེད། ད་ལྟའི་གནས་སྐབས་ལ་རྒྱ་གར་ནང་ཨརྱ་བྷ་དྲ་ནང་པ་ཡིན་པ་ཁས་ལེན་ཧ་ལམ་མེད་པ་ལྟ་བུ་ཆགས་ཡོད། བྷེང་ལོར་དུ་ཡོད་པའི་ཚན་རིག་སློབ་གྲྭ་ཆེན་པོ་ཞིག་གི་ནང་དུ་ཨཱརྱ་བྷཊྚ་ཡི་འདྲ་སྐུ་ཡོད་ལ། འདྲ་སྐུ་དེ་ཡང་བྲམ་ཟེ་ཞིག་གི་རྣམ་པར་བཞེངས་ཡོད་པ་ལས་རབ་ཏུ་བྱུང་བའི་རྣམ་པར་བཞེངས་མེད།

ཏེ་ལཱ་དྷ་ཀའི་གཙུག་ལག་ཁང་། དུས་རབས་དང་པོ་ནས་བཅུ་གཉིས་བར་གནས།   ཏེ་ལཱ་དྷ་ཀའི་གཙུག་ལག་ཁང་། གྲོང་ཁྱེར་ལྷོ་ནུབ་ལེ་དབར་ཉིས་བརྒྱའི་མཚམས་སུ་གཙུག་ལག་ཁང་རྙིང་པའི་ཤུལ་ཡོད། ལོགས་སུ་རྒྱུན་པར་ངོ་མཚར་བའི་ལྟས་དུ་མ་སྣང་ཞིང་། བྱིན་རླབས་སྩལ་བའི་མཆོད་རྟེན་ཡོད་པར་ཉེ་རིང་གི་སྐྱེ་བོ་ཐམས་ཅད་བསྔོ་བ་བྱེད་པར་འོང་། དེར་འདས་པའི་སངས་རྒྱས་རྣམ་བཞི་ཞབས་བཅགས་པའི་ཤུལ་ཡོད། དེ་ནས་ལྷོ་ནུབ་ཕྱོགས་སུ་ལེ་དབར་བརྒྱ་ལྷག་བགྲོད་པས། རྒྱལ་པོ་གཟུགས་ཅན་སྙིང་པོའི་ཚ་བོ་ཐ་ཆུང་གིས་བཞེངས་པའི་གཙུག་ལག་ཁང་ཏེ་ལཱ་དྷ་ཀ་བྱ་བར་སླེབས།

རྒྱ་གར་གྱི་སྲིད་འཛིན་མཆོག་གིས་ནཱ་ལེནྡྲའི་གནའ་ཤུལ་ལ་གཟིགས་སྐོར་གནང་བ། དེ་རིང་རྒྱ་གར་གྱི་སྲིད་འཛིན་མཆོག་གྱུར་ལྕམ་སྐུ་དྲོཔ་དཱི་མུརྨུ་ (Smt Droupadi Murmu) མཆོག་ནཱ་ལེནྡྲ་མ་ཧཱ་བི་ཧཱ་རཱ་ (Nalanda Mahavihara) འམ་ནཱ་ལེནྡྲའི་གཙུག་ལག་ཁང་གི་གནའ་ཤུལ་དུ་གཟིགས་སྐོར་ལ་ཕེབས་ཡོད། གཟིགས་སྐོར་གྱི་སྐབས་དེར། རྒྱ་གར་གནའ་རྫས་རྟོག་ཞིབ་ཁང་གི་འགན་འཛིན་གཙོ་བོ་ (DG-ASI) སྐུ་ཞབས་ཝའི་ཨེས་ར་ཝཏ་ (Shri Y.S. Rawat) མཆོག་གིས། ཡུནེས་ཀོ་ (UNESCO) འཛམ་གླིང་ཤུལ་བཞག་གི་ས་ཚིགས་འདིའི་ལོ་རྒྱུས་དང་རིག་གཞུང་གི་གལ་གནད་དང༌། ད་ལྟའི་ཆར་གནའ་རྫས་རྟོག་ཞིབ་ཁང་གིས་གནའ་ཤུལ་ཉམས་གསོ་དང་སྲུང་སྐྱོབ་ཀྱི་ལས་གཞི་ཇི་ལྟར་སྤེལ་བཞིན་པའི་སྐོར་ལ་སྲིད་འཛིན་མཆོག་ལ་སྙན་སེང་ཞུས་ཡོད།

འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ།   ༄༅༅། །རྒྱ་གར་སྐད་དུ། ཨཱརྱཱ་བ་ལོ་ཀི་ཏེ་ཤྭ་རཱ་ཡ་སྟོ་ཏྲ། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། འཇིག་རྟེན་དབང་ཕྱུག་ལ་ཕྱག་འཚལ་ལོ། །པདྨ་དཀར་པོ་འདབ་བརྒྱད་ཀྱི། །གེ་སར་དཀྱིལ་ན་སྤྱན་རས་གཟིགས། །མན་འཛིའི་རི་དང་མཆོད་ཕྲེང་གཡས། །གཡོན་པ་པདྨོ་ཞགས་པ་འཛིན། །སྤྱན་གསུམ་དབུ་ལ་འོད་དཔག་མེད། །ཤེལ་གྱི་རི་ལྟར་དཀར་བ་སྟེ། །རིན་ཆེན་རྒྱན་གྱིས་རྣམ་པར་སྤྲས། །མ་ཆགས་དཀྱིལ་འཁོར་གཙོ་ལ་བསྟོད། །