དཔལ་ནཱ་ལེནྡྲའི་བྱུང་རབས།

ཡོང་ཁུངས། https://www.facebook.com/photo?fbid=370466138643572&set=a.212739131082941

བརྒྱད་པ། འགྲེལ་མཛད་པཎ་གྲུབ་ཀྱི་རྣམ་ཐར་དང་གཞུང་མཚན། ཀ༽ འགྲེལ་མཛད་པཎ་གྲུབ་ཀྱི་རྣམ་ཐར་སྙིང་བསྡུས།   དེ་ཡང་སྔོན་བྱོན་སློབ་དཔོན་རྣམས་ཀྱིས་སྡེ་སྣོད་གསུམ་དང་རྒྱུད་སྡེ་བཞི་དང་། སྡེ་སྣོད་གསུམ་ལའང་གཞུང་ཆེན་བཀའ་པོད་ལྔ་སོགས་སློབ་དཔོན་སོ་སོས་བསྟན་བཅོས་རྩ་འགྲེལ་མང་དུ་མཛད་པ་སྟེ། དབུ་མའི་མན་ངག་རིན་པོ་ཆེའི་ཟ་མ་ཏོག་ཁ་ཕྱེ་བ་ལས[1]། སྔོན་གྱི་སློབ་དཔོན་རྣམས་ཀྱིས་ཕྱོགས་རེ་རེ་མཛད་དེ། སློབ་དཔོན་ཕྱོགས་ཀྱི་གླང་པོ་དང་། དྷརྨ་ཀཱིརྟི་ལ་སོགས་པས་ཚད་མའི་གཞུང་རྒྱས་པར་མཛད་དོ། །

དཔལ་ནཱ་ལནྡཱའི་ལོ་རྒྱུས། རྩོམ་པ་པོ། སྔ་འགྱུར་མཐོ་སློབ་ལོ་རིམ་ལྔ་པའི་སློབ་གཉེར་བ་བློ་གྲོས།   རྨད་བྱུང་མཚན་དཔེ་བཟང་པོ་འབར་བའི་སྐུ།། དྲི་མས་མ་གོས་ཡན་ལག་དྲུག་ཅུའི་གསུང་།། མཁྱེན་བརྩེའི་བདག་ཉིད་ཡེ་ཤེས་ཐུགས་མངའ་བའི།། དུས་གསུམ་བདེ་གཤེགས་རྣམས་ཀྱི་ཞབས་ལ་འདུད།། ཕྱི་ལྟར་འདུལ་འཛིན་སྡོམ་བརྩོན་དམ་པའི་མཆོག། ནང་ལྟར་ཡུམ་དོན་དགོངས་པའི་གནས་ལ་མཁས།། གསང་བ་ངེས་གསང་རྡོ་རྗེའི་རྣལ་འབྱོར་མང་།། སྐྲུན་གནས་ཆོས་སྡེ་ཆེན་མོ་རྗེས་སུ་དྲན།།

ལུང་ཁུངས་དཔྱད་གཞིའི་ཡིག་ཆ། གཅིག །རྒྱལ་བའི་བཀའ་འགྱུར། བཀའ་འགྱུར་དཔེ་བསྡུར་མ། འདུལ་བ། ༼ཀ༽ དེབ་ཨང་། ༡ པོ། ༡༩༩༥ ལོ། ཤོག་གྲངས་ ༤༠ བཀའ་འགྱུར་དཔེ་བསྡུར་མ། འདུལ་བ་གཞི། ༼ཁ༽ དེབ་ཨང་ ༢ པ། ༡༩༩༥ ལོ། ཤོག་གྲངས་ ༣༠ བཀའ་འགྱུར་དཔེ་བསྡུར་མ། རྒྱུད། ༼ཐ༽ དེབ་ཨང་ ༦ པ། ༡༩༩༥ ལོ། ཤོག་གྲངས་ ༣༦༢ བཀའ་འགྱུར་དཔེ་བསྡུར་མ། འདུལ་བ། ༼ཉ༽ དེབ་ཨང་ ༨ པ། ༡༩༩༥ ལོ། ཤོག་གྲངས་ ༩༤