ཐ༽ སློབ་དཔོན་དབྱིག་གཉེན་གྱི་རྣམ་ཐར།

རྒྱ་གར་ལོ་རྒྱུས་སྟེང་དབྱིག་གཉེན་སྔ་ཕྱི་གཉིས་བྱོན་མྱོང་།   དེ་ཡང་ཇི་སྐད་དུ་མཁས་དབང་དགེ་ཆོས་ཀྱིས། རྒྱ་གར་རིགས་པའི་འབྱུང་གནས་ལྟ་བུ་འདི་ལ་མི་ཟད་པའི་ཉམ་ཐག་པ་ཆེན་པོ་ཞིག་བྱུང་བ་ནི། འདི་ལྟར་སྔོན་གྱི་ཚེ་སྐྱེས་བུ་ཆེན་པོ་སའི་རྒྱན་དུ་གྱུར་པ་ཇི་སྙེད་ཅིག་བྱུང་ཡང་དེ་དག་ལ་རིས་དང་། རྒྱུད་པ་དང་། བྱ་བ་ན་ཚོད་སོགས་མིའི་ལུགས་སུ་བྱས་ནས་དུས་བསྒྲིགས་པའི་རྒྱལ་རབས་རྒྱ་ནག་དང་ཏ་ཟིག་དང་རོ་མན་སོགས་ཀྱིས་བྲིས་པ་དེ་ལྟ་བུ་ཀསྨིར་རྒྱལ་རབས་ར་ཛ་རདྷིནི་བྱ་བ་གོ་དཀའ་བའི་སྙན་དངགས་ཀྱི་ཚིགས་བཅད་དུ་བྱས་པ་ཀླ་ཀློ་སླེབས་ཀྱི་བར་ཁ་ཆེའི་ཡུལ་དུ་གང་བྱུང་བྲིས་པ་འདི་གཅིག་པུ་མ་གཏོགས་ཡེ་མ་བྱུང་བ་ཡིན་ནོ།།

འཛམ་གླིང་རྒྱན་དྲུག་མཆོག་གཉིས་སོགས། སྤྱིར་བསྟན།   ༄༅། །འཕགས་ཡུལ་དུ་འཛམ་གླིང་རྒྱན་དྲུག་དང༌། ཆེན་པོ་བཞི། རྨད་བྱུང་གཉིས་ཏེ་བཅུ་གཉིས་ཞེས་གྲགས་པ་རྣམས་ནི། སློབ་དཔོན་ཀླུ་སྒྲུབ། འཕགས་པ་ཐོགས་མེད། སློབ་དཔོན་ཕྱོགས་གླང་གསུམ་ནི་གཞུང་བྱེད་པ་པོ་དང༌། ཨརྱ་དེ་བ། དབྱིག་གཉེན། ཆོས་ཀྱི་གྲགས་པ་གསུམ་ནི་འགྲེལ་པ་བྱེད་པ་པོ་སྟེ་རྒྱན་དྲུག་དང༌། དཔའ་བོ། སྒྲ་གཅན་འཛིན་བཟང་པོ། ཡོན་ཏན་འོད། ཆོས་སྐྱོང་སྟེ་སློབ་དཔོན་ཆེན་པོ་བཞི། ཡང་ཞི་བ་ལྷ་དང་། ཙནྡྲ་གོ་མི་སྟེ་རྨད་དུ་བྱུང་བའི་སློབ་དཔོན་གཉིས་བཅས་སོ།།

འ༽ སློབ་དཔོན་དབྱིག་གཉེན་གྱི་རྣམ་ཐར་སྙིང་བསྡུས།   བྲམ་ཟེའི་རིགས་འཁྲུངས་ཁ་ཆེའི་ཡུལ་དུ་བྱོན། ། འདུན་བཟང་བསྟེན་ནས་མཁས་པའི་གོ་འཕང་རྙེད། ། འབུམ་སྡེ་གོ་དགུ་ཐུགས་མངའ་བསྟན་བཅོས་མཛད། ། ཀུན་མཁྱེན་གཉིས་པ་དབྱིག་གཉེན་ཞབས་ལ་འདུད། །

ཟ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་མངོན་པ་སྡེ་བདུན་གྱི་རིང་ལུགས་པ་དང་། གཉིས་སྟོང་གི་བཞེད་སྲོལ་རང་ལུགས་སུ་བཟུང་སྟེ་བྱེ་བྲག་སྨྲ་བ་དང་། མདོ་སྡེ་པ། སེམས་ཙམ་པ་བཅས་ཀྱི་གྲུབ་མཐའི་གནད་རྣམས་མ་འདྲེས་པར་ཆེས་ཆེར་གསལ་བར་མཛད་པའི་སྒོ་ནས་སློབ་དཔོན་དབྱིག་གཉེན་ཞབས་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]།