པཎ་གྲུབ་བསྟོད་ཚོགས།

༄༅། །བཅོམ་ལྡན་འདས་འཕགས་པ་འཇམ་དཔལ་གྱི་བསྟོད་པ་བྱིན་རླབས་ཅན་དང་བཅས་པ།།   ༄༅༅། །རྒྱ་གར་སྐད་དུ། བྷ་ག་བཱན་ཨཱརྱ་མཉྫུ་ཤྲཱི་ཨ་དྷི་ཥྛ་ན་དྷུ་ཏི། བོད་སྐད་དུ། བཅོམ་ལྡན་འདས་འཕགས་པ་འཇམ་དཔལ་གྱི་བསྟོད་པ་བྱིན་རླབས་དང་བཅས་པ། བཅོམ་ལྡན་འདས་འཕགས་པ་འཇམ་དཔལ་ལ་ཕྱག་འཚལ་ལོ། །འཇམ་དབྱངས་ཕྱོགས་བཅུའི་དེ་བཞིན་གཤེགས་པ་བྱེ་བ་རྣམས་ཀྱིས་བསྟོད་པར་འགྱུར་མོད་དེ་ལྟ་ནའང་། །བསམ་པ་བླུན་པོའང་བླ་མ་ལ་གུས་དབང་གིས་ཀྱང་ནི་ཁྱོད་ཀྱི་ཡོན་ཏན་བརྗོད་བགྱི་སྟེ། །

༄༅། །སངས་རྒྱས་གཉིས་པ་དབྱིག་གཉེན་ལ་བསྟོད་པ་དད་པའི་སྒོ་འབྱེད་ཅེས་བྱ་བ་བཞུགས་སོ། །   ༼རྫོགས་ཆེན་མཁན་པོ་ཐུབ་བསྟན་སྙན་གྲགས་(འཁྲུངས་དུས། དུས་རབས་༢༠པ།)༽   ༄༅། །རྣམ་འདྲེན་སྟོན་མཆོག་ཤཱཀྱའི་རྒྱལ་པོ་དེའི། །བདེན་གསུང་ལུང་གིས་རྒྱ་ཆེན་སྤྱོད་པ་ཡི། །རྨད་བྱུང་ཤིང་རྟའི་སྲོལ་འབྱེད་བསྔགས་པའི་མགོན། །སངས་རྒྱས་གཉིས་པ་དབྱིག་གཉེན་གྲགས་པ་ཡི། །མཚན་གྱི་གདུགས་དཀར་སྲིད་པ་གསུམ་ཉིད་ཀྱི། །བླ་རུ་མཐོ་བར་གྱུར་དེར་བསྟོད་པར་བགྱི། །

དབུ་མ་རྩ་བ་དང་། བཞི་བརྒྱ་པ། དབུ་མ་འཇུག་པ། སྤྱོད་འཇུག་བཅས་ཁ་ཏོན་དུ་བྱེད་པའི་སྔོན་དུ་འདོན་རྒྱུའི་བསྟོད་པ།   ༼མཛད་པ་པོ། པཎ་ཆེན་བློ་བཟང་ཆོས་རྒྱན་ (1570-1662) གྱིས་མཛད།༽   སྭསྟི། ཐུབ་པའི་དབང་པོས་རྒྱལ་བའི་བསྟན་པ་ལ། ། བདག་ཉིད་ཇི་བཞིན་ལེགས་པར་བསྔགས་པ་ཡི། ། གདེངས་ཀ་ནོར་བུའི་འོད་ཆགས་སྐྱེ་དགུའི་གཉེན། ། འཕགས་མཆོག་ཀླུ་སྒྲུབ་ཞབས་ལ་ཕྱག་འཚལ་ལོ། ། ཞེས་པ་འདི་ཡང་དབུ་མ་རྩ་བ་ཁ་ཏོན་དུ་བྱེད་པའི་སྔོན་དུ་གདོན་ཕྱིར་དགེ་སློང་བློ་བཟང་ཆོས་ཀྱི་རྒྱལ་མཚན་གྱིས་སྨྲས་པའོ།།

དཔལ་ནཱ་ལེནྡྲའི་པཎ་གྲུབ་བཅུ་བདུན་ལ་བསྔགས་པ།   རྩོམ་པ་པོ། སྙན་ངག་པ། ངུར་སྨྲིག   ཡང་དག་དགོངས་པས་ལུམྦྷིའི་ཚལ་དུ་བལྟམས། ། མཛད་པ་བཅུ་གཉིས་སྒོ་ནས་གཟིགས་པའི་མཆོག ། བདུད་བཞི་བཅོམ་ཞིང་བདེ་བར་གཤེགས་པའི་དཔལ། ། བཅོམ་ལྡན་ཟས་གཙང་སྲས་པོའི་ཞབས་ལ་འདུད། །   བད་གཤེགས་ཟས་གཙང་སྲས་པོ་སྐུ་འདས་ནས། ། ལོ་ནི་བཞི་བརྒྱའི་མཚམས་ནས་བེདྷའི་སར། ། ཤིང་རྟའི་སྲོལ་འབྱེད་ངོ་མཚར་དགེ་སློང་མཆོག ། ཀླ་སྒྲུབ་སྙིང་པོའི་ཞབས་ལ་གསོལ་བ་འདེབས། །