ཏ༽ འཕགས་པ་ཐོགས་མེད་ཀྱི་རྣམ་ཐར།

འཛམ་གླིང་རྒྱན་དྲུག་མཆོག་གཉིས་སོགས། སྤྱིར་བསྟན།   ༄༅། །འཕགས་ཡུལ་དུ་འཛམ་གླིང་རྒྱན་དྲུག་དང༌། ཆེན་པོ་བཞི། རྨད་བྱུང་གཉིས་ཏེ་བཅུ་གཉིས་ཞེས་གྲགས་པ་རྣམས་ནི། སློབ་དཔོན་ཀླུ་སྒྲུབ། འཕགས་པ་ཐོགས་མེད། སློབ་དཔོན་ཕྱོགས་གླང་གསུམ་ནི་གཞུང་བྱེད་པ་པོ་དང༌། ཨརྱ་དེ་བ། དབྱིག་གཉེན། ཆོས་ཀྱི་གྲགས་པ་གསུམ་ནི་འགྲེལ་པ་བྱེད་པ་པོ་སྟེ་རྒྱན་དྲུག་དང༌། དཔའ་བོ། སྒྲ་གཅན་འཛིན་བཟང་པོ། ཡོན་ཏན་འོད། ཆོས་སྐྱོང་སྟེ་སློབ་དཔོན་ཆེན་པོ་བཞི། ཡང་ཞི་བ་ལྷ་དང་། ཙནྡྲ་གོ་མི་སྟེ་རྨད་དུ་བྱུང་བའི་སློབ་དཔོན་གཉིས་བཅས་སོ།།

ཝ༽ འཕགས་པ་ཐོགས་མེད་ཀྱི་རྣམ་ཐར་སྙིང་བསྡུས།   པེ་ཤ་ཝར་དུ་རྒྱལ་པོའི་རིགས་སུ་འཁྲུངས། ། བྱམས་པས་རྗེས་བཟུང་ས་སྡེ་སྡོམ་སོགས་མཛད། ། སེམས་ཙམ་སྲོལ་བཏོད་ཐེག་ཆེན་བསྟན་པ་སྤེལ། ། བསྟན་པའི་ཀ་ཆེན་ཐོགས་མེད་ཞབས་ལ་འདུད། ། ཅེས་བསྟོད་ཕྱག་སྔོན་དུ་བཏང་སྟེ། སློབ་དཔོན་འདིའི་ལེགས་སྦྱར་གྱི་མཚན་ལ་ཨ་སཾ་གཿ (असंग,) (Asanga) དང་། རྒྱའི་སྐད་དུ་ (無著) བོད་སྐད་དུ་འཕགས་པ་ཐོགས་མེད་ཅེས་ཞུ་ཞིང་།

ཛ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་རྒྱལ་བས་འཇམ་དཔལ་རྩ་རྒྱུད་དུ་ཇི་ལྟར་ལུང་བསྟན་པ་བཞིན་སེམས་ཙམ་པའི་ཤིང་རྟའི་སྲོལ་ཐོག་མར་ཕྱེ་བའི་ཚུལ་ལས་བརྩམས་ཏེ་སློབ་དཔོན་ཆེན་པོ་འཕགས་པ་ཐོགས་མེད་ཀྱི་ཞབས་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]། བྱམས་པས་རྗེས་བཟུང་ཐེག་ཆེན་སྡེ་སྣོད་ཀུན། །ལེགས་པར་སྤེལ་མཁས་རྒྱ་ཆེན་ལམ་སྟོན་ཞིང༌། ། རྒྱལ་བའི་ལུང་བཞིན་རྣམ་རིག་ཤིང་རྟའི་སྲོལ། །འབྱེད་མཛད་ཐོགས་མེད་ཞབས་ལ་གསོལ་བ་འདེབས། །

༦༽ ཐོགས་མེད་ཀྱིས་མཛད་པའི་དེ་ཉིད་རྣམ་ངེས།   དེ་ཡང་ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]། མཁྱེན་པའི་ཆུ་འཛིན་དཀར་པོ་ལྷུན་སྟུག་ཅིང་། །རྨད་བྱུང་སྤོབས་པའི་གློག་འོད་རབ་འཁྱུག་ལ། ། ལེགས་བཤད་སྤྲིན་གྱི་རྔ་སྒྲ་མངོན་མཐོ་བའི། །འཕགས་པ་ཐོགས་མེད་སྤྲིན་གྱི་དབང་པོར་འདུད། །