ཏ༽ འཕགས་པ་ཐོགས་མེད་ཀྱི་རྣམ་ཐར།

ཕ༽ ཐེག་ཆེན་གྱི་བསྟན་པ་དར་སྤེལ་མཛད་ཚུལ།   དེ་ཡང་༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པའི་སྟོན་པ་རྒྱན་དྲུག་མཆོག་གཉིས་དང་བཅས་པར་པཎ་གྲུབ་དུ་མའི་ཞིང་བཀོད་ངོ་མཚར་ཐོར་བསྡུས་སྤེལ་བར་རྒྱབ་ཡིག་སྨོན་ལམ་ལས[1]། བཅུ་གཉིས་བགྲང་བྱར་སྤྱད་པའི་དཀའ་ཐུབ་འབྲས། །དགའ་ལྡན་གནས་སུ་ཐོགས་པ་མེད་གཤེགས་ནས། ། མ་ཕམ་གསུང་ངག་ཐེག་ཆེན་འཛམ་གླིང་འདིར། །དར་བའི་རྣམ་པར་ཐར་དེ་འཛིན་ནུས་ཤོག །

པ༽ རྒྱལ་པོ་ཟབ་མོའི་མཆོག་གིས་ཉམས་སད་ཚུལ།   དེ་ཡང་ཀུན་མཁྱེན་པདྨ་དཀར་པོས་ (1527-1592) མཛད་པའི་སྟོན་པ་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། བྱམས་མགོན་བཅུ་གཉིས་ལོར་བསྙེན་ནངས་ཀྱི་མཐར། །དངོས་ཀྱིས་རྗེས་བཟུང་ཐུབ་པའི་མདོ་ཀུན་ལས། ། ཐོགས་མེད་འདོན་འདྲི་རྩོད་མཁན་ཀུན་གྱི་དཔང་། །འོད་བྱེད་ས་ལ་གནས་པའི་ཞབས་ལ་འདུད། །

ན༽ བྱམས་ཆོས་རྩོམ་པར་གསོལ་བ་བཏབ་ཚུལ།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་འཕགས་པ་ཐོགས་མེད་ཀྱི་རྟོགས་པ་བརྗོད་པ་ངེས་དོན་ཟླ་ཟེར་དཀར་པོའི་ཕྲེང་བས་སྙིང་གི་གདུང་བ་འཕྲོག་བྱེད་ལས[1]། ཇི་ལྟའི་དོན་ལ་འཕགས་པའི་ཐུགས་མངའ་ཞིང་། །ཇི་སྙེད་འཆད་ལ་ཐོགས་པ་མེད་པའི་གསུང་། ། ཇི་ལྟར་བཞེད་བཞིན་བྱམས་མགོན་གཟིགས་པའི་སྐུ། །ཇི་སྐད་གསུངས་བཞིན་འཛིན་ལ་ཕྱག་བགྱིའོ། །

ད༽ ཐེག་ཆེན་ལན་གསུམ་ནུབ་པ་དར་སྤེལ་མཛད་ཚུལ།   དེ་ཡང་ཡར་རྗེ་ཨུ་རྒྱན་གླིང་པས་ (1323-) གཏེར་ནས་དྲངས་པའི་བཀའ་ཐང་སྡེ་ལྔ་ལས[1]། སེམས་ཅན་ཞེ་སྡང་ཆེ་བ་ལ༔ རྒྱལ་པོའི་བང་མཛོད་ལྟ་བུའི་ཆོས༔ མངོན་པ་བི་ཀཱ་མ་ཤཱི་ལར༔ མངོན་པའི་ཆོས་ལ་དགྲ་ལན་གསུམ༔ ཏ་ཟིག་རྒྱལ་པོ་ཧུ་ལུས་བསྲེགས༔ རྒན་མོ་རྒན་འདྲ་མུ་སྟེགས་བསྲེགས༔ ཉི་མ་དངོས་གྲུབ་ཉི་བསྒྲུབས་བསྲེགས༔ ཞེས་མངོན་པའི་བསྟན་པ་ལ་དགྲ་ལན་གསུམ་བྱུང་བར་གསུངས་ལ།