༡༡ སློབ་དཔོན་ཕྱོགས་གླང་གི་གསུང་འབུམ།

༧) ཕྱོགས་གླང་དང་དེའི་གཞུང་གི་ཁྱད་ཆོས།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་དཔལ་ཕྱོགས་ཀྱི་གླང་པོའི་རྟོགས་པ་བརྗོད་པའི་གཏམ་ལས[1]། ཁྱད་པར་དུ་ཡང་ཤིང་རྟའི་སྲོལ། །གཞན་ལ་མ་གྲགས་རིག་པའི་གནས། ། རང་ཉིད་གཅིག་པུའི་རྣམ་དཔྱོད་ཀྱིས། །རྩལ་སྟོན་མཛད་པ་ཚད་མའི་མདོ། །

༧༽ རིགས་པ་ལ་འཇུག་པ།   དེ་ཡང་ཀུན་དགའ་འཇམ་དབྱངས་མཁྱེན་རབ་རྒྱ་མཚོས་ (1901-1959) མཛད་པའི་རྒྱན་དྲུག་མཆོག་གཉིས་རྣམས་ཀྱི་རྟོགས་བརྗོད་ངོ་མཚར་སྙན་ངག་གསེར་གྱི་ཉག་ཐག་ལ་བསྟར་བའི་བསྟོད་པ་རྨད་བྱུང་ནོར་བུའི་འཕྱང་འཕྲུལ་བློ་གསལ་མགུལ་རྒྱན་ལས[1]། རྣམ་དཀར་ཚོགས་གཉིས་བསྐལ་པར་གོམས་པའི་ཚུལ། ། སྒྲུབ་བྱེད་རིག་པའི་གློག་འཕྲེང་འཁྱུག་ཙམ་གྱིས། ། ལྟ་ངན་ལོག་སྨྲའི་བྲག་རི་མཐར་མཛད་པ། ། མཁས་པའི་གཙུག་རྒྱན་ཕྱོགས་ཀྱི་གླང་པོར་འདུད། །

༣༽ ཕྱོགས་གླང་གི་ཚད་མའི་གཞུང་ངོ་སྤྲོད།   དེ་ཡང་ཀློ་བོ་མཁན་ཆེན་བསོད་ནམས་ལྷུན་གྲུབ་ཀྱིས་ (1456/1441-1532/1525) མཛད་པའི་སྡེ་བདུན་མདོ་དང་བཅས་པའི་དགོངས་འགྲེལ་ཚད་མ་རིགས་གཏེར་ལ་ཉེ་བར་མཁོ་བ་མཐའ་གཉིས་གསལ་བྱེད་ལས[1]། མོས་སྤྱོད་སར་གནས་རྣམ་དཔྱོད་རྒྱ་ཆེ་བ། ། ཕྱོགས་གླང་རིགས་པའི་སྟོབས་ཀྱིས་རིགས་པ་ཡི། ། རྣམ་གྲངས་མི་འདྲའི་བསྟན་བཅོས་བརྒྱ་རྩ་བརྒྱད། ། སོ་སོར་མཛད་ཅེས་གྲགས་ཀྱང་ཀུན་གྱི་དོན། །

པ༽ སློབ་དཔོན་ཕྱོགས་གླང་གི་བསྟན་བཅོས་ངོ་སྤྲོད། ༡༽ ཕྱོགས་གླང་གིས་མཛད་པའི་བསྟན་བཅོས་ཀྱི་མཚན་བྱང་།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། ཀུན་རྨོངས་གཉིད་ཀྱིས་འགྲོ་འདི་མནར་བའི་ཚུལ། ། གཟིགས་པའི་ཤུགས་དྲག་སྙིང་རྗེས་ཡིད་བསྐྱོད་དེ། ། དེ་ཉིད་བསལ་སླད་དམིགས་བརྟག་མཛོད་འགྲེལ་སོགས། ། ལེགས་བཤད་དགའ་སྟོན་སྤྲོས་ལ་ཕྱག་འཚལ་ལོ། །