བོད་སྐད་ལ་གསར་དུ་བསྒྱུར་བ།

༄༅། །ཆོས་ཡང་དག་པར་བསྡུས་པ།[1]   ༄༅། །དཀོན་མཆོག་གསུམ་ལ་ཕྱག་འཚལ་ལོ།།[2]   སེམས་ཅན་ཀུན་ཕན་འབྱུང་བྱེད་པའི། །དཀོན་མཆོག་གསུམ་ལ་ཕྱག་འཚལ་ནས། ། ཆོས་ཀྱི་སྙིང་པོ་ཀུན་བཏུས་པ། །གཏི་མུག་འཇོམས་ཕྱིར་བཤད་པར་བྱ། ༡༽ དེ་ལ་ཐོག་མར་དཀོན་མཆོག་གསུམ་ནི། འདི་ལྟ་སྟེ། ༡ སངས་རྒྱས་དང་། ༢ ཆོས་དང་། ༣ དགེ་འདུན་ནོ།། ༢༽ ཐེག་པ་གསུམ་ནི། འདི་ལྟ་སྟེ། ༡ ཉན་ཐོས་ཀྱི་ཐེག་པ་དང་། ༢ རང་སངས་རྒྱས་ཀྱི་ཐེག་པ་དང་། ༣ ཐེག་ཆེན་གྱི་ཐེག་པའོ།།

༄༅། །དབུ་མའི་བསྟན་བཅོས་ཐེག་པ་ཆེན་པོ་ཉི་ཤུ་པ་ཞེས་བྱ་བ།   ཕྱག་འཚལ་ཆོས་ཉིད་བདེན་མཐོང་ཆགས་བྲལ་བ། །སྟོན་མཆོག་བསམ་གྱིས་མི་ཁྱབ་སྟོབས་མངའ་བས། །སྨྲ་བརྗོད་ཡུལ་ལས་འདས་པའི་ཆོས་རྣམས་ནི། །སྙིང་རྗེ་དབང་གིས་འགྲོ་ལ་སྟོན་པར་མཛད། །དོན་དམ་ངོ་བོར་ཆོས་རྣམས་སྐྱེས་པ་མེད། །བདེན་པའི་དོན་དུ་དེ་ཡང་འགག་པ་མེད། །སངས་རྒྱས་རྣམས་ནི་ནམ་མཁའ་སྟོང་པ་བཞིན། །སེམས་ཅན་དག་དང་སངས་རྒྱས་རང་བཞིན་གཅིག །འཁོར་འདས་ཆོས་རྣམས་ཐམས་ཅད་སྐྱེས་པ་མེད། །

ཚིགས་སུ་བཅད་པ་གཅིག་པ་ཞེས་བྱ་བའི་རབ་ཏུ་བྱེད་པ།   ཏུན་ཧོང་ཡིག་ཆའི་ (IOL Tib J 595) གྲལ་དུ་ཚིགས་སུ་བཅད་པ་གཅིག་པ་ཞེས་བྱ་བའི་རབ་ཏུ་བྱེད་པ་ཞེས་པ་ཀླུ་སྒྲུབ་ཀྱིས་མཛད་པར་གྲགས་པ་འདི་སྐད་དུ། རང་གི་ངོ་བོ་ཉིད་མི་རྟག །དེ་བཞིན་ངོ་བོ་ངོ་བོ་མེད། ། རང་བཞིན་ངོ་བོ་ཉིད་མེད་པས། །དེ་ཕྱིར་སྟོང་དང་མི་རྟག་གསུངས། །