ཀ༽ མགོན་པོ་ཀླུ་སྒྲུབ་ཀྱི་རྣམ་ཐར།

དེ་ཡང་པཎྜི་ཏ་ནགས་ཀྱི་རིན་ཆེན་གྱི་རྣམ་ཐར་ལས། དེ་ནས་སློབ་དཔོན་ཆེན་པོ་ཀླུ་སྒྲུབ་ཀྱིས་མཛད་པའི་སྦྱོར་བ་ཡན་ལག་དྲུག་གི་གཞུང་ཆུང་དེ་ཞུས་པས་གནང་། ཞེས་གསལ་ཡང་། མགོན་པོ་ཀླུ་སྒྲུབ་ཀྱིས་མཛད་པའི་སྦྱོར་དྲུག་གཞུང་ཆུང་འདི་ཉིད་ཀྱི་བོད་སྐད་དུ་འགྱུར་ཡོད་མེད་དང་། བོད་དུ་བཞུགས་པའི་མ་དཔེ་ལག་ཏུ་མ་སོན་ནོ།།

ར་ལུང་དཀར་བརྒྱུད་གསེར་འཕྲེང་གི་ཏཻ་ལོ་པའི་རྣམ་ཐར་ལས[1]། བཀའ་བབས་གཉིས་པའི་ལོ་རྒྱུས་ནི། ས་བཅུའི་དབང་ཕྱུག་བྱང་ཆུབ་སེམས་དཔའ་བློ་གྲོས་རིན་ཆེན་གྱིས་བྲམ་ཟེ་ཆེན་པོ་ས་ར་ཧ་ཅིག་ཅར་བར་བྱིན་གྱིས་བརླབས། སློབ་དཔོན་ཀླུ་སྒྲུབ་རིམ་སྐྱེས་པར་བྱིན་གྱིས་བརླབས་པ་ཡིན་ཏེ། དེ་གཉིས་ཀ་ཡང་དག་པར་རྫོགས་པའི་སངས་རྒྱས་ཀྱི་སྤྲུལ་པ་ཡིན་པ་མདོ་རྒྱུད་དུ་མ་ནས་ལུང་བསྟན་པ་ཡིན་ནོ། །

༄༅། །དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་ཆར་འབེབས་ཤིན་ཏུ་ཟ་བའི་ལུགས་རྒྱ་ནག་ཆུ་འཁོར་བཞུགས་སོ།།[1]   ༄༅། །བཛྲ་པཱ་ཎི་ལ་ན་མོ། ཀླུ་སྒྲུབ་ཀྱིས་མཛད་པའི་རྒྱ་ནག་ཆུ་འཁོར་ལོ་འདི་ལ་མུ་ཁྱུད་རིམ་པ་བཅུ་གཉིས་བསྐོར་བའི་དབུས་སུ་ལྟེ་བ་ཟླུམ་པོ་སོར་གང་ཙམ་སྲོག་ཤིང་གཟེར་བ། དེའི་ཕྱི་རིམ་མུ་ཁྱུད་སོར་ཕྱེད་ཙམ་དུ་མེ་རིས། དེའི་ཕྱི་རིམ་མུ་ཁྱུད་ལ་ཡིག་མགོ་ཕྱིར་བསྟན་ཏེ། ༈ ཨོཾ་མུ་ནི་མུ་ནི་མཧཱ་མུ་ནི་སྭཱཧཱ། ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ནི་ཡེ་ཏ་ཐཱ་ག་ཏ་ཡ། ཏདྱ་ཐཱ། ཨོཾ་པུ་ཙེ་པུ་ཙེ། ས་མ་ཡ་པུ་ཙེ་ད་ཧ་པུ་ཙེ་བྲ་བྷ་ར་པུ་ཙེ་པུ་རུ་དུ་རུ་སྭཱཧཱ།

༄༅། །ས་བདག་འཁྲུག་བཅོས་དབུས་ཕྱོགས་བཞུགས་སོ།།[1]   ༄༅། །བླ་མ་དང་འཇམ་པའི་དབྱངས་ལ་ཕྱག་འཚལ་ལོ། །འཕགས་པ་གནམ་ས་སྣང་བརྒྱད་ཀྱི་ཆོ་ག་ཞེས་བྱ་བ། འདི་ཡི་དགོས་ཆེད་དུ་རྒྱུ་མཚན་ཅུང་ཟད་བརྗོད་པར་བྱ། ཡུལ་གསར་འཛིན་ནམ། འཕྲིན་ལས་ཆེན་པོ་བསྒྲུབ་བམ། ས་ལས་ཁྱད་པར་ཆེན་པོ་བྱེད་པ་དང་། ཤིང་གཤག་དང་གཅོད་དམ། ལོ་ཏོག་མ་སྐྱེས་སམ། ནད་ཡམས་བྱུང་ངམ། གཤིན་པོའི་དུར་བསྒྲུབ་བམ། ལྟས་ངན་ཆོ་འཕྲུལ་བྱུང་ངམ།