ཀ༽ མགོན་པོ་ཀླུ་སྒྲུབ་ཀྱི་རྣམ་ཐར།

ཁ༽ བྱང་ཆུབ་སེམས་དཔའ་ཀླུ་སྒྲུབ་ཀྱི་རྣམ་ཐར། ༡༽ རྣམ་ཐར་ས་བཅད་ཀྱི་སྤྱི་ཁོག་སྒྲིག་པ།   ཞར་བྱུང་། ལོ་ཆེན་གཞོན་ནུ་སྲོག་གིས་མཛད་པའི་ཀླུ་སྒྲུབ་ཀྱི་རྣམ་ཐར་ས་བཅད་ཀྱི་ཐོག་ནས་སྤྱི་ཁོག་སྒྲིག་པ་ལ། པཎྜི་ཏ་གཞོན་ནུ་སྲོག་གིས་མཛད་པའི་ཀླུ་སྒྲུབ་ཀྱི་རྣམ་ཐར་འདི་ལ་ས་བཅད་ཀྱི་ཐོག་ནས་སྤྱི་ཁོག་བསྒྲིགས་ཏེ་དབྱེ་ཞིབ་ཅུང་ཟད་བྱེད་ན། འོག་ཏུ་འཆད་པར་འགྱུར་བའི་རྣམ་ཐར་རྣམས་ཀྱི་གཞི་རྟེན་ལྟ་བུར་སྣང་བས་འདིར་རྣམ་ཐར་དེ་ས་བཅད་ཀྱི་གོ་རིམ་ལེགས་པར་བསྒྲིགས་ནས།

གཉིས་པ། རྒྱ་ནག་གི་ཡིག་ཆར་གསལ་བའི་རྣམ་ཐར། ཀ༽ འཕགས་པ་ཀླུ་སྒྲུབ་ཀྱི་བྱུང་བ་བརྗོད་པ།   ༡༽ བྱོན་པའི་དུས་དང་། རིགས། མཚན་ཐོགས་ཚུལ། སློབ་དཔོན་ཀླུ་སྒྲུབ་ཀྱི་རྣམ་ཐར་རྒྱ་ནག་གི་སྐད་དུ་ལོ་ཙཱ་བ་གཞོན་ནུ་སྲོག་གིས་ཕྱི་ལོ་ ༤༠༥ ནང་བསྒྱུར་བར་གྲགས་པ་[1]དབྱིན་སྐད་དུ་ཕབ་བསྒྱུར་བྱས་པའི་[2] འཕགས་པ་ཀླུ་སྒྲུབ་ཀྱི་བྱུང་བ་བརྗོད་པ་ལས[3]། འཕགས་པ་ཀླུ་སྒྲུབ་ནི་ཐེག་པ་ཆེན་པོའི་ཆོས་ཀྱི་སྲོལ་གཏོད་མཁན་ཡིན།

ཅ༽ གྲུབ་ཆེན་བརྒྱད་ཅུའི་རྣམ་ཐར་ལས་ཇི་ལྟར་བྱུང་བ། ༡༽ ཡུལ་དང་རིགས་གང་དུ་སྐུ་འཁྲུངས་པ།   ཙམ་པ་རིའི་བླ་མ་ཆེན་པོ་སློབ་དཔོན་མི་འཇིགས་པ་སྦྱིན་པ་དཔལ་གྱིས་མཛད་ཅིང་། ལོ་ཙཱ་བ་སྨོན་གྲུབ་ཤེས་རབ་ཀྱིས་བསྒྱུར་བའི་གྲུབ་ཐོབ་བརྒྱད་ཅུ་རྩ་བཞིའི་ལོ་རྒྱུས་[1]ལས[2]། ཀླུ་སྒྲུབ་ཀྱི་ལོ་རྒྱུས་བཞུགས་སོ། །གུ་རུ་ནཱ་གརྫུ་ན་སྟེ་སློབ་དཔོན་ཀླུ་སྒྲུབ་ཀྱི་ལོ་རྒྱུས་ནི། ཡུལ་རྒྱ་གར་ཤར་ཕྱོགས་ཀཉྩི་ཞེས་བྱ་བའི་བྱེ་བྲག་ཀ་ཧོ་ར་བྱ་བ་ཡིན་ལ། རིགས་བྲམ་ཟེ་དངོས་གྲུབ་སྒྲོལ་མ་ལས་ཐོབ་པ་ཡིན་ནོ།།

ང༽ ཇོ་བོ་རྗེའི་གསུང་དུ་ཇི་ལྟར་བྱུང་བ། ༡༽ སློབ་དཔོན་ཀླུ་སྒྲུབ་ཀྱིས་མཛད་པའི་བསྟན་བཅོས།   སློབ་དཔོན་འདི་ཉིད་ཀྱིས་མཛད་པའི་བསྟན་བཅོས་རྣམས་གདུལ་བྱའི་སྒོ་ནས་རགས་རིམ་དུ་ཕྱེ་སྟེ་ཇོ་བོ་རྗེ་དཔལ་ལྡན་ཨ་ཏི་ཤས་ (982-1054) མཛད་པའི་དབུ་མའི་མན་ངག་ཟ་མ་ཏོག་ཁ་ཕྱེ་བ་ལས[1]། སློབ་དཔོན་འཕགས་པ་ཀླུ་སྒྲུབ་དང་། སློབ་དཔོན་ཨཱརྱ་དེ་བ་དང་། སློབ་དཔོན་མ་ཏི་ཙི་ཏྲ་དང་། སློབ་དཔོན་ཤཾ་པ་ལ་དང་། སློབ་དཔོན་ཟླ་བ་གྲགས་པ་དང་།