པཎ་གྲུབ་བསྟོད་ཚོགས།

༄༅། །བཙུན་པ་དཀོན་མཆོག་བསྟན་པའི་སྒྲོན་མེའི་གསུང་དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ་ཞེས་བྱ་བར་མཆན་བཞུགས་སོ།།[1]   ༼ཛེ་སྨད་བློ་བཟང་དཔལ་ལྡན་བསྟན་འཛིན་ཡར་རྒྱས་ (1927-1996) ཀྱིས་མཛད།༽   རྒྱལ་བས་ཆོས་ཚུལ་གང་བསྟན་པ། །འགྲོ་བ་མུན་པས་ཁེབས་པ་ལ། །འོད་གསལ་བ་ཡི་ཕྱིར་ཡིན་པས། །སྒྲོན་མ་ཀླུ་སྒྲུབ་རྒྱལ་གྱུར་ཅིག །(ངར་)དམིགས་(པ་)ལས་(ང་ཡིར་)དམིགས་པ་(སོགས་བདེན་པར་དམིགས་པའི་འཛིན་པ་)རྣམ་(གྲངས་)མང་བས། །འགྲོ་བ་དུབ་པར་གྱུར་པ་རྣམས། །(བདེན་པར་)དམིགས་པ་མེད་པ་ཞི་བའི་བདེར། །འཁྲིད་པ་ཁྱོད་ནི་དེད་དཔོན་ལགས། །

༄༅། །དཔལ་མགོན་འཕགས་པ་ཀླུ་སྒྲུབ་ལ་བསྟོད་པའི་དོན་རྣམ་པར་བཤད་པ་དབུ་མའི་སྣང་བ་གསལ་བ་ཞེས་བྱ་བ་བཞུགས་སོ།།[1]   ༼བླ་ཁོ་འཇིགས་མེད་འཕྲིན་ལས་རྒྱ་མཚོས་ (1866-1948) མཛད།༽   ༄༅། །ན་མོ་དྷརྨ་ཀཱ་ཡ་ཡ། སྟོང་ཉིད་ཟབ་མོའི་ང་རོ་ཡིས། །སྨྲ་ངན་རི་སྐྱེས་འདེགས་བྱེད་པ། །བཅོམ་ལྡན་སྨྲ་བའི་སེང་ཆེན་གྱིས། །དགེ་ལེགས་སྣང་བ་དམ་པས་སྐྱོངས། །ཉོན་མོངས་རྩུབ་རེག་དང་བྲལ་བས། །འཇམ་པའི་དཔལ་ཞེས་རབ་གྲགས་པ། །གསུང་གི་དབང་ཕྱུག་སྨྲ་བ་ཆེས། །ཤེས་རབ་སྣང་བའི་མཆོག་སྦྱིན་མཛོད། །ལྟ་ངན་བུད་ཤིང་ཀུན་བསྲེགས་ཤིང་། །འཁོར་བའི་དགྲ་སྡེ་ལས་རྒྱལ་བ། །ཟབ་མོའི་མཛོད་ལྡན་ཀླུའི་དབང་པོ། །སངས་རྒྱས་གཉིས་པ་དེ་ལ་འདུད། །

༄༅། །འཕགས་ཡུལ་མཁས་པའི་དབང་ཕྱུག་འཛམ་གླིང་རྒྱན་དྲུག་མཆོག་གཉིས་རྣམས་ཀྱི་རྟོགས་བརྗོད་ངོ་མཚར་སྙན་ངག་གསེར་གྱི་ཉག་ཐག་ལ་བསྟར་བའི་བསྟོད་པ་རྨད་བྱུང་ནོར་བུའི་འཕྱང་འཕྲུལ་བློ་གསལ་མགུལ་རྒྱན་ཞེས་བྱ་བ་བཞུགས་སོ།། ༼ཀུན་དགའ་འཇམ་དབྱངས་མཁྱེན་རབ་རྒྱ་མཚོས་ (1901-1959) མཛད།༽   ༡༽ མཐའ་བྲལ་ལྟ་བའི་དགའ་སྟོན་གྲུ་བོ་ཆེར། །ཞུགས་པས་མ་ཚིམ་གསང་སྔགས་སྦས་པའི་གཏེར། །མི་ཟད་འདོད་དགུའི་འབྱུང་གནས་ཡིད་བཞིན་ནོར། །ཀླུ་སྒྲུབ་གདེངས་ཅན་དབང་པོའི་ཞབས་ལ་འདུད། །ཐུབ་དབང་ཀུན་གསལ་ནོར་བུ་ནུབ་རིའི་རྩེར། །འོད་གསལ་གོས་དམར་གྱིས་གཟིམས་མ་བཟོད་ནས། །

༄༅། །སློབ་དཔོན་ལེགས་ལྡན་འབྱེད་ཀྱི་བསྟོད་པ། ༼༸གོང་ས་༸སྐྱབས་མགོན་ཆེན་པོ་མཆོག་གིས་མཛད།༽   བདེན་པའི་དངོས་པོ་སྐྱེ་སོགས་མཐའ་བཀག་ཅིང༌། ། ཚད་མ་མཐུན་སྣང་ཕྱི་དོན་བཞེད་པ་ཡི། ། གྲུབ་མཐའ་སྲོལ་བཏོད་ཡོངས་རྫོགས་པཎྜི་ཏ། ། སློབ་དཔོན་ལེགས་ལྡན་འབྱེད་ལ་གསོལ་བ་འདེབས། ། ཟབ་མོའི་དོན་ལ་སྐྲག་པ་སྤངས་པའི་ཕྱིར། ། རང་བཞིན་མི་འགོག་ཐུན་མིན་སྡོད་ལུགས་ཚུལ། ། བཀག་ནས་འཕགས་པའི་དགོངས་པ་རང་རྒྱུད་དུ། ། འགྲེལ་མཛད་ཟླ་བྲལ་སློབ་དཔོན་ལེགས་ལྡན་འབྱེད། །