དཔལ་ནཱ་ལེནྡྲའི་བྱུང་རབས།

ནཱ་ལེནྡྲ་དགོན་པ་ནི་ནང་པའི་ཆོས་ལུགས་ཀྱི་ཐད་ནས་མཐོ་རྩེར་སོན་པའི་སློབ་གཉེར་ཁང་ཞིག་ཡིན། འོན་ཀྱང་དེ་ནི་ཏུ་རུ་ཀའི་མི་རིགས་བཀྵ་ཏི་ཡར་ཁལ་ཇིས་རྒྱ་གར་ནས་ནང་བསྟན་རྩ་མེད་བཟོ་རྒྱུའི་དམིགས་ཡུལ་བཟུང་བར་བརྟེན་ནས་གཏོར་བཤིག་ཚབས་ཆེན་བྱུང་། ཕྱི་ལོ་ ༡༡༩༣ ལོར་ཁལ་ཇིས་ནཱ་ལེནྡྲ་གཏོར་བཤིག་བཏང་བ་དེ་ནི་རྒྱ་གར་ནང་ནང་བསྟན་ཉམས་རྒུད་དུ་ཕྱིན་པའི་དོན་རྐྱེན་གལ་ཆེན་ཞིག་ཏུ་བརྩི་བཞིན་ཡོད། ཕར་སི་ཡའི་ལོ་རྒྱུས་སྨྲ་བ་མིན་ཧ་ཛིས་ཁོའི་ལོ་རྒྱུས་ཡིག་ཆའི་ནང་། ཁལ་ཇིས་ནཱ་ལེནྡྲར་བཙན་འཛུལ་བྱས་རྗེས་ཟླ་བ་མང་པོའི་རིང་དཔེ་ཆ་མེར་སྲེག་བཏང་བའི་སྐོར་བཀོད་ཡོད། ཁོས་”ཉིན་མང་པོའི་རིང་དཔེ་ཆ་མེར་སྲེག་བཏང་བ་ལས་བྱུང་བའི་དུ་བ་དེ་རི་ཆུང་ཆུང་ཞིག་གི་སྟེང་གི་དུ་བ་ནག་པོ་དང་འདྲ་བར་གྱུར།” ཅེས་བྲིས་ཡོད།

རྒྱ་གར་གྱི་སྲིད་བློན་མོ་དྷི་མཆོག་གི་ནཱ་ལེནྡྲའི་གཙུག་ལག་སློབ་ཁང་གསར་པ་དབུ་འབྱེད་གནང་བར་མགོན་པོ་གང་ཉིད་ནས་འཚམས་འདྲིའི་གསུང་འཕྲིན་སྩལ་བ།   ༄༅། །ཕྱི་ལོ་ ༢༠༢༤ ཟླ་བ་ ༦ ཚེས་ ༢༢ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་ན་རེནྡྲ་མོ་དཱི་མཆོག་གིས་བི་ཧར་མངའ་སྡེའི་གནས་ཆེན་རྒྱལ་པོའི་ཁབ་ཏུ་ནཱ་ལནྡཱའི་གཙུག་ལག་སློབ་གཉེར་ཁང་གསར་རྒྱག་ལེགས་གྲུབ་དབུ་འབྱེད་གནང་བར་འཚམས་འདྲི་མཛད་འདུག

གནའ་བོའི་དུས་སུ་དཔལ་ཎཱ་ལེན་ཌའི་གནས་མཆོག་ཏུ་གྲགས་པའི་མཁས་པའི་བསྟི་གནས་སུ་གྱུར་པའི་དཔལ་ཎཱ་ལེན་ཌའི་གནའ་བོའི་གནས་མཆོག་འདི་ནས་ང་ཚོས་སྔོན་དུས་ཀྱི་མཁས་པའི་མཛད་རྗེས་རྣམས་མཐོང་ཐུབ་པར་མ་ཟད། དཔལ་ཎཱ་ལེན་ཌའི་རིག་གཞུང་གི་བསམ་བློའི་ནུས་པ་ཡང་ང་ཚོའི་རྒྱལ་ཁབ་ཀྱི་ནང་དུ་དར་ཞིང་རྒྱས་བཞིན་ཡོད། སྲིད་བློན་མོ་དྷི་མཆོག་གི་ངོ་དེབ་ལས་བཏུས་ཏེ་བོད་ཡིག་ཏུ་བསྒྱུར་བའོ།།

རྒྱ་གར་དུ་ནང་ཆོས་རྩ་གཏོར་གཏོང་མཁན་དེ་བོད་པས་རྩ་གཏོར་བཏང་བ། བརྗོད་གཞི་ནི། རྒྱ་གར་གྱི་ན་ལེནྡྲ་སོགས་ནང་པའི་གནས་གཞི་ཁག་གཏོར་བཅོམ་བྱེད་མཁན་གཙོ་བོ་ཁེལ་ཇིའི་དམག་དཔུང་གིས་བོད་ལ་བཙན་འཛུལ་བྱས་པ་དང་། བོད་པས་ཕམ་ཉེས་བཏང་བའི་སྐོར་དེ་ཡིན། འདི་བོད་ཀྱི་ལོ་རྒྱུས་ཁག་ནང་གསལ་པོ་ཞིག་མེད་འདྲ་བས་ས་བོན་ཙམ་ཞིག་གླེང་སློང་བྱས་ཚེ་སླད་ནས་མཁས་པ་ཚོས་ཁ་སྐོང་བྱེད་ངེས་རེད་སྙམ། ཐོག་མར་གནས་ཚུལ་འདི་ཝི་ཁེ་རིག་མཛོད་ནང་མཐོང་བས་ཆ་འཇོག་འོས་པ་ཨི་ཡིན་སྙམ་ནས་དོ་སྣང་ཆེར་མ་བྱས་མོད། ཞིབ་ཏུ་བལྟས་སྐབས་ཁུངས་ལུང་དང་དཔྱད་གཞི་ལོ་རྒྱུས་དེབ་ཐེར་མང་ཙམ་འདུག་པས་འདིར་མདོར་བསྡུས་ཤིག་བཤད་འདོད་བྱུང་།