༠༡ མགོན་པོ་ཀླུ་སྒྲུབ་ཀྱི་གསུང་འབུམ།

༄༅། །(ཡང་) ནག་པོ་ཆེན་པོའི་སྒྲུབ་ཐབས། ༄༅༅། །རྒྱ་གར་སྐད་དུ། མ་ཧཱ་ཀཱ་ལ་སཱ་དྷ་ནཾ། བོད་སྐད་དུ། ནག་པོ་ཆེན་པོའི་སྒྲུབ༌[1]ཐབས། ནག་པོ་ཆེན་པོ་ལ་ཕྱག་འཚལ་ལོ། །ནི་མྠི་ཤི་ལ་ནག་པོ་བྱ་སྟེ་གྲི་གུག་དང་ཐོད་པ་བསྣམས་པ༌[2]སྐྲ་གྱེན་དུ་ལངས་པ། ཐོད་པའི་ཅོད་པན་ཅན། སྦྲུལ་གྱིས་བརྒྱན་པ། སྤྱན་དམར་བ། མཆེ་བ་གཙིགས་པའི་ཞལ། སྟག་གི་པགས་པའི་ཤམ་ཐབས་ཅན་མི་མགོའི་ཕྲེང་བའི་དོ་ཤལ་དང་ལྡན་པ། ཡི་དྭགས་ཀྱི་གདན་ལ་བཞེངས་པར་གནས། མུན་པ་མི་བཟད་པར་རང་བཞིན་དུ་བསྒོམས་ལ་ནག་པོའི་ཚེས་ནས་སྒྲུབ་པ་བཅས༌[3]ཏེ།

༄༅། །དཔལ་ནག་པོ་ཆེན་པོའི་སྒྲུབ་ཐབས། ༄༅༅། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སཱ་དྷ་ནཾ། བོད་སྐད་དུ། དཔལ་ནག་པོ་ཆེན་པོའི་སྒྲུབ་ཐབས། རྡོ་རྗེ་ནག་པོ་ཆེན་པོ་ལ་ཕྱག་འཚལ་ལོ། །སྔར་གསུངས་པའི་ཆོ་གས་སྟོང་པ་ཉིད་བསྒོམས་པའི་ངང་ལས། སྣ་ཚོགས་པདྨ་དང་ཉི་མ་ལ་ཧཱུཾ་ཡིག་ནག་པོ་དེ་ཉིད་ལས་ཡོངས་སུ་རྫོགས་པའི་རྗེ་བཙུན་དཔལ་ནག་པོ་ཆེན་པོ་ཞལ་གཅིག་ཕྱག་གཉིས་པ་སྐུ་མདོག་ནག་པོ་སྤྱན་གསུམ་པ་འབར་བ་ཆེན་པོ་ཕྱག་གཡས་པ་གྲི་གུག་གཡོན་གྱིས་ཐོད་པ་འཛིན་པ། མི་མགོའི་རྒྱན་ཅན། སྐྲ་ཁམ་པ་གྱེན་དུ་བརྫེས་པ།

༄༅། །དཔལ་མགོན་པོའི་ནང་སྒྲུབ། ༄༅༅། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་བི་ཏ་ར་སཱ་དྷ་ནཾ་ནཱ་མ། [1]བོད་སྐད་དུ། དཔལ་མགོན་པོའི་ནང་སྒྲུབ་ཅེས་བྱ་བ། དཔལ་ནག་པོ་ཆེན་པོ་ལ་ཕྱག་འཚལ་ལོ། །ནག་པོ་བསྒྲུབ་འདོད་རྣལ་འབྱོར་གྱིས། །ཡིད་དང་མཐུན་པའི་དབེན་གནས་སུ། །རྟེན་དང་མཆོད་པའི་རྫས་བཤམས་ཏེ། །དང་པོ་བྱང་ཆུབ་སེམས་བསྐྱེད་ལ། །མདུན་དུ་སྐད་ཅིག་འདབ་བརྒྱད་སྟེང་། །དཔལ་ལྡན་ནག་པོ་ཆེན་པོ་ལ། །ལྷ་མོ་བརྒྱད་ཀྱིས་བསྐོར་བ་ཡང་། །བྱ་རྒོད་མགོ་དང་ཁྱུང་གི་མགོ། །ཁྭ་ཡི་གདོང་དང་འུག་པའི་གདོང་། །

༄༅། །དཔལ་ནག་པོ་ཆེན་པོའི་སྒྲུབ་ཐབས།  ༄༅༅། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་སཱ་དྷ་ནཾ་ནཱ་མ། བོད་སྐད་དུ། དཔལ་ནག་པོ་ཆེན་པོའི་སྒྲུབ་ཐབས་ཞེས་བྱ་བ། དཔལ་ལྡན་ཁྲག་འཐུང་འགྲོ་བའི་མགོན། །ལྷ་མོ་དང་བཅས་འཁོར་ལོ་ལ། །བཏུད་དེ་ནག་པོ་ཆེན་པོ་ཡི། །སྒྲུབ་པའི་རིམ་པ་བྲི་བར་བྱ། །དབང་གིས་སྨིན་བྱས་དམ་ཚིག་ལྡན། །བླ་མ་ལ་གུས་སྙིང་བརྩེ་གཏོང་། །ཤེས་རབ་བཟོད་ལྡན་བརྩོན་འགྲུས་ཆེ། །སྒྲུབ་ལ་དཔའ་བའི་སྔགས་པ་ཡིས། །ཡིད་འོང་དབེན་པའི་གནས་དག་གམ། །རི་བོ་དུར༌[1]ཁྲོད་མ་མོ་དང་། །གཤིན་རྗེ་འཇིགས་སུ་རུང་བ་ཡི། །