༠༡ མགོན་པོ་ཀླུ་སྒྲུབ་ཀྱི་གསུང་འབུམ།

༄༅། །དཔལ་ནག་པོ་ཆེན་པོ་ཡུམ་ཅན་གྱི་སྒྲུབ་ཐབས།  ༄༅༅། །རྒྱ་གར་སྐད་དུ། སྟྲཱི་པྲཛྙཱ་ཤྲཱི་མ་ཧཱ་ཀཱ་ལ་སཱ་དྷ་ནཾ་ནཱ་མ། བོད་སྐད་དུ། དཔལ་ནག་པོ་ཆེན་པོ་ཡུམ་ཅན་གྱི་སྒྲུབ་ཐབས་ཞེས་བྱ་བ། བླ་མ་དང་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །འགྱེལ་བའི་རོ་ལ་ཞབས་མཆོག་མཉམ་པའི་སྟབས་ཀྱིས་བཞུགས་ཤིང་སྦོམ་ཐུང་དྲག་ལ་གསུས་ཁྱིམ་ཡངས། །ཀླུ་ཆེན་བརྒྱད་ཀྱིས་རྣམ་པར་བརྒྱན་ཞིང་དབུ་སྐྲ་དམར་སེར་གྱེན་བརྫེས་གྲི་གུག་ཐོད་པ་འཛིན། །ཕྲག་པར་ཤེས་རབ་མ་ཡིས་འཁྱུད་ཅིང་ཞལ་གཅིག་དང་ལྡན་དཔལ་ལྡན་ཆོས་སྐྱོང་རྟག་པར་དགའ། །

༄༅། །དཔལ་མགོན་པོ་ནག་པོ་ཆེན་པོའི་སྒྲུབ་ཐབས་ཀྱི་རིམ་པ་ཞེས་བྱ་བ། ༄༅༅། །རྒྱ་གར་སྐད་དུ། ཤྲཱི་ནཱ་ཐ་མ་ཧཱ་ཀཱ་ལ་སཱ་དྷ་ན་ཀྲ་མ་ནཱ་མ། བོད་སྐད་དུ། དཔལ་མགོན་པོ་ནག་པོ་ཆེན་པོའི་སྒྲུབ་ཐབས་ཀྱི་རིམ་པ་ཞེས་བྱ་བ། [1]དཔལ་མགོན་པོ་ནག་པོ་ལ་ཕྱག་འཚལ་ལོ། །འཇིགས་པའི་ཚོགས་རྣམས་འཇིགས་བྱེད་པ།[2] །ནག་པོ་དེ་ལ་ཕྱག་འཚལ་ནས། །དེ་ཡི་སྒྲུབ་ཐབས་འདོད་རྣམས་ཀྱིས། །དོན་བསྡུས་པ་ནི་བཤད་པར་བྱ། །བླ་མ་བརྙས༌[3]བྱས་སེམས་ཅན་འཚེ། །དམ་ཚིག་སྨོད་དང་བསྟན་པ་བཤིག །དེ་རྣམས་བསྒྲལ༌[4]བར་བྱ་བ་ཡིན། །

༄༅། །རྗེ་བཙུན་མ་འཕགས་མ་སྒྲོལ་མའི་སྒྲུབ་ཐབས་སྤྱིའི་མངོན་པར་རྟོགས་པ་ཞེས་བྱ་བ། ༄༅། །རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །སྒྲོལ་མ་ལས་ཀྱི་སྦྱོར་བ་ཡིས། །བསྲུང་བའི་ཆོག་བྱ་བ་ནི། །བདེ་བའི་སྟན་ལ༌[1]འདུག་ནས་ནི། །རང་གི་སྙིང་གར༌[2]ས་བོན་བསམ། །དེ་ལས་སྤྲོས་པའི་འོད་ཟེར་གྱིས། །བླ་མ་དང་བཅས་སངས་རྒྱས་ནི། །བདག་གི་མདུན་དུ་གསལ་བྱས་ལ། །འོད་ཟེར་དེ་ལས་བྱུང་བ་ཡི།[3] །མེ་ཏོག་སོགས་ཀྱིས་མཆོད་པར་བྱ། །དེ་ནས་སྡིག་བཤགས་ལ་སོགས་བྱ། །དེ་ནས་ལྷ་རུ་བསྒོམ༌[4]བྱ་སྟེ། །དང་པོར་ཆོས་རྣམས་སྟོང་པར་བསྒོམ། །

༄༅། །སྒྲོལ་མའི་སྒྲུབ་ཐབས། ༄༅༅། །རྒྱ་གར་སྐད་དུ། ཏཱ་ར་སཱ་དྷ་ནཾ། བོད་སྐད་དུ། སྒྲོལ་མའི་སྒྲུབ་ཐབས། རྗེ་བཙུན༌[1]སྒྲོལ་མ་ལ་ཕྱག་འཚལ་ལོ། །འཁོར་བའི་སེམས་ཅན་ཐམས་ཅད་ཀྱི། །སྡུག་བསྔལ་ཐམས་ཅད་སྤངས་ནས་ནི། །མྱ་ངན་འདས་པ་རབ་སྟེར་བ། །ཆུ་ལས་སྐམ་སར་འདོན་པ་བཞིན། །རྗེ་བཙུན་མ་ལ་ཕྱག་འཚལ་ནས། །སྒྲུབ་པའི་ཐབས་ནི་བྲི་བར་བྱ། །སྒྲུབ་པའི་ཐབས་ནི་གཞན་རྣམས་ལས། །འདི་ནི་མཆོག་ཏུ་གྱུར་པ་ཡིན། །ཡིད་དང་རྗེས་སུ་མཐུན་པའི་གནས་སུ་ཁྲུས་བྱས་ལ། སྟན་བདེ་བ་ལ་འདུག་སྟེ།