༠༡ མགོན་པོ་ཀླུ་སྒྲུབ་ཀྱི་གསུང་འབུམ།

༄༅། །མགོན་པོ་ཀླུ་སྒྲུབ་ཀྱིས་མཛད་པའི་ཉི་མ་ཟླ་བ་ཁྲུས་གསོལ་བཞུགས་སོ།།[1]   མགོན་པོ་ཀླུ་སྒྲུབ་པའི་རྒྱུད་ལས། མི་ཕྱུགས་པའི་ནད་ཞི་བར་འདོད་ན། དང་པོར་ཕྱུགས་རྣམས་ཀྱི་དབུས་ན་ཉེར་སྤྱོད་གཞི་བདག་ལ་འོ་མ་ཇ་ཕུད་བཤམས། ལུག་སོགས་ན་འབྱུང་ན་ཉི་མ་ལ་སྟོན་ཁྲུས། རྔ་མོང་ལ་སོགས་ནད་འབྱུང་ན་བཅོ་ལྔ་ཟླ་བ་ཁྲུས་འབུལ།

༄༅། །སྟོད་ཆ་འདི་སློབ་དཔོན་ཀླུ་སྒྲུབ་ཀྱིས་མཛད་ཅིང་། སྨད་ཆ་འདི་ཆོས་རྗེ་རང་བྱུང་རྡོ་རྗེ་སོག་ཆུ་ལ་ཟམ་པ་འཛུགས་དུས་མཛད་པའི་འཛམ་གླིང་སྤྱི་བསངས་བཞུགས་སོ།།[1]   ཀྱཻ། སྔོན་གྱི་བསྐལ་པ་དང་པོ་ལ། །བསང་གི་རྒྱུ་ནི་ཇི་ལྟར་སྲིད། །སྐྱེ་མེད་སྤྲོས་བྲལ་སྟོང་པ་ལ། །འགགས་མེད་འཁོར་ལོ་བསྒྱུར་རྒྱལ་ཤར། །སྐྱེ་འགག་གཉིས་མེད་རོལ་པ་ལ། །མཁའ་ལ་རླུང་བརྟེན་འབྱུང་བ་རིམ་བཞིན་ཆགས། །ཕྱི་སྣོད་འཇིག་རྟེན་གཞལ་ཡས་རང་གྲུབ་ལ། །ནང་བཅུད་སེམས་ཅན་བྱང་ཆུབ་སྙིང་པོར་གྱུར། །

༄༅། །ཀླུ་སྒྲུབ་ཀྱིས་གདམས་པའི་གསེར་བསྒྱུར་སྣ་ཚོགས།[1]   ༄༅། །དཔལ་མགོན་ཀླུ་སྒྲུབ་ཀྱིས་གདམས་པའི་གསེར་འགྱུར་ལ་མང་དུ་ཡོད་པའི་ནང་ནས་ཟངས་སེར་གསེར་དུ་འགྱུར་བ་འདི་ལ་རྫས་སོགས་ལག་ལེན་བསྟན་པའོ། །དང་པོ་ལ་ཟངས་ལྷད་མེད་བཟང་པོ་དགོས། ལྷད་ཡོད་ན་གསེར་བཟང་པོ་མི་འོང་བས། སྟོད་ཟངས་བཟང་པོ།xxx བཟང་པོའི་ས་ཡུག་མ་བཟང་པོ་བྱའོ། །དེ་ཡང་སྤངས་ཀྱི་ཚད་ལ། ཟངས་ཞོ་ལྔའི་སྤངས་ལ། ཞ་ཉེ་སྔོ་ལིང་ཞོ་བཞི།

༄༅། །གསེར་འགྱུར་ལས་ཚོགས་ལས་ཀླུ་སྒྲུབ་ལུགས།[1]   གསེར་འགྱུར་བྱེད་པའི་ལས་ཚོགས། སློབ་དཔོན་ཀླུ་སྒྲུབ་ཀྱི་ལུགས་འདི་ལ། ལུགས་ཀོང་བཟང་པོ་ཟངས་རག་མེད་པ་སྲང་གང་བཞུགས་པ་ཞུ་བའི་དུས། དེ་ལྕི་ཞིང་སེར་བར་བྱེད་པ་རག་རྡོ་བཟང་པོ་སྲང་གང་ཞིབ་པར་བཏགས་ལ་བཏབ་སྟེ་ལེགས་པར་དཀྲུག་ཅིང་ལན་གཅིག་བཞུ། དེ་ནས་མདོག་ལེགས་པར་བྱེད་པ་ཤུག་པ་ཚེར་མ་ཅན་གྱི་འབྲས་བུ་སྲང་གང་བཏབ་ལ་སྲེས།