དཔལ་ནཱ་ལེནྡྲ། བྱོན་པ་ལེགས།

༄༅། །མཉམ་མེད་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་པར་ཐར་པ་ཕྱོགས་བསྡུས་དད་པའི་འཇུག་ངོགས།[1]   ༼ཕུན་ཚོགས་ཚེ་བརྟན་གྱིས་བསྒྲིགས།༽   དང་པོ། རྒྱ་གར་ཤར་ཕྱོགས་བྷང་གྷ་ལའི་ཡུལ་གྱི་རྒྱལ་པོའི་སྲས་སུ་སྐུ་འཁྲུངས་པའི་སྐོར། མཉམ་མེད་ཇོ་བོ་རྗེ་དཔལ་ལྡན་ཨ་ཏི་ཤ་ནི་བོད་ཆུ་རྟ་ (སྤྱི་ལོ་ ༩༨༢) ལོར་རྒྱ་གར་ཤར་ཕྱོགས་ཟ་ཧོར་གྱི་ཡུལ་བྷང་གྷ་ལ་ཞེས་བྱ་བའི་གྲོང་ཁྱེར་ཆེན་པོར་སྟོབས་འབྱོར་མངའ་ཐང་ལོངས་སྤྱོད་ཤིན་ཏུ་ཆེ་བའི་ཡབ་རྒྱལ་པོ་དགེ་བ་དཔལ་དང་ཡུམ་དཔལ་མོ་འོད་ཟེར་ཅན་གཉིས་ལ་སྲས་ཆེ་བ་པད་མའི་སྙིང་པོ་དང་འབྲིང་བ་ཟླ་བའི་སྙིང་པོ། ཆུང་བ་དཔལ་གྱི་སྙིང་པོ་བཅས་གསུམ་མངའ་བ་ལས་འབྲིང་བ་ཟླ་བའི་སྙིང་པོར་ངོ་མཚར་བའི་ལྟས་དུ་མ་དང་བཅས་ཏེ་སྐུ་བལྟམས།

༄༅། །ལམ་རིམ་བླ་མ་བརྒྱུད་པའི་རྣམ་ཐར་ལས་བྱུང་བའི་ཇོ་བོ་རྗེའི་རྣམ་ཐར་བཞུགས་སོ།།[1]   ༼ཡོངས་འཛིན་ཡེ་ཤེས་རྒྱལ་མཚན་ (1713-1793) མཆོག་གིས་མཛད།༽   ཤིང་རྟ་ཆེན་པོའི་སྲོལ་འཛིན་མར་མེ་མཛད། ། ཅེས་བསྔགས་པ་ལེགས་སྦྱར་གི་སྐད་དུ་དཱི་པཾ་ཀ་ར་ཤྲཱི་ཛྙཱ་ན། བོད་ཀྱི་སྐད་དུ་དཔལ་མར་མེ་མཛད་ཡེ་ཤེས། མཚན་གཞན་ཇོ་བོ་རྗེ་དཔལ་ལྡན་ཨ་ཏི་ཤ་ཞེས་ཡོངས་སུ་གྲགས་པའི་བདག་ཉིད་ཆེན་པོ་དེ་གང་དུ་འཁྲུངས་པའི་ཡུལ་ནི། རྒྱ་གར་ཤར་ཕྱོགས་ཟ་ཧོར་ཏེ། དེ་ན་བྷཾ་ག་ལ་ཞེས་བྱ་བའི་གྲོང་ཁྱེར་ཆེན་པོ་མི་ཁྱིམ་འབུམ་ཕྲག་དུ་མ་ཡོད་པ།

༄༅། །བཀའ་གདམས་ཆོས་འབྱུང་ངོ་མཚར་རྒྱ་མཚོ་[1]ལས་བྱུང་བའི་ཇོ་བོ་རྗེ་དཔལ་ལྡན་ཨ་ཏི་ཤའི་ལོ་རྒྱུས་བཞུགས་སོ།།   ༼ངག་དབང་ཀུན་དགའ་བསོད་ནམས་ (1597-1659/1660) མཆོག་གིས་མཛད།༽   སྲོལ་འཛིན་ཨ་ཏི་ཤའི་རྣམ་ཐར་ནི། ཇོ་བོ་ཆེན་པོ་འདི་ཉིད་ནི་བསྐལ་བ་དཔག་ཏུ་མེད་པའི་སྔོན་རོལ་ཏུ། བཅོམ་ལྡན་འདས་ཐུབ་པ་ཆེན་པོ་དང་ཐུགས་མཉམ་དུ་བསྐྱེད་ཅིང་། སྟོན་པ་སངས་རྒྱས་པའི་དུས་རྒྱལ་སྲས་བཟང་སྐྱོང་ཞེས་པར་བཞུགས་ཤིང་། བསྐལ་བཟང་འདི་ལ་སངས་རྒྱས་ཀྱི་མཛད་པ་སྟོན་པར་བཀའ་གདམས་བླ་མ་རྣམས་ཀྱི་གསུང་ལས་འབྱུང་། སྐུ་སྐྱེ་བ་འདིའི་རྣམ་ཐར་ཐུན་མོང་དུ་གྲགས་པ་རྣམས་ལམ་ཡིག་ཏུ་འབྱུང་བ་དང་།

༄༅། །ཇོ་བོ་དགའ་ལྡན་ཆོས་ཀྱི་མདུན་སར་དགོངས་པ་བསྐྱོད་པའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད།༽   ༄༅། །ཀུན་དའི་མདངས་འཕྲོག་གངས་ཅན་མཐའ་ཁོབ་འདིར། །དམ་པའི་ཆོས་ཀྱི་དགའ་ཚལ་ཨ་ཏི་ཤས། །རྣམ་པར་ཕྱེ་ཞིང་རྣམ་གྲོལ་མཆོག་ཉིད་ལ། །འགྲོ་མང་བཀོད་ཚུལ་ཆ་ཙམ་ཡི་གེར་བྲིས། །ཇོ་བོ་དགའ་ལྡན་ཆོས་ཀྱི་མདུན་སར་དགོངས་པ་བསྐྱོད་པའི་རྣམ་ཐར། རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །མཁས་གྲུབ་དཔལ་གྱི་མར་མེ་མཛད་པ་དེ། །རྒྱ་གར་ཡུལ་དུ་བསྟན་པའི་སྒྲོན་མེ་མཛད། །ཐུགས་རྗེ་ཆེན་པོས་བོད་ཡུལ་མུན་པ་བསལ། །

༄༅། །ཇོ་བོ་བོད་དུ་བྱོན་པའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད།༽   ༄༅། །རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །དཱི་པཾ་ཀཱ་རའི་སྙན་པའི་བ་དན་ནི། །སྲིད་གསུམ་སྐྱེ་བོའི་རྣ་བའི་རྒྱན་དུ་བྱས། །ཁྱད་པར་སྤུ་རྒྱལ་བོད་ཀྱི་རྒྱལ་པོ་དེའི། །རྣ་བར་ལྷུང་བས་སྙིང་གི་པདྨོ་རྒྱས། །གཙུག་ལག་ཁང་གྲུམ་ར་བ་བཅོས་པ་ན། །འདྲེ་སྲིན་རྣམས་ཀྱིས་རྣམ་པར་འཚེ་བར་བྱེད། །ལྟ་ངན་བོན་དང་སྦྱོར་སྒྲོལ་ལོག་པའི་ཚོགས། །ཐར་པའི་སྲོག་གཅོད་ངན་འགྲོའི་གཡང་སར་འཁྲིད། །ང་ནི་རྒྱ་གར་མཁན་པོ་ཨ་ཏི་ཤ །

༄༅། །གསེར་གླིང་པ་དང་དངོས་སུ་མཇལ་བའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད།༽   ༄༅། །རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །དེ་ནས་བླ་མ་དམ་པ་གསེར་གླིང་པས། །བསམ་པ་སེམས་བསྐྱེད་གདམས་ངག་དུ་མས་བསྐྱངས། །མདོར་ན་ཐེག་པ་ཆེ་ཆུང་མ་ལུས་པའི། །རྣམ་པར་བཞག་པ་ཐམས་ཅད་བསྟན་རྗེས་སུ། །བླ་མས་དགེས་པའི་འཛུམ་བསྟན་གསུང་བྱོན་པ། །ས་ཡི་རྒྱལ་པོ་རྒྱལ་སྲིད་རྣམས་སྤངས་ནས། །འབངས་ཀྱི་ཚུལ་དུ་བླ་མ་བརྒྱ་ཕྲག་བསྟེན། །ཆགས་པ་མེད་པར་དཀའ་སྤྱད་གོ་གྱོན་ནས། །ཤེས་བྱ་འདི་ལ་ཕྱོགས་རིས་མེད་པར་བསླབས། །

༄༅། །ཇོ་བོས་བྱང་ཆུབ་སེམས་གཉིས་བཙལ་བའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད།༽   ༄༅། །རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །ཇོ་བོ་ལྷ་གཅིག་ཞེས་གྲགས་ཨ་ཏི་ཤས། །དགུང་ལོ་བཅུ་གཉིས་ལོན་ནས་བཅོ་བརྒྱད་བར། །རིགས་པའི་ཁུ་བྱུག་ཨ་ཝ་དྷཱུ་ཏཱི་པ། །ར་ཧུ་ལ་སོགས་བླ་མ་མང་བསྟེན་ནས། །གསང་སྔགས་རྒྱུད་སྡེའི་དགོངས་དོན་ཕལ་ཆེར་རྙེད། །ཏིང་འཛིན་མུ་མཐའ་མེད་པ་ཐུགས་ལ་འཁྲུངས། །ཁྱད་པར་སྐྱེས་མཆོག་ཨ་ཝ་དྷཱུ་ཏཱི་ལས། །ཆགས་པ་མེད་པ་དབུ་མའི་ཆོས་ལུགས་གསན། །

༄༅། །ཆོས་འབྱུང་མཁས་པའི་དགའ་སྟོན་ལས་བྱུང་བའི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར།[1]   ༼དཔའ་བོ་གཙུག་ལག་ཕྲེང་བས་ (1504-1564/1566) མཛད།༽   སྔོན་ཚེ་རྒྱལ་སྲས་གཙོ་བོ་བཟང་སྐྱོང་ནི། །ཟ་ཧོར་རྒྱལ་པོའི་སྲས་འཁྲུངས་སྔགས་སྤྱོད་གྲུབ། །སླར་ཡང་ཕལ་ཆེན་སྡེ་ལས་རབ་ཏུ་བྱུང་། །རིག་གནས་སྡེ་སྣོད་མདོ་རྒྱུད་མ་ལུས་མཁྱེན། །བྱང་ཆུབ་སེམས་ཀྱིས་འགྲོ་ཀུན་དབང་དུ་འདུས། །གྲུབ་ཐོབ་རྣལ་འབྱོར་དབང་ཕྱུག་དུ་མའི་མགོན། །འཛམ་གླིང་ཀུན་ན་ཕུལ་བྱུང་ཨ་ཏི་ཤ །

༄༅། །བཀའ་གདམས་ཆོས་འབྱུང་གསལ་བའི་སྒྲོན་མེ་ལས་བྱུང་བའི་ཇོ་བོ་རྗེའི་རྣམ་ཐར།[1]    ༼ལས་ཆེན་ཀུན་དགའ་རྒྱལ་མཚན་ (1432-1506) གྱིས་མཛད།༽   གསུམ་པ། ཇོ་བོ་ཉིད་ཀྱི་ཆེ་བའི་ཡོན་ཏན་བརྗོད་པའི་སྐབས། གཉིས་པ་སོ་སོའི་ཡོན་ཏན་ཞིབ་ཏུ་བཤད་པ་ལ། ཐོག་མར་ཇོ་བོ་ཡབ་སྲས་ཀྱི་རྣམ་པར་ཐར་པ་བཤད་པ་ནི། ལྷ་བླ་མ་ཁུ་དབོན་གྱི་དུས་སུ་པཎྜི་ཏ་མང་དུ་བྱོན་ཀྱང་། རྗེ་བཙུན་འདི་ཉིད་མཁྱེན་པ་དང་ཐུགས་རྗེ་ཕུལ་དུ་བྱུང་བ་ཉིད་ཀྱིས་པཎྜི་ཏ་གཞན་ལས་ཁྱད་དུ་འཕགས་ཤིང་། བསྟན་པ་རིན་པོ་ཆེ་ཆེས་ཆེར་གསལ་བར་ནུས་པ་ཉིད་དུ་མཐོང་ནས། ཇོ་བོ་ལ་ལྷ་བླ་མས། ཨ་ཏི་ཤ་ཞེས་མཚན་གསོལ་ཏེ། དོན་ནི་ཕུལ་དུ་བྱུང་བ་ཞེས་བྱའོ། །

༄༅། །ཇོ་བོ་རིན་པོ་ཆེ་དཔལ་ལྡན་ཨ་ཏི་ཤའི་རྣམ་ཐར་རྒྱས་པ་ཡོངས་གྲགས་བཞུགས་སོ།།[1] ༼མཆིམས་ཐམས་ཅད་མཁྱེན་པས་ (1210-1285) མཛད།༽   ༄༅། །རྗེ་བཙུན་སྒྲོལ་མ་ལ་ཕྱག་འཚལ་ལོ། །རྒྱལ་བའི་མདུན་ན་རྒྱལ་སྲས་བཟང་པོ་སྐྱོང་། །ཁ་བ་ཅན་ན་དཔལ་ལྡན་མར་མེ་མཛད། །དགའ་ལྡན་གནས་ན་ནམ་མཁའ་དྲི་མ་མེད། །ཡིད་བཞིན་ནོར་བུ་ལྟ་བུར་གཞན་དོན་མཛད། །ཇོ་བོ་ཨ་ཏི་ཤ་ཕྱག་འཚལ་ལོ། །བཀའ་དྲིན་ཅན་རྣམས་ཀྱི་མཆོག །ཇོ་བོ་རྗེ་ལྷ་གཅིག་དེའི་ཡོན་ཏན་མ་ལུས་པར་ནི་གང་གིས་ཀྱང་མི་རྟོགས་ཤིང་། བརྗོད་པར་ཡང་མི་ནུས་ཀྱང་། མོས་པ་གཙོར་བྱས་ཏེ་ཡོན་ཏན་རྒྱ་མཚོ་ལྟ་བུ་ལས་ཆུ་ཐིགས་ཙམ་ཞིག་སྤྱི་བོས་བླང་བར་བྱའོ། །