དཔལ་ནཱ་ལེནྡྲ། བྱོན་པ་ལེགས།

༣༽ དབྱིག་བཤེས་དང་དབྱིག་གཉེན་གཅིག་མིན།   དེ་ཡང་རྫོགས་ཆེན་མཁན་ཆེན་འཇིགས་མེད་རྟ་མགྲིན་ཡོན་ཏན་མགོན་པོས་ (1899-1959) མཛད་པའི་རྒྱན་དྲུག་མཆོག་གཉིས་ལ་བསྟོད་པ་ཨུ་དུམ་ཝ་རའི་ཆུན་འཕྱང་ལས[1]། མང་ཐོས་མཁྱེན་རབ་མ་དྲོས་མཚོ་ཆེན་ལས། ། བདེན་བཞིའི་གཞུང་ལུགས་ཁ་འབབ་རྒྱུན་སྤྲོས་པས། ། ཀུན་རྨོངས་དྲི་མ་དག་བྱེད་མཁས་པའི་ཕུལ། ། སངས་རྒྱས་གཉིས་པ་དབྱིག་གི་གཉེན་ལ་འདུད། །

ཅ༽ སློབ་དཔོན་དབྱིག་གཉེན་སྔ་ཕྱི་གཉིས་བྱོན་མིན་སྐོར། ༡༽ སྔ་ཕྱི་གཉིས་བྱོན་པར་འདོད་པའི་ལུགས།   གཉན་དགོན་སྤྲུལ་སྐུ་མདོ་སྔགས་ཆོས་ཀྱི་རྒྱ་མཚོས་ (1903-1957) མཛད་པའི་རྒྱན་དྲུག་མཆོག་གཉིས་ལ་བསྟོད་པ་ལས[1]། ཆོས་མངོན་རྒྱ་མཚོའི་གཏིང་མཐའ་གཟིགས་པའི་སྤྱན། ། གང་ལ་མངའ་བས་ཀུན་མཁྱེན་གཉིས་པ་ཞེས། ། གྲགས་པ་ས་གསུམ་སྐྱེ་དགུའི་རྣ་རྒྱན་དུ། ། གདགས་མཛད་ཡོན་ཏན་ཕུང་པོ་དབྱིག་གི་གཉེན། །

ང༽ སློབ་དཔོན་དབྱིག་གཉེན་དུས་ནམ་ཞིག་བྱོན་མིན།   དེ་ཡང་འབྲི་གུང་ཆེ་ཚང་དཀོན་མཆོག་རིན་ཆེན་ (1590-1654) གྱིས་མཛད་པའི་འཕགས་པ་རྒྱན་དྲུག་མཆོག་གཉིས་ལ་བསྟོད་པ་རྨད་བྱུང་བློ་གྲོས་ཀྱི་གཏེར་མཛོད་ལས[1]། ཐུབ་བསྟན་དབྱིག་འཛིན་གཞི་ལ་རྣམ་འགྱིང་ཞིང་། ། དམ་ཆོས་གསེར་རིའི་བ་གམ་མངོན་པར་མཐོ། ། སྐལ་བཟང་འགྲོ་ཀུན་ཐར་པར་འཁྲིད་པ་ཡི། ། དེད་དཔོན་གཉེན་མཆོག་ཁྱེད་ལ་ཕྱག་འཚལ་ལོ། །

ག༽ སློབ་དཔོན་དབྱིག་གཉེན་རྒྱལ་བའི་ལུང་གིས་ཟིན་ཚུལ།   དེ་ཡང་དབུས་པ་བློ་གསལ་རྩོད་པའི་སེངྒེས་ (དུས་རབས་13དཀྱིལ་སྨད།) མཛད་པའི་གྲུབ་པའི་མཐའ་རྣམ་པར་བཤད་པའི་མཛོད་ལས[1]། ཆོས་ཀུན་རང་བཞིན་མེད་ཚུལ་མཁྱེན་པ་བེ་ཏའི་རྒྱལ་སྲས་རྒྱལ་བའི་བརྒྱུད་འཛིན་འཕགས་པ་ལྷ། །བདེ་གཤེགས་གསུང་རབ་རྣམ་པར་འབྱེད་མཁས་ཐུབ་པས་ལུང་བསྟན་སཱ་ལའི་སྔགས་འཆང་དབྱིག་གི་གཉེན། །ལེགས་པར་ཟླ་བ་སྙན་ངག་དཔའ་བོའི་དཔལ་དང་རིགས་ཚུལ་དྲི་མེད་ཕྱོགས་གླང་གྲགས་པ་སོགས། །ཞེས་གསུངས་ལ།

ཁ༽ སློབ་དཔོན་དབྱིག་གཉེན་གྱི་སྐུ་ཡི་ཆ་ལུགས།   དེ་ཡང་འགྲོ་མགོན་ཆོས་རྒྱལ་འཕགས་པས་ (1235-1280) མཛད་པའི་མཆོག་བརྒྱད་ཀྱི་བསྟོད་པ་ལས[1]། མང་དུ་སྦྱངས་པས་མཁྱེན་པའི་དཀྱིལ་འཁོར་རྒྱས། ། སྤོབས་པས་ཤེས་བྱའི་མཁའ་ལ་ཐོགས་མེད་རྒྱུ། ། རིགས་པའི་ཟེར་གྱིས་གཞན་གཞུང་ཚང་ཚིང་བསྲེག ། དབྱིག་གཉེན་ཆོས་ཀྱི་ཉི་མ་ལ་ཕྱག་འཚལ། །

བཅུ་པ། སློབ་དཔོན་དབྱིག་གཉེན་ ༼བསུབནྡྷུཿ༽ གྱི་རྣམ་ཐཪ། ཀ༽ དབྱིག་གཉེན་གྱི་མཚན་དོན་དང་མཚན་གྱི་རྣམ་གྲངས།   དེ་ཡང་སྐྱེ་བ་ལྔ་བརྒྱ་པཎྜི་ཏར་འཁྲུངས་པས་སྐྱེས་ཐོབ་ཀྱི་ཤེས་རབ་ཕུན་སུམ་ཚོགས་པར་མ་ཟད། ཡི་དམ་གྱི་ལྷ་ཞལ་གཟིགས་ཤིང་། འབུམ་སྡེ་གོ་དགུ་ཐུགས་ལ་མངའ་བའི་སློབ་དཔོན་དབྱིག་གཉེན་གྱི་མཚན་དོན་ནི། ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]།

༄༅། །རྒྱན་དྲུག་མཆོག་གཉིས། སངས་རྒྱས་ཤཱཀྱ་ཐུབ་པ། 无释迦牟尼佛 མགོན་པོ་ཀླུ་སྒྲུབ། 龙树菩萨 རྒྱལ་སྲས་འཕགས་པ་ལྷ། 圣天菩萨 འཕགས་པ་ཐོགས་མེད། 无著菩萨 སློབ་དཔོན་དབྱིག་གཉེན། 世亲菩萨 སློབ་དཔོན་ཕྱོགས་ཀྱི་གླང་པོ། 陈那菩萨 དཔལ་ལྡན་ཆོས་ཀྱི་གྲགས་པ། 法称论师

༄༅། །དབྱིན་ཇིའི་རྒྱལ་གཉེར་དཔེ་མཛོད་ཁང་དུ་ཉར་བའི་དབུ་མ་རྩ་བའི་འགྲེལ་པ་ག་ལས་འཇིགས་མེད་ཀྱི་སྐོར་རགས་ཙམ་གླེང་བ།    [ནང་དོན་གནད་བསྡུས།] དཔྱད་རྩོམ་འདིའི་ནང་དབྱིན་ཇིའི་རྒྱལ་གཉེར་དཔེ་མཛོད་ཁང་དུ་ཉར་ཚགས་བྱས་པའི་དབུ་མ་རྩ་བའི་འགྲེལ་པ་《ག་ལས་འཇིགས་མེད་》འདི”བཞུགས་བསྟན་འགྱུར་ཕལ་མོ་ཆེར་སློབ་དཔོན་ཀླུ་སྒྲུབ་ཀྱི་རང་འགྲེལ་ཡིན་པར་གསུངས་པར་བརྟེན།

༄༅།། 《ཚད་མ་རིགས་པ་ལ་འཇུག་པ་》དང་《ཚད་མ་རིགས་པར་འཇུག་པའི་སྒོ་》གཉིས་བསྟན་བཅོས་གཅིག་ཡིན་མིན་སྐོར་གླེང་བ། [ནང་དོན་གནད་བསྡུས།］རྩོམ་ཡིག་འདིར་རྒྱ་གར་གྱི་ཚད་མའི་བསྟན་བཅོས་《རིགས་འཇུག་》དང་《རིགས་སྒོ་》ཞེས་པ་བསྟན་བཅོས་མི་འདྲ་བ་གཉིས་ཡིན་ཚུལ་བསྟན་པ་དང་། བོད་ཀྱི་བསྟན་འགྱུར་ཁྲོད་བཞུགས་པའི་《རིགས་འཇུག་》དང་《རིགས་སྒོ་》ཞེས་བྱ་བ་གཉིས་འགྱུར་མི་འདྲ་བའི་བསྟན་བཅོས་གཅིག་ཡིན་ཚུལ་བརྗོད་པ་དང་འབྲེལ་ཏེ་རྒྱ་བོད་མཁས་པའི་ལྟ་ཚུལ་མི་མཐུན་པའི་འབྱུང་རྐྱེན་སྐོར་ལ་དབྱེ་ཞིབ་བཏང་ཡོད། [བརྡ་ཆད་གཙོ་བོ།] ཕྱོགས་གླང་། རིགས་འཇུག རིགས་སྒོ།

༄༅། །བོད་བརྒྱུད་ནང་བསྟན་ཕྱི་དར་གྱི་སྐབས་སུ་བྱོན་པའི་བོད་ཀྱི་ལོ་ཙཱ་བའི་དཔྱད་གླེང་། [ནང་དོན་གནད་བསྡུས།］ རྩོམ་འདིར་དེང་དུས་ཀྱི་འབྲེལ་ཡོད་བརྩམས་ཆོས་སུ་བསྟན་པ་ཕྱི་དར་སྐབས་བྱོན་པའི་བོད་ཀྱི་ལོ་ཙཱ་བའི་མཚན་གྲངས་ངོས་འཛིན་ཐད་དོགས་གནས་སུ་ཚུད་པ་དང་ཡང་ན་མ་དག་པའི་ཚུལ་རེ་འགའ་མཐོང་བ་རྣམས་གསལ་འདོན་བྱས་ཤིང་། སྔོན་བྱུང་འབྲེལ་ཡོད་བརྩམས་ཆོས་ཁག་ཅིག་དཔྱད་བསྡུར་གྱིས་བསྟན་པ་ཕྱི་དར་གྱི་དུས་རིམ་ནང་བྱོན་པའི་ལོ་ཙཱ་བའི་མཚན་གྲངས་ཅུང་འཐུས་ཚང་བའི་སྒོ་ནས་གླེང་ཡོད། [བརྡ་ཆད་གཙོ་བོ།] བསྟན་པ་ཕྱི་དར། བོད་ཀྱི་ལོ་ཙཱ་བ། ངོས་འཛིན། མཚན་བརྗོད།