དཔལ་ནཱ་ལེནྡྲ། བྱོན་པ་ལེགས།

༄༅། །བཀའ་བསྟན་གྱི་འགྱུར་བྱང་ལས་མཐོང་བའི་ཕྱིའི་ལོ་པཎ་གྱི་སྐོར་གླེང་བ། གནད་བསྡུས། བཀའ་བསྟན་གྱི་འགྱུར་བྱང་ཁྲོད་མཐོང་བའི་ཕྱིའི་ལོ་པཎ་གྱི་མཚན་དང་གྲངས་ལ་དབྱེ་ཞིབ་བྱས་པ་བརྒྱུད། དེ་ལས་ལོ་པཎ་ངོས་འཛིན་ལ་འཁྲུལ་ཉེན་གྱི་རྒྱུ་སྟེ། གང་ཟག་གཅིག་ལ་སཾ་བོད་སྐད་གཉིས་ཀྱི་མཚན་འཁོད་པ་གང་ཟག་གཉིས་སུ་འཁྲུལ་བ་དང་། མཚན་གཅིག་མཚུངས་ཅན་གྱི་ལོ་པཎ་སྔ་ཕྱིར་གང་ཟག་གཉིས་རེ་བྱོན་མྱོང་བ་གཅིག་ཏུ་འཁྲུལ་བ། དུས་སྐབས་སོ་སོར་ལེགས་སྦྱར་གྱི་སྐད་གདངས་བོད་ཡིག་ལ་ཕབ་འབྲི་བྱེད་སྟངས་མི་འདྲ་བ་ལས་གང་ཟག་གཅིག་གི་མཚན་གང་ཟག་དུ་མར་འཁྲུལ་ཉེན་པ་སོགས་འཁྲུལ་གཞི་གཙོ་བོ་འགའ་དམིགས་སུ་བཏོན་ཏེ་དཔྱད་པ་བྱས་འདུག གནད་ཚིག བཀའ་བསྟན། ཕྱིའི་ལོ་པཎ། དཔུང་སྡེ་གྲུབ་སྟངས།

༄༅།།སློབ་དཔོན་ཆོས་མཆོག་གི་འཁྲུངས་འདས་དང་འཁྲུངས་ཡུལ་སོགས་ཀྱི་སྐོར་ལ་ཅུང་ཟད་དཔྱད་པ། གནད་བསྡུས། དཔྱད་རྩོམ་འདིར་ད་ཡོད་རྒྱལ་ཁབ་ཕྱི་ནང་གི་འབྲེལ་ཡོད་དཔྱད་ཡིག་གུང་བསྒྲིགས་ནས་བརྟགས་ན་སློབ་དཔོན་ཆོས་མཆོག་ནི་དུས་རབས་བརྒྱད་པའམ་སྤྱི་ལོ་བདུན་རྒྱའི་ནང་དུ་བྱོན་པའི་མཁས་དབང་ཞིག་ཡིན་པ་དང་། ཁོང་གི་འཁྲུངས་ཡུལ་རྒྱ་གར་དང་ཀསྨིར་གང་ཞིག་ཡིན་མིན་ཐད་ལ་དོགས་སློང་མཛད་པ་མ་ཟད། སློབ་དཔོན་གང་ཞིག་བསྟེན་མྱོང་བ། སྒོས་སུ་ཁོང་ལ་གསུང་རྩོམ་གཙོ་བོ་ཆེ་བ་གང་དང་གང་ཡོད་མེད་སྐོར་སོགས་གླེང་འདུག

ཇོ་བོ་རྗེའི་བསྟོད་པ་སུམ་ཅུ་པ་ལ་ཅུང་ཟད་དཔྱད་པ། [གནད་བཏུས།] ཇོ་བོ་རྗེའི་ལོ་རྒྱུས་མདོར་བསྡུས་དང་འབྲེལ་ཏེ་ལྷ་བླ་མ་ཡེ་ཤེས་འོད་ཀྱིས་ཁོང་ཇི་ལྟར་གདན་འདྲེན་ཞུས་པའི་གནས་ཚུལ་དང། འབྲོམ་སྟོན་པ་རྒྱལ་བའི་འབྱུང་གནས་ཀྱིས་རང་གི་བླ་མ་དྲན་ནས་བསྟོད་པ་ཇི་ལྟར་མཛད་ཡོད་པ་དང་། བསྟོད་རྩོམ་འདིའི་བརྗོད་བྱའི་སྙིང་པོ་དང། བརྩམས་ཆོས་ཀྱི་བསམ་བློ། རྩོམ་སྟངས་ཀྱི་ཁྱད་ཆོས་དག་ཅི་འདྲ་ཡིན་པ། ད་དུང་བསྟོད་རྩོམ་ཕྱི་མ་དག་གི་བརྗོད་བྱའི་ཐད་ལ་ཐེབས་པའི་ཤུགས་རྐྱེན་སོགས་ལ་དཔྱད་པ་བྱས་ཡོད།

ཕྱོགས་དུས་རྒྱལ་བ་སྲས་དང་བཅས་རྣམས་ཀྱིས།། བདག་ཅག་སྙིགས་དུས་འགྲོ་བ་མགོན་མེད་ལ།། སྐལ་མཉམ་གཟུགས་སུ་སྤྲུལ་ནས་དོན་མཛད་པ།། བླ་མ་སངས་རྒྱས་རྣམས་ལ་གསོལ་བ་འདེབས།། སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་གསོལ་འདེབས། ཀུན་བཟང་རྡོར་སེམས་དགའ་རབ་ཤྲཱི་སིང༌། ། པདྨ་ཀ་ར་རྗེ་འབངས་ཉེར་ལྔ་དང༌།། སོ་ཟུར་གནུབས་གཉགས་གཏེར་སྟོན་བརྒྱ་རྩ་སོགས། ། སྔ་འགྱུར་རིག་འཛིན་རྣམས་ལ་གསོལ་བ་འདེབས།།

དཔལ་ཞི་བ་ལྷའི་རྣམ་ཐར་མདོར་བསྡུས།   ༄༅། །ཐུགས་བསྐྱེད་ལྷག་བསམ་ལྗོན་པའི་རྩ་བ་བརྟན། །རླབས་ཆེན་སྤྱོད་པའི་ཡལ་འདབ་ཕྱོགས་སུ་རྒྱས། །དོན་གཉིས་འབྲས་བུའི་ཁུར་གྱིས་རབ་དུད་པའི། །འཇམ་དཔལ་མི་ཡི་གར་བསྒྱུར་ཞི་བ་ལྷ། །གང་དེའི་རྒྱལ་སྲས་སྤྱོད་པ་རྒྱ་མཚོ་ལས། །སྐྲ་རྩེར་བླངས་པའི་ཟེགས་མའི་ཆ་ཙམ་ཡང་། །བརྗོད་པས་འགྲོ་ལ་སྨན་པའི་གཏེར་གྱུར་ན། །མཐའ་ཡས་ཡོན་ཏན་བརྗོད་པར་སྨོས་ཅི་འཚལ། །

རྒྱན་དྲུག་གི་བསྟོད་པ། ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། ། གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོའི་ཞབས་ལ་ཕྱག་འཚལ་ལོ། ། དགའ་ལྡན་གནས་སུ་དམ་པ་ཏོག་དཀར་པོས། རང་གི་ཅོད་པན་ཉིད་ཀྱི་དབུར་བཅིངས་ཏེ། ། རྒྱལ་ཚབ་ཉིད་དུ་དབང་བསྐུར་མཆོག་བརྙེས་པ། །རྣམ་འདྲེན་མ་ཕམ་མགོན་ལ་ཕྱག་འཚལ་ལོ། །

༄༅། །གལ་གནད་ཆེ་བའི་ལོ་ཚིགས་འགའ་ཞིག་གི་དོགས་གཅོད།   དེང་སང་གདན་སའི་སློབ་གཉེར་བའི་ནང་ལ་ཡང་བྱུང་བ་རིག་པའི་ཐོག་ལ་ཐུགས་སྣང་ཡོད་མཁན་དང་། བྱུང་བ་རིག་པའི་རྣམ་གཞག་དང་བསྟུན་ནས་སྔོན་གྱི་བྱུང་རབས་ལ་བརྟག་དཔྱད་གནང་ཐུབ་མཁན་མང་པོ་འདུག་པར་མ་ཟད། ལྗགས་རྩོམ་གནང་མཁན་མང་པོ་འདུག་ལ། རྩོམ་ཡིག་འབྲི་མཁན་ཡང་མང་པོ་འདུག་པ་དེ་རྗེས་སུ་ཡི་རང་བྱ་བའི་གནས་རེད།

ཝ༽ འཕགས་པ་ཐོགས་མེད་ཀྱི་རྣམ་ཐར་སྙིང་བསྡུས།   པེ་ཤ་ཝར་དུ་རྒྱལ་པོའི་རིགས་སུ་འཁྲུངས། ། བྱམས་པས་རྗེས་བཟུང་ས་སྡེ་སྡོམ་སོགས་མཛད། ། སེམས་ཙམ་སྲོལ་བཏོད་ཐེག་ཆེན་བསྟན་པ་སྤེལ། ། བསྟན་པའི་ཀ་ཆེན་ཐོགས་མེད་ཞབས་ལ་འདུད། ། ཅེས་བསྟོད་ཕྱག་སྔོན་དུ་བཏང་སྟེ། སློབ་དཔོན་འདིའི་ལེགས་སྦྱར་གྱི་མཚན་ལ་ཨ་སཾ་གཿ (असंग,) (Asanga) དང་། རྒྱའི་སྐད་དུ་ (無著) བོད་སྐད་དུ་འཕགས་པ་ཐོགས་མེད་ཅེས་ཞུ་ཞིང་།

ཛ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་རྒྱལ་བས་འཇམ་དཔལ་རྩ་རྒྱུད་དུ་ཇི་ལྟར་ལུང་བསྟན་པ་བཞིན་སེམས་ཙམ་པའི་ཤིང་རྟའི་སྲོལ་ཐོག་མར་ཕྱེ་བའི་ཚུལ་ལས་བརྩམས་ཏེ་སློབ་དཔོན་ཆེན་པོ་འཕགས་པ་ཐོགས་མེད་ཀྱི་ཞབས་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]། བྱམས་པས་རྗེས་བཟུང་ཐེག་ཆེན་སྡེ་སྣོད་ཀུན། །ལེགས་པར་སྤེལ་མཁས་རྒྱ་ཆེན་ལམ་སྟོན་ཞིང༌། ། རྒྱལ་བའི་ལུང་བཞིན་རྣམ་རིག་ཤིང་རྟའི་སྲོལ། །འབྱེད་མཛད་ཐོགས་མེད་ཞབས་ལ་གསོལ་བ་འདེབས། །

༦༽ ཐོགས་མེད་ཀྱིས་མཛད་པའི་དེ་ཉིད་རྣམ་ངེས།   དེ་ཡང་ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]། མཁྱེན་པའི་ཆུ་འཛིན་དཀར་པོ་ལྷུན་སྟུག་ཅིང་། །རྨད་བྱུང་སྤོབས་པའི་གློག་འོད་རབ་འཁྱུག་ལ། ། ལེགས་བཤད་སྤྲིན་གྱི་རྔ་སྒྲ་མངོན་མཐོ་བའི། །འཕགས་པ་ཐོགས་མེད་སྤྲིན་གྱི་དབང་པོར་འདུད། །