དཔལ་ནཱ་ལེནྡྲ། བྱོན་པ་ལེགས།

ཐ༽ སཾ་ག་ར་ཨཱ་ཙརྱ་སྐྱེ་བ་བརྒྱུད་མར་ཚར་བཅད་ཚུལ།   དེ་ཡང་རིགས་པའི་དབང་ཕྱུག་དཔལ་ལྡན་ཆོས་ཀྱི་གྲགས་པས་རིགས་པའི་ལམ་ནས་རྒོལ་ངན་རྩོད་པས་ཚར་བཅད་ཚུལ་ནི། དཀོན་མཆོག་འཇིགས་མེད་དབང་པོས་ (1728-1791) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། དངོས་སྟོབས་རིགས་པ་སེངྒེའི་ང་རོས་ཡིས། ། སྨྲ་ངན་མུ་སྟེགས་གཉིས་འཐུང་ཀུན་འཇོམས་ཤིང་། ། ཐུབ་བསྟན་གངས་རི་སྐྱོང་བའི་དཔལ་ཡོན་ཅན། ། ཆོས་ཀྱི་གྲགས་པའི་ཞབས་ལ་ཕྱག་འཚལ་ལོ། །

ཏ༽ མུ་སྟེགས་པའི་གཞུང་ལ་སྦྱངས་ཏེ་རྩོད་པ་མཛད་ཚུལ།   དེ་ཡང་ངག་དབང་ཀུན་དགའ་བློ་གྲོས་ (1729-1783) མཆོག་གིས་མཛད་པའི་ཆོས་གྲགས་ཀྱི་སྐུའི་འདོད་གསོལ་ལས[1]། སློབ་དཔོན་གྲུབ་མཐའ་འཁྲུལ་འབྱིན་བཀའ་གནང་ཐོབ། ། གྲངས་ཅན་གསང་ཚིག་ཐབས་མཁས་འཕྲུལ་གྱིས་མཁྱེན། ། རྩོད་ལ་ཟླ་མེད་དྲིལ་བསྒྲགས་ཕལ་ཆེར་བྲོས། ། དོ་ཟླར་འོས་རྣམས་ཚར་བཅད་དེ་ལ་འདུད། །

ཉ༽ རྡོ་རྗེ་སློབ་དཔོན་བསྟེན་ཏེ་དངོས་གྲུབ་ཐོབ་ཚུལ།   དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་དཔལ་ཆོས་ཀྱི་གྲགས་པ་ལ་བསྟོད་པ་ལས[1]། དཔལ་ཆེན་ཁྲག་འཐུང་གཙོ་བོས་བྱིན་བརླབས་ཤིང་། ། རིག་པ་འཛིན་པའི་ས་རྣམས་ཡོངས་སུ་རྫོགས། ། གསང་གསུམ་སྒྱུ་འཕྲུལ་དྲྭ་བའི་རོལ་མོ་ཅན། ། གྲུབ་པའི་ནང་ན་དགྱེས་མཛད་ཆོས་གྲགས་ཞབས། །

ཇ༽ དབང་ཕྱུག་སྡེ་བསྟེན་ནས་མཁས་པར་གྱུར་ཚུལ།   དེ་ཡང་ངག་དབང་ཀུན་དགའ་བློ་གྲོས་ (1729-1783) མཆོག་གིས་མཛད་པའི་ཆོས་གྲགས་ཀྱི་སྐུའི་འདོད་གསོལ་ལས[1]། ཞང་པོ་གཞོན་ནུ་ལེགས་ལྡན་གྱིས་བསྐྲད་པས། ། མུ་སྟེགས་མཐར་མཛད་ནང་པའི་བསྟན་ལ་བྱོན། ། དྷརྨཱ་ཀིརྟིའི་མཚན་འཆང་དབང་ཕྱུག་སྡེར། ། ཚད་མའི་གཞུང་གསན་སློབ་དཔོན་ལས་ལྷག་འདུད། །

ཆ༽ གཞོན་ནུའི་དུས་ཀྱི་མཛད་པ་དང་རབ་ཏུ་བྱུང་ཚུལ།   དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་དཔལ་ཆོས་ཀྱི་གྲགས་པ་ལ་བསྟོད་པ་ལས[1]།  སློབ་པ་མིན་པའི་ཡེ་ཤེས་ཆེན་པོའི་གར། ། ངུར་སྨྲིག་འཆང་བའི་གཟུགས་སུ་ལེགས་བསྒྱུར་ཏེ། ། འཛམ་བུའི་གྲོང་ཁྱེར་ཀུན་ནས་དགེ་མཛད་པ། ། འཕགས་ཡུལ་ཤིང་རྟ་ཆེན་པོ་ཆོས་གྲགས་ཞབས། །

ཅ༽ དཔལ་ལྡན་ཆོས་གྲགས་དུས་ནམ་ཞིག་ལ་བྱོན་མིན།   དེ་ཡང་པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མས་ (1883-1937)  མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ལས[1]། འཇིགས་མེད་བརྟུལ་ཞུགས་སྤོབས་པའི་རྩལ་རྫོགས་ཤིང་། ། རིགས་པའི་ཐལ་མོ་གཅིག་གིས་གཞན་སྡེའི་ཚོགས། ། སྙིང་དང་ལྕེ་རྩེ་ལྷན་ཅིག་འདར་བྱེད་པ། ། ཆོས་ཀྱི་གྲགས་པའི་ཞབས་ལ་གསོལ་བ་འདེབས། །

ང༽ དཔལ་ལྡན་ཆོས་གྲགས་སྐུ་འཁྲུངས་ཡུལ།   དེ་ཡང་ངག་དབང་ཀུན་དགའ་བློ་གྲོས་ (1729-1783) མཆོག་གིས་མཛད་པའི་ཆོས་གྲགས་ཀྱི་སྐུའི་འདོད་གསོལ་ལས[1]། ལྔ་བདོའི་དཔལ་མགོན་བདག་ཅག་སྟོན་པ་ཡི། ། བསྟན་པ་དག་པར་བསྒྲུབ་ཕྱིར་བསམ་བཞིན་དུ། ། ལྷོ་ཕྱོགས་རྒྱལ་དབང་གཙུག་ནོར་མུ་སྟེགས་རིགས། ། ལེགས་འཁྲུངས་གཞོན་ནུ་སྒྲ་མཁན་དེ་ལ་འདུད། །

ག༽ དཔལ་ལྡན་ཆོས་གྲགས་རྒྱལ་བའི་ལུང་གིས་ཟིན་ཚུལ།   དེ་ཡང་ཀུན་དགའ་འཇམ་དབྱངས་མཁྱེན་རབ་རྒྱ་མཚོའམ་ (1901-1959) འཇམ་དཔལ་བཞད་པའི་རྡོ་རྗེས་མཛད་པའི་འཕགས་ཡུལ་མཁས་པའི་དབང་ཕྱུག་འཛམ་གླིང་རྒྱན་དྲུག་མཆོག་གཉིས་རྣམས་ཀྱི་རྟོགས་བརྗོད་ངོ་མཚར་སྙན་ངག་གསེར་གྱི་ཉག་ཐག་ལ་བསྟར་བའི་བསྟོད་པ་རྨད་བྱུང་ནོར་བུའི་འཕྱང་འཕྲུལ་བློ་གསལ་མགུལ་རྒྱན་ལས[1]། རྒྱལ་སྲས་དབང་པོ་ཀུན་ཏུ་བཟང་པོ་ཡིས། ། རྒོལ་ངན་ཚར་གཅོད་སླད་དུ་སྐུ་སྤྲུལ་བ། ། རྒྱལ་བའི་ལུང་བསྟན་སྡོམ་བརྩོན་སྔགས་གྲུབ་པའི། ། ཆོས་ཀྱི་གྲགས་པའི་ཞབས་ལ་སྤྱི་བོས་འདུད། །

ཁ༽ དཔལ་ལྡན་ཆོས་གྲགས་ཀྱི་སྐུ་ཡི་ཆ་ལུགས།   དེ་ཡང་འགྲོ་མགོན་ཆོས་རྒྱལ་འཕགས་པས་ (1235-1280) མཛད་པའི་རྒྱན་དྲུག་མཆོག་གཉིས་ཀྱི་བསྟོད་པ་གཞུང་ལུགས་མ་ལས[1]། ལུགས་བཟང་རི་བོའི་སྤོ་ལ་གནས་བཅས་ཤིང་། ། བློ་གྲོས་ལུས་རྒྱས་རིགས་པའི་མཆེ་སྡེར་གྱིས། ། རྒོལ་བ་གླང་པོའི་སྤོབས་པའི་ཀླད་འགེམས་པ། ། ཆོས་ཀྱི་གྲགས་པ་འཇིགས་མེད་སེང་གེ་རྒྱལ། །

བཅུ་གཉིས་པ། དཔལ་ལྡན་ཆོས་གྲགས་ ༼དྷརྨ་ཀིརྟི༽ ཀྱི་རྣམ་ཐར། ཀ༽ དཔལ་ལྡན་ཆོས་ཀྱི་གྲགས་པའི་མཚན་དོན།   དེ་ཡང་རྒྱལ་བའི་བསྟན་པ་འཆད་རྩོད་རྩོམ་གསུམ་གྱི་སྒོ་ནས་ཤིན་ཏུ་རྒྱས་པར་མཛད་པ་པོ་རིགས་པའི་དབང་ཕྱུག་ཆེན་པོ་དཔལ་ཆོས་ཀྱི་གྲགས་པའི་མཚན་དོན་ནི། པཎྜི་ཏ་རྒྱ་གར་མངོན་ཤེས་ཅན་ནམ་བླ་མ་རྡོ་རྗེ་གདན་པས་ (ཕལ་ཆེར་དུས་རབས་11པ།) མཛད་པའི་གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་ལས[1]། མུ་སྟེགས་རིགས་ལ་སྒྲ་ཚད་མཁན། །ཕྱིར་རྒོལ་ཚར་བཅད་མཁའ་ལ་གཤེགས། ། དྷརྨྨ་ཀཱི་རྟི་[2]ཞེས་བྱ་བའི། །བླ་མ་དེ་ལ་ཕྱག་འཚལ་ལོ། །