དཔལ་ནཱ་ལེནྡྲ། བྱོན་པ་ལེགས།

ཏ༽ རྗེ་བཙུན་འཇམ་དབྱངས་ཀྱིས་རྗེས་སུ་བཟུང་ཚུལ།   དེ་ཡང་ཚད་མ་རིག་པའི་མེས་པོ་སློབ་དཔོན་ཕྱོགས་ཀྱི་གླང་པོ་རྗེ་བཙུན་འཇམ་དབྱངས་ཀྱིས་རྗེས་སུ་བཟུང་ཚུལ་ནི། འགྲོ་མགོན་ཆོས་རྒྱལ་འཕགས་པས་ (1235-1280) མཛད་པའི་ཐོགས་མེད་སྐུ་མཆེད་སོགས་ལ་བསྟོད་པ་ལས[1]། ཁྱོད་ཐུགས་འཇམ་པའི་དབྱངས་ཀྱིས་གསལ་མཛད་པས། ། ཤེས་བྱ་ཀུན་ལ་མཁྱེན་པ་རབ་རྒྱས་ཤིང༌། ། མཁས་མཆོག་རྣམས་ཀྱི་གཙུག་གི་རྒྱན་གྱུར་པ། ། དཔལ་ལྡན་ཕྱོགས་ཀྱི་གླང་པོའི་ཞབས་ལ་འདུད། །

ཉ༽ རྩོད་པ་དང་སྒྲུབ་པ་ཇི་ལྟར་མཛད་ཚུལ།   དེ་ཡང་རྗེ་བཙུན་རེད་མདའ་བ་ཆེན་པོས་ (1349-1412) མཛད་པའི་འཛམ་གླིང་མཁས་པའི་རྒྱན་དྲུག་ལ་བསྟོད་པ་ལས[1]། ཕུལ་དུ་བྱུང་བའི་བློ་གྲོས་སྟོབས་ཀྱིས་བཙུན། ། རྨད་དུ་བྱུང་བའི་ཡོན་ཏན་ཁུར་གྱིས་བརྗིད། ། ལོག་སྨྲ་འདམ་བུའི་ཚལ་རབ་འཇོམས་མཛད་པའི། ། ཕྱོགས་ཀྱི་གླང་པོའི་ཞབས་ལ་ཕྱག་འཚལ་ལོ། །

ཇ༽ དབྱིག་གཉེན་བསྟེན་ནས་མཁས་པར་གྱུར་ཚུལ།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། དེས་ནས་ཆོས་མཛོད་བྱེ་བའི་བདག་པོ་ཆེ། ། ཀུན་མཁྱེན་གཉིས་པ་དབྱིག་གི་གཉེན་པོ་ཡི། ། ཞབས་སྐྱེས་གཙུག་གི་རྒྱན་དུ་རབ་བཀོད་པས། ། ཟླ་མེད་མཁས་མཆོག་གྱུར་ལ་ཕྱག་འཚལ་ལོ། །

ཆ༽ བརྗོད་དུ་མེད་པའི་བདག་བཙལ་ཚུལ།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། མཁན་པོའི་གསུང་བཞིན་བརྗོད་མེད་བདག་སྒོམ་སླད། ། ངོ་མཚར་སྤྱོད་པ་བསྟན་ལ་ཕྱག་འཚལ་ལོ། ། གྲོགས་ཀྱིས་དེ་ཚུལ་ཞུས་པ་མཁན་པོ་ཡིས། ། རང་ལུགས་སུན་འབྱིན་གནས་ནས་དབྱུང་བའི་བཀའ། ། རིགས་པས་བཟློག་པར་ནུས་ཀྱང་འོས་མིན་པར། ། དགོངས་ནས་སྤྱི་བོས་བླངས་ལ་ཕྱག་འཚལ་ལོ། །

ཅ༽ འཁྲུངས་ཡུལ་དང་འཁྲུངས་ནས་རབ་ཏུ་བྱུང་ཚུལ།   དེ་ཡང་ཚད་མ་རིག་པའི་ཤིང་རྟའི་སྲོལ་འབྱེད་སློབ་དཔོན་ཕྱོགས་ཀྱི་གླང་པོ་ཡུལ་གང་དུ་སྐུ་འཁྲུངས་པ་དང་། ཁྱིམ་ནས་ཁྱིམ་མེད་པར་རབ་ཏུ་བྱུང་ཚུལ་ནི། ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། རྨད་བྱུང་གྲུབ་པའི་གོ་འཕང་མཐོར་གཤེགས་ཀྱང་། ། ཐུབ་བསྟན་སྙིང་ལ་གཅེས་པ་འབའ་ཞིག་གིས། ། བྲམ་ཟེ་སཱ་ལ་ཆེན་པོའི་གདུང་རིགས་སུ། ། བསམ་བཞིན་ལེགས་པར་འཁྲུངས་ལ་ཕྱག་འཚལ་ལོ། ། དེ་ནས་གནས་མ་བུ་ཡི་མཁན་པོ་ལས། ། ཐུབ་པའི་བརྟུལ་ཞུགས་དྲི་མེད་རབ་བླངས་ཏེ། །

ང༽ སློབ་དཔོན་ཕྱོགས་གླང་དུས་ནམ་ཞིག་བྱོན་མིན། ༡༽ རྒྱ་གར་མཁས་པའི་བཞེད་ལུགས།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། ཐུབ་བསྟན་པད་མཚོར་འཇིགས་མེད་རྟག་རོལ་ཞིང་། ། ལོག་སྨྲའི་ཚལ་འཇོམས་ཕྱོགས་ཀྱི་གླང་པོ་ཞེས། ། གྲགས་པ་འཕགས་ཡུལ་མཁས་མང་མཐའ་དག་གི ། མགྲིན་པའི་རྒྱན་དུ་བྱས་ལ་ཕྱག་འཚལ་ལོ། །

ག༽ སློབ་དཔོན་ཕྱོགས་གླང་གི་སྐུ་ཡི་ཆ་ལུགས།   དེ་ཡང་དཀོན་མཆོག་འཇིགས་མེད་དབང་པོས་ (1728-1791) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། འཇམ་དཔལ་དབྱངས་ཀྱིས་དགྱེས་བཞིན་རྗེས་བཟུང་བས། ། ཕྱི་ནང་གཙུག་ལག་མ་ལུས་ཐུགས་སུ་ཆུད། ། ཡང་དག་རིགས་པས་ལྟ་ངན་དྲུངས་འབྱིན་པ། ། ཕྱོགས་ཀྱི་གླང་པོའི་ཞབས་ལ་ཕྱག་འཚལ་ལོ། །

ཁ༽ སློབ་དཔོན་ཕྱོགས་གླང་རྒྱལ་བའི་ལུང་གིས་ཟིན་ཚུལ།   དེ་ཡང་རིག་པའི་དབང་ཕྱུག་དགེ་བ་རྒྱལ་མཚན་ (1387-1462) གྱིས་མཛད་པའི་ཚད་མ་ཀུན་ལས་བཏུས་པ་ཞེས་བྱ་བའི་རབ་ཏུ་བྱེད་པའི་རྒྱན་ལས[1]། རབ་འབྱམས་ཞིང་གི་རྒྱལ་བ་སྲས་བཅས་ཀྱི། ། དགོངས་པ་ཇི་བཞིན་རིགས་པས་བསྒྲུབ་པའི་ཚུལ། ། རིགས་པས་སྒྲུབ་ལ་རྒྱལ་བ་གཉིས་པ་རུ། ། རྒྱལ་བས་ལུང་བསྟན་ཕྱོགས་ཀྱི་གླང་པོའི་གཞུང༌། །

བཅུ་གཅིག་པ། སློབ་དཔོན་ཕྱོགས་གླང༌ ༼དིགྣགཿ༽ གི་རྣམ་ཐར། ཀ༽ སློབ་དཔོན་ཕྱོགས་གླང་གི་མཚན་གྱི་སྐོར།   དེ་ཡང་རྡོ་སྦིས་དགེ་བཤེས་ཤེས་རབ་རྒྱ་མཚོས་ (1884-1968) མཛད་པའི་སྟོན་པ་དང་རྒྱན་དྲུག་མཆོག་གཉིས་ཀྱི་སྐུ་ཐང་གི་ཞལ་བྱང་དུ་གནང་བ་ལས[1]། ཚད་མའི་དེ་ཉིད་རབ་གསལ་ཉི་མའི་སྤྱན། ། སྤྱན་རས་གཟིགས་ལ་འཁུ་བའི་བརྩེ་བ་འཛིན། ། འཛིན་མའི་ཁྱོན་ན་སྨྲ་ངན་འཇོམས་པའི་ཕུལ། ། ཕུལ་བྱུང་རིགས་པའི་དབང་ཕྱུག་དི་ག་ནག །

འ༽ སློབ་དཔོན་དབྱིག་གཉེན་གྱི་རྣམ་ཐར་སྙིང་བསྡུས།   བྲམ་ཟེའི་རིགས་འཁྲུངས་ཁ་ཆེའི་ཡུལ་དུ་བྱོན། ། འདུན་བཟང་བསྟེན་ནས་མཁས་པའི་གོ་འཕང་རྙེད། ། འབུམ་སྡེ་གོ་དགུ་ཐུགས་མངའ་བསྟན་བཅོས་མཛད། ། ཀུན་མཁྱེན་གཉིས་པ་དབྱིག་གཉེན་ཞབས་ལ་འདུད། །