དཔལ་ནཱ་ལེནྡྲ། བྱོན་པ་ལེགས།

བ༽ སློབ་དཔོན་ཕྱོགས་གླང་གི་རྣམ་ཐར་སྙིང་བསྡུས། ལྷོ་ཕྱོགས་ཡུལ་དུ་བྲམ་ཟེའི་རིགས་སུ་འཁྲུངས། ། དབྱིག་གཉེན་སོགས་བསྟེན་དབུས་སུ་མཁས་པར་གྱུར། ། ཤར་དུ་སྒྲུབ་གཞོལ་རྒོལ་ངན་ཚར་གཅོད་པའི། ། ཚད་མའི་རྒྱན་གྱུར་ཕྱོགས་གླང་ཞབས་ལ་འདུད། །

ཕ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་གཞུང་ཆེན་བཀའ་པོད་ལྔའི་ནང་ཚན་ནང་པའི་ཚད་མ་རིག་པའི་སྒོ་བརྒྱ་ལེགས་པར་ཕྱེ་བའི་ཚུལ་ལས་བརྩམས་ཏེ་རྣམ་དཔྱོད་ཀྱི་བློ་མིག་སྦྱིན་པར་མཛད་མཁན་གྱི་རིགས་པའི་དབང་ཕྱུག་སློབ་དཔོན་ཕྱོགས་ཀྱི་གླང་པོ་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཐམས་ཅད་མཁྱེན་པས་མཛད་པའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]། ཐུབ་པའི་གཞུང་ལུགས་དངོས་སྟོབས་རིགས་པ་ཡིས། ། སྟོན་ཕྱིར་ཚད་མའི་སྒོ་བརྒྱ་ལེགས་ཕྱེ་ནས། ། རྣམ་དཔྱོད་བློ་མིག་སྦྱིན་མཛད་ཚད་མ་པ། ། ཕྱོགས་ཀྱི་གླང་པོའི་ཞབས་ལ་གསོལ་བ་འདེབས། །

༧) ཕྱོགས་གླང་དང་དེའི་གཞུང་གི་ཁྱད་ཆོས།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་དཔལ་ཕྱོགས་ཀྱི་གླང་པོའི་རྟོགས་པ་བརྗོད་པའི་གཏམ་ལས[1]། ཁྱད་པར་དུ་ཡང་ཤིང་རྟའི་སྲོལ། །གཞན་ལ་མ་གྲགས་རིག་པའི་གནས། ། རང་ཉིད་གཅིག་པུའི་རྣམ་དཔྱོད་ཀྱིས། །རྩལ་སྟོན་མཛད་པ་ཚད་མའི་མདོ། །

༧༽ རིགས་པ་ལ་འཇུག་པ།   དེ་ཡང་ཀུན་དགའ་འཇམ་དབྱངས་མཁྱེན་རབ་རྒྱ་མཚོས་ (1901-1959) མཛད་པའི་རྒྱན་དྲུག་མཆོག་གཉིས་རྣམས་ཀྱི་རྟོགས་བརྗོད་ངོ་མཚར་སྙན་ངག་གསེར་གྱི་ཉག་ཐག་ལ་བསྟར་བའི་བསྟོད་པ་རྨད་བྱུང་ནོར་བུའི་འཕྱང་འཕྲུལ་བློ་གསལ་མགུལ་རྒྱན་ལས[1]། རྣམ་དཀར་ཚོགས་གཉིས་བསྐལ་པར་གོམས་པའི་ཚུལ། ། སྒྲུབ་བྱེད་རིག་པའི་གློག་འཕྲེང་འཁྱུག་ཙམ་གྱིས། ། ལྟ་ངན་ལོག་སྨྲའི་བྲག་རི་མཐར་མཛད་པ། ། མཁས་པའི་གཙུག་རྒྱན་ཕྱོགས་ཀྱི་གླང་པོར་འདུད། །

༣༽ ཕྱོགས་གླང་གི་ཚད་མའི་གཞུང་ངོ་སྤྲོད།   དེ་ཡང་ཀློ་བོ་མཁན་ཆེན་བསོད་ནམས་ལྷུན་གྲུབ་ཀྱིས་ (1456/1441-1532/1525) མཛད་པའི་སྡེ་བདུན་མདོ་དང་བཅས་པའི་དགོངས་འགྲེལ་ཚད་མ་རིགས་གཏེར་ལ་ཉེ་བར་མཁོ་བ་མཐའ་གཉིས་གསལ་བྱེད་ལས[1]། མོས་སྤྱོད་སར་གནས་རྣམ་དཔྱོད་རྒྱ་ཆེ་བ། ། ཕྱོགས་གླང་རིགས་པའི་སྟོབས་ཀྱིས་རིགས་པ་ཡི། ། རྣམ་གྲངས་མི་འདྲའི་བསྟན་བཅོས་བརྒྱ་རྩ་བརྒྱད། ། སོ་སོར་མཛད་ཅེས་གྲགས་ཀྱང་ཀུན་གྱི་དོན། །

པ༽ སློབ་དཔོན་ཕྱོགས་གླང་གི་བསྟན་བཅོས་ངོ་སྤྲོད། ༡༽ ཕྱོགས་གླང་གིས་མཛད་པའི་བསྟན་བཅོས་ཀྱི་མཚན་བྱང་།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། ཀུན་རྨོངས་གཉིད་ཀྱིས་འགྲོ་འདི་མནར་བའི་ཚུལ། ། གཟིགས་པའི་ཤུགས་དྲག་སྙིང་རྗེས་ཡིད་བསྐྱོད་དེ། ། དེ་ཉིད་བསལ་སླད་དམིགས་བརྟག་མཛོད་འགྲེལ་སོགས། ། ལེགས་བཤད་དགའ་སྟོན་སྤྲོས་ལ་ཕྱག་འཚལ་ལོ། །

ན༽ ངོ་མཚར་གྱི་མཛད་པ་བསྟན་ཏེ་མྱ་ངན་ལས་འདས་ཚུལ།   དེ་ཡང་ཀུན་མཁྱེན་པདྨ་དཀར་པོས་ (1527-1592) མཛད་པའི་རྒྱན་དྲུག་མཆོག་གཉིས་ལ་གཙོ་བོར་བསྟོད་པ་རིན་པོ་ཆེའི་རྒྱུད་མངས་བསྒྲེང་བ་ལས་[1]ཀྱང་། འཇམ་པའི་དབྱངས་ཀྱིས་རྗེས་གཟུང་དྲི་མེད་བློ། ། ཀུན་བཏུས་རལ་གྲི་རེངས་པ་སྣར་བཅངས་ནས། ། རྩོད་པའི་མདུན་སར་མུ་སྟེགས་བཀར་བཏགས་ཤིང་། ། རྒྱལ་བསྟན་བཏེགས་པའི་ཕྱོགས་ཀྱི་གླང་པོར་འདུད། །

ད༽ སེམས་ཙམ་རྣམ་བདེན་པའི་སྲོལ་ཕྱེ་ཚུལ།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་དཔལ་ཕྱོགས་ཀྱི་གླང་པོའི་རྟོགས་པ་བརྗོད་པའི་གཏམ་ལས[1]། འདེགས་ལ་ངལ་བ་མེད་ཁྱོད་ཀྱིས། ། ཐོག་མར་ཉན་ཐོས་སྡེ་པའི་གཞུང་། ། འཁྲུལ་མེད་མདོ་དང་སྦྱར་མཛད་ནས། ། སེམས་ཙམ་གཞུང་དང་དབུ་མ་ཡང་། ། ཆོས་འཁོར་གསུམ་པའི་མདོ་བཞིན་བཀྲལ། །

༡༽ ཚད་མ་ཀུན་བཏུས་ཀྱི་བརྗོད་བྱ་དང་གཞུང་ཚད།   དེ་ཡང་ཀུན་དགའ་འཇམ་དབྱངས་མཁྱེན་རབ་རྒྱ་མཚོའམ་ (1901-1959) འཇམ་དཔལ་བཞད་པའི་རྡོ་རྗེས་མཛད་པའི་འཛམ་གླིང་རྒྱན་དྲུག་མཆོག་གཉིས་ཀྱི་རྟོགས་བརྗོད་བློ་གསལ་མགུལ་རྒྱན་ལས[1]། རྒྱལ་དགོངས་བྲལ་བའི་ཚིགས་བཅད་བྲིས་ཙམ་གྱིས། ། ནོར་འཛིན་བུ་མོའི་ལུས་ཀྱི་འཁྲི་ཤིང་འདར། ། སྒྲ་དང་འོད་ཀྱིས་མུ་སྟེགས་མཁས་རྣམས་ཀྱང་། ། ཤིང་ལྟར་རེངས་པར་གྱུར་ཅེས་གྲགས་པས་ཁྱབ། །

ཐ༽ ཚད་མ་ཀུན་ལས་བཏུས་པ་ཇི་ལྟར་མཛད་ཚུལ།   དེ་ཡང་རིག་པའི་དབང་ཕྱུག་དགེ་བ་རྒྱལ་མཚན་ (1387-1462) གྱིས་མཛད་པའི་ཚད་མ་ཀུན་ལས་བཏུས་པ་ཞེས་བྱ་བའི་རབ་ཏུ་བྱེད་པའི་རྒྱན་ལས[1]། རིགས་པའི་ལམ་གྱིས་རིགས་མིན་སྨྲ་བ་གང་ཞིག་རིགས་མིན་ལམ་འཇུག་རྣམ་བཟློག་ནས། །མ་ནོར་དོན་རྣམས་ཇི་བཞིན་ནོར་བ་མེད་པའི་ཡང་དག་ཤེས་པས་གནས་ལུགས་དོན། །ཤེས་བྱའི་གནས་ལ་ཤེས་བྱེད་ཚད་མས་རང་གིས་ལེགས་རྟོགས་གཞན་ལ་སྟོན་པ་ཡི། །