དཔལ་ནཱ་ལེནྡྲ། བྱོན་པ་ལེགས།

སློབ་དཔོན་སངས་རྒྱས་ཡེ་ཤེས་ཞབས་ནི། བླ་མ་རྡོ་རྗེ་གདན་པས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་ལས¹། དགེ་སློང་ལུས་ལ་ཡེ་ཤེས་སྤྱན། །ཤིང་ཀུན་གནས་སུ་གསང་འདུས་གཟིགས། ། སངས་རྒྱས་ཡེ་ཤེས་ཞེས་བྱ་བའི། །བླ་མ་དེ་ལ་ཕྱག་འཚལ་ལོ། ། ཞེས་བསྟོད་ཕྱག་མཛད་ཡུལ་སློབ་དཔོན་སངས་རྒྱས་ཡེ་ཤེས་ཞབས་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས²།

བྷ་བི་དེ་ཝ་སྟེ་སློབ་དཔོན་རྒྱལ་བའི་ལྷ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས¹། རྒྱལ་བའི་ལྷ་ཡང་གསུང་རབ་དུ་མ་ལ་མཁས་པར་བྱས་པའི་སློབ་དཔོན་ཆེན་པོ་ན་ལེནྡྲར་ཡུན་རིང་དུ་བཞུགས་པ་ཞིག་སྟེ། རྣམ་ཐར་ཞིབ་མོ་མ་ཐོས་སོ། །དེའི་ཚེ་བྱང་ཕྱོགས་ཧ་སཱ་མར་སངས་རྒྱས་ཀྱི་ཚེམས་མཆེ་བ་ཞིག་བྱོན་ཏེ། སློབ་དཔོན་དགེ་འདུན་འབངས་ཀྱི་སློབ་མ་སྙན་དངགས་མཁན་གསང་བ་བྱིན་དང༌། ཆོས་འབངས་ཀྱི་སློབ་མ་རཏྣ་མ་ཏི་ལ་སོགས་པ་འཁོར་རྣམ་པ་བཞི་ཆོས་བཞིན་སྤྱོད་པ་བརྒྱ་སྟོང་མང་པོ་བྱུང་ནས་ཚེམས་མཆེ་བ་ལ་མཆོད་པར་བྱེད་པ་བྱུང༌། དེའི་རྒྱུན་ད་ལྟར་པུ་ཁང་ན་ཡོད་དོ། །ཞེས་བྱུང་ངོ་།།

སློབ་དཔོན་དཔལ་ལྡན་ཆོས་སྐྱོང་ངམ་གྲུབ་ཆེན་བི་རཱུ་པ་ནི། བླ་མ་རྡོ་རྗེ་གདན་པས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་ལས¹།

ཆུ་བོ་ཆེན་པོ་གྱེན་དུ་བཟློག །ཆང་ལ་ཉི་མ་གཏིང་པར་བཅུག །

བི་རཱུ་པ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །

སློབ་དཔོན་འདུས་བཟང་ངམ་ཁ་ཆེ་དགེ་འདུན་བཟང་པོ་ནི། སློབ་དཔོན་པདྨས་མཛད་པའི་བཀའ་ཐང་སྡེ་ལྔ་ལས¹། ཁ་ཆེ་དགེ་འདུན་བཟང་པོ་ཡིས། །བཙུན་མ་གསལ་བའི་ཚུལ་ཁྲིམས་ལ། ། ལུས་བསྐྱེད་ཐོགས་མེད་དབྱིག་གཉེན་གྲགས། །དབང་ལ་དོན་ནི་བཅུ་གཅིག་སྟེ། ། ཞེས་གསུངས་པ་ལྟར། སློབ་དཔོན་འདུས་བཟང་གི་རྣམ་ཐར་ནི། མཁས་བཙུན་བཟང་པོ་ (1973-1990) ལགས་ཀྱིས་བརྩམས་པའི་རྒྱ་གར་པཎ་ཆེན་རྣམས་ཀྱི་རྣམ་ཐར་ངོ་མཚར་པདྨོའི་འཛུམ་ཞལ་གསར་པ་ལས²། སློབ་དཔོན་དབྱིན་གཉེན་གྱི་བླ་མ་སྟེ། ཁོང་ཁ་ཆེར་བཞུགས་པའི་དྲུང་དུ་སློབ་དཔོན་དབྱིག་གཉེན་བྱོན་ནས་མཁས་པའི་རྩེ་མོར་གྱུར། ཐེག་པ་ཆུང་ངུའི་གྲུབ་མཐའ་ལས་ཐེག་ཆེན་ཁས་མི་ལེན་ཡང༌། གཅེན་གྱི་ཐབས་མཁས་ཐུགས་རྗེར་

པཎྜི་ཏ་ཟླ་བ་མགོན་པོ་ནི། ཡོངས་གྲགས་ཀྱི་མཚན་ལ་ཁ་ཆེ་ཟླ་བ་མགོན་པོ་སྟེ། ཀུན་མཁྱེན་པདྨ་དཀར་པོས་ (1527-1592) མཛད་པའི་ཆོས་འབྱུང་བསྟན་པའི་པདྨ་རྒྱས་པའི་ཉིན་བྱེད་ལས¹། ཁ་ཆེ་ཟླ་མགོན་ནི་ཁ་ཆེར་བྲམ་ཟེ་བཟང་པོའི་ཞབས་ཞེས་ཀྱང་བྱ། སཱུརྻ་ཀེ་ཏུ་ཞེས་ཀྱང་བྱ་བ་མཁས་པའི་ཕུལ་དུ་ཕྱིན་པ་དེས། རང་གི་འཁོར་པཎྜི་ཏ་སོ་ན་ས་ནི་དང་། ལཀྵྨི་ཀ་ར། དཱ་ན་ཤྲཱི། ཙནྟྲ་རཱ་ཧུ་ལ། སོ་མ་ནཱ་ཐ་ལ་སོགས་པ་ལ་ཆོས་གསུང་ཞིང་བཞུགས་པའི་ཚེ། པཎྜི་ཏ་འདུལ་བ་འབྱུང་གནས་བློ་གྲོས་ཀྱིས་དབང་མདོར་བསྟན། དབང་རབ་བྱེད་ཀྱི་དཔེ་བསྐུར་བས་གཟིགས་ཏེ་ངོ་མཚར། དེ་ལས་ཟླ་མགོན་མཆོག་ཏུ་དད་པ་སྐྱེས་ནས་དེར་ཆོས་ཉན་འཕྲོ་

ཏ་ཐཱ་ག་ཏ་བྷ་དྲའམ་སློབ་དཔོན་ཀླུ་བོས་ནི། འཇམ་དཔལ་རྩ་རྒྱུད་ལས¹།

དང་པོ་ཐ་མར་ཆོས་ལ་དགའ། །ཀླུ་བོས་ཞེས་ཀྱང་རྣམ་པར་གྲགས། །

ཞེས་རྒྱལ་བས་ལུང་བསྟན་པའི་སློབ་དཔོན་ཀླུ་བོས་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས²། སློབ་དཔོན་ཨཱརྱ་དེ་ཝ་དང་དུས་མཚུངས་པ་ལ། ལྷོ་ཕྱོགས་ཀྱི་རྒྱུད་དུ་སློབ་དཔོན་ཀླུ་བོས་ཞེས་བྱ་བ་མཚན་དངོས་ཏ་ཐཱ་ག་ཏ་བྷ་དྲ་སྟེ་དེ་ཀླུ་རྣམས་ཀྱིས་སྤྱན་དྲངས་ཏེ། ཀླུའི་ཡུལ་དུ་

གངས་ལྗོངས་ལོ་ཙཱའི་ཚོམས་ཆེན་དུ། །རྟོགས་གྲུབ་ཤེས་བྱས་མཐའ་ཡས་ཤིང་། །འཆད་རྩོད་རྩོམ་ལ་རབ་མངའ་བའི། །སྐད་གཉིས་སྨྲ་བའི་བདག་ཉིད་ཅན། །དཔལ་ལྡན་རིག་འདྲེན་སྐྱེས་བུའི་ཚོགས། །ལོ་ཙཱའི་བྱེད་པོར་གསོལ་བ་འདེབས། །ཡི་གེའི་བྱེད་པོ་སམ་བྷོ་ཊ། །དྷ་མ་ཀོ་ཥ་ཧན་ཝན་ཧད། །ཆོས་རྒྱལ་སྲོང་བཙན་སྒམ་པོ་དང་། །ཧྭ་ཤང་མ་ཧྭ་དེ་ཝ་བཅས། །དུས་རབས་བདུན་པའི་རིང་བྱོན་པའི། །ལོ་ཙཱ་བ་ཡི་འཕྲིན་ལས་ལ། །གུས་པའི་ཕྱག་འཚལ་སྤྱི་བོས་མཆོད། །དབུ་རུ་སྐ་བ་དཔལ་བརྩེགས་དང་། །འཁོན་རྒྱུད་ཀླུ་ཡི་དབང་པོ་དང་། །ཁྱུང་པོ་ཙེ་ཙེའི་མཚན་ཅན་དང་། །རྒྱལ་པོ་སད་ན་ལེགས་མཇིང་ཡོན། །ཁྲི་གཙུག་ལྡེ་བཙན་རལ་པ་ཅན། །ཆོས་

ཕྱི་ཟླ་ ༡༡ ཚེེས་ ༦ རེས་གཟའ་མིག་དམར་ཆུ་ཚོད་དགུ་པའི་ཐོག་ཤྲཱི་ན་ལན་དའི་གཙུག་ལག་ཁང་དང་སློབ་གྲྭ་གསར་བཞེངས་མཛད་རྒྱུའི་ཐོག་མའི་རྟེན་འབྲེལ་དགའ་སྟོན་དུ་རྒྱ་གར་གྱི་ཁྲི་འཛིན་ (Dr. Rajendra Prasad) མཆོག་དང་། འབྲས་ལྗོངས་ནས་རྒྱལ་སྲས་བླ་མ་མཆོག་དང་ལྷན་ཅིག་མི་རྗེ་འབར་ཉག་ཨ་ཐིང་མཆོག་བཅས། གཞན་ཡང་བོད་གཞུང་སྐུ་ཚབ་མི་རྗེ་སྤོམ་མདའ་ཚང་། གི་རི་སིའི་རྒྱལ་སྲས། གཞན་ཡང་རྒྱ་གར་གྱི་སྐྱེ་བོ་མཆོག་དམན་བསྡོམས་ཧ་ལམ་སྟོང་ཕྲག་ལྔ་བཅུ་ཙམ་འདུ་འཛོམས་ཐོག་ན་ལན་དའི་གཙུག་ལག་ཁང་དང་སློབ་གྲྭ་གསར་བཞེངས་མཛད་རྒྱུའི་རྟེན་འབྲེལ་དགའ་སྟོན་ཐོག་མའི་སྒོ་ཕར་ཕྱེ་རྗེས། སློབ་གྲྭའི་བུ་མོ་

ནཱ་ལེནྡྲ་གཙུག་ལག་སློབ་གཉེར་ཁང་འདི་ནི། ཕྱི་ལོ་བརྒྱ་ཕྲག་ལྔ་པའི་ནང་བྱུང་བ་དང་། སྐབས་དེར་འཛམ་གླིང་ནང་ནས་གཙུག་ལག་སློབ་གཉེར་ཁང་སྐད་གྲགས་ཆེ་ཤོས་ཤིག་ལ་ངོས་འཛིན་བྱེད་ཀྱི་ཡོད་པ་རེད། དེང་སང་སྐད་གྲགས་ཆེ་བའི་དབྱིན་ཡུལ་གྱི་ཨོ་སེ་ཕོར་ཊེ་གཙུག་ལག་སློབ་གཉེར་ཁང་ལས་ཀྱང་ལོ་ ༦༠༠ གོང་ལ་བྱུང་བ་ཞིག་རེད།  ནཱ་ལེནྡྲ་ཞེས་པ་ནི། མེ་ཏོག་པདྨ་སྐྱེས་པའི་གནས་ཟེར་བ་དང་འདྲ་པོ་རེད། ནང་ཆོས་ཀྱི་ནང་མེ་ཏོག་པདྨས་ཤེས་རབ་མཚོན་གྱི་ཡོད།

མི་ལོ་སྟོང་ཕྲག་ཁ་ཤས་ཀྱི་ཡར་སྔོན་ཙམ་ནས་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེན་པོ་དང་ལྡན་པ་དེ་ཉིད་ཀྱིས་དཔལ་གྱི་མགུལ་ནས་ལེགས་པར་གསུངས་པའི་དམ་ཆོས་ཡིད་བཞིན་གྱི་ནོར་བུ་ལྟ་བུ་འདི་ཉིད་སྐབས་དང་དུས་ཀྱི་རྐྱེན་པས་དར་རྒུད་ཅི་རིགས་བྱུང་ཡང་ད་ལྟའི་བར་དུ་བྱམས་བརྩེའི་རླབས་རྒྱུན་དང་འགྲོགས་ཏེ་འཇིག་རྟེན་འདི་ཉིད་དུ་འཚེ་བ་མེད་པའི་ཞི་བདེའི་འོད་སྣང་གི་རྒྱུན་ཡལ་མ་མྱོང༌། འོད་སྣང་འདི་ཉིད་ཇི་སྲིད་གནས་པ་དེ་སྲིད་དུ་སྐྱེ་འགྲོའི་སེམས་ཁམས་ཞི་བདེ་དང་འཚེ་བ་མེད་པའི་ངང་ཚུལ་ལ་གནས་ཤིང་སེམས་ཁམས་བྱམས་པ་དང་བརྩེ་བའི་ཀུན་སློང་བཟང་པོས་མ་བཏང་བ་དེ་སྲིད་དུ་གནས་སྐབས་དང་