དཔལ་ནཱ་ལེནྡྲ། བྱོན་པ་ལེགས།

སློབ་དཔོན་ཡོན་ཏན་བློ་གྲོས་དུས་ནམ་ཞིག་བྱོན་མིན་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། ཡོན་ཏན་འོད་ཀྱི་སློབ་མ་མངོན་པ་བ་ཡོན་ཏན་བློ་གྲོས་དང༌། སློབ་དཔོན་ཆོས་སྐྱོང་དང༌། དབང་ཕྱུག་སྡེ་དང༌། ཁ་ཆེའི་ཡུལ་དུ་ཐམས་ཅད་མཁྱེན་པའི་བཤེས་གཉེན་དང༌།

དཱ་ན་ཤཱི་ལ། ༡ དཱ་ན་ཤཱི་ལ་སྔ་མ་ནི། དུས་རབས་བརྒྱད་པར་ཀསྨིར་འཁྲུངས་ཤིང་། ཁྲི་སྲོང་ལྡེའུ་བཙན་གྱི་སྐུ་དུས་སུ་བོད་ལ་གདན་དྲངས་པའི་དྲིན་ཅན་ལོ་པཎ་གསུམ་གྱི་ཡ་གྱལ། ཞེས་གསུངས་པ་དེ་ཡིན་ལ། ༢ དཱ་ན་ཤཱི་ལ་ཕྱི་མ་ནི། ཁ་ཆེ་པཎ་ཆེན་ཤཱཀྱ་ཤྲཱིའི་སློབ་

བླ་མ་དང་མགོན་པོ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཁས་དང་གྲུབ་པའི་གཙུག་རྒྱན་མེ་མུར་བའི། །སྙན་གྲགས་ལྷ་དབང་གཞོན་ནུའི་དུནྡ་བྷིཿ །ཐོས་པས་དད་པའི་རྒྱན་ལྡན་མཻ་ན་ཀཿ །རབ་དྭངས་དྲུག་སྐྱེས་རྒྱུད་མང་འདི་མཆོད་སྤྲིན། །ཀསྨཱི་ར་ཡུལ་གཉིས་སྐྱེས་རིགས་གཙང་མར། །ཞི་བའི་གོ་ཆ་དཔལ་གྱི་བློ་གྲོས་མའི། །

༣༡. ཀ་ལ་བི་ན་ཀའི་ལྗོངས་དང་འཕགས་པ་ཤཱ་རའི་བུ་བལྟམས་པའི་གནས།   དེའི་ཤར་ཕྱོགས་སུ་རྒྱང་གྲགས་ཉི་ཤུ་ལྷག་བགྲོད་པ་ན་ཀ་ལ་བི་ན་ཀའི་ལྗོངས་སོ། །དེར་མཆོད་རྟེན་ཞིག་ཡོད་པ་ནི། འཕགས་པ་ཤཱ་རིའི་བུ་བལྟམས་པའི་གནས་ཏེ་དེ་ཉིད་ཀྱི་ཁྱིམ་ཤུལ་ཡོད་དོ། །དེའི་ལོགས་སུ་ཨ་ཤོ་ཀས་བཞེངས་པའི་མཆོད་རྟེན་ཞིག་ཡོད་པ་ནི། འཕགས་པ་དེ་ཉིད་ཀྱི་སྐུ་གདུང་བཞུགས་པའི་མཆོད་རྟེན་ནོ། །

༡༢༽ ཡོན་ཏན་འོད་རང་གི་གཙུག་ལག་ཁང་དང་སློབ་དཔོན་ངང་ཚུལ་བཟང་པོའི་གཙུག་ལག་ཁང་།   རི་དེའི་ནུབ་བྱང་དུ་རྒྱང་གྲགས་སུམ་ཅུ་ཙམ་ན་གཙུག་ལག་ཁང་ཞིག་ཡོད་པར་དགེ་འདུན་ལྔ་བཅུ་ལྷག་ཙམ་འདུས་པ་ཐེག་ཆེན་པ་ཤ་སྟག་སྟེ། གུ་ཎ་མ་ཏི་སྟེ་སློབ་དཔོན་ཡོན་ཏན་བློ་གྲོས་ཀྱིས་མུ་སྟེགས་པ་བཏུལ་བའི་གནས་སོ། །དེར་ཕྱིས་སུ་རིམ་པར་དགེ་འདུན་འཕེལ་མུ་སྟེགས་པ་བར་མ་ཆད་པར་ནང་པར་བསྒྱུར་ཏེ་འདུས་པས་ལྗོངས་སུ་གྱུར་ཏོ། །དེའི་གཡས་ལོག་ན་ཡོན་ཏན་འོད་རང་གིས་བཞེངས་པའི་གཙུག་ལག་ཁང་ཞིག་ཡོད་དོ། །ནུབ་ཕྱོགས་སུ་རྒྱང་གྲགས་ཉི་ཤུ་ཙམ་ན་རི་ཆིག་སྐྱ་ཅིག་འདུག་པར་གཙུག་ལག་ཁང་ཞིག་ཡོད་པ་ནི། སློབ་དཔོན་ཤཱི་ལ་བྷ་དྲ་སྟེ་ངང་ཚུལ་བཟང་པོས་བཞེངས་པ་སྟེ་སློབ་དཔོན་དེ་ནི་ས་མ་ས་ཐའི་ཡུལ་གྱི་རྒྱལ་པོའི་རིགས་རུས་གཅིག་པའི་ཉེ་དུ་བྲམ་ཟེ་ས་ལ་ཆེན་པོ་ལྟ་བུའི་རིགས་སུ་འཁྲུངས་ཏེ།

༈ སྟོན་པ་ཐུབ་པའི་དབང་པོའི་མཛད་རྣམ་མདོར་བསྡུས།   དེ་ཡང་ཆུ་འགོ་གངས་ལ་ཐུག་པ་ཞིག་དགོས་པ་ལྟར་དམ་པའི་ཆོས་ཀྱི་བརྒྱུད་པའང་ཡང་དག་པར་རྫོགས་པའི་སངས་རྒྱས་ལ་ཐུག་པ་ཞིག་དགོས་པས་ཐོག་མར་བསྟན་པའི་བདག་པོ་སྟོན་པ་བཅོམ་ལྡན་འདས་ཤཱཀྱ་ཐུབ་པ་ཐུགས་རྗེ་ཅན་དེ་ཉིད་ཀྱི་རྣམ་པར་ཐར་པ་ཕྱོགས་ཙམ་ཞིག་བརྗོད་པར་བྱའོ། །དེ་ལ་སངས་རྒྱས་འཇིག་རྟེན་དུ་འབྱོན་པ་ནི་བརྒྱ་ལམ་ན་ཨུ་དུམ་ཝ་རའི་མེ་ཏོག་ལྟར་ཤིན་ཏུ་དཀོན་པར་གསུངས་ལ།  དེའི་རྒྱུ་མཚན་ཡང་སངས་རྒྱས་འཇིག་རྟེན་དུ་འབྱུང་བ་ལ་དང་པོར་བྱང་ཆུབ་མཆོག་ཏུ་ཐུགས་བསྐྱེད།  བར་དུ་བསྐལ་པ་གྲངས་མེད་པ་གསུམ་ལ་སོགས་པ་དུས་རིང་དཔག་ཏུ་མེད་པར་ཚོགས་གཉིས་རླབས་པོ་ཆེ་བསགས་ཏེ།  སངས་རྒྱས་ཀྱི་ཞིང་ཡོངས་སུ་དག་པ་དང་།  སྨོན་ལམ་ཡོངས་སུ་རྫོགས་པ་དང་།   གདུལ་བྱ་རྣམས་རྒྱུད་ཡོངས་སུ་སྨིན་པ་སོགས་རྟེན་འབྲེལ་མཐའ་ཡས་པ་ཞིག་འགྲིག་པ་ན་སངས་རྒྱས་འཇིག་རྟེན་དུ་འབྱོན་པ་ཡིན་ལ།

ཙནྡྲ་གོ་མི། ༼ལེགས་སྦྱར།༽ དུས་རབས་བདུན་པའི་ནང་བྱུང་བའི་རྒྱ་གར་གྱི་སློབ་དཔོན་དགེ་བསྙེན་ཟླ་བ་ཞེས་བྱ་བ་ནི། ཤར་ཕྱོགས་བྷཾ་གར་འཁྲུངས་ཤིང་། གཞོན་ནུའི་དུས་ནས་མཁས་པར་གྱུར་ཏེ། བ་རེནྡྲའི་རྒྱལ་པོའི་སྲས་མོ་ཏཱ་ར་ཞེས་བྱ་བ་བག་མར་བླངས་ཏེ་འདུག་པ་ན། སྐབས་ཤིག་འཁོར་གཡོག་ཞིག་གིས་ཏཱ་ར་ཞེས་འབོད་པ་ཐོས་ཏེ་བསམས་པ་ན། དེ་ཡི་དམ་གྱི་མཚན་དང་མཐུན་པས་མི་རུང་བར་དགོངས་ཏེ་བཟོད་པ་གསོལ་ཞིག་འགྲོ་བར་ཆས་པ་ན། འཁོར་རྣམས་ཀྱིས་བཟུང་སྟེ་ཅིའི་ཕྱིར་འགྲོ་ཞེས་འདྲི་བ་ལ་རྒྱུ་མཚན་བརྗོད་དོ། །དེ་རྒྱལ་པོས་ཐོས་པ་ན་ཁྲོས་ཏེ་ངའི་བུ་མོ་དང་ལྷན་ཅིག་མི་འདུག་ན་གངྒཱ་ལ་སྐྱུར་ཅིག་ཅེས་བཀའ་བཏང་། གཤེད་མ་དག་གིས་གངྒཱ་ལ་བསྐྱུར་བ་ན། སློབ་དཔོན་གྱིས་སྒྲོལ་མ་ལ་གསོལ་བ་བཏབ་པས། སྒྲོལ་མས་ཆུ་དབུས་སུ་གླིང་སྤྲུལ། ཞལ་མངོན་སུམ་དུ་བསྟན་ཏེ་བྱིན་གྱིས་བརླབས་པས་དེང་སང་ཡང་ཙནྡྲའི་གླིང་ཞེས་གྲགས་སོ།།

མཻ་ཏྲི་པ། དཔལ་བཀའ་བརྒྱུད་པའི་ཕྱག་རྒྱ་ཆེན་པོའི་ལྟ་བའི་ཁུངས་གཏུགས་སའི་རྒྱ་གར་གྱི་སློབ་དཔོན་ཆེན་པོ་ཞིག་སྟེ། མཁས་མཆོག་དེ་ཉིད་ནི་རྒྱ་གར་གྱི་གྲུབ་ཆེན་ནཱ་རོ་པའི་དངོས་སློབ་དང་། ཇོ་བོ་རྗེ་ལྷ་གཅིག་གི་བླ་མ་ཡང་ཡིན་ཏེ། ཇོ་བོས་ཐེག་པ་ཆེན་པོའི་བླ་མ་རྩ་འགྲེལ་དང་། དོ་ཧ་ལ་སོགས་པའི་སྐོར་རྣམས་མཻ་ཏྲི་པ་ལས་གསན་པར་དེབ་སྔོན་སྨད་ཆ་ ༩༨༧ ལས་བཤད། མར་པ་ལོ་ཙཱ་བ་ཆེན་པོའི་བླ་མ་གཙོ་བོ་ཞིག་དང་། དེའི་ལྟ་བུའི་ཁུངས་གཏུགས་ས་ཡིན་ཏེ། རྗེ་མར་པས་མཻ་ཏྲི་པའི་སྙན་པ་གསན་པས་ཐུགས་དྲངས་ཏེ་རྒྱ་གར་དུ་བྱོན་ནས། རྒྱ་གར་ཤར་ཕྱོགས་སུ་མའང་བདག་མཻ་ཏྲི་པ་དང་མཇལ། རྒྱུད་ཀྱི་གསན་པ་མང་པོ་ཡང་མཛད། ཕྱག་རྒྱ་

ལམ་རིམ་བླ་བརྒྱུད་པའི་རྣམ་ཐར་དུ་གསལ་བའི་ནག་ཚོ་ལོ་ཙཱ་བའི་རྣམ་ཐར།   ནག་ཚོ་ལོ་ཙཱ་བ། དགེ་བཤེས་ནག་ཚོ་ལོ་ཙཱ་བ་ནི་ལྕགས་མོ་ཕག་ལ་གུང་ཐང་ཞེས་གྲགས་པ་མངའ་རིས་རྫོང་དགའི་ལྷ་གདོང་དུ་སྐུ་འཁྲུངས། གདུང་ནག་ཚོ། རབ་ཏུ་བྱུང་བའི་མཚན་ཚུལ་ཁྲིམས་རྒྱལ་བ། འདུལ་བ་མཁས་པར་མཁྱེན་པས་འདུལ་བ་འཛིན་པར་གྲགས། རྒྱ་བརྩོན་སེང་ལ་མངོན་པ་གསན། དགུང་ལོ་ཉེར་བདུན་པ་ལ་ཇོ་བོ་སྤྱན་འདྲེན་ལ་རྒྱ་གར་དུ་བྱོན། ཇོ་བོ་རྗེ་ལོ་བཅུ་དགུའི་བར་ཚུལ་བཞིན་བསྟེན། ཡོན་ཏན་ཐམས་ཅད་རྫོགས་པར་མཛད། ཇོ་བོ་རྗེ་བོད་དུ་སྤྱན་དྲངས་པས་བོད་ཁམས་སྤྱི་ལ་བཀའ་དྲིན་ཆེ་བ་ཡིན་པས། བོད་སྟོན་ཐམས་ཅད་ཀྱིས་ཀྱང་སློབ་དཔོན་ཞེས་བརྗོད་པ་ཡིན།

སློབ་དཔོན་རྟ་དབྱངས་ནི་གནའ་བོའི་རྒྱ་གར་གྱི་ནང་པའི་སློབ་དཔོན་ཆེན་མོ་ཞིག་ཡིན། ཁོང་ནི་ཕྱི་ནང་གི་གྲུབ་མཐའ་དང་སྙན་ངག་སོགས་རིག་གནས་ལ་ཤིན་ཏུ་མཁས་པས། གནའ་བོའི་རྒྱ་གར་ཙམ་དུ་མ་ཟད། ད་ལྟའི་བར་འཛམ་གླིང་ན་སྙན་གྲགས་ཆེ་ཞིང་། ཕྱི་རབས་ཀྱི་སྐྱེ་བོ་ཀུན་ལ་ཤན་ཤུགས་ཆེན་པོ་བཞག་འདུག འོན་ཀྱང་སློབ་དཔོན་འདིའི་ལོ་རྒྱུས་ནི་སྤྲིན་རུམ་གྱི་ཟླ་བ་མོག་པོ་ལྟར་དོགས་པའི་གནས་དུ་མ་དང་བཅས་པ་ཞིག་སྟེ། དེ་ལྟ་བུའི་གནས་ཚུལ་དེ་ནི་སློབ་དཔོན་འདི་ལ་དོན་མཐུན་གྱི་ཞིབ་འཇུག་དང་གདེང་འཇོག་བྱེད་པའི་གེགས་སུ་སོང་འདུག་པས། འདིར་ཁོ་བོས་སློབ་དཔོན་འདི་དང་འབྲེལ་བའི་ཡིག་ཆ་རྣམས་གུང་བསྒྲིགས་ཏེ། སློབ་དཔོན་འདིའི་ལོ་རྒྱུས་ཀྱི་སྐོར་ལ་དཔྱད་ཞིབ་ཀྱི་ས་བོན་ཙམ་སྤྲོ་བར་འདོད་དོ། ། དེ་ཡང་བོད་དང་རྒྱ་ཡི་སྔོན་གྱི་ཡིག་ཆ་དག་གཞིར་བཟུང་ནས་དཔྱད་ན། སྔར་རྒྱ་གར་འཕགས་པའི་ཡུལ་དུ་མཚན་ལ་རྟ་དབྱངས་ཟེར་བའི་སློབ་དཔོན་བྱོན་པ་ནི་གཅིག་ཙམ་དུ་མ་ཟད་པར་སྣང་། ཇོ་ནང་ཏཱ་ར་ནཱ་ཐས་《རྒྱ་གར་ཆོས་འབྱུང་》 དུ་རྟ་དབྱངས་གསུམ་བྱོན་པར་བཤད་དེ། རྟ་དབྱངས་དང་པོ་ནི་རྒྱལ་པོ་སྙིང་པོ་ཐིག་ལེའི་དུས་སུ་བྱུང་བ་དང་། རྟ་དབྱངས་གཉིས་པའམ་རྟ་དབྱངས་ཆུང་བ་ཞེས་པ་ནི་རྒྱལ་པོ་ཀརྨ་ཙནྡྲའི་དུས་དང་། རྟ་དབྱངས་གསུམ་པ་ནི་རྒྱལ་པོ་མ་ཧི་པཱ་ལའི་དུས་སུ་བྱུང་བར་བཤད། རྒྱ་ལའང་སློབ་དཔོན་རྟ་དབྱངས་ཀྱི་ལོ་རྒྱུས་དང་འབྲེལ་བའི་ཡིག་ཆ་རྙིང་པ་ཅི་རིགས་ཤིག་ཡོད་ཅིང་། དེ་དག་ལས་རྒྱའི་བཙུན་པ་ཧྥ་མེན་(法敏)གྱིས་སྡུད་སྒྲིག་བྱས་པར་ཁ་གཡར་ཞིང་། དོན་དུ་ཀོ་རི་ཡ་པ་ཞིག་གིས་བརྩམས་ཟེར་བའི་《 ཐེག་པ་ཆེན་པོའི་རྣམ་པར་བཤད་པ》ཞེས་པར་རྟ་དབྱངས་དྲུག་བྱོན་པར་བཤད་མོད་དེ་ལ་ཡིད་རྟོན་བྱེད་མཁན་ཉུང་། དགེ་འདུན་སྲུངས་(僧祐 ) ཀྱིས་《 ཐམས་ཅད་ཡོད་སྨྲའི་བརྒྱུད་པའི་དཀར་ཆག》 ཅེས་པར་བརྒྱུད་པ་མི་འདྲ་བ་འགའ་བཀོད་པ་ལས་བརྒྱུད་པ་གཅིག་གི་བཅུ་གཅིག་པ་དང་བཅུ་དྲུག་པ་གཉིས་ཀྱི་མཚན་ལ་རྟ་དབྱངས་ཟེར་བས་རྟ་དབྱངས་སྔ་ཕྱི་གཉིས་བྱོན་པར་བཤད། དེ་ལྟར་ན་སྔར་རྟ་དབྱངས་དུ་མ་ཞིག་བྱོན་ཡོད་ངེས་པས་ན། འདིར་བདག་ཅག་གིས་ཤེས་པར་བྱ་འོས་པ་ནི། རྟ་དབྱངས་ཀྱི་མིང་ཐོགས་ཚད་གང་ཟག་གཅིག་ཏུ་འཛིན་པའི་འཁྲུལ་བ་སྤོང་བ་དང་། རྟ་དབྱངས་དུ་མ་ལས་སྐབས་སུ་བབས་པ་དེ་ཉིད་མ་འཁྲུལ་བར་ངོས་འཛིན་དགོས་པ་དེའོ།། 《རྒྱ་གར་ཆོས་འབྱུང་》 དུ་རྟ་དབྱངས་གཉིས་པའམ་རྟ་དབྱངས་ཆུང་བ་ཞེས་པའི་མཛད་འཕྲིན་སྐོར་ལ་སློབ་དཔོན་འདི་པ་དང་། སློབ་དཔོན་དགའ་བྱེད་སྙན་པ་དང་། སློབ་དཔོན་ཀླུའི་བཤེས་གཉེན་དང་བཅས་པས་ཐེག་པ་ཆེན་པོ་དར་བར་མཛད་དོ་ཞེས་པ་ཙམ་ལས་གཞན་མ་བྱུང་ལ། རྟ་དབྱངས་གསུམ་པའི་སྐོར་ལའང་གོང་སྨྲས་རྒྱལ་པོ་གང་གི་རིང་ལ་བྱུང་པ་ལས་གཞན། དབུ་མ་ཐལ་འགྱུར་བ་ཞིག་ཡིན་པ་དང་། ཀུན་རྫོབ་དང་དོན་དམ་བྱང་སེམས་ཀྱི་སྒོམ་རིམ་བྱ་བའི་བསྟན་བཅོས་མཛད་ཡོད་པར་བཤད་པ་ཙམ་མོ། །རྒྱལ་དབང་ལྔ་པས་《གསན་ཡིག་གངྒཱའི་ཆུ་རྒྱུན》དུ་སློབ་དཔོན་རྟ་དབྱངས་ཀྱིས་མཛད་པའི་《 ཀུན་རྫོབ་བྱང་ཆུབ་སེམས་སྒོམ་གྱི་གཞུང་》དུ། སེམས་ནི་རས་ཡུག་དཀར་པོ་འདྲ། །སོགས་ཚིགས་བཅད་གཅིག་འདུག་པ་བསྟན་བཅོས་རྩོམ་པ་པོ་དང་ལོ་པཎ་གང་གི་གསུང་ཡིན་ཐེ་ཚོམ་དུ་སྣང་ཞེས་གསུངས་པའི་སློབ་དཔོན་རྟ་དབྱངས་དེའང་ཇོ་ནང་ཏཱ་ར་ནཱ་ཐ་ལྟར་ན་རྟ་དབྱངས་གསུམ་པ་འདི་ཡིན་པ་གསལ་ལོ། ། ཡང་《རྒྱ་གར་ཆོས་འབྱུང་》དུ་སློབ་དཔོན་རྟ་དབྱངས་ཀྱི་ལོ་རྒྱུས་ཡོངས་གྲགས་ཏེ། དང་པོ་རྟོག་གེ་ལ་བྱང་བའི་ཕྱི་རོལ་པའི་སློབ་དཔོན་ཆེན་པོ་ཞིག་ཡིན་ཞིང་ནང་པ་རྣམས་རྩོད་པས་ཕམ་པར་བྱས་པ་དང་། བར་དུ་ན་ལེནྡྲར་སོང་ནས་སློབ་དཔོན་ཨཱརྱ་དེ་ཝ་དང་བརྩད་དེ་ཕམ་པས་ནང་པར་ཞུགས་པ་དང་། ཐ་མར་སྒོ་གསུམ་གྱི་སྡིག་བཤགས་སུ་བསྟན་བཅོས་མང་དུ་བརྩམས་པ་སོགས་བཤད་རྒྱུན་ཇི་སྙེད་ཅིག་ཡོད་པ་དེ་དག་ནི་རྟ་དབྱངས་དང་པོའི་སྟེང་དུ་སྦྱར་འདུག རྟ་དབྱངས་ཀུན་གྱི་གཙོ་བོའམ་ངེད་ཀྱི་སྐབས་འདིའི་བརྗོད་གཞི་སློབ་དཔོན་རྟ་དབྱངས་ཞེས་པའང་རྟ་དབྱངས་དང་པོ་འདི་པ་ཡིན་ནོ། ། སློབ་དཔོན་འདི་དུས་ནམ་ཚོད་ཅིག་ལ་འཁྲུངས་པའི་སྐོར་ལ། 《རྒྱ་གར་ཆོས་འབྱུང་》གཞིར་བཞག་ན་རྒྱ་གར་གྱི་རྒྱལ་པོ་ཟླ་བ་སྦས་པའམ་ཙནྡྲ་གུཔྟའི་བུ་བིན་དུ་སཱ་ར་ཞེས་བྱ་བའི་དུས་སུ་བྱུང་བར་བཤད། རྒྱལ་པོ་ཟླ་བ་སྦས་པ་སྤྱི་ལོའི་སྔོན་གྱི་ལོ་སུམ་བརྒྱ་ཐམ་པ་ལ་གཤེགས་པས། རྒྱལ་པོ་བིན་དུ་སཱ་རའམ་སྙིང་པོ་ཐིག་ལེ་ནི་ལོ་དེ་ལ་ཁྲིར་བཞུགས་པར་ངེས་ལ། སློབ་དཔོན་འདི་པའང་དུས་དེ་ཤེད་ཅིག་ཏུ་བྱོན་པ་ཡིན་དགོས། ནུབ་གླིང་དང་། ཉི་ཧོང་དང་། རང་རྒྱལ་གྱི་རྒྱའི་ཞིབ་འཇུག་པ་མང་པོ་ཞིག་གིས་སློབ་དཔོན་འདི་པ་སྤྱི་ལོའི་དུས་རབས་དང་པོ་ཙམ་ལ་བྱོན་པར་འདོད་ཅིང་། དེའི་ཁུངས་བཅོལ་ས་ནི་ལོ་ཙཱ་བ་ཀུ་མཱ་ར་ཤྲཱིས་རྒྱ་ཡིག་ཏུ་བསྒྱུར་བའི་《བྱང་ཆུབ་སེམས་དཔའ་རྟ་དབྱངས་ཀྱི་རྣམ་ཐར》ཞེས་པ་སོགས་ཡིན། རྣམ་ཐར་དེ་རུ་སློབ་དཔོན་རྟ་དབྱངས་དུས་ནམ་ཚོད་ཅིག་ལ་འཁྲུངས་པ་གསལ་ཁ་མེད་མོད། རྒྱ་གར་བྱང་ཕྱོགས་ཀྱི་རྒྱལ་པོ་ཞིག་གིས་ཡུལ་དབུས་ལ་དམག་དྲངས་ཏེ་སློབ་དཔོན་འདི་ཡུལ་དབུས་ནས་བྱང་ཕྱོགས་ལ་གདན་དྲངས་པར་བཤད་ཡོད་ཅིང་། རྒྱ་ཡིག་ཏུ་འགྱུར་བའི་ཡིག་ཆ་གཞན་པ་འགར་(དཔེར་ན་《付法藏因缘传) …