དཔལ་ནཱ་ལེནྡྲ། བྱོན་པ་ལེགས།

  ༄༅། །སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན།།[1]   ༼རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པ།༽   བླ་མ་མགོན་པོ་འཇམ་དཔལ་དབྱངས་ལ་ཕྱག་འཚལ་ལོ། །གཉིས་འཛིན་ལྟ་བའི་མུན་པ་དྲུངས་ནས་ཕྱུངས། །གཉིས་མེད་ཡེ་ཤེས་ཇི་བཞིན་གཟིགས་མངའ་བས། །ཤེས་བྱའི་ཆོས་ཀུན་སྐད་ཅིག་ཉིད་ལ་མཁྱེན། །མགོན་པོ་བཅོམ་ལྡན་མཁྱེན་གཏེར་དེ་ལ་འདུད། །ཐུབ་པའི་ཆོས་ཚུལ་མཐའ་ཡས་ཆུ་ཀླུང་དག །རྒྱ་མཚོ་ཆེན་པོར་ངོ་གཅིག་འབབ་པ་ལྟར། །

  ༄༅། །རྨད་དུ་བྱུང་བའི་སློབ་དཔོན་ཆེན་པོ་ཟླ་བའི་ཞབས་ཀྱི་རྟོགས་པ་བརྗོད་པ་དབྱངས་ཀྱི་ཡན་ལག་བརྒྱ་ལྡན་ཞེས་བྱ་བ་བཞུགས་སོ།།[1] ༼འཇམ་མགོན་བློ་གྲོས་མཐའ་ཡས་ (1813-1899) ཀྱིས་མཛད་པ།༽ ཨོཾ་སྭ་སྟི་སིདྡྷཾ། དངོས་ཀུན་ཁྱབ་ཅིང་རྟག་པའི་སྐུ་ནི་མཁའ་ཁྱབ་མཚན་དཔེས་སྤྲས། །ཟླ་བ་ཉིད་ཀྱང་ཞི་བསིལ་ཆོས་ཀྱི་བདུད་རྩིའི་འོད་སྣང་སྤྲོ། །མཚུངས་པ་མེད་པ་རྣམ་གྲོལ་ལམ་གྱི་ས་མཁན་མཆོག་གཅིག་པུ། །གྲུབ་པ་བྱེ་བའི་གཙུག་རྒྱན་གང་དེར་བདག་ནི་སྙིང་ནས་དད། ། ༡ དེ་བས་གདུང་ཤུགས་མི་ཕྱེད་པའི། །རླན་གྱིས་བྲན་པའི་ལག་པད་ནི། །ཁྱོད་ཞབས་ཟླ་བའི་མེ་ལོང་དུ། །ཁེངས་པ་བསྙིལ་ནས་ཟུམ་པར་བགྱི། །

  ༄༅། །བསྙེངས་བྲལ་ཟླ་བ་གྲགས་པའི་ཞབས་ཀྱི་རྟོགས་པ་བརྗོད་ནས་ ཞུ་བའི་ཕྲིན་ཡིག་བདེན་བརྫུན་གྱི་ཤན་རྣམ་པར་འབྱེད་པ་ ངེས་དོན་གཏམ་གྱི་རོལ་མོ་འདྲེན་པའི་ ངག་གི་ཤིང་རྟ་ཞེས་བྱ་བ[1]།   ༼པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པ།༽   དོན་དམ་གཟིགས་པའི་ཆ་ཤས་མ་ཉམས་ཤིང་། །ཀུན་རྫོབ་གྲགས་པའི་འོད་དཀར་མ་འགྲིབས་པར། །རྟེན་འབྲེལ་ནམ་མཁའི་ལམ་ལ་ལྷམ་མེ་བ། །ཟླ་བ་གྲགས་པའི་ཞབས་ལ་ཕྱག་འཚལ་ལོ། །ཀུན་རྫོབ་ཆོས་ལུགས་འཇིག་རྟེན་གཞུང་བཞིན་དུ། །ཞལ་གྱིས་བཞེས་ནས་བསོད་ནམས་ཚོགས་མང་པོས། །འགྲོ་ཀུན་ཕན་བདེའི་ལམ་དུ་འདྲེན་བརྩོན་པའི། །ཤིང་རྟའི་སྲོལ་འབྱེད་ཁྱོད་ལ་ཕྱག་བགྱིའོ། །

  ༄༅། །དཔལ་ལྡན་ཟླ་བ་གྲགས་པ་ལ་བསྟོད་པ་བུང་བའི་སྒྲ་དབྱངས་གཡོ་བ་ཞེས་བྱ་བ་བཞུགས་སོ།།[1] ༼བོ་དོང་ཕྱོགས་ལས་རྣམ་རྒྱལ་ (1375-1450) གྱིས་མཛད་པ།༽   ལྷག་པའི་ལྷ་མོ་དབྱངས་ཅན་མ་ལ་ཕྱག་འཚལ་ལོ། །ཚོགས་གཉིས་ཤར་རིའི་རྩེ་མོར་རབ་སོན་ཅིང་། །བརྩེ་བའི་དཀྱིལ་འཁོར་མ་ལུས་ཡོངས་སུ་རྫོགས། །མཁྱེན་པའི་དཀྱིལ་འཁོར་ཀུན་ཏུ་ཁྱབ་མཛད་པ། །དཔལ་ལྡན་ཟླ་བ་གྲགས་པའི་ཞབས་ལ་འདུད། །ཁྱོད་ཉིད་འཁྲུངས་ཚེ་ས་ཡང་རྣམ་དྲུག་གཡོས། །མཁའ་ལ་མེ་ཏོག་ཆར་ཆེན་ཅི་ཡང་བབས། །གནམ་ལ་རོལ་མོ་སིལ་སྙན་ཀུན་གྱིས་གང་། །

  ༄༅། །སློབ་དཔོན་ཨཱརྱ་དེ་བ་ལ་བསྟོད་པ་འཕགས་པ་དགྱེས་པའི་གླུ་དབྱངས་ཞེས་བྱ་བ་བཞུགས་སོ།།[1] ༼མཛད་པ་པོ། ཆོས་རྗེ་བློ་བཟང་ཆོས་འཛིན་དཔལ་བཟང་པོ།༽   ཨོཾ་བདེ་ལེགས་སུ་གྱུར་ཅིག །སྡེ་སྣོད་རིན་ཆེན་སྐས་ལ་འཛེག །སྲིད་ཞིའི་གཡང་ལས་རིང་དུ་འཕགས། །ས་བརྒྱད་སེང་ཁྲིར་ངལ་བསོས་པ། །ལྷ་ཆེན་གདོང་བཞིའི་ཞབས་ལ་འདུད། །ཚུལ་ཁྲིམས་རིན་ཆེན་ཕོ་བྲང་དུ། །ཡེ་ཤེས་རྡོ་རྗེ་རྩེ་བརྒྱ་ཡིས། །བདེན་འཛིན་སྦྱིན་སྐྱེས་བུ་བཅོམ་པ། །འཕགས་པ་ལྷ་དབང་རྒྱལ་པོར་འདུད། །ཀླུ་སྒྲུབ་སྲས་ཀྱི་ཐུ་བོ་མཆོག །ཐེག་མཆོག་བསྟན་པ་རྒྱས་མཛད་དེ། །ཚེ་འདིར་ཟུང་འཇུག་མངོན་གྱུར་པ། །ཨཱརྱ་དེ་ཝའི་ཞབས་ལ་འདུད། །

  ༄༅། །སྭསྟི། འཕགས་པ་ལྷའི་ཞལ་སྔ་ནས་ཀྱི་རྟོགས་པ་བརྗོད་པ།[1] ༼པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པ།༽   དེ་ཉིད་ཀྱི་ཞབས་ལ་ཕྱག་འཚལ་ལོ། །སིངྒྷ་ལའི་ཡུལ་རྒྱལ་པོ་ཡི། །ཐུགས་ཀྱི་སྲས་གྱུར་དེ་ཉིད་ཀྱི། །སྐྱེད་ཚལ་ཡིད་འོངས་འདབ་བརྒྱ་པའི། །ལྟེ་བར་བརྫུས་ཏེ་འཁྲུངས་ཁྱོད་ནི། །འཇམ་དཔལ་རྩ་རྒྱུད་སངས་རྒྱས་ཀྱིས། །ལུང་བསྟན་སོ་སྐྱེའི་དུས་ཉིད་ནས། །སྤྱན་ཡང་སློང་ལ་བཏང་བཟོད་པས། །འཕགས་པའི་མཚན་ཐོབ་རྒྱལ་སྲས་ལྷ། །མངལ་སྐྱེས་གཞན་གྱིས་མི་འདུལ་བའི། །

  ༄༅། །སངས་རྒྱས་གཉིས་པ་དཔལ་ལྡན་ཀླུ་ཡི་དབང་པོ་ལ་བསྟོད་པ་ནོར་བུའི་མགུལ་རྒྱན་སྨོན་པའི་རེ་སྐོང་ཞེས་བྱ་བ་བཞུགས་སོ།།[1] ༼འཇམ་དབྱངས་གྲུབ་པའི་བློ་གྲོས་ (ཁྲུངས་དུས།1932-?) ཀྱིས་མཛད་པ།༽   ན་མོ་མཉྫུ་ཤྲཱི་ཀུ་མཱ་ར་བྷཱུ་ཏཱ་ཡ། གང་ཞིག་སྤངས་རྟོགས་མཐོན་པོའི་སྟོབས་ཀྱིས་བརྗིད་ཅིང་དག་པའི་ས་ལ་རབ་ཏུ་འགྱིངས། །འགྱིངས་པའི་ལྟ་ངན་རི་བོ་བཤིག་པའི་ལུང་རིགས་རྡོ་རྗེའི་སྣ་ཞགས་རིང་དུ་རྐྱོང་། །སྐྱོང་མཛད་ལྷ་མཆོག་ནོར་བུའི་ཏོག་གིས་སྤྱི་བོ་མཛེས་ཤིང་རབ་ཏུ་བརྗིད། །བརྗིད་ལྡན་གཉིས་འཐུང་སྟོབས་ཀྱི་རྒྱལ་པོ་དཔལ་ལྡན་ཀླུ་ཡི་དབང་པོས་བདག་སྐྱོངས་ཤིག །

༄༅། །མགོན་པོ་ཀླུ་སྒྲུབ་ཀྱི་བླ་རྣལ་དག་པའི་མྱུར་ལམ་བཞུགས།[1] ༼ གཏེར་ཆེན་རིག་འཛིན་ཉི་མ། (འཁྲུངས་དུས།1931) མཛད་པ།༽   འཛིན་བྲལ་རིག་པ་དབྱིངས་ཀྱི་དཀྱིལ་འཁོར་ནས༔ དུས་གསུམ་རྟོག་བྲལ་མཧཱ་པཎྜི་ཏ༔ ས་གསུམ་ཆེ་དགུ་རྣམས་ཀྱི་ཅོད་པན་རྩེར༔ ལས་བཞིའི་འཕྲིན་ལས་ཡོངས་ལ་དབང་བསྒྱུར་བས༔ ཟབ་མོ་དབུ་མའི་ལྟ་བ་གནད་དུ་བསྣུན༔ ཆོས་སྒོ་བརྒྱད་ཁྲི་བཞི་སྟོང་ཀློང་ན་གསལ༔ འཛིན་བྲལ་དག་མཉམ་ཆེན་པོའི་ངང་ཉིད་དུ༔ ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས༔ བདུད་བཞི་ཅིག་ཅར་གཅོད་པའི་འཕྲིན་ལས་ཀྱིས༔ འགྲོ་ལྔའི་ཤེས་རྒྱུད་ཡེ་ཤེས་ལྔ་རུ་སྨིན༔ ཕུང་ཁམས་ལྷ་སྐུར་སྨིན་པའི་དངོས་གྲུབ་སྩོལ༔ ཅེས་པ་འདི་ཡང་རིགས་སྲས་བྷི་མོའི་ངོར་སུརྱའི་མིང་གིས་སོ།།

  ༄༅། །བཙུན་པ་དཀོན་མཆོག་བསྟན་པའི་སྒྲོན་མེའི་གསུང་དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་ སྣང་བ་ཞེས་བྱ་བར་མཆན་བཞུགས་སོ།།[1] ༼ཛེ་སྨད་བློ་བཟང་དཔལ་ལྡན་བསྟན་འཛིན་ཡར་རྒྱས་ (1927-1996) ཀྱིས་མཛད་པ།༽   རྒྱལ་བས་ཆོས་ཚུལ་གང་བསྟན་པ། །འགྲོ་བ་མུན་པས་ཁེབས་པ་ལ། །འོད་གསལ་བ་ཡི་ཕྱིར་ཡིན་པས། །སྒྲོན་མ་ཀླུ་སྒྲུབ་རྒྱལ་གྱུར་ཅིག །ངར་དམིགས་པ་ལས་ང་ཡིར་དམིགས་པ་སོགས་བདེན་པར་དམིགས་པའི་འཛིན་པ་རྣམ་གྲངས་མང་བས། །འགྲོ་བ་དུབ་པར་གྱུར་པ་རྣམས། །བདེན་པར་དམིགས་པ་མེད་པ་ཞི་བའི་བདེར། །འཁྲིད་པ་ཁྱོད་ནི་དེད་དཔོན་ལགས། །

  ༄༅། །མགོན་པོ་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ་ཞེས་བྱ་བ་བཞུགས་སོ།།[1]   ༼བཙུན་པ་དཀོན་མཆོག་བསྟན་པའི་སྒྲོན་མེས་ (1762-1823) མཛད།༽   རྒྱལ་བས་ཆོས་ཚུལ་གང་བསྟན་པ། །འགྲོ་བ་མུན་པས་ཁེབས་པ་ལ། །འོད་གསལ་བ་ཡི་ཕྱིར་ཡིན་པས། །སྒྲོན་མ་ཀླུ་སྒྲུབ་རྒྱལ་གྱུར་ཅིག །དམིགས་ལས་དམིགས་པ་རྣམ་མང་བས། །འགྲོ་བ་དུབ་པར་གྱུར་པ་རྣམས། །དམིགས་པ་མེད་པ་ཞི་བའི་བདེར། །འཁྲིད་པ་ཁྱོད་ནི་དེད་དཔོན་ལགས། །ཤེས་རབ་ཕར་ཕྱིན་ཤེས་རབ་བསླབ། །ཤེས་རབ་མདོ་སྡེའི་མཆོག་གྱུར་ཕྱིར། །ཤེས་རབ་གཞུང་མཆོག་མཛད་པ་ཁྱོད། །བསྟན་འཛིན་ཀུན་ལས་བླ་མར་གྱུར། །