དཔལ་ནཱ་ལེནྡྲ། བྱོན་པ་ལེགས།

༄༅། །མཁན་སློབ་ཆོས་གསུམ་སོགས་བོད་ལ་བཀའ་དྲིན་ཆེ་བ་རྣམས་ལ་བསྟོད་པ།[1] ༼ས་པཎ་ཀུན་དགའ་རྒྱལ་མཚན་ (1182-1251) སོགས་ཀྱིས་མཛད་པ།༽   ཟ་ཧོར་རྒྱལ་པོའི་རིགས་སུ་སྐུ་འཁྲུངས་ཤིང་། །ཐམས་ཅད་ཡོད་སྨྲའི་སྡེ་ལས་རབ་ཏུ་བྱུང་། །ཉེས་ལྟུང་དྲི་མས་མ་གོས་བཙུན་པའི་མཆོག །བོ་དྷི་ས་ཏྭའི་ཞབས་ལ་ཕྱག་འཚལ་ལོ། །སྡོམ་བརྩོན་དམ་པ་དཔལ་ལྡན་ཞི་བ་འཚོ། །བརྟུལ་ཞུགས་གྲུབ་པ་པདྨ་འབྱུང་གནས་དཔལ། །བློ་གསལ་དབང་པོ་པདྨའི་ངང་ཚུལ་སོགས། །སྙིགས་མའི་དུས་ཀྱི་རྒྱལ་བ་གཉིས་པ་ཡིན། །བདེ་བར་གཤེགས་པའི་རིང་ལུགས་བླ་ན་མེད། །ཞུ་ཆེན་སྒྱུར་བྱེད་མཆན་བུའི་གནས་འདུག་པ། །

༄༅། །འཕགས་ཡུལ་གྱི་ཤིང་རྟ་ཆེན་པོ་རྣམས་ལ་བསྟོད་པ།[1] ༼རབ་འབྱམས་ལེགས་བཤད་རྒྱ་མཚོས་ (1903-1960) མཛད་པ།༽   དྲང་སྲོང་ཆེན་པོ་རྫོགས་པའི་སངས་རྒྱས་ཀྱིས། །དཔལ་གྱི་མགུལ་ནས་གསལ་བར་ལུང་བསྟན་པ། །ཀླུ་སྒྲུབ་ཡབ་སྲས་ཟབ་མོ་ལྟ་བའི་རྒྱན། །ཐོགས་མེད་སྐུ་མཆེད་རྒྱ་ཆེན་སྤྱོད་པའི་རྒྱན། །ཡོན་ཤཱག་རྣམ་གཉིས་བསླབ་པ་འདུལ་བའི་རྒྱན། །ཕྱོགས་གླང་ཆོས་གྲགས་ཚར་གཅོད་ཚད་མའི་རྒྱན། །ཁྱད་པར་ཀླུ་ཐོགས་ལྷ་ཀླུར་ཆེ་བའི་མཆོག །འཛམ་གླིང་རྒྱན་དྲུག་མཆོག་གཉིས་རྣམས་ལ་འདུད། །ཤར་སྒོ་ཤཱནྟི་ལྷོ་སྒོ་ངག་དབང་གྲགས། །ནུབ་སྒོ་རིན་འབྱུང་བྱང་སྒོ་ནཱ་རོ་པ། །དབུས་ཀྱི་ཀ་ཆེན་རིན་རྡོར་ཛྙཱ་ན་ཤྲཱི། །འཕགས་ཡུལ་མཁས་པ་སྒོ་དྲུག་རྣམས་ལ་འདུད། །གཞན་ཡང་རྨད་བྱུང་སློབ་དཔོན་རྣམ་པ་གཉིས། །ཆེན་པོ་བཞི་དང་དཔའ་བོ་ཤར་གསུམ་སོགས། །རྒྱལ་བསྟན་རིན་ཆེན་འཛིན་སྐྱོང་སྤེལ་མཛད་པ། །མཚུངས་ཟླ་བྲལ་བ་རྣམས་ལ་གུས་པས་འདུད། །ཅེས་བཀའ་དྲིན་དང་ཡོན་ཏན་རྗེས་སུ་དྲན་བཞིན་པས་༸པདྨ་འཕྲིན་ལས་སྙིང་པོའམ་རབ་འབྱམས་ལེགས་བཤད་རྒྱ་མཚོས་ཆེད་དུ་བསྔགས་པའོ།། །།

༄༅། །རྒྱན་དྲུག་མཆོག་གཉིས་ལ་བསྟོད་པ།[1] ༼གཉན་དགོན་སྤྲུལ་སྐུ་མདོ་སྔགས་ཆོས་ཀྱི་རྒྱ་མཚོས་ (1903-1957) མཛད་པ།༽ ན་མོ་གུ་རུ་མཉྫུ་སྟོ་ཥཱ་ཡ་སྭ་ར་སྭ་སྦྱི། གཟོད་ནས་ཉེས་པའི་རྣམ་དག་སེམས་ཀྱི་མཁར། །མཁྱེན་བརྩེའི་ཆུ་འཛིན་ཕུང་བོས་རབ་གཏམས་པས། །བགྲང་ཡས་ལུས་ཅན་དགའ་བའི་ཆོས་ཀྱི་ཆར། །འབེབས་མཛད་ཤཱཀྱ་སེངྒེ་དེ་ལ་འདུད། །དེ་སྲས་རྒྱལ་བ་རང་གི་གསུང་གསང་གིས། །ཡོད་མེད་མཐར་འཛིན་གཞིག་ལ་ལུང་བསྟན་བཞིན། །ཟབ་བཤད་བདུད་རྩིའི་འོད་ཀྱི་མགྲིན་པ་ཅན། །དངོས་མེད་སྨྲ་བའི་ཟླ་བ་ཀླུ་ཡི་དབང་། །

༄༅། །འཕགས་ཡུལ་མཁས་པའི་དབང་ཕྱུག་འཛམ་གླིང་རྒྱན་དྲུག་མཆོག་གཉིས་རྣམས་ཀྱི་རྟོགས་བརྗོད་ངོ་མཚར་སྙན་ངག་གསེར་གྱི་ ཉག་ཐག་ལ་བསྟར་བའི་བསྟོད་པ་རྨད་བྱུང་ནོར་བུའི་ འཕྱང་འཕྲུལ་བློ་གསལ་མགུལ་རྒྱན་ ཞེས་བྱ་བ་བཞུགས་སོ།།[1]   ༼ཀུན་དགའ་འཇམ་དབྱངས་མཁྱེན་རབ་རྒྱ་མཚོའམ་ (1901-1959) འཇམ་དཔལ་བཞད་པའི་རྡོ་རྗེས་མཛད།༽   ༡༽ མཐའ་བྲལ་ལྟ་བའི་དགའ་སྟོན་གྲུ་བོ་ཆེར། །ཞུགས་པས་མ་ཚིམ་གསང་སྔགས་སྦས་པའི་གཏེར། །མི་ཟད་འདོད་དགུའི་འབྱུང་གནས་ཡིད་བཞིན་ནོར། །ཀླུ་སྒྲུབ་གདེངས་ཅན་དབང་པོའི་ཞབས་ལ་འདུད། །ཐུབ་དབང་ཀུན་གསལ་ནོར་བུ་ནུབ་རིའི་རྩེར། །འོད་གསལ་གོས་དམར་གྱིས་གཟིམས་མ་བཟོད་ནས། །བཞི་བརྒྱའི་ལོ་གྲངས་ཤར་རིའི་ཅོད་པན་ལས། །ཀླུ་སྒྲུབ་སྨྲ་བའི་ཟླ་བ་ཤར་འདི་མཚར། །ཤིང་རྟའི་སྲོལ་འབྱེད་ཆེན་པོ་ཀླུ་སྒྲུབ་ཅེས། །གྲགས་དཀར་བ་དན་སྲིད་འདིར་མ་ཤོང་བར། །ཉི་ཟླའི་བུ་མོས་ཤིང་རྟའི་རོལ་རྩེད་ལས། །རྒྱ་མཚོའི་འགྲམ་ནས་ནམ་མཁའི་མཐོངས་སུ་ཁུར། །

༄༅། །རྒྱན་དྲུག་མཆོག་གཉིས་ལ་བསྟོད་པ་ཨུ་དུམ་ཝ་རའི་ཆུན་འཕྱང་། ༼རྫོགས་ཆེན་མཁན་ཆེན་སྐྱབས་རྗེ་ཡོངས་འཛིན་རིན་པོ་ཆེ་འཇིགས་མེད་རྟ་མགྲིན་ཡོན་ཏན་མགོན་པོས་ (1899-1959) མཛད་པ།༽[1] ན་མོ་རཏྣ་ཏྲ་ཡཱ་ཡ། ཞི་བའི་མཁའ་ལ་ཐུགས་རྗེའི་ཆུ་འཛིན་འཁྲིགས། །ཚངས་དབྱངས་འབྲུག་སྒྲ་གདུལ་བྱའི་ཞིང་ཁྱབ་ལས། །ཕན་བདེའི་ཆོས་ཆར་རབ་ཏུ་འབེབས་མཁས་པའི། །སྐྱེ་དགུའི་བླ་མ་དོན་ཀུན་གྲུབ་པ་རྒྱལ། །རྒྱལ་གསུང་ཆུ་གཏེར་ཆེ་ལ་དབང་བསྒྱུར་ནས། །ལེགས་བཤད་རིན་ཆེན་འབར་བའི་གདེངས་ཀ་ལས། །སྐལ་བཟང་ཡིད་ཀྱི་འདོད་པ་ཀུན་སྩོལ་བའི། །ཀླུ་སྒྲུབ་ཀླུ་ཡི་དབང་པོར་གུས་པས་འདུད། །

༄༅། །དྲང་ངེས་འཇུག་ངོགས་ཀྱི་མཆོད་བརྗོད།[1] ༼རྗེ་འཇིགས་མེད་དམ་ཆོས་རྒྱ་མཚོས་ (1898-1946) མཛད་པ།༽ དྲེགས་པའི་གཙུག་གི་མེ་ཏོག་མདངས་ལྡན་པ། །ཞབས་མཐིལ་ག་བུར་འཛུམ་པའི་དྲ་བ་ལ། །བཏུད་པས་ཟབ་དོན་སྦྲང་རྩིའི་འབྱུང་གནས་སུ། །སྒྲུབ་མཁས་ཐུབ་དབང་ལྷ་མིའི་མཆོད་སྡོང་རྒྱལ། །ཆེ་བའི་བློ་ཅན་གང་གིས་མཁྱེན་རབ་མཐའ། །མི་རྙེད་ཀུན་བཟང་སྤྱོད་པའི་འོད་སྟོང་ཅན། །ལམ་འདི་ཇི་བཞིན་རྟོགས་ནས་འདོམས་པ་ལ། །ཟླ་བྲལ་དཔལ་ལྡན་བླ་མས་དུས་ཀུན་སྐྱོངས། །ཤེས་བྱའི་དཀྱིལ་འཁོར་ཨུཏྤལ་སྔོ་བའི་མདངས། །

༄༅། །སྐུ་ཞབས་དྲུང་ཡིག་ཆེན་མོ་ཆོས་དར་ལགས་ནས་བཞེངས་པའི་སྟོན་པ་དང་རྒྱན་དྲུག་མཆོག་གཉིས་ཀྱི་སྐུ་ཐང་གི་ཞལ་བྱང་དུ་གནང་བ།[1] ༼རྡོ་སྦིས་དགེ་བཤེས་ཤེས་རབ་རྒྱ་མཚོ་ (1884-1968) མཛད་པ།༽   ཇོ་ནང་ཏཱ་ར་ནཱ་ཐས་རྒྱན་དྲུག་མ་གཏོགས་མཆོག་གཉིས་བོད་ཀྱི་རང་བཟོ་ཡིན་པར་བཤད་ཀྱང་རྗེ་རེད་མདའ་བ་སོགས་མཁས་པ་སྤྱིས་བཞེད་པ་མཁའ་མཉམ་མ་ལྟར་སྐུ་ཐང་དགུའི་མཚན་བྱང་བྱ་དཀའི་སྒྲ་རྒྱན་མཐའ་ཐོག་ཟུང་ལྡན་དུ་བསྒྲིགས་པ་ལས་སྟོན་པ་ལ། གཽ་ཏམ་རིགས་ལས་ཟས་གཙང་སྲས་སུ་བྱོན། །བྱོན་དང་འབྱོན་འགྱུར་རྣམ་འདྲེན་སྟོང་གི་གཙོ། །གཙོ་བོར་མི་མཇེད་ཞིང་འདི་འདུལ་བའི་མགོན། །མགོན་པོ་འགྲོ་བའི་རེ་སྐོང་ཤཱཀྱའི་ཏོག །

༄༅། །འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ཞེས་བྱ་བ་བཞུགས་སོ།།[1] ༼པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མས་ (1883-1937)  མཛད་པ།༽   བགྲང་ཡས་བསྐལ་པར་ཚོགས་ཟུང་ས་བོན་རྩལ། །རླབས་ཆེན་སྤྱོད་མཆོག་དྲོད་གཤེར་གྱིས་བསྐྱངས་པས། །སྐུ་གསུམ་འབྲས་བཟང་གཡུར་དུ་ལེགས་སྨིན་པ། །ཐུབ་དབང་ལྷ་ཡི་བླ་མར་གསོལ་བ་འདེབས། །རྟེན་འབྱུང་མཐའ་བྲལ་ཟབ་དོན་ཐུགས་ཆུད་པས། །དབང་ཕྱུག་བརྒྱད་མཐར་སོན་ཅིང་མདོ་སྔགས་གཞུང་། །འཆད་ལ་རྒྱལ་བ་གཉིས་པར་རབ་གྲགས་པ། །འཕགས་མཆོག་ཀླུ་སྒྲུབ་ཞབས་ལ་གསོལ་བ་འདེབས། །

༄༅། །གསུང་རྩོམ་རྒྱན་དྲུག་མཆོག་གཉིས་ལ་སྦྱར་རྒྱུ།[1] ༼སྟག་བྲག་པཎྜི་ཏ་ངག་དབང་གསུང་རབ་མཐུ་སྟོབས་ (1874-1952) མཆོག་གིས་མཛད།༽   དང་པོར་རྙེད་དཀའ་བྱང་ཆུབ་མཆོག་སེམས་བསྐྱེད། །བར་དུ་དཔྱད་དཀའ་རླབས་ཆེན་ཚོགས་གཉིས་བསགས། །ཐ་མར་ཐོབ་དཀའ་སྐུ་གསུམ་གོ་འཕང་བརྙེས། །མཉམ་མེད་ཤཱཀྱ་སེངྒེར་མགོས་ཕྱག་འཚལ། །ཐུབ་པའི་བསྟན་ལ་ཐུབ་དབང་གཉིས་པ་ལྟར། །ཟླ་མེད་ཆོས་ཀྱི་སྒྲ་ཆེན་ལན་གསུམ་བསྒྲགས། །སྨྲ་ངན་དྲུངས་འབྱིན་ཐར་པའི་ལམ་སྟོན་པའི། །ཐེག་ཆེན་བསྟན་པའི་སྲོལ་འཛིན་ཀླུ་སྒྲུབ་ཞབས། །ཕུལ་བྱུང་བདག་གཞན་མཉམ་བརྗེས་ཐུགས་བརྒྱུད་ཕྱུག །ལྟ་ངན་ལོག་པའི་ལམ་བཞུགས་མུ་སྟེགས་ཅན། །རྣམ་དག་ཐར་པའི་ལམ་དུ་དཀྲི་མཁས་པ། །ས་བརྒྱད་བསྣོན་པ་ཨཱརྱ་དེ་བའི་ཞབས། །

༄༅། །བསྟན་པའི་མངའ་བདག་རྣམས་ལ་བསྟོད་ཅིང་གསོལ་བ་གདབ་ཚུལ་ཛམྦུ་ནཱ་དའི་ཕྲེང་མཛེས་ཞེས་བྱ་བ་བཞུགས་སོ།།[1] ༼ སོག་པོ་བློ་བཟང་རྟ་མགྲིན་གྱིས་ (1867-1937) མཛད་པ།༽   མཁའ་མཉམ་འགྲོ་ལ་མཁྱེན་བརྩེས་རབ་དགོངས་ནས། །གྲངས་མེད་གསུམ་དུ་ཚོགས་གཉིས་རབ་རྫོགས་ཤིང་། །སྟོང་གསུམ་མི་མཇེད་ཞིང་གི་དཔལ་གྱུར་པ། །འདྲེན་མཆོག་ཤཱཀྱའི་ཏོག་ལ་ཕྱག་འཚལ་ལོ། །ཟླ་མེད་སྟོན་པ་དེ་ཡི་སྲས་ཀྱི་མཆོག །རྒྱལ་བའི་མཛད་པ་ཀུན་གྱི་ཁུར་བསྣམས་ནས། །གྲངས་མེད་ཞིང་སྤྲུལ་པའི་རྣམ་རོལ་པ། །མི་ཕམ་འཇམ་པའི་དབྱངས་ལ་ཕྱག་འཚལ་ལོ། །མཐའ་བྲལ་ལྟ་བས་ཆོས་ཀུན་སྟོང་པར་གཟིགས། །