དཔལ་ནཱ་ལེནྡྲ། བྱོན་པ་ལེགས།

༄༅། །མཉམ་མེད་ཤཱཀྱའི་རྒྱལ་པོ་དང་འཛམ་གླིང་མཛེས་ བྱེད་རྒྱན་དྲུག་མཆོག་གཉིས་ཀྱི་རྟོགས་པ་བརྗོད་ པ་ལྷའི་དཔག་བསམ་ལྗོན་ཤིང་ཞེས་ བྱ་བ་བཞུགས་ སོ།།[1] ༼རྒྱལ་མཁན་པོ་གྲགས་པ་རྒྱལ་མཚན་ (1762-1835/1837) གྱིས་མཛད་པ།༽   གང་གིས་བསམ་དང་སྦྱོར་བས་ཚུལ་བཞིན་དུ། །རྩེ་གཅིག་དད་པས་གཙུག་ཏུ་ཉེར་བསྟེན་ན། །ཚེ་འདིར་སངས་རྒྱས་སྟེར་བའི་བཀའ་དྲིན་ཅན། །མཚུངས་མེད་བླ་མའི་ཞབས་ལ་སྙིང་ནས་འདུད། །བསོད་ནམས་ཡེ་ཤེས་གཏིང་མཐའ་མི་མངོན་ཞིང་། །སྤངས་རྟོགས་ཡོན་ཏན་ནོར་བུའི་ཚོགས་ཀྱིས་གང་། །རྒྱ་ཆེན་འཕྲིན་ལས་རླབས་འཕྲེང་གཡོ་བ་ཡི། །ཐུབ་དབང་རིན་ཆེན་འབྱུང་གནས་ལ་ཕྱག་འཚལ། །

༄༅། །འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ།[1] ༼དཀོན་མཆོག་འཇིགས་མེད་དབང་པོས་ (1728-1791) མཛད་པ།༽ བསྐལ་བཟང་རྣམ་འདྲེན་གཞན་གྱིས་ཡོངས་སྤངས་པའི། །གདུལ་དཀའི་ཞིང་འདི་བཟུང་ཚེ་མགོན་པོ་ཁྱོད། །རྒྱལ་བ་ཀུན་གྱིས་པད་དཀར་ལྟར་བསྔགས་པ། །བཅོམ་ལྡན་ཤཱཀྱ་སེངྒེར་གུས་པས་འདུད། །མཁས་པའི་མཐར་སོན་ཤེར་ཕྱིན་སྤྱན་དྲངས་ཏེ། །དབུ་མའི་སྲོལ་ཕྱེ་ཆོས་སྒྲ་གསུམ་བསྒྲགས་པས། །འཛམ་གླིང་འདི་ན་སངས་རྒྱས་གཉིས་པར་གྲགས། །འཕགས་མཆོག་ཀླུ་སྒྲུབ་ཞབས་ལ་ཕྱག་འཚལ་ལོ། །

༄༅། །རྒྱན་དྲུག་མཆོག་གཉིས་ལ་བསྔགས་པ།[1] ༼བཙུན་པ་དཀོན་མཆོག་འཇིགས་མེད་དབང་པོས་ (1728-1791) མཛད་པ།༽   དཔལ་ལྡན་ཚོགས་གཉིས་རིན་ཆེན་ཁམས་ལས་གྲུབ། །ལྷུན་གྲུབ་སྐུ་བཞིའི་བང་རིམ་མངོན་པར་བཀྲ། །རྒྱལ་སྲས་གསེར་རིའི་དབུས་ན་ལྷང་ངེ་བ། །རྣམ་འདྲེན་ཤཱཀྱ་སེང་གེར་གུས་ཕྱག་འཚལ། །ཐེག་མཆོག་བསྟན་པ་རྒྱ་མཚོའི་མཐར་སོན་ཏེ། །ཤེར་ཕྱིན་སྤྱན་དྲངས་དབུ་མའི་སྲོལ་ཕྱེ་ཤིང་། །ཆོས་གྲྭ་ཆེན་པོའི་རྒོལ་བ་ཀུན་འཇོམས་པ། །ཀླུ་སྒྲུབ་ཀླུ་ཡི་དབང་པོར་ཕྱག་འཚལ་ལོ། །ཆུ་སྐྱེས་དབུས་འཁྲུངས་རིག་པའི་གནས་ཀུན་ལ། །སྤོབས་པ་མཆོག་བརྙེས་མུ་སྟེགས་རྒོལ་བ་ཀུན། །ཡང་དག་ལྟ་བའི་ལམ་དུ་འཇུག་མཛད་པ། །ཨཱརྱ་དེ་བའི་ཞབས་ལ་ཕྱག་འཚལ་ལོ། །

༄༅། །འཛམ་གླིང་མཛེས་བྱེད་རྒྱན་དྲུག་མཆོག་གཉིས་ལ་གསོལ་འདེབས་ཕན་བདེའི་དཔག་བསམ་ལྗོན་པ་ཞེས་བྱ་བ། ༼དཀོན་མཆོག་འཇིགས་མེད་དབང་པོས་ (1728-1791) མཛད་པ།[1]༽   ན་མོ་གུ་རུ་མུ་ནེ་ཨིནྡྲ་ཡ། ཚོགས་གཉིས་ཡོངས་སྨིན་རིན་ཆེན་གསེར་སྒོང་ལས། །ཉེར་འཁྲུངས་སྐུ་བཞིའི་ཞལ་བཟང་ཆེར་འཛུམ་ཞིང་། །འཕྲིན་ལས་འོད་སྟོང་ལྡན་པའི་སྟེང་གནས་པ། །ཐུབ་དབང་མི་མཇེད་བདག་པོས་དགེ་ལེགས་སྩོལ། །ཟབ་རྒྱས་དབུ་མའི་སྤྲིན་གྱི་གླང་པོར་ཞོན། །ཕྲ་ཞིབ་རིགས་ཚོགས་རྡོ་རྗེ་རྩེ་བརྒྱ་པས། །ལོག་འཁྲུལ་དྲ་བའི་རི་རྐང་གཅོག་མཛད་པ། །ཀླུ་སྒྲུབ་ཚིག་མདའི་གཙོ་བོར་གསོལ་བ་འདེབས། །

༄༅། །བྱ་རིགས་རྣམ་གླིང་པཎ་ཆེན་དཀོན་ཅོག་ཆོས་གྲགས་ཀྱིས་འོ་སྐོལ་གྱི་སྟོན་པ་རྒྱན་དྲུག་མཆོག་གཉིས་དང་བཅས་པར་ པཎ་གྲུབ་དུ་མའི་ཞིང་བཀོད་ངོ་མཚར་ཐོར་བསྡུས་སྤེལ་བར་ རྒྱབ་ཡིག་སྨོན་ལམ།[1] ༼༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པ།༽   ཙནྡན་བྱུག་པ་སྟེའུ་ཁར་གཟས་ལ། །སྙིང་རྗེའི་ཆབ་ཀྱིས་ཐུགས་རྒྱུད་ཞིང་སའི་ཁྱོན། །མཉམ་པར་བརླན་མཛོད་དོན་ཀུན་གྲུབ་པའི་ཕྱག །རིང་པོར་བྱང་ཆུབ་བར་དུ་བདག་གཙུག་ཁྱོངས། །མཐའ་བྲལ་རྒྱ་མཚོར་སྟོང་ཉིད་ནོར་བུའི་ཐོད། །འོད་འབར་རྣམ་འདྲེན་ཀླུ་དབང་རང་གྲིབ་ལ། །བལྟོས་མིན་མཆེད་ཟླ་ལང་རིགས་སྲིད་སྒྲུབ་ཕོངས། །ཤེས་རབ་བདག་པོར་རྩལ་གྱིས་འཕེན་ནུས་ཤོག །

༄༅། །རྒྱ་གར་འཕགས་པའི་ཡུལ་གྱི་སྐྱེས་ཆེན་དམ་པ་རྒྱན་དྲུག་མཆོག་གཉིས་ལ་བསྟོད་ཅིང་གསོལ་བ་འདེབས་པའི་རབ་ཏུ་བྱེད་པའི་སརྒ་བཞི་པ་ཞེས་བྱ་བ་བཞུགས་སོ།།[1] ༼ཨ་མེས་ཞབས་ངག་དབང་ཀུན་དགའ་བསོད་ནམས་ (1597-1659/1660) ཀྱིས་མཛད་པ།༽   ན་མོ་གུ་རུ་བུདྡྷ་དྷྭ་ཛ་ཡེ། བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །ཟབ་ཞི་སྤྲོས་བྲལ་འོད་གསལ་འདུས་མ་བྱས། །དབུ་མ་ཆེན་པོ་འགྲོ་ལ་གསལ་མཛད་པ། །དབང་ཕྱུག་བརྒྱད་ལྡན་ཀླུ་སྒྲུབ་སྙིང་པོ་ཞེས། །སྙན་གྲགས་འཇིག་རྟེན་གསུམ་ན་གསལ་དེར་འདུད། །དེས་གསུངས་གཞི་ལམ་འབྲས་བུའི་དབུ་མའི་དོན། །སྣོད་ལྡན་མཁས་པའི་སྐྱེ་བོ་དུ་མ་ལ། །རྒྱ་ཆེར་སྤེལ་མཛད་ཨརྻ་དེ་ཝའི་ཞབས། །

༄༅། །འཕགས་པ་རྒྱན་དྲུག་མཆོག་གཉིས་ལ་བསྟོད་པ་ཞེས་བྱ་བ་བཞུགས་སོ།།[1] ༼ཀུན་མཁྱེན་རིག་འཛིན་ཆེན་པོ་འབྲི་གུང་པ་ཆོས་ཀྱི་གྲགས་པས་  (1595-1659) མཛད་པ།༽   ཤཱཀྱ་སེངྒེ་ས་གསུམ་གྱི། །འདྲེན་པས་ཆོས་འཁོར་རིམ་པ་གསུམ། །བསྐོར་བས་འགྲོ་ཀུན་བདེར་མཛད་པ། །ཐུབ་པ་ཁྱོད་ལ་མགོས་ཕྱག་འཚལ། །ཀླུ་ཞབས་རྒྱལ་བ་གཉིས་པ་ནི། །རྒྱལ་བས་ལུང་དུ་བསྟན་པ་ལྟར། །མཐའ་བྲལ་ལྟ་བ་རྣམ་དག་དཔལ། །སྒྲུབ་མཛད་དེ་ལ་བདག་ཕྱག་འཚལ། །འཕགས་པ་དངོས་ཀྱང་ཉན་ཐོས་ཚུལ། །ཐུབ་བསྟན་ཕས་རྒོལ་སྒྲ་གཅན་གྱིས། །སྒྲིབ་ཚེ་སླར་ཡང་གསལ་མཛད་པ། །ལྷ་མཆོག་ཁྱོད་ལ་བདག་ཕྱག་འཚལ། །

༄༅། །འཕགས་པ་རྒྱན་དྲུག་མཆོག་གཉིས་ལ་བསྟོད་པ་རྨད་བྱུང་བློ་གྲོས་ཀྱི་གཏེར་མཛོད་ཅེས་བྱ་བ་བཞུགས་སོ།།[1] ༼འབྲི་གུང་ཆེ་ཚང་དཀོན་མཆོག་རིན་ཆེན་ (1590-1654) གྱིས་མཛད་པ། ༽   སྭ་སྟི། ཚོགས་གཉིས་རབ་རྫོགས་བདུད་བཅོམ་ཆོས་འཁོར་བསྐོར། །ཆོས་ཀུན་དབང་བསྒྱུར་ཀུན་མཁྱེན་ལྷའི་ཡང་ལྷ། །གསེར་མངལ་མིག་སྟོང་ལྡན་སོགས་གཙུག་གི་ནོར། །ཐུབ་དབང་ཤཱཀྱའི་རྒྱལ་ལ་ཕྱག་འཚལ་ལོ། །རྒྱལ་བ་བྱང་སེམས་ཚུལ་བཟུང་ཉེ་སྲས་བརྒྱད། །དེ་ཉིད་ཉན་ཐོས་ཚུལ་འཛིན་མཆོག་བརྒྱད་དང་། །བརྟུལ་ཞུགས་ཚུལ་སྤྱོད་གྲུབ་ཆེན་རྣམ་པ་བརྒྱད། །བསྟན་སྐྱོང་གནས་བརྟན་རྣམས་ལ་ཕྱག་འཚལ་ལོ། །འཕགས་པ་ཉན་ཐོས་ཚུལ་འཛིན་ཀླུ་དབང་གྲགས། །

༄༅། །རྒྱན་དྲུག་མཆོག་གཉིས་ལ་གཙོ་བོར་བསྟོད་པ་རིན་པོ་ཆེའི་རྒྱུད་མངས་བསྒྲེང་བ་ཞེས་བྱ་བཞུགས་སོ།།[1] ༼ཀུན་མཁྱེན་པདྨ་དཀར་པོས་ (1527-1592) མཛད་པ།༽ འཇིག་རྟེན་མཆོད་འོས་ཡོངས་ཀྱི་བླ་མ་ནི། །བཀྲ་ཤིས་ཀུན་གྱི་བཀྲ་ཤིས་གྲགས་པའི་གཞི། །ཐེག་གསུམ་འཁོར་ལོ་བསྒྱུར་བ་ཟས་གཙང་སྲས། །བསྐལ་པ་བཟང་པོའི་སྒྲོན་མ་བཞི་པར་འདུད། །གང་ཞིག་ཕན་བདེ་ཐམས་ཅད་འབྱུང་བའི་ཁུངས། །བསྟན་པ་རིན་ཆེན་ཕྱག་ཏུ་གཏད་པ་དེ། །ཆོས་བཞིན་བྱི་དོར་མཛད་པའི་དགྲ་བཅོམ་པ། །གནས་བརྟན་རྒྱལ་ཚབ་ཆེན་པོ་རྣམས་ལ་འདུད། །ཀླུ་སྒྲུབ་བློ་མཚོ་ཤིན་ཏུ་རྒྱ་ཆེའི་ཞིང་། །ནམ་ཡང་མཐའ་གཉིས་གནས་ལ་གནས་བྲལ་བས། །

༄༅། །རྒྱན་དྲུག་མཆོག་གཉིས་དང་བསྟན་པའི་རྒྱན་བཞིར་བསྟོད་པ།[1] ༼ཀརྨ་པ་ཆོས་གྲགས་རྒྱ་མཚོས་ (1454-1506) མཛད་པ།༽ འཕགས་ཡུལ་གྱི་རྒྱན་དྲུག་མཆོག་གཉིས་དང་གངས་ཅན་བསྟན་པའི་རྒྱན་བཞི་ལ་བསྟོད་པ་ནི།          ཚོགས་གཉིས་ཆུ་གཏེར་གཏིང་མཐའ་ཡས། །རྣམ་དག་ཡོན་ཏན་ནོར་བུས་གང་། །རྨད་བྱུང་འཕྲིན་ལས་ཕྱོགས་བཅུ་འཕྲོ། །ཀུན་མཁྱེན་ཐུབ་པའི་ཞབས་ལ་འདུད། །མཐའ་བྲལ་ཟབ་མོའི་མཚོ་ལ་གནས། །གཞན་སྔ་འདབ་བཟང་བྱེ་བ་ཡིས། །ལྟ་ཟེར་འགོག་པར་མ་ནུས་པའི། །འཕགས་མཆོག་ཀླུ་སྒྲུབ་ཞབས་ལ་འདུད། །མངལ་གྱི་དྲི་མ་རིང་དུ་སྤངས། །མདོ་རྒྱུད་ཀུན་གྱི་ཕ་རོལ་སོན། །མུ་སྟེགས་རྒོལ་བ་བཟློག་མཛད་པ། །ཨཱརྱ་དེ་བའི་ཞབས་ལ་འདུད། །