དཔལ་ནཱ་ལེནྡྲ། བྱོན་པ་ལེགས།

༡༢༽ མྱ་ངན་ལས་འདས་པའི་མཛད་པ།   དེ་ཡང་མགོན་པོ་ཀླུ་སྒྲུབ་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། ལེ་ལོ་ཅན་རྣམས་མྱུར་དུ་བསྐུལ་བྱའི་ཕྱིར། །རྩྭ་མཆོག་གྲོང་གི་ས་གཞི་གཙང་མ་རུ། ། འཆི་མེད་རྡོ་རྗེ་ལྟ་བུའི་སྐུ་བཤིག་ནས། །མྱ་ངན་འདའ་བར་མཛད་ལ་ཕྱག་འཚལ་ལོ། །

༡) ལྷ་ལས་བབས་པའི་མཛད་པ།   དེ་ཡང་གུང་ཐང་དཀོན་མཆོག་བསྟན་པའི་སྒྲོན་མེས་ (1762-1823) མཛད་པའི་ལྷ་བབ་དུས་ཆེན་དང་འབྲེལ་བའི་སྟོན་པའི་རྣམ་ཐར་ལས[1]། ལྷ་ཡི་ལམ་ནས་རྫུ་འཕྲུལ་གྱིས་བབས་ཏེ། །ལྷ་དང་བཅས་པའི་འགྲོ་ཀུན་འདུལ་མཛད་པ། ། ལྷ་མིའི་སྟོན་པ་ཤཱཀྱའི་རྒྱལ་པོ་ཡིས། །ལྷ་བཅས་སྐྱེ་དགུ་ཡོངས་ལ་ཤིས་པ་སྩོལ། ། ཞེས་དགེ་ལེགས་སུ་བྱེད་པའི་ཚིག་གིས་སྔོན་བསུས་ཏེ་གང་ཞུ་ན། དེའང་པཎ་ཆེན་ཤཱཀྱ་ཤྲཱིས།

༡༡༽ ཆོ་འཕྲུལ་ཆེན་པོའི་མཛད་པ།   དེ་ཡང་རྗེ་བཙུན་བྱམས་མགོན་གྱིས་མཛད་པའི་མངོན་རྟོགས་རྒྱན་ལས་གསུངས་པའི་མཛད་པ་བཅུ་གཉིས་དང་།བོད་ཀྱི་མཁས་གྲུབ་རྣམས་ཀྱི་གཞུང་དུ་གསལ་བའི་ཡོངས་གྲགས་ཀྱི་མཛད་པ་བཅུ་གཉིས།དཔལ་མགོན་འཕགས་པ་ཀླུ་སྒྲུབ་ཞབས་ཀྱིས་མཛད་པའི་སྟོན་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་གསུམ་པོར་མཛད་པ་མཐའ་མ་བཞི་ལ་བཞེད་ཚུལ་མི་མཐུན་ཞིང་།

༡༠༽ ཆོས་འཁོར་བསྐོར་བའི་མཛད་པ།   དེ་ཡང་འཕགས་མཆོག་ཀླུ་སྒྲུབ་ཞབས་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། ཐུགས་རྗེས་འགྲོ་ལ་མྱུར་དུ་གཟིགས་ནས་ནི། །ཝཱ་རཱ་ཎ་སཱི་ལ་སོགས་གནས་མཆོག་ཏུ། ། ཆོས་ཀྱི་འཁོར་ལོ་བསྐོར་ནས་གདུལ་བྱ་རྣམས། །ཐེག་པ་གསུམ་ལ་འགོད་མཛད་ཕྱག་འཚལ་ལོ། །

༩༽ མངོན་པར་རྫོགས་པའི་སངས་རྒྱས་པའི་མཛད་པ།   དེ་ཡང་མགོན་པོ་ཀླུ་སྒྲུབ་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། ཐོག་མ་མེད་ནས་འབད་པ་དོན་ཡོད་ཕྱིར། །མ་ག་དྷ་ཡི་བྱང་ཆུབ་ཤིང་དྲུང་དུ། ། སྐྱིལ་ཀྲུང་མི་གཡོ་མངོན་པར་སངས་རྒྱས་ནས། །བྱང་ཆུབ་རྫོགས་པར་མཛད་ལ་ཕྱག་འཚལ་ལོ། །

༨༽ བྱང་ཆུབ་སྙིང་པོར་གཤེགས་པའི་མཛད་པ།   དེ་ཡང་༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་ (1617-1682) མཆོག་གིས་མཛད་པའི་ཐུབ་པའི་བསྟོད་པ་ཐུབ་རྣམས་སྤངས་རྟོགས་ལས[1]། སྐྱིལ་ཀྲུང་གཅིག་ལ་བྱང་ཆུབ་མཆོག་བརྙེས་ཕྱིར། །རྡོ་རྗེ་གདན་ལ་རྩྭ་ཚོང་བཀྲ་ཤིས་ལས། ། ཉེར་བསླངས་དུར་བའི་ཆུན་པོ་བཏིང་བའི་སྟེང་། །མི་གཡོའི་དམ་བཅའ་བརྟན་ལ་ཕྱག་འཚལ་ལོ། །

༧༽ དཀའ་བ་སྤྱད་པའི་མཛད་པ།   དེ་ཡང་སངས་རྒྱས་གཉིས་པ་མགོན་པོ་ཀླུ་སྒྲུབ་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། བརྩོན་པས་བྱང་ཆུབ་འགྲུབ་པར་དགོངས་ནས་ནི། །ནཻ་རཉྫ་ནའི་[2]འགྲམ་དུ་ལོ་དྲུག་ཏུ། ། དཀའ་བ་སྤྱད་མཛད་བརྩོན་འགྲུས་མཐར་ཕྱིན་ནས། །བསམ་གཏན་མཆོག་བརྙེས་མཛད་ལ་ཕྱག་འཚལ་ལོ། །

༦༽ རབ་ཏུ་བྱུང་བའི་མཛད་པ།   དེ་ཡང་དཔལ་མགོན་འཕགས་པ་ཀླུ་སྒྲུབ་ཞབས་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། འཁོར་བའི་བྱ་བར་སྙིང་པོ་མེད་གཟིགས་ནས། །ཁྱིམ་ནས་བྱུང་སྟེ་མཁའ་ལ་གཤེགས་ནས་ཀྱང༌། ། མཆོད་རྟེན་རྣམ་དག་[2]དྲུང་དུ་ཉིད་ལ་ཉིད། །རབ་ཏུ་བྱུང་བར་མཛད་ལ་ཕྱག་འཚལ་ལོ། །

༥༽ བཙུན་མོའི་འཁོར་གྱིས་རོལ་པའི་མཛད་པ།   དེ་ཡང་སངས་རྒྱས་གཉིས་པ་སློབ་དཔོན་ཀླུ་སྒྲུབ་ཞབས་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། འཇིག་རྟེན་ཆོས་དང་མཐུན་པར་བྱ་བ་དང༌། །ཁ་ན་མ་ཐོ་སྤང་ཕྱིར་བཙུན་མོ་ཡི། ། འཁོར་དང་ལྡན་མཛད་ཐབས་ལ་མཁས་པ་ཡིས། །རྒྱལ་སྲིད་སྐྱོང་བར་མཛད་ལ་ཕྱག་འཚལ་ལོ། །

༤༽ སྒྱུ་རྩལ་ལ་མཁས་པའི་མཛད་པ།   དེ་ཡང་འཕགས་མཆོག་ཀླུ་སྒྲུབ་ (c.150-250) ཀྱིས་མཛད་པའི་མཛད་པ་བཅུ་གཉིས་ཀྱི་ཚུལ་ལ་བསྟོད་པ་ལས[1]། གཞོན་ནུ་སྟོབས་ལྡན་མི་ཡི་སེང་གེ་དེས། །ཨཾ་གྷ་མ་ག་དྷཱར་ནི་སྒྱུ་རྩལ་བསྟན། ། སྐྱེ་བོ་དྲེགས་པ་ཅན་རྣམས་ཚར་བཅད་ནས། །འགྲན་ཟླ་མེད་པར་མཛད་ལ་ཕྱག་འཚལ་ལོ། །