དཔལ་ནཱ་ལེནྡྲ། བྱོན་པ་ལེགས།

ཛ༽ ཇོ་བོ་བོད་དུ་བྱོན་ཅིང་བསུ་བ་ཞུས་ཚུལ།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ་ལས[1]། གངས་ཅན་མགོན་པོ་རྒྱལ་བའི་འབྱུང་གནས་དང་། ། ལེགས་སྤྱད་སྨོན་ལམ་སྟོང་གི་མཚམས་སྦྱོར་ལས། ། སླར་ཡང་བོད་ཡུལ་མུན་པ་ཀུན་སེལ་བའི། ། མར་མེ་མཛད་དཔལ་དོན་མཐུན་ཁྱོད་ཕྱག་འཚལ། །

ཚ༽ ལྷ་དང་བླ་མའི་ལུང་བསྟན་རིམ་པར་བྱུང་ཚུལ།   དེ་ཡང་སྨྱོ་ཤུལ་མཁན་པོ་ངག་དབང་དཔལ་བཟང་ (1879-1940) གིས་མཛད་པའི་ཇོ་བོ་ཡབ་སྲས་ལ་གསོལ་བ་འདེབས་པ་ལས[1]། སྒྲོལ་མས་ལུང་བསྟན་རྒྱལ་བུ་དཀོན་མཆོག་འབངས། ། ཐུབ་བསྟན་ཡོངས་སུ་རྫོགས་པའི་མངའ་བདག་མཆོག ། ལྷ་ཆོས་བདུན་ལྡན་ཇོ་བོ་བཀའ་གདམས་པའི། ། རྒྱལ་བའི་འབྱུང་གནས་ཁྱེད་ལ་གསོལ་བ་འདེབས། །

ཙ༽ ནག་ཚོ་ལོ་ཙཱ་བ་ཇོ་བོ་གདན་འདྲེན་དུ་བྱོན་ཚུལ།   དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་མཉམ་མེད་ཇོ་བོ་ཆེན་པོའི་བླ་མའི་རྣལ་འབྱོར་བྱིན་རླབས་ལས[1]། རྒྱལ་རིགས་རིག་པའི་གནས་ལྔ་ཀུན་ལ་མཁས། ། སྒྲོལ་མས་ལུང་བསྟན་གངས་ཅན་དཔལ་དུ་བྱོན། ། བདག་པས་གཞན་གཅེས་འབྱོངས་ནས་གཞན་དོན་མཛད། ། མཚུངས་མེད་ཨ་ཏི་ཤ་ལ་གསོལ་བ་འདེབས། །

མ༽ ལོ་ཙཱ་བ་རྒྱ་བརྩོན་སེང་རྒྱ་གར་དུ་མངགས་ཚུལ།   དེ་ཡང་རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པའི་ཇོ་བོ་དཱི་པཾ་ཀ་ར་ཤྲཱི་ཛྙཱ་ན་ལ་བསྟོད་པ་བྱིན་རླབས་ཀྱི་རྒྱ་མཚོ་རོལ་པའི་བཀོད་པ་ལས[1]། རབ་སྙན་གྲགས་པ་རྒྱ་མཚོའི་མཐར་སོན་པ། ། བྱང་སེམས་ས་སྐྱོང་དབང་པོས་ལེགས་ཐོས་ནས། ། དཀའ་སྤྱད་དུ་མས་བོད་འདིར་ལེགས་དྲངས་ཏེ། ། གདུལ་བྱ་དུ་མ་ཡོངས་སུ་སྨིན་པར་མཛད། །

༢༽ ལྷ་བླ་མ་བྱང་ཆུབ་འོད་ཀྱི་རྣམ་ཐར།   དེ་ཡང་ལྷ་བླ་མ་བྱང་ཆུབ་འོད་ནི། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་མངའ་རིས་གུ་གེར་སྐུ་འཁྲུངས་ཤིང་། མངའ་རིས་གུ་གེ་རྒྱལ་པོ་མངའ་བདག་ལྷ་ལྡེའི་བུ་གསུམ་གྱི་བར་པ་བཀྲ་ཤིས་འོད་ཡིན། སྐུ་ན་ཆུང་ངུའི་དུས་ནས་རབ་ཏུ་བྱུང་བས། མཚན་ལ་བྱང་ཆུབ་འོད་ཅེས་གསོལ། ཕྱི་ལོ་ ༡༠༣༧ ལོར་ཁུ་བོ་ལྷ་བླ་མ་ཡེ་ཤེས་འོད་ཀྱི་ཞལ་ཆེམས་ལྟར་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ་ལ་གསེར་སྲང་མང་པོ་དང་བཅས་ཏེ་རྒྱ་གར་དུ་ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་གདན་འདྲེན་ཞུ་བའི་ཕོ་ཉར་བརྫངས།

༡༽ ལྷ་བླ་མ་ཡེ་ཤེས་འོད་ཀྱི་རྣམ་ཐར།   དེ་ཡང་ལྷ་བླ་མ་ཡེ་ཤེས་འོད་ནི། མངའ་རིས་གུ་གེའི་རྒྱལ་པོ་བཀྲ་ཤིས་མགོན་ལ་སྲས་ཆེ་ཆུང་གཉིས་ཡོད་པའི་ཆུང་བ་སྟེ། ཆུང་ངུའི་དུས་སུ་མཚན་ལ་སྲོང་ངེ་ཟེར། ཕྱི་ལོ་ ༩༤༧ ལོར་སྐུ་འཁྲུངས་ཤིང་། སྐུ་ཚེ་སྟོད་ལ་གུ་གེའི་ཕྱོགས་ཀྱི་རྒྱལ་སྲིད་བཟུང་། སྲས་གཉིས་འཁྲུངས་པའི་མཚན་ལ་ནཱ་ག་རཱ་ཛ་དང་དྷེ་ཝ་རཱ་ཛ་ཟེར། ཕྱིས་སུ་ཁོང་ཉིད་རབ་ཏུ་བྱུང་བས་མཚན་ལ་ལྷ་བླ་མ་ཡེ་ཤེས་འོད་དུ་གསོལ།

བ༽ ཡེ་ཤེས་འོད་ཀྱིས་ཆོས་ཕྱིར་དཀའ་སྤྱད་མཛད་ཚུལ།   དེ་ཡང་བཅོམ་ལྡན་རིག་པའི་རལ་གྲིས་ (1227-1305) མཛད་པའི་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ལ་གསོལ་བ་འདེབས་པའི་ཚིགས་སུ་བཅད་པ་དགུ་པ་རོལ་མོའི་སྒྲ་སྙན་ལས[1]། གང་ཚེ་གངས་ཅན་རྒྱལ་པོའི་བཀས་བསྐུལ་ནས། ། གུང་ཐང་སྐད་གཉིས་སྨྲ་བས་གསོལ་བཏབ་ཚེ། ། སྔོན་ནས་འཕགས་མ་སྒྲོལ་མས་ལུང་བསྟན་ཕྱིར། ། འདིར་བྱོན་བསྟན་པ་རྒྱས་མཛད་རྗེས་ཡི་རང་། །

ཕ༽ ཇོ་བོ་བོད་དུ་མ་ཕེབས་གོང་གི་བསྟན་པའི་གནས་སྟངས།   དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་མཉམ་མེད་ལྷ་གཅིག་དཱི་པཾ་ཀ་ར་ལ་བསྟོད་པ་ཁུ་བྱུག་མགྲིན་པའི་གླུ་དབྱངས་ལས[1]། ཡི་དམ་ལྷ་ཡིས་ལུང་གི་བརྡས་བསྐུལ་ཚེ། ། བྱང་ཕྱོགས་གངས་རིའི་ལྗོངས་ལ་ལྷག་པར་བརྩེ། ། ཐུགས་རྗེ་ཉིན་མོར་བྱེད་པའི་འཛུམ་གྲོལ་བས། ། བསིལ་ལྡན་ས་ཡི་གདུ་བུ་ལྷག་པར་བཞད། །

པ༽ སོ་མ་པུ་རིའི་གཙུག་ལག་ཁང་ཆེན་མོ་ངོ་སྤྲོད།   དེ་ཡང་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ (1011-1064) མཛད་པའི་ཇོ་བོ་རྗེའི་བསྟོད་པ་བརྒྱད་ཅུ་པ་ལས[1]། ཁྱོད་སྔོན་སོ་མ་པུ་རི་ན། །རྟོག་གེ་འབར་བ་གསུང་བའི་ཚེ། ། ད་ནི་ལོ་ནི་ཉི་ཤུ་ན། །ཚེ་ཡི་འདུ་བྱེད་བཏང་འགྱུར་གསུང་། ། ཞེས་གསལ་བ་ལྟར། ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ནང་ཡང་ཡང་གསལ་ཞིང་། འཕགས་བོད་ཀྱི་ལོ་པཎ་གྲུབ་དུ་མས་མཛད་པ་སྐྱོང་ཡུལ་སོ་མ་པུ་རིའི་གཙུག་ལག་ཁང་ཆེན་མོ་ཞེས་པ་འདི་ནི།

༨༽ བི་ཀྲམ་ཤཱི་ལའི་གལ་གནད་བསྐྱར་དུ་གླེང་བ།[1]   ཁྱེད་ཀྱིས་དགོངས་སམ། ས་ཆ་འདི་ནི་ནང་པའི་ལོ་རྒྱུས་ཐོག་བི་ཀྲམ་ཤཱི་ལ་ཞེས་ཡོངས་སུ་གྲགས་པ་དེ་རེད། བོད་སྐད་དུ་རྣམ་གནོན་ངང་ཚུལ་ཞེས་འབོད་པ་དང་། འདི་ནི་ཕལ་ཆེར་ནཱ་ལནྡཱ་དང་མཚན་སྙན་མཉམ་ཞིང་། ཁུངས་ལྡན་གྱི་ལོ་རྒྱུས་རྣམས་ལྟར་ན་རྒྱ་གར་ཤར་ཕྱོགས་སུ་བྱུང་བའི་པཱ་ལའི་རྒྱལ་རབས་ཀྱི་རྒྱལ་པོ་དྷརྨ་པཱ་ལས་དུས་རབས་བརྒྱད་པའི་ནང་དུ་བཞེངས།