དཔལ་ནཱ་ལེནྡྲ། བྱོན་པ་ལེགས།

ཉ༽ རབ་ཏུ་བྱུང་སྟེ་སྡེ་པའི་བདག་པོར་གྱུར་པ།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ་ལས[1]། བསླབ་གསུམ་སྦྲང་རྩིའི་རྒྱལ་མཚན་དཔལ་འབར་བ། ། ཁོ་ནས་ཐུབ་བསྟན་དགའ་ཚལ་མཛེས་དགོངས་ཏེ། ། དོན་ཀུན་གྲུབ་པ་གཞན་བཞིན་རབ་བྱུང་བས། ། ཐུབ་དབང་གཉིས་པར་གྱུར་པ་ཁྱོད་ཕྱག་འཚལ། །

ཇ༽ ཇོ་བོས་བླ་མ་གང་དག་བསྟེན་ནས་གདམས་ངག་ཞུས་ཚུལ།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ་ལས[1]། མཁྱེན་པའི་ཆུ་འཛིན་བརྩེ་བའི་ཆུ་ཁུར་ཅན། ། བརྒྱ་དང་ལྔ་བཅུའི་ཐུགས་བཅུད་བདུད་རྩིའི་ཆར། ། དྲི་བྲལ་ཁྱོད་ཐུགས་ཤེལ་གྱི་བུམ་བཟང་དེར། ། ནམ་ཡང་དོག་པ་སྤངས་ལ་ཕྱག་འཚལ་ལོ། །

ཆ༽ ཇོ་བོས་རྒྱལ་སྲིད་སྤངས་ཏེ་གསན་བསམ་མཛད་ཚུལ།   དེ་ཡང་འབྲི་གུང་སྐྱོབ་པ་འཇིག་རྟེན་མགོན་པོའི་ (1143-1217) ཕྱི་ཡི་བཀའ་འབུམ་ནོར་བུའི་བང་མཛོད་ལས[1]། རྒྱལ་སྲིད་མཆིལ་མའི་ཐལ་བ་ལྟ་བུར་སྤངས། ། རིག་འབྱུང་མཁས་པའི་སློབ་གྲྭ་ན་ལན་དྲར། ། གཙུག་གི་ནོར་བུ་ལྔ་བརྒྱའི་ཐམས་ཅད་མཁྱེན། ། བསླབ་གསུམ་རིན་ཆེན་ཐོད་བཞིན་སྤྱི་བོས་བཀུར། །

ཅ༽ ཇོ་བོ་རྗེ་རྒྱལ་སྲས་གཞོན་ནུའི་སྐབས་ཀྱི་མཛད་སྤྱོད།   དེ་ཡང་དཔའ་བོ་གཙུག་ལག་ཕྲེང་བས་ (1504-1564/1566) མཛད་པའི་ཆོས་འབྱུང་མཁས་པའི་དགའ་སྟོན་ལས[1]། སྔོན་ཚེ་རྒྱལ་སྲས་གཙོ་བོ་བཟང་སྐྱོང་ནི། ། ཟ་ཧོར་རྒྱལ་པོའི་སྲས་འཁྲུངས་སྔགས་སྤྱོད་གྲུབ། ། སླར་ཡང་ཕལ་ཆེན་སྡེ་ལས་རབ་ཏུ་བྱུང་། ། རིག་གནས་སྡེ་སྣོད་མདོ་རྒྱུད་མ་ལུས་མཁྱེན། །

༣༽ ཇོ་བོ་འཁྲུངས་ནས་ལོ་ ༡༠༠༠ འཁོར་བའི་དུས་དྲན་གྱི་གསུང་འཕྲིན། ༼ཕྱི་ལོ་ ༡༩༨༣༽ ལོ་འདིར་མཉམ་མེད་ཇོ་བོ་རྗེ་དཔལ་ལྡན་ཨ་ཏི་ཤ་སྐུ་འཁྲུངས་ནས་མི་ལོ་སྟོང་ཕྲག་གཅིག་འཁོར་བའི་དུས་ཚིགས་ཁྱད་པར་ཅན་འཁེལ་བར་བརྟེན། ཇོ་བོ་རྗེ་གང་དུ་འཁྲུངས་པའི་ས་གནས་རྒྱ་གར་ཤར་ཕྱོགས་བྷང་ག་ལའི་སངས་རྒྱས་ཆོས་ཚོགས་ནས། ༡༩༨༣ ཟླ་ ༡ ཚེས་ ༢༩ ནས་ཉིན་གསུམ་རིང་ཇོ་བོ་རྗེའི་རྗེས་དྲན་མཛད་སྒོ་གནང་གི་ཡོད་པ་ལ་སྙིང་ཐག་པ་ནས་རྗེས་སུ་ཡི་རངས་ཞུ་ཡི་ཡོད།

༢༽ ཇོ་བོ་རྗེ་དུས་ནམ་ཞིག་འཁྲུངས་མིན།   དེ་ཡང་བཅོམ་ལྡན་རིག་པའི་རལ་གྲིས་ (1227-1305) མཛད་པའི་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ལ་གསོལ་བ་འདེབས་པའི་ཚིགས་སུ་བཅད་པ་དགུ་པ་རོལ་མོའི་སྒྲ་སྙན་ལས[1]། སྔོན་ཚེ་རྒྱལ་སྲས་སྤྱོད་པ་སྤྱད་པའི་ཕྱིར། ། རིག་པའི་འབྱུང་གནས་ཤར་ཕྱོགས་བྷཾ་ག་ལར། ། དགའ་བྱེད་ཅེས་བྱ་རྒྱལ་པོའི་རིགས་སུ་འཁྲུངས། ། མར་མེ་མཛད་དཔལ་ཡེ་ཤེས་ཞབས་ལ་འདུད། །

༡༽ བྷང་ག་ལར་གནའ་ཤུལ་རྩ་ཆེན་གསར་རྙེད།   དེ་ཡང་རྒྱ་ནག་དང་བྷང་ལ་དྷེ་ཤི་གཉིས་ཀྱི་གནའ་རྫས་དཔྱད་ཞིབ་པས་བྷང་ལ་དྷེ་ཤིའི་རྒྱལ་ས་དྷ་ཀ་ (Dhaka) ནང་གི་ས་ཁུལ་ཞིག་ཏུ་ལོ་ཤས་རིང་སྔོག་འདོན་བྱས་རྗེས་སློབ་དཔོན་དཔལ་མར་མེ་མཛད་ཡེ་ཤེས་དང་ཤིན་ཏུ་འབྲེལ་བ་ཆེ་ཞིང་། ལོ་ངོ་ ༡༠༠༠ ལྷག་སོང་བའི་ནང་པའི་གྲོང་སྡེ་ཞིག་རྙེད་སོན་བྱུང་བ་ཡོངས་བསྒྲགས་གནང་ཞིང་།

ང༽ ཇོ་བོ་རྗེ་དཔལ་ལྡན་ཨ་ཏི་ཤའི་འཁྲུངས་ཡུལ་ངོ་སྤྲོད།   དེ་ཡང་མཁས་པ་ལྡེའུས་ (དུས་རབས་13པ།) མཛད་པའི་རྒྱ་བོད་ཆོས་འབྱུང་རྒྱས་པ་ལས[1]། རྒྱ་གར་མཁས་པ་ཀ་ར་རྣམ་བཞི་དང་། །ཞེས་དཱི་པཾ་ཀ་ར། པདྨ་མ་ཀ་ར། དྷརྨཱ་ཀ་ར། པྲ་ཏ་ཀ་རའོ། །ཞེས་གསུངས་པ་ལྟར་གྱི་ཀ་ར་རྣམ་བཞིའི་ཡ་གྱལ་བོད་གངས་ཅན་གྱི་ལྗོངས་ལ་ཐུགས་རྗེ་བཀའ་དྲིན་བླ་ལྷག་ཏུ་ཆེ་བ་ཇོ་བོ་རྗེ་དཱི་པཾ་ཀ་ར་ཡུལ་གང་དུ་རིགས་གང་ལས་སྐུ་བལྟམས་པ་ནི།

ག༽ ཇོ་བོ་རྗེ་དཔལ་ལྡན་ཨ་ཏི་ཤའི་སྐུ་ཡི་ཆ་ལུགས།   དེ་ཡང་བི་ཀྲ་མ་ལ་ཤི་ལའི་ཐམས་ཅད་མཁྱེན་པ་གཉིས་པར་གྲགས་པའི་དཱི་པཾ་ཀ་ར་ཤྲཱི་ཛྙཱ་སྟེ། ཡོངས་གྲགས་ཇོ་བོ་དཔལ་ལྡན་ཨ་ཏི་ཤའི་སྐུ་ཡི་ཆ་ལུགས་ནི། ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ (1011-1064) མཛད་པའི་ཇོ་བོ་རྗེའི་བསྟོད་པ་བརྒྱད་ཅུ་པ་ལས[1]། སྐུ་མདངས་འཇམ་ཞིང་གསལ་བ་དང་། །དང་པོ་ཐ་མའི་མིག་ཆགས་འགྱུར། ། རྣམ་པར་འཚེ་བ་སྤངས་པ་ཡིན། །ཁྱོད་ཀྱི་སྐུ་ལ་སྙུང་མི་མངའ། །

ཁ༽ ཇོ་བོ་རྗེ་རྒྱལ་བའི་ལུང་གིས་ཟིན་ཚུལ།   དེ་ཡང་ཕག་མོ་གྲུ་པ་རྡོ་རྗེ་རྒྱལ་པོས་ (1110-1170) མཛད་པའི་རབ་གནས་ས་བཅུ་མ་ཇོ་བོ་ལ་བསྟོད་པ་ལས[1]། ས་བཅུའི་བྱང་ཆུབ་སེམས་དཔའ་འགྲོ་དོན་ལ། ། བསམ་བཞིན་སྲིད་པ་ཉེ་བར་བྷཾ་ག་ལར། ། སྐུ་འཁྲུངས་རིག་པའི་གནས་ལྔ་རབ་ཏུ་སྦྱངས། ། སྨོན་ལམ་སྟོབས་ཀྱིས་ཁ་བ་ཅན་དུ་བྱོན། །