དཔལ་ནཱ་ལེནྡྲ། བྱོན་པ་ལེགས།

ཕྱི་ལོ་ ༢༠༡༩ ལོའི་ཟླ་བ་ ༡༠ ཚེས་ ༡༥ ཉིན་རྒྱ་གར་པན་ཇབ་མངའ་སྡེའི་ཅན་དྷི་སྒར་གཙུག་ལག་སློབ་ཆེན་དུ་བོད་དང་ཧི་མ་ལ་ཡའི་རི་རྒྱུད་ཀྱི་སློབ་ཕྲུག་ཁག་གཅིག་ལ་སྩལ་པའི་ལམ་སྟོན་བཀའ་སློབ་ལས་བཏུས།[1]   ངོས་ནས་ཁ་བདེ་པོ་བྱས་ནས་བཤད་རྒྱུ་ཡོད་པ་རྣམས་ངོས་རང་ཉམས་ལེན་བྱེད་བཞིན་ཡོད་ཅིང་། མཁན་ཆེན་ཞི་བ་འཚོས་བོད་དུ་གདན་ཞུ་གནང་བའི་ནཱ་ལེནྡྲའི་ཆོས་བརྒྱུད་འདི་རྒྱུ་མཚན་ལྡན་པ་ཞིག་དང་། བློ་སྦྱོང་བའི་ཐབས་མཆོག་ཏུ་གྱུར་པ་ཡིན། དེས་ན་ངོས་ནས་ནམ་རྒྱུན་བོད་རིགས་རྣམས་ལ་བཅོམ་ལྡན་འདས་ལ་སྐྱབས་སུ་མཆིའོ་ཞེས་བརྗོད་པ་གཅིག་པུ་མིན་པར་བཅོམ་ལྡན་འདས་རང་ཉིད་ཀྱི་དགེ་རྒན་དང་།

༄༅། །ཕྱི་ལོ་ ༢༠༡༦ ཟླ་བ་ ༨ ཚེས་ ༡༢ ཉིན་ལ་དྭགས་ཤེལ་ལམ་སྒྲོན་སློབ་གྲྭར་དགེ་སློབ་ཡོངས་ལ་དཔལ་ནཱ་ལེནྡྲའི་ཤེས་ཡོན་ལ་སློབ་གཉེར་བྱ་རྒྱུ་གལ་ཆེ་ཡིན་སྐོར་སྩལ་པའི་བཀའ་སློབ།[1]   ནང་སེམས་ལ་ཞི་བདེ་ཡོང་བ་དང་། སེམས་ལ་དགའ་བདེ་ཡོང་བའི་རྐྱེན་ནི་ད་ལྟ་ཡོད་པའི་དེང་དུས་ཀྱི་ཤེས་ཡོན་གཅིག་པུས་ཡོང་མི་ཐུབ། ནང་སེམས་ཀྱི་བདེ་སྐྱིད་ཡོང་བའི་རྩ་བ་ནི་སེམས་བཟང་པོ་བྱ་རྒྱུ་དེ་ཡིན། སེམས་བཟང་པོ་ཞེས་པ་ནི། གཞན་ལ་བརྩེ་བ་ཡོད་ན་སེམས་བཟང་པོ་ཡོང་བས་ན། འཛམ་གླིང་འདིའི་ཐོག་ཆོས་ཁས་མི་ལེན་མཁན་གྱི་མིའི་ཁྲོད་དུའང་དེང་སྐབས་སེམས་ལ་ཞི་བདེ་ཡོང་བར་སེམས་བཟང་པོ་དགོས་ཀྱི་འདུག་ཅེས་འཛམ་གླིང་གང་སར་མཐོང་ཚུལ་འདི་ཤུགས་ཆེན་པོ་ཡོང་གི་ཡོད།

ཕྱི་ལོ་ ༢༠༡༦ ཟླ་བ་ ༡༢ ཚེས་ ༢༡ ཉིན་འབྲས་སྤུངས་ཕྱག་བཏབ་སྟེ་ལོ་ངོ་ ༦༠༠ འཁོར་བའི་མཛད་སྒོའི་བརྟན་བཞུགས་བསྟར་འབུལ་སྐབས་སྩལ་པའི་བཀའ་སློབ་ལས་བཏུས།   གདན་ས་ཁག་ཏུ་སློབ་གཉེར་བྱ་རྒྱུར་ཚང་མས་ཧུར་ཐག་བྱས་ཏེ་ཡག་ཐག་ཆོད་རེད་འདུག །གཞན་ཡང་ཁ་སང་དང་ཁ་ཉིན་བཅས་འདིར་ང་ཚོ་ཚན་རིག་ཚོགས་འདུ་འཚོགས་པའི་སྐབས་སོགས་སུ་དེང་དུས་ཀྱི་ཤེས་ཡོན་ཡོད་པ་བཅས་འདབ་ཆགས་གཤོག་པ་ཟུང་ལྡན་ཞེས་བརྗོད་པ་ལྟར་གང་འཚམ་ཚད་མཐོན་པོར་སླེབས་པ་ལྟ་བུ་ཆགས་ཡོང་གི་འདུག །

༄༅། །ཕྱི་ལོ་ ༢༠༡༩ ཟླ་བ་ ༥ ཚེས་ ༡༧ ཉིན་ཐེག་ཆེན་ཆོས་གླིང་གཙུག་ལག་ཁང་དུ་བོད་གཞུང་མང་གཞིས་བྱེས་ཆོལ་གསུམ་ཆོས་བརྒྱུད་དང་བཅས་པ་དང་ལྷ་མི་ཡོངས་ནས་བརྟན་བཞུགས་བསྟར་འབུལ་སྐབས་སྩལ་བའི་བཀའ་སློབ་ལས་བཏུས།   དེ་ནས་ངོས་ལ་སྐྱེས་རབས་གོང་མའི་སྐད་ཆ་བཤད་རྒྱུ་མེད། འོན་ཀྱང་ངོས་རང་ཚེ་འདིར། སྟོན་དེའི་རྗེས་སུ་རབ་ཏུ་བྱུང་གྱུར་ཏེ། །རྒྱལ་བའི་གསུང་ལ་སྦྱངས་པ་མི་དམན་ཞིང༌།། རྣལ་འབྱོར་སྤྱོད་ལ་བརྩོན་པའི་དགེ་སློང་ཞིག།།དྲང་སྲོང་ཆེན་པོ་དེ་ལ་དེ་ལྟར་གུས།།

༄༅། །ཕྱི་ལོ་ ༢༠༡༩ ཟླ་བ་ ༣ ཚེས་ ༢༥ ཉིན་བཞུགས་སྒར་ཕོ་བྲང་མཇལ་འཕྲད་ཁང་སོག་རིགས་ཁྱད་ལས་པ་ ༤༧ ལ་སྩལ་བའི་བཀའ་སློབ་ལས་བཏུས།   མཁན་ཆེན་ཞི་བ་འཚོ་བོད་ལ་ཕེབས་ནས་པ་བཟུང་སྟེ་ང་ཚོས་ཆོས་དེ་རྒྱ་གར་ལ་དཔེ་བལྟས་ཡོད་ལ། སྐད་ཡིག་ནི་མཁན་ཆེན་ཞི་བ་འཚོ་མ་བྱུང་གོང་གི་དུས་རབས་བདུན་པར་ཆོས་རྒྱལ་སྲོང་བཙན་སྒམ་པོའི་སྐབས་ནས་རྒྱ་གར་གྱི་ཡི་གེར་དཔེ་བལྟས་ནས། ཀ་ཁ་ག་ང་། ཅ་ཆ་ཇ་ཉ། ཞེས་དབྱངས་གསལ་གཉིས་ལྡན་གྱི་ཡི་གེ་ཞིག་བཟོས་པ་རེད།

༄༅། །ཕྱི་ལོ་ ༢༠༡༧ ཟླ་བ་ ༣ ཚེས་ ༩ ཉིན་བཞུགས་སྒར་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་སྩལ་པའི་བཀའ་སློབ་ལས་བཏུས། རིག་གཞུང་གཅེས་སྐྱོང་བྱ་རྒྱུ་ནི། བོད་མི་རིགས་ཀྱི་རིག་གཞུང་ཞིག་ཡིན་པ་དང་། བོད་མི་རིགས་ཀྱི་རིག་གཞུང་དེ་དག་ལོ་སྟོང་ཕྲག་ལྷག་དང་། གཅིག་བྱས་ན་ལོ་ངོ་ཉིས་སྟོང་ལྷག་གི་རིང་ནས་ཡོང་བ་ཞིག་ཆགས་ཡོད། ཐོག་མར་ནང་ཆོས་མ་དར་གོང་ང་ཚོར་རིག་གནས་ཡོད་ལ། ཞང་ཞུང་བོན་གྱི་རིག་གཞུང་ཡང་ཡོད། སྐབས་དེར་གསོ་བ་རིག་པ་ཡང་ཕལ་ཆེར་ཡོད་འདུག །

༄༅། །ཕྱི་ལོ་ ༢༠༡༨ ཟླ་བ་ ༩ ཚེས་ ༣ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དབུས་གཙང་ཆོལ་ཁ་དང་། མདོ་སྨད་ཆོལ་ཁ། དྷ་སར་རྟེན་གཞི་བྱས་པའི་ཆུ་སྒང་། ཀ་རྡོར་སྒང་གསུམ། ར་ཝང་ལ་བཅས་ཀྱི་ཚོགས་སྐྱིད་ཁག་ནས་སྒྲོལ་དཀར་ཡེ་ཤེས་འཁོར་ལོའི་སྒོ་ནས་བརྟན་བཞུགས་བསྟར་འབུལ་སྐབས་སུ་སྩལ་བའི་བཀའ་སློབ་ལས་ཟུར་འདོན་ཞུས།   ཁྱེད་རང་ཚོས་པཎ་གྲུབ་བཅུ་བདུན་གྱི་སྐུ་ཐང་ཞིག་བཟོས་འདུག །དེང་གི་དུས་འདིར་པཎ་གྲུབ་བཅུ་བདུན་ཞེས་འཛམ་གླིང་འདིར་སངས་རྒྱས་ཀྱི་བསྟན་པ་རིགས་པའི་ལམ་ནས་གཏན་ལ་ཕབ་པ་དང་། རྒྱུ་མཚན་ལྡན་པའི་ཐོག་ནས་ངོ་སྤྲོད་བྱ་རྒྱུ་ཡོད་པ་དེ་ལ་པཎ་གྲུབ་བཅུ་བདུན་ཧ་ཅང་བཀའ་དྲིན་ཆེན་པོ་རེད།

༄༅། །ཕྱི་ལོ་ ༢༠༡༨ ཟླ་ ༡ ཚེས་ ༧ ཉིན་གནས་མཆོག་རྡོར་གདན་དུ་ནཱ་ལེནྡྲ་ཤིག་ཤའམ་རྒྱ་གར་གྱི་ནང་ཆོས་དོན་གཉེར་བ་རྣམས་ལ་སྩལ་བའི་བཀའ་ཆོས་ལས་བཏུས།   དེ་རིང་སློབ་ཕྲུག་ཚོས་ངོས་ཀྱིས་བྲིས་པའི་པཎ་གྲུབ་བཅུ་བདུན་གྱི་གསོལ་འདེབས་བཏོན་པར་ཐུགས་རྗེ་ཆེ་ཞུ་རྒྱུ་ཡིན། པཎ་གྲུབ་བཅུ་བདུན་གྱི་གསོལ་འདེབས་འདོན་སྐབས་ངོས་རང་གི་སེམས་ལ་ཚོར་བ་ཆེན་པོ་བྱུང་། དེ་སྔོན་སློབ་ཕྲུག་ཚོར་བཤད་པ་ཡིན། མཁས་པའི་དབང་པོ་དེ་དག་ནང་པའི་བླ་མ་རྩ་ཆེན་པོ་ཡིན་པ་གཅིག་པུ་མིན་པར། དེ་དག་ནི་དངོས་གནས་ཤེས་ཡོན་ཅན་དང་། རྣམ་དཔྱོད་ཕུལ་དུ་ཕྱིན་པ་ཤ་སྟག་ཡིན་པར་མ་ཟད།

༄༅། །ཕྱི་ལོ་ ༢༠༡༧ ལོའི་ཟླ་བ་ ༧ ཚེས་ ༡༧ ཉིན་ལ་དྭགས་ཟངས་དཀར་ཕོ་བྲང་དུ་སྩལ་པའི་དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་གསོལ་འདེབས་ཀྱི་བཀའ་ཁྲིད་བཞུགས་སོ།།[1] (སྒྲ་འཇུག་དུམ་བུ་དང་པོའི་སྐར་མ་ ༣༨ ནས་ཕྱག་ཚོད་ ༡ དང་སྐར་མ་ ༥༨ བར་གསལ་བ་ལས་སྒྲ་ཕབ་ཞུས་པའོ།།) པཎ་གྲུབ་བཅུ་བདུན་གྱི་གསོལ་འདེབས་དད་གསུམ་གསལ་བྱེད་འདི་ཉིད་ཕྱོགས་གཅིག་ནས་ངོས་ཀྱིས་གལ་ཆེན་པོ་བརྩིས་ཏེ་བྲིས་ཤིང་། དེ་འབྲེལ་པཎ་གྲུབ་བཅུ་བདུན་གྱི་སྐུ་ཐང་ཞིག་ཀྱང་ངོས་ཀྱིས་གསར་གཏོད་ལྟ་བུ་བྱས་ཡོད། དེར་བརྟེན་ངོས་ཀྱིས་པཎ་གྲུབ་བཅུ་བདུན་གྱི་གསོལ་འདེབས་འདིའི་འགྲེལ་བཤད་གཅིག་བྱེད་དགོས་སྙམ་པ་ཞིག་བྱུང་།

༄༅། །ཕྱི་ལོ་ ༢༠༡༥ ལོའི་ཟླ་བ་ ༧ ཚེས་ ༣༠ ཉིན་ལ་དྭགས་ཞི་བའི་ཚལ་ཕོ་བྲང་དུ་ཆོས་ཞུ་བ་རྣམས་ལ་ སྩལ་བའི་པཎ་གྲུབ་བཅུ་བདུན་གྱི་གསོལ་འདེབས་ཀྱི་བཀའ་ཁྲིད་བཞུགས་སོ།།[1]   འགྲོ་ལ་ཕན་བཞེད་ཐུགས་རྗེས་རབ་བསྐྲུན་པའི། ། དེ་ཡང་སློབ་དཔོན་ཕྱོགས་ཀྱི་གླང་པོས་མཛད་པའི་ཚད་མ་ཀུན་བཏུས་ཀྱི་མཆོད་བརྗོད་ལས[2]། ཚད་མར་འགྱུར་པ་འགྲོ་ལ་ཕན་བཞེད་པ། །ཞེས་པ་དེར་བསམ་བློ་བཏང་ནས་བྲིས་པ་རེད། སྤངས་རྟོགས་སྐྱོབ་པ་མཆོག་བརྙེས་ལྷ་ཡི་ལྷ། ། རྟེན་འབྱུང་གཏམ་གྱིས་འགྲོ་རྣམས་འདྲེན་མཛད་པའི། །