དཔལ་ནཱ་ལེནྡྲ། བྱོན་པ་ལེགས།

ཅ༽ ཞྭ་སེར་ལུགས་བཟང་དང་། གསེར་མདོག་པཎ་ཞྭ། ༡༽ རྗེ་བླ་མས་ཞྭ་སེར་སྲོལ་བཏོད་ཚུལ།   དེ་ཡང་སུམ་པ་མཁན་པོ་ཡེ་ཤེས་དཔལ་འབྱོར་ (1704-1788) གྱིས་མཛད་པའི་སུམ་པ་ཆོས་འབྱུང་ལས[1]། ཟླ་སྐར་དབུས་ཀྱི་ཉིན་བྱེད་དང་མཚུངས་པའི། ། ཟླ་མེད་བློ་བཟང་གྲགས་པའི་ཐུགས་ཀྱི་བཅུད། ། ཆོས་ལུགས་གཞན་མང་ལས་ནི་རི་དབང་བཞིན། ། ཁྱད་འཕགས་ཞྭ་སེར་ལུགས་བཟང་འདི་རྨད་བྱུང་། །

གཉིས་པ། པཎ་ཞྭའི་བྱུང་འཕེལ་དང་། མཚོན་དོན་ལ་དཔྱད་པ། ཀ༽ པཎ་ཞྭའི་གོ་དོན་དང་། དབྱེ་བ། མཚོན་དོན།   ང་ཚོས་པཎ་གྲུབ་རྣམས་ཀྱི་རྣམ་ཐར་ལ་ཐུགས་ཞིབ་ཚགས་པོས་རྒྱུས་ལོན་ཞིབ་འཇུག་བྱས་ཚེ། པཎ་གྲུབ་རྣམས་ཀྱི་ལེགས་བཤད་ཀྱི་བསྟན་བཅོས་དང་། རྨད་བྱུང་གི་རྣམ་ཐར་ཙམ་མིན་པར་པཎ་གྲུབ་རྣམས་ཀྱི་དཀར་དམར་གྱི་བྱད་བཞིན། སྐུ་ཡི་རྣམ་འགྱུར་དང་ཆ་ལུགས། ཐུན་མིན་གྱི་ཐུགས་གཤིས། ན་བཟའ་དང་དབུ་ཞྭ་སོགས་ཕྱོགས་ཀུན་ལ་རྒྱུས་ལོན་དང་ཤེས་རྟོགས་ཐུབ་པ་བྱ་གལ་ཤིན་ཏུ་ཆེ་བས། སྐབས་འདིར་པཎ་ཞྭའི་སྐོར་དཔྱད་པར་བྱ་བ་ལ།

དང་པོ། པཎྜི་ཏའི་ཐ་སྙད་དང་གོ་དོན། དབྱེ་བ་སོགས་ལ་དཔྱད་པ། ཀ༽ པཎྜི་ཏའི་ཐ་སྙད་དང་གོ་དོན།   དེ་ཡང་པཎྜི་ཏ་ཞེས་པ་ནི། ཀུན་མཁྱེན་ཀློང་ཆེན་རབ་འབྱམས་པས་ (1308-1364) མཛད་པའི་ཕྱག་འཚལ་དྲི་མེད་ཟླ་རྒྱས་ལས[1]། གྲུབ་ཐོབ་རྗེ་ཡི་རྒྱུད་པར་འཁྲུངས། །སྣ་ཚོགས་ཐབས་ཀྱིས་འགྲོ་བ་འདུལ། ། གནས་ལྔ་རིག་པའི་པཎྜི་ཏ། །ཉི་མ་འོད་ཟེར་ལ་ཕྱག་འཚལ། །

༄༅། །པཎ་གྲུབ་བཅུ་བདུན་གྱི་རྣམ་ཐར་དང་འབྲེལ་བའི་དཔྱད་རྩོམ་ལུང་རིགས་མཛེས་རྒྱན་བཞུགས་སོ།།   རྩོམ་པ་པོའི་སྔོན་གླེང་།   དཔྱད་རྩོམ་ལུང་རིགས་མཛེས་རྒྱན་འདིར། དཔལ་ནཱ་ལེནྡྲའི་པཎ་གྲུབ་བཅུ་བདུན་སྤྱིའི་རྣམ་ཐར་དང་འབྲེལ་བ་ཆེ་ཡང་པཎ་གྲུབ་སོ་སོའི་རྣམ་ཐར་གྱི་སྐབས་མཚམས་སུ་བཀོད་ན་སྐབས་དོན་ལས་འཕྲོས་ཤས་ཆེ་བས་འོས་འཚམ་དུ་མ་གྱུར་ཅིང་། པཎ་གྲུབ་བཅུ་བདུན་གྱི་རྣམ་ཐར་དང་འབྲེལ་ནས་མ་ཤེས་ཐབས་མེད་དུ་གྱུར་པའི་རིགས་རྣམས་འདིར་ཕྱོགས་གཅིག་ཏུ་བསྒྲིགས་པ་སྟེ།

པཎ་གྲུབ་བཅུ་བདུན་གྱི་རྣམ་ཐར་གྱི་དཔྱད་གཞི་ཡིག་ཆ། ཀ༽ རྒྱལ་བའི་བཀའ་འགྱུར།   བཀའ་འགྱུར་དཔེ་བསྡུར་མ། འདུལ་བ། ༼ཀ༽ དེབ་ཨང་ ༡ པ། ༢༠༠༨ ལོ། ཤོག་གྲངས་ ༤ བཀའ་འགྱུར་དཔེ་བསྡུར་མ། འདུལ་བ། ༼ཁ༽ དེབ་ཨང་། ༢ པ། ཤོག་གྲངས་ ༢༨༢ བཀའ་འགྱུར་དཔེ་བསྡུར་མ། འདུལ་བ། ༼ག༽ དེབ་ཨང་ ༣ པ། ༢༠༠༨ ལོ། ཤོག་གྲངས་ ༦༦༡ བཀའ་འགྱུར་དཔེ་བསྡུར་མ། འདུལ་བ། ༼ཅ༽ དེབ་ཨང་། ༥ པ། ༢༠༠༩ ལོ། ཤོག་གྲངས་ ༤༧༦ བཀའ་འགྱུར་དཔེ་བསྡུར་མ། འདུལ་བ། ༼ཆ༽ དེབ་ཨང་ ༦ པ། ༢༠༠༩ ལོ། ཤོག་གྲངས་ ༥༥༣

ཀུ༽ ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་སྙིང་བསྡུས།   ཤར་ཕྱོགས་ཟ་ཧོར་རྒྱལ་པོའི་རིགས་སུ་འཁྲུངས། ། རྣམ་གནོན་ལ་སོགས་བསྟན་བདག་པཎྜི་ཏ། ། སྒྲོལ་མའི་ལུང་བཞིན་བོད་ཀྱི་བསྟན་འགྲོ་བསྐྱངས། ། ཟབ་རྒྱས་གདམས་པའི་མཛོད་འཛིན་ཇོ་བོར་འདུད། ། ཅེས་བསྟོད་ཕྱག་སྔོན་དུ་བཏང་སྟེ། སློབ་དཔོན་འདིའི་ལེགས་སྦྱར་གྱི་མཚན་ལ་དཱི་པཾ་ཀ་ར་ཤྲཱི་ཛྙཱ་ན་ (Dīpaṃkara Śrījñāna) འམ། ཨ་ཏི་ཤ་ (आतिश,) (Atisha) དང་། རྒྱའི་སྐད་དུ་ (阿底峽) བོད་སྐད་དུ་དཔལ་མར་མེ་མཛད་ཡེ་ཤེས་སམ་ཇོ་བོ་རྗེ་ཞེས་ཞུ་ཞིང་།

ཀི༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་ཐེག་པ་ཆེ་ཆུང་གི་བཀའ་སྲོལ་མ་ལུས་པ་སྐྱེས་བུ་གསུམ་གྱི་ལམ་གྱི་རིམ་པར་བསྡུས་ཏེ་གངས་ལྗོངས་ཐུབ་པའི་བསྟན་པ་རྒྱས་པར་མཛད་པའི་སྒོ་ནས་དཔལ་ལྡན་ཨ་ཏི་ཤ་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]།

ཨོ༽ ཇོ་བོ་རྗེའི་བསྒྱུར་གཞུང་ཁག་གི་དཀར་ཆག   དེ་ཡང་ཨ་ལགས་ཚེ་ཏན་ཞབས་དྲུང་ (1910-1985) གིས་མཛད་པའི་མཉམ་མེད་ཇོ་བོ་ཨ་ཏི་ཤ་རྗེས་སུ་དྲན་པའི་གདུང་དབྱངས་དད་པའི་འོ་མཚོ་འཕེལ་བའི་ཟླ་ཟེར་ལས[1]། མདོ་དང་རྒྱུད་ཀྱི་གསུང་རབ་པུསྟི་ཀ །སྔོན་ཆད་བྷོ་ཊའི་སྐད་དུ་མ་བསྒྱུར་བ། །ཤིང་རྟས་འདེགས་བཟོད་མཉམ་མེད་བཀའ་དྲིན་གྱིས། །གངས་ལྗོངས་མཁས་པའི་སྤྱན་གྱི་གཟིགས་མོར་སིམ། །སྐད་གཉིས་སྨྲ་བའི་བརྩོན་སེང་རིན་ཆེན་བཟང་། །ནག་ཚོ་ཚུལ་ཁྲིམས་རྒྱལ་བ་རྣམ་གསུམ་གྱིས། །ལེགས་སྦྱར་ལྷ་ཡི་བརྡ་སྐད་གངྒཱའི་ཀླུང་། །བསིལ་ལྗོངས་སྐྱེ་བོའི་སྐད་ཀྱི་ཡུར་བར་ཕབ། །

ཨེ༽ མར་མེ་མཛད་བླ་སློབ་ཀྱི་ཁྱད་པར་ལ་དཔྱད་པ། ༡༽ མཚན་གྱི་དག་སྡེབ་དང་། བླ་སློབ་ཀྱི་འབྲེལ་བ།   དེ་ཡང་རྒྱ་གར་སྐད་དུ་དཱི་པཾ་ཀ་ར་ (Dīpaṁkara.) ཞེས་པ་མར་མེ་མཛད་དང་། དཱི་པཾ་ཀ་ར་བྷ་དྲ་ (Dīpaṁkarabhadra.) མར་མེ་མཛད་བཟང་པོ། དཱི་པཾ་ཀ་ར་ཤྲཱི་ཛྙཱ་ན་ (Dīpaṃkarajāna.) མར་མེ་མཛད་ཡེ་ཤེས་བཅས་ཀྱི་སྐད་དོད་ཡིན་ལ། དེ་ཡང་དཱི་པཾ་ཀ་ར་ཤྲཱི་ཛྙཱ་ན་ཞེས་པ་ནི་ཇོ་བོ་རྗེ་དཔལ་ལྡན་ཨ་ཏི་ཤའི་རབ་བྱུང་གི་མཚན་ཡིན་ཅིང་། དཱི་པཾ་ཀ་ར་ཤྲཱི་ཛྙཱ་ན་ཞེས་པ་བོད་སྐད་དུ་བསྒྱུར་ན་དཱི་པཾ་མར་མེ་དང་། ཀ་ར་མཛད། ཤྲཱི་དཔལ། ཛྙཱ་ན་ཡེ་ཤེས་ཏེ་དཔལ་མར་མེ་མཛད་ཡེ་ཤེས་ཞེས་ཞུ་བཞིན་ཡོད།

ཨུ༽ ཇོ་བོའི་ཆུ་བོ་གསུམ་འདྲེས་ཀྱི་བརྒྱུད་པ།   དེ་ཡང་གངས་ཅན་ཤིང་རྟའི་སྲོལ་འབྱེད་རྗེ་བཙུན་ཙོང་ཁ་པ་ (1357-1419) ཆེན་པོས་མཛད་པའི་བྱང་ཆུབ་ལམ་རིམ་ཆེན་མོ་ལས[1]། ཤིང་རྟ་ཆེན་པོ་གཉིས་ལས་ལེགས་བརྒྱུད་པའི། ། ཟབ་མོའི་ལྟ་བ་རྒྱ་ཆེན་སྤྱོད་པའི་ལམ། ། མ་ནོར་ཡོངས་སུ་རྫོགས་པའི་གནད་བསྡུས་པའི། ། གདམས་པའི་མཛོད་འཛིན་མར་མེ་མཛད་ལ་འདུད། །