དཔལ་ནཱ་ལེནྡྲ། བྱོན་པ་ལེགས།

ང༽ གྲུབ་ཐོབ་བྱོན་པའི་དུས་ལ་དཔྱད་པ།   དེ་ཡང་རྗེ་ལྕང་སྐྱ་རོལ་པའི་རྡོ་རྗེའི་ (1717-1786) ཞལ་ནས[1]། ཐོས་བསམ་ཕྱོགས་སུ་མ་སོང་ཞིང་། །གཞུང་ལུགས་གདམས་པར་ཤར་བ་ཡིས། ། མཉན་འོས་རིགས་པའི་ལམ་སྨྲ་བ། །དེ་ཉིད་ལ་ནི་མཁས་པ་ཟེར། ། ཉོན་མོངས་དབལ་ནི་ཆོག་པ་དང་། །རང་དང་གཞན་རྒྱུད་འདུལ་བར་ནུས། ། ལྟ་སྒོམ་འཁྲུལ་བྲལ་གདེངས་ལྡན་པ། །དེ་ཉིད་ལ་ནི་གྲུབ་པ་ཟེར། །

ཁ༽ གྲུབ་ཐོབ་ཆེ་འབྲིང་ཆུང་གསུམ་གྱི་དབྱེ་བ།   དེ་ཡང་ས་པཎ་ (1182-1251) གྱི་སྡོམ་གསུམ་རབ་དབྱེ་ལས[1]། འདི་ལ་མ་མཐའ་ཡང་མཐོང་ལམ་གྱི་རྟོགས་པ་ཐོབ་པ་ཞིག་དགོས་པར་ཡང་བཤད་དེ། དེ་ཉིད་ལས། ལ་ལ་གྲུབ་ཐོབ་ངན་ཞེས་ཟེར། །རྟོགས་ལྡན་བཟང་བ་ཡིན་ནོ་ལོ། ། གྲུབ་ཐོབ་བརྒྱད་ཅུའི་ནང་ན་ཡང་། །རྟོགས་ལྡན་མེད་ཅེས་ཟེར་བ་ཐོས། ། འདི་འདྲའི་འཕགས་པའི་གང་ཟག་དང་། །བླ་མ་རྣམས་ལ་སྐུར་འདེབས་ཡིན། །

ལྔ་པ། པཎ་གྲུབ་བཅུ་བདུན་དང་གྲུབ་ཆེན་བརྒྱད་ཅུར་དཔྱད་པ། ཀ༽ གྲུབ་ཐོབ་ཀྱི་གོ་དོན་དང་དངོས་གྲུབ་ཀྱི་དབྱེ་བ།   དེ་ཡང་གྲུབ་ཐོབ་ཅེས་པ་ནི། གསང་སྔགས་ཀྱི་ལམ་ལ་བརྟེན་ནས་མཆོག་དང་ཐུན་མོང་གི་དངོས་གྲུབ་ཅི་རིགས་ཐོབ་པའི་གང་ཟག་གམ། མཆོག་འབྲིང་ཐ་གསུམ་གྱི་དངོས་གྲུབ་གང་རུང་གྲུབ་པའམ་ཐོབ་པ་ལ་གྲུབ་ཐོབ་ཅེས་བྱ་སྟེ། གུ་རུའི་རྣམ་ཐར་པདྨ་བཀའ་ཐང་ལས[1]། གསང་སྔགས་ཆོས་ཀྱིས་བདེན་པ་མཐོང་བ་ལ། ། གྲུབ་ཐོབ་ཅེས་ནི་མཚན་དུ་གསོལ་བ་ཡིན། །

༥༽ བསྟན་པའི་སྙིང་པོ་དབུ་མ།   དེ་ཡང་མཁས་པའི་དབང་པོ་ལྡན་མ་དགེ་བཤེས་སྟོང་དཔོན་རིན་པོ་ཆེ་རྗེ་བཙུན་ངག་དབང་ཆོས་གྲུབ་ (1889-1949) མཆོག་གིས་མཛད་པའི་གཞུང་བཀའ་པོད་ལྔ་ཡི་སྨོན་ལམ་མཁས་པའི་ཡིད་འཕྲོག་ལས[1]། མཐའ་བྲལ་གཞུང་ལུགས་ཀུ་མུད་ཟླ་འོད་བཞིན། ། ཡོངས་རྫོགས་སྙིང་པོའི་གཏམ་གྱི་དབུ་མའི་ནོར། ། འཛིན་པ་མཆོག་གྱུར་ཀླུ་སྒྲུབ་གྲགས་པ་བཞིན། ། བདག་གི་སྙིང་ལ་ཀུན་ནས་བརྟན་གྱུར་ཅིག །

༤༽ བསྟན་པའི་ལྕགས་རི་ཚད་མ།   དེ་ཡང་མཁས་པའི་དབང་པོ་ལྡན་མ་དགེ་བཤེས་སྟོང་དཔོན་རིན་པོ་ཆེ་རྗེ་བཙུན་ངག་དབང་ཆོས་གྲུབ་ (1889-1949) མཆོག་གིས་མཛད་པའི་གཞུང་བཀའ་པོད་ལྔ་ཡི་སྨོན་ལམ་མཁས་པའི་ཡིད་འཕྲོག་ལས[1]། ཚུལ་དང་ཚུལ་མིན་རྣམ་འབྱེད་ཚད་མ་ཡི། ། ཆོས་ཚུལ་མཆོག་ཏུ་རྒྱས་པའི་གཟི་འོད་ཀྱིས། ། མུན་སྟུག་ཀུན་བསལ་ཤེས་རབ་སྒྲོན་མེ་ཡི། ། བྱང་ཆུབ་བར་དུ་གྲགས་པ་འབར་གྱུར་ཅིག །

༣༽ བསྟན་པའི་གཞུང་ཤིང་ཕར་ཕྱིན།   དེ་ཡང་མཁས་པའི་དབང་པོ་ལྡན་མ་དགེ་བཤེས་སྟོང་དཔོན་རིན་པོ་ཆེ་རྗེ་བཙུན་ངག་དབང་ཆོས་གྲུབ་ (1889-1949) མཆོག་གིས་མཛད་པའི་གཞུང་བཀའ་པོད་ལྔ་ཡི་སྨོན་ལམ་མཁས་པའི་ཡིད་འཕྲོག་ལས[1]། ཐེག་གསུམ་ལམ་མཆོག་ཡོངས་ཀྱི་མངོན་རྟོགས་ལམ། ། བྱམས་བརྩེའི་རིགས་པའི་སྟོབས་ཤུགས་ཡོངས་རྫོགས་པའི། ། སེང་གེའི་ཁྲི་བཟང་ལ་བཞུགས་རྒྱལ་ཚབ་ཀྱི། ། དགོངས་འབྱེད་ཉི་མ་ཆེན་པོར་བདག་གྱུར་ཅིག །

༢༽ བསྟན་པའི་མཛེས་རྒྱན་མངོན་པ་མཛོད།   དེ་ཡང་མཁས་པའི་དབང་པོ་ལྡན་མ་དགེ་བཤེས་སྟོང་དཔོན་རིན་པོ་ཆེ་རྗེ་བཙུན་ངག་དབང་ཆོས་གྲུབ་ (1889-1949) མཆོག་གིས་མཛད་པའི་གཞུང་བཀའ་པོད་ལྔ་ཡི་སྨོན་ལམ་མཁས་པའི་ཡིད་འཕྲོག་ལས[1]། ཤེས་བྱའི་གཞི་ལྔའི་གཏམ་གྱི་དབྱིག་འཛིན་པ། ། ཆོས་མངོན་རྒྱ་མཚོ་ཐོགས་མེད་རྒྱས་པའི་གཉེན། ། སྨན་མཆོག་ལེགས་སྒྲུབ་དམ་པའི་མཛོད་ཆེན་དུ། ། རྟག་ཏུ་ལེགས་ཞུགས་སྐྱེ་ཕྲེང་སྤེལ་གྱུར་ཅིག །

༡༽ བསྟན་པའི་གཞི་མ་འདུལ་བ།   དེ་ཡང་སྒིས་སྟེང་ཡོངས་འཛིན་འཇམ་དབྱངས་བླ་མ་བློ་བཟང་དཔལ་ལྡན་ (1881-1944) གྱི་གསུང་ཐོར་བུ་ལས[1]། བསྟན་པའི་གཞུང་ཤིང་བྱམས་ཆོས་སྡེ་ལྔ། ། བསྟན་པའི་སྙིང་པོ་རྩ་འཇུག་བཞི་གསུམ། ། བསྟན་པའི་ལྕགས་རི་ཚད་མ་སྡེ་བདུན། ། བསྟན་པའི་གཞི་མ་ལུང་ཆེན་སྡེ་བཞི། ། བསྟན་པའི་མཛེས་རྒྱན་མངོན་པ་གོང་འོག ། བསྟན་པའི་ནང་མཛོད་བཀའ་གདམས་གཞུང་དྲུག[2] །

བཞི་པ། གཞུང་ཆེན་བཀའ་པོད་ལྔ་དང་པཎ་གྲུབ་བཅུ་བདུན། ༡༽ མཆོད་པར་བརྗོད་པ།   དབུ་མའི་རྒྱན་གྱུར་ཀླུ་སྒྲུབ་འཕགས་པ་ལྷ། ། སངས་རྒྱས་བསྐྱངས་དང་ལེགས་ལྡན་ཟླ་བ་གྲགས། ། ཞི་ལྷ་ཞི་འཚོ་པདྨའི་ངང་ཚུལ་ཞབས། ། ཟབ་མོ་ལྟ་བརྒྱུད་པཎ་གྲུབ་རྣམས་ལ་བསྟོད། །

གསུམ་པ། རྒྱན་དྲུག་མཆོག་གཉིས་ཀྱི་འདྲེན་ཚུལ་ལ་དཔྱད་པ། ཀ༽ ཐོག་མའི་གླེང་གཞི།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1758-1804) གྱིས་མཛད་པའི་སེམས་དང་སེམས་བྱུང་གི་ཚུལ་གསལ་བར་སྟོན་པ་བློ་གསལ་མགུལ་རྒྱན་ལས[1]། བདེ་བར་གཤེགས་པ་ཉིད་ཀྱིས་ལུང་བསྟན་ཅིང་། ། ཟབ་དང་རྒྱ་ཆེ་ཐུབ་པའི་ལུགས་བཟང་པོ། ། གསལ་མཛད་ཤིང་རྟ་ཆེ་ཞེས་རབ་གྲགས་པ། ། འཛམ་གླིང་རྒྱན་དྲུག་མཆོག་གཉིས་ལ་ཕྱག་འཚལ། །