དཔལ་ནཱ་ལེནྡྲ། བྱོན་པ་ལེགས།

༡༽ ལོ་ཙཱ་བ་ངན་ལམ་རྒྱལ་བ་མཆོག་དབྱངས།   ལོ་ཙཱ་བ་བཙུན་པ་རྒྱལ་བ་མཆོག་དབྱངས་ནི། རྒྱལ་པོ་ཁྲི་སྲོང་ལྡེའུ་བཙན་གྱི་ཆོས་བློན་དང་། རྗེ་འབངས་ཉེར་ལྔའི་ཡ་གྱལ་ཞིག་སྟེ། ཕྱི་ལོའི་དུས་རབས་བརྒྱད་པའི་དུས་སྟོད་ཙམ་དུ་དབུ་རུ་འཕན་ཡུལ་དུ་སྐུ་འཁྲུངས་ཤིང་། གདུང་རུས་ངན་ལམ་ཡིན་པས་ངན་ལམ་རྒྱལ་བ་མཆོག་དབྱངས་ཞེས་སུ་གྲགས། བོད་ལུགས་ཤིང་ཡོས་ཕྱི་ལོ་ ༧༧༥ ལོར་མཁན་པོ་བོ་དྷི་ས་ཏྭ་ལས་རབ་ཏུ་བྱུང་ཞིང་། བོད་ཀྱི་ཆོས་འབྱུང་ལོ་རྒྱུས་ཐོག་ཏུ་ཡོངས་སུ་གྲགས་པའི་སད་མི་མི་བདུན་གྱི་ཡ་གྱལ་ཞིག་ཡིན། རྗེ་འདི་ཉིད་སྐུ་ཤིན་ཏུ་བཙུན་པར་གྲགས་ཏེ། རྦ་བཞེད་ལས།

༄༅། །འཕགས་ཡུལ་མཁས་པ་རྣམས་ཀྱི་རྣམ་ཐར་མདོར་བསྡུས།   ཀ༽ སློབ་དཔོན་ཀ་མ་ལ་ཤཱི་ལའམ་སློབ་དཔོན་པདྨའི་ངང་ཚུལ་ནི། དུས་རབས་ ༩ སྟོད་ཙམ་དུ་བྱོན་སྙམ། སློབ་དཔོན་དམ་པ་འདིས་ཚད་མའི་དེ་ཁོ་ན་ཉིད་བསྡུས་པའི་དཀའ་འགྲེལ་དང་། རང་བཞིན་མེད་པ་ཉིད་དུ་གྲུབ་པ་སོགས་བསྟན་བཅོས་དུ་མ་མཛད་དོ།། སློབ་དཔོན་ནཱ་ག་རྫུ་ནའམ་ཀླུ་སྒྲུབ་མཆོག་ནི། དུས་རབས་ ༢ དཀྱིལ་དུ་རྒྱ་གར་ལྷོ་ཕྱོགས་བེ་དརྦྷའི་ཡུལ་དུ་བྲམ་ཟེའི་རིགས་སུ་སྐུ་འཁྲུངས། ཁོང་གིས་རྫོགས་རིམ་རིམ་པ་ལྔ་དང་། དབུ་མ་རྩ་བ་ཤེས་རབ། ཆོས་དབྱིངས་བསྟོད་པ་སོགས་བརྩམས་སོ།།

༄༅། །དཔལ་ནཱ་ལེཎྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ཀྱི་འབྲུ་འགྲེལ་འཛམ་གླིང་ཐུབ་བསྟན་ཡོངས་ཀྱི་མཛེས་རྒྱན་ཞེས་བྱ་བ།   ཨ་ཚོགས་བསྟན་འཛིན་འཇམ་དབྱངས།   གཞན་ཕན་སྟོབས་ཀྱི་རྩལ་དགུ་ཡོངས་རྫོགས་ཤིང་། ། འཇིགས་བྲལ་རྟེན་འབྱུང་དབྱངས་ཀྱི་ང་རོ་ཡིས། ། ངན་སྨྲ་ཝ་སྐྱེས་ཁྱུ་ཚོགས་སྐྲག་མཛད་པའི། ། སྟོན་པ་ཟླ་མེད་ཐུབ་པའི་དབང་པོར་འདུད། ། གཏན་བདེ་སྟོབས་བཅུ་མངའ་བའི་རྒྱལ་ཐབས་ཁྲིར། ། གདོད་ནས་ཞབས་སེན་ནོར་བུ་བཀོད་བྱས་ཀྱང་། ། རྒྱལ་སྲས་ཚུལ་གྱིས་འགྲོ་བ་འདྲེན་མཛད་པ། ། འཇམ་དབྱངས་མི་ཕམ་ཞབས་ལ་གུས་ཕྱག་འཚལ། །

༄༅། །དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་སཾ་བོད་ཨིན་རྒྱའི་མཚན་དང་། འཁྲུངས་ཡུལ། རིགས་རྒྱུད། བྱོན་དུས། བུ་སློབ། བཞུགས་གནས་གདན་ས། དཔེ་མཚོན་གསུང་རྩོམ། གསར་གཏོད་དང་རྒྱུན་འཛིན་ཇི་མཛད། དགུང་ལོ་ཇི་བཞུགས་སོགས་ཀྱི་རེའུ་མིག་བཞུགས་སོ།། ཨང་། མཚན། ལེགས་སྦྱར། ལེགས་སྦྱར། ཨིན་ཡིག རྒྱ་ཡིག་མཚན། འཁྲུངས་ཡུལ། དེང་སང་། རིགས་རྒྱུད། རྒྱལ་པོ་སུའི་དུས། དུས་རབས། ཕྱི་ལོ། དུས་མཉམ་གྱི་བླ་སློབ། མྱང་འདས་ལོ། བཞུགས་གནས་གཙོ་བོ། གསུང་རྩོམ་གྲགས་ཅན། གསར་གཏོད་དང་རྒྱུད་འཛིན་ཅི་མཛད། དགུང་ལོ། ༡ ཀླུ་སྒྲུབ། ནཱ་གཱ་རྫུ་ན། नागार्जुन, Nagarjuna 龍樹 ལྷོ་ཕྱོགས་བྷེ་ད། Kerala བྲམ་ཟེ། ཀ་ནི་ཀ དང་པོ། 150-250 འཕགས་པ་ལྷ། ༥༤༥ རྗེས། ཡུལ་དབུས་དང་དཔལ་གྱི་རི། དབུ་མ་རིགས་ཚོགས་དྲུག དབུ་མ་པའི་ལྟ་གྲུབ་གསར་གཏོད་མཛད། ༦༠༠ ༢ འཕགས་པ་ལྷ། ཨཱརྱ་དེ་ཝ། अर्यादेवा Aryadeva 聖天 སིངྒ་ལ། Sri lanka རྒྱལ་རིགས། པ་ཛིར་ཤྲཱི་གཾ དང་པོ་གཉིས་པ། 310-390 …

 ༄༅། །བོད་ཡིག་དང་། ལེགས་སྦྱར། དབྱིན་ཡིག །རྒྱ་ཡིག་བཅས་སྐད་རིགས་བཞིའི་ཐོག་ནས་དཔལ་ནཱ་ལེནྡྲའི་པཎ་གྲུབ་བཅུ་བདུན་གྱི་མཚན་བྱང་། བྱ་ར། བོད་སྐད་ཀྱི་མཚན་བྱང་། ལེགས་སྦྱར་གྱི་མཚན་བྱང་། བོད་ཡིག་ཏུ་འབྲི་ཚུལ། དབྱིན་ཡིག་གི་མཚན་བྱང་། རྒྱ་ཡིག་གི་མཚན་བྱང་། 1 ཀླུ་སྒྲུབ། नागार्जुन, ནཱ་གཱ་རྫུ་ན། Nagarjuna 龍樹 2 འཕགས་པ་ལྷ། अर्यादेवा, ཨརྱཱ་དེ་ཝ། Aryadeva 聖天 3 སངས་རྒྱས་བསྐྱངས། बुद्धापलिता, བུ་དྡྷ་པཱ་ལི་ཏ། Buddhapalita 佛護 4 ལེགས་ལྡན་འབྱེད། भवविवेका, བྷ་བྱ་ཀཱིརྟི། Bhavaviveka 佛護 5 ཟླ་བ་གྲགས་པ། चंद्रकिर्ती, ཙནྡྲ་ཀཱིརྟི། Chandrakirti 月稱 6 ཞི་བ་ལྷ། शान्तिदेवा, ཤཱནྟི་དེ་ཝ། Shantideva 寂天 7 ཞི་བ་འཚོ། शान्ताराशिता, ཤནྟ་རཀྵི་ཏ། Shantarakshita 靜命/寂護 8 པདྨའི་ངང་ཚུལ། कमालाशिला, ཀ་མ་ལ་ཤཱི་ལ། Kamalashila 蓮花戒 9 …

གྲུབ་ཆེན་བརྒྱད་ཅུ་རྩ་བཞིའི་རྣམ་ཐར་རགས་ཙམ་གླེང་བ།   དང་པོ། དཔྱད་བྱའི་བསྟན་བཅོས་ངོ་སྤྲོད།   སྣར་ཐང་བསྟན་འགྱུར་ལས་རྒྱུད་ཕྱོགས་ཀྱི་པོད་ ༼ལུ༽ པའི་ཆོས་ཚན་དང་པོར། འཕགས་ཡུལ་གྱི་པཎྜི་ཏ་ཆེན་པོ་ཨ་བྷ་ཡཱ་ཀ་ར་གུཔྟས་མཛད་ཅིང་། ཙ་མི་ལོ་ཙཱ་བ་སངས་རྒྱས་གྲགས་པས་བསྒྱུར་བའི་གྲུབ་ཐོབ་བརྒྱད་ཅུ་རྩ་བཞིའི་རྣམ་ཐར་ཞེས་པའི་བསྟན་བཅོས་ཤིག་བཞུགས། འདི་ལ་ལྡེབ་ ༦༤ ཤོག་ངོས་ ༡༢༨ ཙམ་དང་། ད་ལྟའི་མགོ་བཙེམ་ལྟར་ན་ཤོག་ངོས་ ༢༥༨ བཞུགས། སྣར་ཐང་བསྟན་འགྱུར་ནི་ཕྱི་ལོ་ ༡༧༡ ནས་ ༡༧༤༢ བར་དུ་པར་བཞེངས་པ་ཡིན་ཞིང་།

སློབ་དཔོན་སེང་གེ་བཟང་པོས་མཛད་པའི་མངོན་པར་རྟོགས་པའི་རྒྱན་གྱི་འགྲེལ་པ་དོན་གསལ་གྱི་གླེང་བརྗོད། ཤོག་གྲངས་ ༼ཀ་ནས་ལ་) བར། ཟམ་གདོང་རིན་པོ་ཆེ། ཝཱར་ཎ་ཆེས་མཐོའི་གཙུག་ལག་སློབ་ཁང་།[1]   ཤེར་ཕྱིན་གྱི་མདོ།   ༄༅། །འོ་སྐོལ་གྱི་སྟོན་པ་ཐུགས་རྗེ་ཅན་མཉམ་མེད་སྟོབས་བཅུ་མངའ་བ་ཟད་གཙང་སྲས་པོ་དེ་ཉིད་ཀྱིས་དང་པོར་བྱང་ཆུབ་མཆོག་ཏུ་སེམས་བསྐྱེད། བར་དུ་བསྐལ་བ་གྲངས་མེད་གསུམ་གྱི་ཚོགས་བསགས། མཐར་མངོན་པར་རྫོགས་པར་སངས་རྒྱས་ནས། གདུལ་བྱའི་ཁམས་དང་། བསམ་པ་དང་། བག་ལ་ཉལ་སྣ་ཚོགས་དང་རྗེས་སུ་མཐུན་པའི་ཐེག་པ་གསུམ་གྱི་སྡེ་སྣོད་ཀྱིས་བསྡུས་པའི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ངམ། བགྲངས་ལས་འདས་པ་ཞིག་བཀའ་བསྩལ་པ་ཐམས་ཅད་ཀྱི་ནང་ནས་རབ་དང་། ཕུལ་དང་། རྩེ་མོར་གྱུར་པ་ནི་ཤེར་ཕྱིན་གྱི་མདོ་སྡེ་རིན་པོ་ཆེ་ཉིད་ཡིན་ཏེ།

༄༅། །དཔལ་ནཱ་ལེན་དྲའི་གཙུག་ལག་ཁང་།   དཔལ་ནཱ་ལེན་དྲའི་གཙུག་ལག་ཁང་ནི། དེ་ཡང་བོད་ཀྱི་མཁས་དབང་ཇོ་ནང་རྗེ་བཙུན་སྒྲོལ་བའི་མགོན་པོས་ཕྱི་ལོ་ ༡༦༠༨ ལོར་མཛད་པའི་རྒྱ་གར་ཆོས་འབྱུང་དུ། དཔལ་ནཱ་ལེན་དྲའི་གཙུག་ལག་ཁང་ནི། ཕྱི་ལོ་སྔོན་གྱི་དུས་རབས་གསུམ་པའི་སྐབས་ཀྱི་རྒྱལ་པོ་ང་ལས་ནུའི་རིང་ལ་གསར་དུ་བསྐྲུན་ཅིང་། དཔལ་མགོན་འཕགས་པ་ཀླུ་སྒྲུབ་སོགས་ཀྱིས་ཀྱང་གཙུག་ལག་ཁང་འདིའི་སློབ་དཔོན་མཛད་མྱོང་ཞེས་གསུངས།

༄༅། །ངོས་ནས་བསྟན་པ་སྤྱིར་དམིགས་ཏེ་རྒྱུན་དུ་བཀའ་འགྱུར་བསྟན་འགྱུར་ལ་དོ་སྣང་བྱ་དགོས་པའི་འབོད་བསྐུལ་སྔ་ཕྱིར་བྱས་ཤིང་། ཤིང་རྟ་ཆེན་པོ་རྣམ་གཉིས་སོགས་པཎ་གྲུབ་བཅུ་བདུན་གྱི་གཞུང་རྣམས་བཤད་སྒྲུབ་ཟུང་གིས་འཛིན་དགོས་པ་ནི་འཇིག་རྟེན་འདིར་རྒྱལ་བའི་བསྟན་པ་རིང་དུ་གནས་མིན་གྱི་འགག་རྩར་སོང་གཤིས། བཀའ་བསྟན་འགྱུར་ལ་དོ་སྣང་དང་འཆད་ཀློག་བྱེད་པོ་ཇེ་མང་དུ་བྱུང་ཡོད་པ་ནི་སྤྲོ་བ་སྐྱེ་འོས་སུ་གྱུར།

པཎ་གྲུབ་བཅུ་བདུན་ལ་སྤེལ་མར་བསྟོད་པ།   འབྲས་བློ་གླིང་ཏྲེ་ཧོར་རྡོ་བུམ་སྤྲུལ་སྐུས་བྲིས།   ༄༅། །པཎ་གྲུབ་བཅུ་བདུན་ལ་སྤེལ་མར་བསྟོད་པའི་སྒོ་ནས་གསོལ་བ་འདེབས་ཤིང་བྱིན་རླབས་ཞུ་བ་མི་ཕྱེད་དད་པའི་གསང་གཏོར་ཞེས་བྱ་བ།།   འགྲོ་ལ་ཕན་བཞེད་ཐུགས་རྗེས་རབ་བསྐྲུན་པའི། ། སྤངས་རྟོགས་སྐྱོབ་པ་མཆོག་བརྙེས་ལྷ་ཡི་ལྷ། ། རྟེན་འབྱུང་གཏམ་གྱིས་འགྲོ་རྣམས་འདྲེན་མཛད་པའི། ། ཐུབ་དབང་སྨྲ་བའི་ཉི་མར་མགོས་ཕྱག་འཚལ།།