དཔལ་ནཱ་ལེནྡྲ། བྱོན་པ་ལེགས།

ཅ༽ སློབ་དཔོན་སེངྒེ་བཟང་པོ་རིགས་གང་དུ་སྐུ་འཁྲུངས་མིན།   དེ་ཡང་དབྱངས་ཅན་དགའ་བློས་ (1740-1827) མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། རིང་ནས་ཐུགས་བསྐྱེད་རྩ་བ་རབ་བརྟན་ཅིང་། ། ཐུབ་བསྟན་སྙིང་པོ་ཕྱོགས་བརྒྱར་སྤེལ་བའི་སླད། ། ཕུན་ཚོགས་དཔལ་གྱིས་མཐོ་བའི་རྒྱལ་རིགས་སུ། ། བསམ་བཞིན་འཁྲུངས་པར་མཛད་ལ་གསོལ་བ་འདེབས། །

༢༽ རྡོ་འཇོག་གི་གཙུག་ལག་སློབ་གྲྭ་ཆེན་མོ།   གོང་གསལ་མཛེས་བརྗིད་ཆེ་བའི་གཙུག་ལག་སློབ་གྲྭ་ཆེན་པོ་དེ་ནི། དེང་སང་གི་མཐོ་སློབ་འཛུགས་སྐྲུན་གྱི་ཇུས་འགོད་འཆར་གཞི་ལྟར་ར་སྐོར་གཅིག་ཏུ་ཤེས་ཡོན་སྒྱུ་རྩལ་ཡོངས་རྫོགས་སློབ་སྦྱོང་བྱེད་སའི་ལྟེ་གནས་ཤིག་མེད་ཚོད་དང་། དེ་ནི་སློབ་དཔོན་སོ་སོའི་བཞུགས་གནས་ཀྱི་སྤྱིལ་བུའི་ནང་བཟོ་རིག་སྒྱུ་རྩལ་སྣ་ཁ་རེ་གཉིས་སློབ་གཉེར་བྱེད་སའི་གྲོང་སྡེ་ཆེན་པོའི་མཉམ་སྡེབ་ཚོགས་པ་ཞིག་ལ་རིམ་པས་བརྗོད་བདེའི་ཐོག་རྡོ་འཇོག་གི་གཙུག་ལག་སློབ་གྲྭ་ཆེན་པོ་ཞེས་ལམ་སྲོལ་ཆགས་པ་ཞིག་རེད་འདུག །

༡༽ རྡོ་འཇོག་གྲོང་ཁྱེར་གྱི་ངོ་སྤྲོད།   དེ་ཡང་རྡོ་འཇོག་ཅེས་པའི་ཡུལ་གྱི་མིང་གི་འབྲི་སྲོལ་ལ་ཏཀྵ་ཤི་ལཱ་དང་། ཏག་ཤ་ཤཱི་ལ་ (Takshashila) དང་། ཏག་ཤཱི་ལ་ (Taxila)། ཏག་ཤི་ཤཱི་ལ་ (Takshashila) སོགས་འབྲི་སྲོལ་མང་ལ། ཏག་ཤི་ཤཱི་ལ་སྟེ་བོད་སྐད་དུ་རྡོ་བཟང་དང་། རྡོ་འཇོག །རྡོ་མཆོག་བཅས་འབྲི་ཚུལ་མི་འདྲ་བ་འགའ་ཞིག་མཆིས་ཀྱང་། ཐོག་མའི་མིང་ནི་རྡོ་བཟང་ཡིན་པར་བཀའ་བསྟན་དུ་གསལ་ལ། ཡོངས་གྲགས་རྡོ་འཇོག་ཅེས་པ་གྲགས་ཆེ། ལ་ལར་རྡོ་མཆོག་ཅེས་ཀྱང་གསལ་བ་ལས། མིང་གི་ཡིག་འབྲུ་དང་པོ་རྡོ་ཞེས་པ་གཅིག་མཐུན་ཡིན་ལ།

ང༽ སློབ་དཔོན་སེངྒེ་བཟང་པོ་ཡུལ་གང་དུ་སྐུ་འཁྲུངས་མིན།   དེ་ཡང་སློབ་དཔོན་ཆེན་པོ་ལྷ་སངས་རྒྱས་དཔལ་གྱི་ཡེ་ཤེས་ཞབས་ཀྱིས་བསྡུས་པའི་རིམ་པ་གཉིས་པའི་དེ་ཁོ་ན་ཉིད་བསྒོམ་པ་ཞེས་བྱ་བའི་ཞལ་གྱི་ལུང་ལས[1]། དབུས་ཀྱི་ཡུལ་ཆེན་ཁ་བིར་གྲོང་ཁྱེར་རྡོ་འཇོག་ཏུ། ། བཟང་པོའི་སེང་གེ་ཞེས་བྱར་གྲགས་པ་རབ་ཐོབ་པ། ། བླ་མ་དེ་ནི་མཉེས་བྱས་ལུང་ཐོབ་གཞུང་མང་ཐོས། ། དེ་ལ་རྣམ་དཔྱད་རིག་འབྱུང་ཤཱི་ལེན་ན་ལེནྡྲར[2]། །

ག༽ སློབ་དཔོན་སེངྒེ་བཟང་པོའི་སྐུ་ཡི་ཆ་ལུགས།   དེ་ཡང་ཚིག་དོན་གཉིས་ལ་མཁས་པའི་སློབ་དཔོན་སེངྒེ་བཟང་པོའི་སྐུ་ཡི་ཆ་ལུགས་ནི། གཉན་དགོན་སྤྲུལ་སྐུ་གསུང་རབ་མདོ་སྔགས་ཆོས་ཀྱི་རྒྱ་མཚོས་ (1903-1957) མཛད་པའི་མཁན་ཆེན་བོ་དྷི་ས་ཏྭ་ལ་བརྟེན་པའི་བླ་མའི་རྣལ་འབྱོར་ཐུབ་བསྟན་ཉིན་བྱེད་འདྲེན་པའི་སྐྱ་རེངས་ལས[1]། གཡས་ཀྱི་སེང་ཁྲིར་འཕགས་ཡུལ་རྒྱལ་ཚབ་མཆོག ། ཤེར་ཕྱིན་བཀའ་བབས་སེངྒེ་བཟང་པོའི་ཞབས། ། ཕྱག་གཉིས་ཆོས་འཁོར་དབུ་ལ་པཎ་ཞུ་དང་། ། སྐུ་ལ་ཆོས་གོས་གསུམ་གསོལ་སྐྱིལ་ཀྲུང་བཞུགས། །

ཁ༽ སློབ་དཔོན་སེངྒེ་བཟང་པོ་ཞེས་པའི་མཚན་ཐོགས་ཚུལ།   དེ་ཡང་དབྱངས་ཅན་དགའ་བློས་ (1740-1827) མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། རླབས་ཆེན་ཚོགས་གཉིས་གངས་རིའི་སྤོ་ལ་འགྱིང་། ། རྨད་བྱུང་ལུང་རྟོགས་གཡུ་རལ་རྣམ་པར་རྒྱས། ། འཆད་རྩོད་རྩོམ་པའི་མཆེ་སྡེར་རབ་ཏུ་རྣོ། ། རྒྱལ་སྲས་སེང་གེ་བཟང་པོར་གསོལ་བ་འདེབས། །

བཅུ་བཞི་པ། སློབ་དཔོན་སེངྒེ་བཟང་པོའི་ ༼ཨཱཙཱརྱ་སིཾ་ཧ་བྷ་དྲ།༽ རྣམ་ཐར། ཀ༽ སློབ་དཔོན་སེངྒེ་བཟང་པོའི་མཚན་དོན་དང་དག་སྡེབ།   དེ་ཡང་ལུང་རིགས་གཉིས་ལ་མཁས་ཤིང་བྱམས་པའི་ཐུགས་དང་ལྡན་པ་སེངྒེ་བཟང་པོའི་མཚན་དོན་ནི། ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]། གསུང་རབ་རལ་པའི་ཅོད་པན་གཙུག་ལ་འཛིན། ། ལྟ་ངན་རི་དྭགས་འཇོམས་པའི་སྟོབས་ལྡན་ཞིང་། །

“ད་ལྟ་གཞི་ནས་འཛམ་གླིང་སྟེང་བོད་ཀྱི་སངས་རྒྱས་པའི་ཆོས་འདི་ངེས་པ་དོན་ལ་དཔལ་ནཱ་ལེནྡྲའི་ཟབ་པ་དང་རྒྱ་ཆེ་བའི་བཞེད་གཞུང་དྲི་མ་མེད་པ་ཡིན་པའི་ངོས་འཛིན་ཐོབ་ཡོད། དེ་ཨ་ཕོ་ངོས་ཀྱིས་བྱས་པ་ཡིན།” (བཞད་མོ་བཞད།)   ཕྱི་ལོ་ ༢༠༡༦ཟླ་ ༣ ཚེས་ ༨ ཉིན་མགོན་པོ་གང་གིས་གསུངས།

བ༽ འཕགས་པ་གྲོལ་སྡེའི་རྣམ་ཐར་གྱི་སྙིང་པོ།   དབུས་སུ་འཁྲུངས་ཤིང་བྱམས་པས་ལུང་བསྟན་མཛད། ། མཐའ་བྲལ་དོན་གཟིགས་ཤེར་ཕྱིན་མན་ངག་རྙེད། ། མདོ་རྒྱན་སྦྱར་བའི་ཐོག་མ་ཉི་སྣང་མཛད། ། རབ་དགའི་ས་ཐོབ་འཕགས་གྲོལ་ཞབས་ལ་འདུད། ། ཅེས་བསྟོད་ཕྱག་སྔོན་དུ་བཏང་སྟེ། སློབ་དཔོ་འདི་ཉིད་ཀྱི་ལེགས་སྦྱར་གྱི་མཚན་ལ་ཨཱརྱ་བི་མུཀྟ་ (विमुक्तिसेना) (Arya Vimuktasena) དང་།

ཕ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་འཕགས་པ་ཐོགས་མེད་སྐུ་མཆེད་དང་། གཅུང་སློབ་དཔོན་དབྱིག་གཉེན་རྣམ་གཉིས་ལས་འོངས་པའི་ཤེར་ཕྱིན་གྱི་དོན་ནི། མཐའ་བྲལ་དབུ་མ་པའི་སྲོལ་བཞིན་དུ་རྒྱན་གྱི་དགོངས་པ་འགྲེལ་བར་མཛད་པའི་འཕགས་པ་གྲོལ་སྡེའི་ཞབས་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཐམས་ཅད་མཁྱེན་པས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]།