པཎ་གྲུབ་ཀྱི་རྣམ་ཐར།

ང༽ སངས་རྒྱས་བསྐྱངས་ཀྱི་སྐུ་ཡི་ཆ་ལུགས། བསྟན་པའི་གཞུང་ལུགས་སྤེལ་བའི་སློབ་དཔོན་སངས་རྒྱས་བསྐྱངས་ཀྱི་སྐུའི་ཆ་ལུགས་ནི། གནས་ལྔ་རིག་པར་ནང་བྱན་ཆུད་པའི་པཎྜི་ཏ་ཡིན་པས་དབུ་ལ་པཎ་ཞྭ་དམར་པོ་དང་། སྡེ་སྣོད་གསུམ་ལ་མཁས་པའི་མཚོན་དོན་དུ་སྐེད་འཆིང་གསུམ་ལྡན་གསོལ་ཞིང་། བོད་ལུགས་བྲིས་ཆར་སྐུ་མདོག་དཀར་ལ་དམར་བའི་མདངས་ཆགས་པ། རྟེན་དགེ་སློང་དང་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པས་སྐུ་ལ་ཆོས་གོས་རྣམ་གསུམ་གྱིས་བརྒྱན་པ།

ག༽ བུདྡྷའི་སྒྲ་བཤད་ཀྱི་དོགས་དཔྱོད།   དེ་བཞིན་ཀུན་མཁྱེན་གོ་རམས་པ་བསོད་ནམས་སེང་གེས་ (1429-1489) མཛད་པའི་དབུ་མ་ལ་འཇུག་པའི་དཀྱུས་ཀྱི་ས་བཅད་པ་དང་གཞུང་སོ་སོའི་དཀའ་བའི་གནད་ལ་དཔྱད་པ་ལྟ་བ་ངན་སེལ་ལས[1]། རང་སངས་རྒྱས་ལ་སངས་རྒྱས་འབྲིང་དུ་བརྗོད་པའི་རྒྱུ་མཚན་ནི། འགྲེལ་པར། སངས་རྒྱས་ཀྱི་སྒྲ་འདི་སངས་རྒྱས་ཀྱི་དེ་ཉིད་ཉན་ཐོས་དང་། རང་སངས་རྒྱས་དང་། བླ་ན་མེད་པ་ཡང་དག་པར་རྫོགས་པའི་སངས་རྒྱས་གསུམ་ཆར་ལའང་འཇུག་སྟེ་ཞེས་གསུངས་ལ།

ཁ༽ བུདྡྷཿཔཱ་ལི་ཏའི་མཚན་དོན།   དེ་ཡང་སངས་རྒྱས་ཀྱི་སྐད་དོད་བུདྡྷའི་སྒྲ་བཤད་ནི། གཉིད་སངས་པའམ། རྟོགས་པ་དང་། ཁོང་དུ་ཆུད་པ་ལའང་འཇུག་པས། དེ་ཁོ་ན་ཉིད་རྟོགས་པས་ན་སངས་རྒྱས་ཞེས་ཐ་སྙད་བཏགས་པར་གསུངས[1]། དེ་ལྟར་ལེགས་སྦྱར་གྱི་བུདྡྷཿ ཞེས་པ་སངས་རྒྱས་ཏེ། མ་རིག་པའི་མུན་པ་སངས་ཤིང་། ཤེས་བྱ་མཐའ་དག་ལ་བློ་གྲོས་རྒྱས་པའི་གང་ཟག་གམ། ཡང་ན་མ་རིག་པའི་གཉིད་རྒྱུན་ཆད་པས་སངས་པ་སྟེ་གཉིད་སད་པ་བཞིན།

གསུམ་པ། སློབ་དཔོན་སངས་རྒྱས་བསྐྱངས་ ༼བུདྡྷཿཔཱ་ལི་ཏ།༽ ཀྱི་རྣམ་ཐར། ཀ༽ བུདྡྷཿཔཱ་ལི་ཏའི་དག་སྡེབ་སྐོར།   ཀླུ་སྒྲུབ་དགེ་འདུན་སྲུང་བསྟེན་མཁས་པར་གྱུར། །རྣམ་བཤད་མང་མཛད་ཐེག་པ་ཆེན་པོར་ཞུགས། ། འཇམ་དབྱངས་ཞལ་གཟིགས་རིག་འཛིན་གནས་སུ་གཤེགས། །འཇིགས་བྲལ་སངས་རྒྱས་བསྐྱངས་ལ་གུས་ཕྱག་འཚལ། །