པཎ་གྲུབ་ཀྱི་རྣམ་ཐར།

ཇ༽ སློབ་དཔོན་ཀླུ་སྒྲུབ་སྔ་ཕྱི་བྱོན་མིན།   དེ་ཡང་ཀརྨ་པ་ཆོས་གྲགས་རྒྱ་མཚོས་ (1454-1506) མཛད་པའི་རྒྱན་དྲུག་མཆོག་གཉིས་དང་བསྟན་པའི་རྒྱན་བཞིར་བསྟོད་པ་ལས[1]། མཐའ་བྲལ་ཟབ་མོའི་མཚོ་ལ་གནས། །གཞན་སྔ་འདབ་བཟང་བྱེ་བ་ཡིས། ། ལྟ་ཟེར་འགོག་པར་མ་ནུས་པའི། །འཕགས་མཆོག་ཀླུ་སྒྲུབ་ཞབས་ལ་འདུད། །

ཆ༽ མགོན་པོ་ཀླུ་སྒྲུབ་དུས་ནམ་ཞིག་བྱོན་མིན།   དེ་ཡང་ཀུན་མཁྱེན་རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པའི་འཛམ་གླིང་རྒྱན་དྲུག་གི་བསྟོད་པ་ཐར་པའི་ཐེམ་སྐས་ལས[1]། ཡང་དག་ལྟ་བའི་ཟེར་གྱིས་སྲིད་པའི་མུན་པ་འཇོམས། །རིག་པའི་ང་རོས་ལོག་སྨྲའི་རི་དྭགས་སྐྲག་པར་མཛད། ། འཛམ་གླིང་མཁས་པ་ཀུན་གྱི་གཙུག་གི་རྒྱན་གྱུར་པ། །སྨྲ་བའི་ཉི་མ་ཀླུ་སྒྲུབ་ཞབས་ཀྱི་པདྨོར་འདུད། །

ཅ༽ འཕགས་པ་ཀླུ་སྒྲུབ་ཀྱི་འཁྲུངས་ཡུལ་ངོ་སྤྲོད།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་སངས་རྒྱས་གཉིས་པ་ཀླུ་སྒྲུབ་ཞབས་ལ་བསྟོད་པ་མཆོག་ཏུ་དད་པའི་སྒྲ་དབྱངས་ལས[1]། མཁར་ཉལ་སར་གཤེགས་བེ་ཏའི་གྲོང་ཁྱེར་དུ། །རྨུགས་འཛིན་ལ་འཁུ་འབྱོར་པའི་བང་མཛོད་ཅན། ། རིག་བྱེད་གཏེར་གྱུར་གཉིས་སྐྱེས་དབང་པོ་ཡི། །སྲས་སུ་ལེགས་པར་འཁྲུངས་ལ་ཕྱག་འཚལ་ལོ། །

ང༽ འཕགས་པ་ཀླུ་སྒྲུབ་ཞབས་ཀྱི་སྐུ་ཡི་ཆ་ལུགས།   དེ་ཡང་ཨ་མེས་ཞབས་ངག་དབང་ཀུན་དགའ་བསོད་ནམས་ (1597-1659/1660) ཀྱིས་མཛད་པའི་རྒྱ་གར་འཕགས་པའི་ཡུལ་གྱི་སྐྱེས་ཆེན་དམ་པ་རྒྱན་དྲུག་མཆོག་གཉིས་ལ་བསྟོད་ཅིང་གསོལ་བ་འདེབས་པའི་རབ་ཏུ་བྱེད་པའི་སརྒ་བཞི་པ་ལས[1]། ཟབ་ཞི་སྤྲོས་བྲལ་འོད་གསལ་འདུས་མ་བྱས། །དབུ་མ་ཆེན་པོ་འགྲོ་ལ་གསལ་མཛད་པ། ། དབང་ཕྱུག་བརྒྱད་ལྡན་ཀླུ་སྒྲུབ་སྙིང་པོ་ཞེས། །སྙན་གྲགས་འཇིག་རྟེན་གསུམ་ན་གསལ་དེར་འདུད། །