པཎ་གྲུབ་ཀྱི་རྣམ་ཐར།

དཀར་ཆག རྩོམ་པ་པོའི་སྔོན་གླེང་། ཀ༽ པཎ་གྲུབ་བཅུ་བདུན་གསར་གཏོད་མཛད་པའི་དགོས་དམིགས། ཁ༽ པཎ་གྲུབ་བཅུ་བདུན་ལ་ཟབ་རྒྱས་ཀྱི་སྡེ་ཚན་གཉིས་སུ་དབྱེ་ཚུལ། ག༽ པཎ་གྲུབ་བཅུ་བདུན་གསར་གཏོད་མཛད་པའི་རྒྱུ་རྐྱེན་དང་དགོས་དམིགས། ང༽ པཎ་གྲུབ་བཅུ་བདུན་གྱི་སྐུ་ཐང་ལྗགས་བཀོད་ཇི་ལྟར་མཛད་ནས་བཞེངས་ཚུལ། ཅ༽ པཎ་གྲུབ་བཅུ་བདུན་གྱི་རྣམ་ཐར་ཕྱོགས་སྒྲིག་གི་ལས་འཆར། ཆ༽ པཎ་གྲུབ་རྣམ་ཐར་དང་འབྲེལ་བའི་ཞིབ་འཇུག །

༄༅། །སློབ་དཔོན་ཟླ་བ་གྲགས་པས་མཛད་པའི་དབུ་མ་ཚིག་གསལ་གྱི་མཛད་བྱང་ཁྱད་པར་ཅན[1]། ༼ཝཱཪ་ཎ་མཐོ་སློབ་རྒྱལ་མཚན་རྣམ་གྲོལ།༽   ༡༽ གཞུང་གི་ངོ་སྤྲོད་མདོར་བསྡུས། ༄༅། །དེ་ཡང་ཇི་སྐད་དུ་བླ་ན་མེད་པའི་རིན་པོ་ཆེ་གསུམ་གྱི་གཏམ་གྱི་སྦྱོར་བ་ལས། རིགས་ལམ་ཕྲ་མོ་འབྱེད་པའི་རྣམ་དཔྱོད་དང་། །གཞུང་ལུགས་གདམས་པར་ཤར་བའི་ཉམས་ལེན་དང་།། ཚིག་སྦྱོར་ཚུལ་ལ་མཁས་པའི་ངག་གི་དཔལ། །ས་སྟེང་འདི་ན་རིན་ཆེན་རྣམ་གསུམ་སྣང་།།

ཡ༽ སློབ་དཔོན་ཟླ་བ་གྲགས་པའི་རྣམ་ཐར་གྱི་སྙིང་པོ།   ལྷོ་ཕྱོགས་བྲམ་ཟེའི་རིགས་འཁྲུངས་ནཱ་ལེནྡྲར། །རབ་བྱུང་མཁས་པའི་མཆོག་གྱུར་ཐལ་འགྱུར་ལུགས། ། སྲོལ་འབྱེད་གཞུང་བརྩམས་ངོ་མཚར་རྣམ་པར་ཐར། །བཅོ་ལྔས་ཡོངས་མཛེས་ཟླ་གྲགས་ཞབས་ལ་འདུད། །

འ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་རྐྱེན་ཉིད་འདི་པ་ཙམ་ཉིད་ཀྱིས་མཐའ་གཉིས་སེལ་བའི་སྣང་སྟོང་དབུ་མའི་ཚུལ་ཟབ་རྒྱས་སུ་གསུངས་པའི་སྒོ་ནས་སློབ་དཔོན་ཟླ་བ་གྲགས་པར་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཐམས་ཅད་མཁྱེན་པས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]། རྟེན་འབྲེལ་རྐྱེན་ཉིད་འདི་པ་ཙམ་ཉིད་ཀྱིས། །མཐའ་གཉིས་སེལ་བའི་སྣང་སྟོང་དབུ་མའི་ཚུལ། ། ཟབ་རྒྱས་འདོམས་མཁས་མདོ་སྔགས་ཡོངས་རྫོགས་ལམ། །རྒྱས་མཛད་ཟླ་བ་གྲགས་པར་གསོལ་བ་འདེབས། །