པཎ་གྲུབ་ཀྱི་རྣམ་ཐར།

ཏ༽ མཁན་ཆེན་ཞི་འཚོ་དགུང་ལོ་ཇི་ཙམ་བཞུགས་མིན།   དེ་ཡང་རོང་སྟོན་སྨྲ་བའི་སེངྒེས་ (1367-1449) མཛད་པའི་ཐེག་པ་ཆེན་པོ་དབུ་མའི་བླ་མ་བརྒྱུད་རིམ་ལ་བསྟོད་པ་རིན་པོ་ཆེའི་ཕྲེང་མཛེས་ལས[1]། དངོས་འཛིན་དྲི་མ་མེད་པའི་ཐུགས་མངའ་ཞིང༌། །འཕགས་པའི་ཡུལ་གྱི་མཁས་པ་མཆོག་གྱུར་པ། ། གྲུབ་མཆོག་དཔལ་སྦས་ཡེ་ཤེས་སྙིང་པོ་དང༌། །གྲུབ་མཁྱེན་ཞི་བ་འཚོ་ལ་ཕྱག་འཚལ་ལོ། །

ཉ༽ མཁས་བཙུན་བཟང་གསུམ་གྱི་ཡོན་ཏན་མངའ་ཚུལ།   དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་ཞི་བ་འཚོའི་བསྟོད་པ་ལས[1]། སུ་ཞིག་ལོག་རྟོག་རྒོལ་བའི་ཕྱོགས་འཛིན་ཀྱང་། །དེ་ལ་ཁྱོད་ཀྱིས་ལྷག་པར་སྙིང་བརྩེ་ཞིང་། །

ཇ༽ སྐུ་འཁྲུངས་ཤིང་འཕགས་ཡུལ་གྱི་མཛད་པ།   དེ་ཡང་དཔའ་བོ་གཙུག་ལག་ཕྲེང་བས་ (1504-1566) མཛད་པའི་ཆོས་འབྱུང་མཁས་པའི་དགའ་སྟོན་ལས[1]། དེ་ཚེ་རྒྱ་གར་ཟ་ཧོར་རྒྱལ་པོའི་སྲས། །ཛམྦུའི་གླིང་ནས་མཁས་ཤིང་བཙུན་པའི་མཆོག ། ཤཱནྟ་རཀྵི་ཏ་ཞེས་ཞི་བ་འཚོ། །བོད་ཡུལ་འདུལ་སྐལ་ཁོ་ནར་སྐུ་བལྟམས་པ། །

ཆ༽ མཁན་ཆེན་ཞི་འཚོ་དུས་ནམ་ཞིག་བྱོན་མིན།   དེ་ཡང་བོད་ལ་བཀའ་དྲིན་ཆེ་བ་རྣམས་ལ་བསྟོད་པ་ལས[1]། ཟ་ཧོར་རྒྱལ་པོའི་རིགས་སུ་སྐུ་འཁྲུངས་ཤིང་། །ཐམས་ཅད་ཡོད་སྨྲའི་སྡེ་ལས་རབ་ཏུ་བྱུང་། ། ཉེས་ལྟུང་དྲི་མས་མ་གོས་བཙུན་པའི་མཆོག །བོ་དྷི་ས་ཏྭའི་ཞབས་ལ་ཕྱག་འཚལ་ལོ། །