པཎ་གྲུབ་ཀྱི་རྣམ་ཐར།

ག༽ སློབ་དཔོན་ཀླུ་སྒྲུབ་ཀྱིས་ཐུགས་བསྐྱེད་ཚུལ།   དེ་ཡང་ཀརྨ་པ་རང་བྱུང་རྡོ་རྗེས་ (1284-1339) མཛད་པའི་བཀའ་བཞི་བརྒྱུད་པའི་གསོལ་འདེབས་ལས[1]། དྲི་མེད་ས་ལ་རབས་བཞུགས་ཤིང༌། །རྒྱལ་བས་ལུང་བསྟན་ཐེག་པའི་མཆོག ། རབ་ཏུ་སྟོན་པའི་ཐུགས་རྗེ་ཅན། །ན་ག་རྫུ་ན་ལ་ཕྱག་འཚལ་ལོ། །

ཁ༽ མགོན་པོ་ཀླུ་སྒྲུབ་རྒྱལ་བའི་ལུང་གིས་ཟིན་ཚུལ།   དེ་ཡང་དབུ་མའི་ཤིང་རྟའི་སྲོལ་འབྱེད་དཔལ་མགོན་འཕགས་པ་ཀླུ་སྒྲུབ་ཞབས་ནི། ཡོན་ཏན་དང་མཛད་སྤྱོད་སོགས་ཀྱིས་ཡོངས་སུ་ཕྱུག་ཅིང་། མདོ་རྒྱུད་དུ་མ་ནས་རྒྱལ་བའི་ལུང་གིས་ཡང་ཡང་ཟིན་པའི་ཆེ་བ་དང་ལྡན་ཚུལ་ནི། ཀུན་སྤངས་ཆོས་གྲགས་དཔལ་ (1283-1363) གྱིས་མཛད་པའི་ཀུན་མཁྱེན་ཇོ་ནང་པ་ཆེན་པོའི་སྐྱེས་རབས་རྟོགས་བརྗོད་འཕགས་པ་ཀླུ་སྒྲུབ་ཏུ་སྐྱེས་པའི་རབས་ལས[1]།

དང་པོ། དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར། ཀ༽ ཀླུ་སྒྲུབ་ཀྱི་མཚན་དོན་དང་། མཚན་གྱི་རྣམ་གྲངས།   དེ་ཡང་འབྲི་གུང་ཆེ་ཚང་དཀོན་མཆོག་རིན་ཆེན་ (1590-1654) གྱིས་མཛད་པའི་འཕགས་པ་རྒྱན་དྲུག་མཆོག་གཉིས་ལ་བསྟོད་པ་རྨད་བྱུང་བློ་གྲོས་ཀྱི་གཏེར་མཛོད་ལས[1]། འཕགས་པ་ཉན་ཐོས་ཚུལ་འཛིན་ཀླུ་དབང་གྲགས། །རྒྱལ་བས་ལུང་བསྟན་མཐའ་བྲལ་ལྟ་བའི་དོན། ། མ་ནོར་གསལ་མཛད་དགེ་སློང་དཔལ་ལྡན་ཞེས། །ས་གསུམ་གྲགས་པའི་ཞབས་ལ་ཕྱག་འཚལ་ལོ། །

ཀ༽ སྟོན་པའི་མཛད་རྣམ་སྙིང་པོ་ཀུན་བསྡུས། ཀ) སྟོན་པའི་མཛད་པ་བཅུ་གཉིས།   རྩེ་གཅིག༵་སྒྲུབ་པའི་མཚན་དཔེའི་རྒྱན་ལྡན་སྐུ༵། ། དོན་གཉིས༵་ལྷུན་གྲུབ་འགག་མེད་སྙན་པའི་གསུང༵༌། ། དུག་གསུམ༵་སྒྲིབ་པ་ཀུན་བྲལ་ཟབ་ཡངས་ཐུགས༵། ། བདུད་བཞིའི༵་སྐྱོན་བྲལ་བསྟན་པའི་བདག་པོར་འདུད། ། ཅེས་བསྟོད་ཕྱག་སྔོན་དུ་བཏང་སྟེ། མཁན་ཆེན་ཞི་བ་འཚོས་ (725-790) མཛད་པའི་བདེ་གཤེགས་བརྒྱད་ལ་བསྟོད་པ་ལས[1]། ཐབས་མཁས་ཐུགས་རྗེས་ཤཱཀྱའི་རིགས་འཁྲུངས་ཤིང་། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། ། གསེར་གྱི་ལྷུན་པོ་ལྟ་བུར་མཛེས་པའི་སྐུ། །ཤཱཀྱའི་རྒྱལ་པོ་དེ་ལ་ཕྱག་འཚལ་ལོ། །