པཎ་གྲུབ་ཀྱི་རྣམ་ཐར།

ཚ༽ འཕགས་པ་ལྷའི་གསུང་གི་དོགས་དཔྱོད། ༡༽ སྒྲོན་གསལ་འགྲེལ་བཤད་ཀྱི་དོགས་དཔྱོད། དེ་ཡང་བུ་སྟོན་རིན་ཆེན་གྲུབ་ (1290-1364) ཀྱིས་མཛད་པའི་བུ་སྟོན་ཆོས་འབྱུང་ལས[1]། སྒྲོན་གསལ་གྱི་འགྲེལ་བཤད་མཛད་ཟེར་ཏེ། དུས་མཚུངས་སམ་མི་མཚུངས་བརྟག་པར་བྱའོ། །ཞེས་གསུངས་ལ། སྡེ་དགེ་བསྟན་འགྱུར་དཀར་ཆག་ལས་[2]ཀྱང་། སྒྲོན་མ་གསལ་བ་ཞེས་བྱ་བའི་ལེའུ་དང་པོའི་འགྲེལ་བཤད། སློབ་དཔོན་ཨཱརྱ་དེ་ཝས་མཛད་ཟེར་བ་འདི་བོད་མ་འདྲ་བར་འདུག་ནའང་སྔར་གྱི་རྣམས་ཀྱིས་བྲིས་འདུག་པས་བྲིས་སོ། །

ཙ༽ ཡི་གེ་བརྒྱ་པ་མཛད་ཅིང་ཞི་བར་གཤེགས་ཚུལ། ༡༽ བཞི་བརྒྱ་པའི་མཚན་དང་གཞུང་ཚད་སྐོར།   དེ་ཡང་གཉན་མགོན་སྤྲུལ་སྐུ་གསུང་རབ་ (1903-1957) པས་མཛད་པའི་རྒྱན་དྲུག་མཆོག་གཉིས་ལ་བསྟོད་པ་ལས[1]། དེ་ཡི་ཟབ་དོན་ལེགས་བཤད་ག་བུར་ཟེར། །སྙིང་དབུས་ཀུནྡའི་ཟེའུ་འབྲུར་སྨིན་པ་ལས། ། མ་ཁོལ་ལྟ་གྲུབ་དབང་མེད་འདོར་བ་ཡི། །ཡུམ་དོན་དྲི་བསུང་སྟེར་བའི་འཕགས་པ་ལྷ། །

༢༽ ཀརྞ་རི་པ་དང་ཨཱརྱ་དེ་ཝ་གཅིག་མིན།   དེ་ཡང་། རྫོགས་ཆེན་མཁན་ཆེན་སྐྱབས་རྗེ་ཡོངས་འཛིན་རིན་པོ་ཆེ་འཇིགས་མེད་རྟ་མགྲིན་ཡོན་ཏན་མགོན་པོས་ (1899-1959) མཛད་པའི་རྒྱན་དྲུག་མཆོག་གཉིས་ལ་བསྟོད་པ་ཨུ་དུམ་ཝ་རའི་ཆུན་འཕྱང་ལས[1]། བློ་གྲོས་དྲི་མེད་ཤེལ་གྱི་མེ་ལོང་དུ། །མཐའ་ཡས་ཆོས་ཚུལ་མ་འདྲེས་ཡོངས་བཀོད་དེ། ། སྒྲུབ་དང་སུན་འབྱིན་རིགས་པའི་མཚོན་རྣོན་པོས། །ཕས་རྒོལ་མཐར་བྱེད་ཨཱརྱ་དེ་ཝ་རྒྱལ། །

མ༽ རྒྱ་གར་མཁས་པས་མཛད་པའི་སྐུ་ཚེ་སྨད་ཀྱི་རྣམ་ཐར། ༡༽ ཀླུ་སྒྲུབ་མཇལ་ནས་སྒྲུབ་ལ་གཞོལ་ཚུལ།   དེ་ཡང་། གྲུབ་ཐོབ་བརྒྱད་ཅུ་རྩ་བཞིའི་རྟོགས་པའི་སྙིང་པོ་སློབ་དཔོན་དཔའ་བོ་འོད་གསལ་གྱིས་ཕྱོགས་གཅིག་ཏུ་བསྡུས་པའི་སློབ་དཔོན་ཀ་ན་རི་པའི་ (ཨཱརྱ་དེ་ཝ།) རྟོགས་བརྗོད་ལས[1]། དུས་གསུམ་སངས་རྒྱས་ཐམས་ཅད་ངོ་བོ་གཅིག །དེ་ནི་རྟོགས་ན་རང་བཞིན་རང་གི་སེམས། ། རྟོགས་པར་འདོད་ན་མ་བཅོས་ཇི་བཞིན་ཞོག །གོམས་པར་བྱས་ན་རྣལ་འབྱོར་མངོན་དུ་འགྱུར། །