དཔལ་ནཱ་ལེནྡྲ། བྱོན་པ་ལེགས།

༄༅། །རིགས་བཟང་གི་མཁའ་འགྲོ་མ་སྣང་ས་འོད་འབུམ་གྱི་རྣམ་ཐར་བཞུགས་སོ། །   ན་མོ་གུ་རུ་དེ་ཝ་ཌཱ་ཀི་ནི། ། ཐབས་མཁས་ཐུགས་རྗེ་ཤཱཀྱའི་རིགས་འཁྲུངས་ཤིང་། ། གཞན་གྱི་མི་ཐུབ་བདུད་ཀྱི་དཔུང་བཅོམ་པ། ། གསེར་གྱི་ལྷུན་པོ་ལྟ་བུར་བརྗིད་པའི་སྐུ། ། ཤཱཀྱའི་རྒྱལ་པོ་དེ་ལ་ཕྱག་འཚལ་ལོ། ། པོ་ཏཱ་ལ་ཡི་གནས་མཆོག་ནས། ། ཏཱམ་ཡིག་ལྗང་གུ་ལས་འཁྲུངས་ཤིང་། ། ཏཱམ་ཡིག་བོད་ཀྱི་འགྲོ་བ་སྒྲོལ། །

རས་ཆུང་མའི་རྣམ་ཐར། མི་ལའི་རྣམ་མགུར་ལས་རས་ཆུང་མ་དང་མཇལ་བའི་སྐོར།   གཙང་སྨྱོན་ཧེ་རུ་ཀ་རུས་པའི་རྒྱན་ཅན་གྱིས་བརྩམས།   ན་མོ་གུ་རུ། རྗེ་བཙུན་མི་ལ་རས་པ་དེ་ཉིད་ཀྱི་ཕྱག་ཕྱི་ཐུགས་སྲས་རས་ཆུང་པས་བགྱིས་ཏེ། འབྲིག་མཚམས་ཀྱི་མཚོ་ལྔ་དེའུ་ཆུང་གི་ཕྱོགས་ན་མར། རོ་སྙོམས་ཀྱི་ལྡོམ་བུ་དང་། སེམས་ཅན་གྱི་འགྲོ་དོན་ལ་བྱོན་པའི་ཚེ། རྗེ་བཙུན་ཡབ་སྲས་ཀྱིས་གངས་ཏི་སེ་དང༌། མཚོ་མ་ཕམ་གྱི་ཕྱོགས་སུ་སྒྲུབ་པ་མཛད་འདུག་ཅེས་སྙན་པ་དང་གྲགས་པ་ལྷོ་རོ་འབྲིག་མཚམས་ཀྱི་ཉ་མ་རྣམས་ཀྱིས་ཆེན་པོ་བྱུང་བས།

༄༅། །མ་གཅིག་ཞ་མའི་རྣམ་ཐར་མདོར་བསྡུས།   མ་གཅིག་ཞ་མ། (འདི་ལོ་ཙཱ་བ་ཞ་མ་སེངྒེ་རྒྱལ་བ་མིན།) འདི་ཉིད་ཡབ་ཞ་མ་རྡོ་རྗེ་རྒྱལ་མཚན་དང་། ཡུམ་རྒྱ་གར་ལྷ་མོ་གཉིས་ལ་རབ་བྱུང་དང་པོའི་ཆུ་སྟག་ (ཕྱི་ལོ་ ༡༠༦༢) ལོར་ཡུལ་ཕ་དྲུག་ན་སྐུ་འཁྲུངས། སྐུ་ལུས་ལ་སྤྱིར་པདྨ་ཅན་གྱི་མཚན་རྣམས་དང་། བྱེ་བྲག་ཏུ་ལྟེ་བ་ན་པདྨ་དམར་པོ་རྩ་བ་གསུམ་པ། ནུ་མ་གཉིས་ཀྱི་བར་ན་རིན་པོ་ཆེའི་ཕྲེང་བ་གསུམ་སྐོར་དུ་ཡོད་པས་ལྟེ་བར་སླེབས་པ། ཕྲག་སོ་གཉིས་ལ་གཡུང་དྲུང་རིས་རེ། རྣ་བ་གཉིས་ཀྱི་རྒྱབ་ན་དུང་པདྨ་ལྟར་འཁྱིལ་བ་རེ། ལྕེའི་འོག་ན་རལ་གྲི་ཨུཏྤལ་ལའི་མདོག་ཅན་ཏཱཾ་ཡིག་གིས་མཚན་པ། སྨིན་མཚམས་ན་ཉི་ཟླའི་རྒྱལ་མཚན་འཁོར་ལོ་ཏོག་དང་བཅས་པ་ཡོད་པ་ཞིག་བྱུང་།

༄༅། །གནས་གསུམ་མཁའ་འགྲོའི་གཙོ་མོ་རྒྱལ་ཡུམ་ཡེ་ཤེས་མཚོ་རྒྱལ་གྱི་རྣམ་ཐར་ཐོས་པ་དོན་ལྡན་ཞེས་བྱ་བ་བཞུགས།   མཛད་པ་པོ་མི་གསལ།   གླེང་གཞི།   རྒྱལ་ཀུན་བསྐྱེད་ཡུམ་ཆོས་དབྱིངས་ཀུན་བཟང་མོ། །བོད་ཁམས་སྐྱོང་བའི་མ་གཅིག་དྲིན་མོ་ཆེ། ། དངོས་གྲུབ་མཆོག་སྩོལ་བདེ་ཆེན་མཁའ་འགྲོའི་གཙོ། །ཡེ་ཤེས་མཚོ་རྒྱལ་ཞབས་ལ་གསོལ་བ་འདེབས། ། གསང་སྔགས་རྒྱལ་པོ་བླ་མེད་མཆོག་གྲུབ་ནས། །མཐའ་ཡས་ཞིང་དུ་རྣམ་འཕྲུལ་རྒྱ་མཚོ་དང་། ། མཁའ་འགྲོ་མི་ཟད་འབར་བའི་སྤྲིན་འཕྲོ་བས། །གསང་སྔགས་སྤྱོད་པ་རྒྱ་མཚོ་མཐའ་ཡས་ཤོག ། ཅེས་འདོད་དོན་གསོལ་བ་བཏབ་སྟེ། རྒྱ་གར་གཞུང་གི་རྒྱལ་ཁབ་ཆེན་པོ་འདིར་སྔོན་བྱོན་རྒྱལ་བ་དེ་བཞིན་གཤེགས་པ་མཐའ་ཡས་པའི་ནང་ཚན་རྣམ་འདྲེན་བཞི་པ་ཤཱཀྱའི་དབང་པོའི་བསྟན་པར་མདོ་སྔགས་ཟུང་འཇུག་གི་འགྲོ་དོན་བསམ་གྱིས་མི་ཁྱབ་པ་མཛད། སྔར་ཡང་སྟོན་པ་ཉིད་ཐེག་དམན་གདུལ་བྱའི་སྣང་ངོར་མྱ་ངན་ལས་འདས་ཚུལ་བསྟན་མོད་དེ། ཞལ་ཆེམས་རྡོ་རྗེའི་བཀའ་ལུང་ལས། ང་ནི་མྱ་ངན་འདས་འོག་ཏུ༔ དྷ་ན་ཀོ་ཤའི་མཚོ་གླིང་དུ༔ པདྨ་འབྱུང་གནས་ཞེས་བྱ་བ༔ ང་ལས་ལྷག་པའི་སྐྱེས་བུ་འབྱུང༔ གསང་སྔགས་བླ་མེད་སྟོན་པར་འགྱུར༔ ཞེས་གསུངས་པ་བཞིན། གསང་སྔགས་རྡོ་རྗེ་ཐེག་པའི་སྟོན་པ་མ་ཧཱ་གུ་རུ་པདྨ་སམ་བྷ་ཝ། དྷ་ན་ཀོ་ཤའི་མཚོ་གླིང་དུ་ངོ་མཚར་པདྨའི་སྟེང་དུ་རང་བྱུང་སྤྲུལ་པའི་སྐུར་འབྱུང་ཞིང་གནས་པ་ཉིད། ཨོ་རྒྱན་གྱི་རྒྱལ་པོ་ཨིནྡྲ་བོ་དྷིས་སྤྱན་དྲངས་པ་ནས་རྒྱ་གར་དུ་གདུལ་བྱ་འགྲོ་དོན་སྣ་ཚོགས་སྤྲུལ་པའི་ཟློས་གར་གྱིས་ལོ་ངོ་ཆིག་སྟོང་བརྒྱད་བརྒྱ་མཛད། དེ་སྐལ་ནས་བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་གདན་དྲངས། རྒྱ་གར་པཎ་ཆེན་གྱིས་རྒྱ་གར་ཆོས་ཀྱི་བསྟན་པ་བོད་དུ་གསར་དུ་བཙུགས་པར་མཛད་དེ། རྒྱ་ཆོས་རྣམས་བོད་སྐད་དུ་བསྒྱུར་བར་མཛད། བཤད་སྒྲུབ་ཀྱི་སྲོལ་བཏོད་དོ། །ཞལ་སློབ་འཇའ་ལུས་གྲུབ་པ་དང་། གྲུབ་པ་ཐོབ་པ་ནམ་མཁའི་སྐར་ཚོགས་ལྟར་མང་བ་བྱུང་ཡང་ཐམས་ཅད་ཀྱི་གཙུག་ཕུད་དུ་གྱུར་པ་ནི། ཡེ་ཤེས་ཀྱི་མཁའ་འགྲོ་མི་མོར་སྣང་བ་ཡེ་ཤེས་མཚོ་རྒྱལ་མ་སྟེ། གང་གི་རྣམ་ཐར་རི་རྒྱལ་ལྷུན་པོ་ལྟར་ལྷ་མི་ཀུན་གྱིས་དཔག་པར་དཀའ་བའི་གནས་ལགས་ཀྱང་། འདིར་རྡུལ་ཕྲན་ཙམ་ཞིག་དགོད་དེ། ལྡན་འགའི་དད་པ་འདྲེན་པའི་རྟེན་ཞིག་ཏུ་འགྱུར་རམ་སྙམ། ཡེ་ཤེས་རྒྱ་མཚོ་གཏིང་དཔག་མི་མངོན་ཀློང་། །རྒྱལ་ཀུན་དགོངས་པའི་ཡིད་བཞིན་ནོར་བུས་མཛེས། །དགོས་འདོད་རེ་སྐོང་འོད་སྟོང་འབར་བ་ལས། །འགྲོ་ཁམས་མུན་སེལ་དཔལ་སྩོལ་རྒྱལ་བའི་ཡུམ། །ཨེ་གསང་སྐྱེ་མེད་བླ་མ་ཀུན་བཟང་མོ། །ཀ་ལྷུན་འགགས་མེད་ཡི་དམ་ཝ་ར་ཧི། །ཛ༔ བདེ་ཟག་མེད་མཁའ་འགྲོ་ཁྲོས་མ་ནག །ཏི་ལར་སྲིད་ཞིའི་བདག་མོས་དབང་བཞི་བསྐུར། །བདུད་བཞིའི་འཇིགས་བཅོམ་བདེ་ཆེན་དགའ་བཞིའི་ཀློང་། །སྣང་བཞིའི་རྩལ་རྫོགས་འཆི་མེད་སྐུ་བཞི་འགྲུབ། །ཆུ་བཞིའི་མཚོ་ལས་ཆད་མེད་ལས་བཞིའི་གྲུས། །རྒྱུད་བཞིའི་འགྲོ་སྒྲོལ་དུས་བཞིར་རྟག་བརྩོན་ཤོག །སྤྱིར་མདོ་ཡི་བསྟན་པ་ཚུལ་འཆོས་འཛིན་པའི་སྐབས་སུ་ཐུག །སྒོས་དམ་སྲི་འབྱུང་པོས་རྒྱལ་ཁམས་ཅི་མི་འདོད་པར་རྨོངས་མུན་རུབ་གནས་དུས་འདིར། གསང་ཆེན་བླ་ན་མེད་པའི་འོད་བརྒྱ་འཆར་བའི་སྔ་ལྟས་བཟང་པོའི་སྐྱ་རེངས་བཏེག་པས་ཕྱོགས་དུས་རྒྱལ་བའི་ཡེ་ཤེས་སྐུ་མཆོག་རིགས་སྔགས་འཆང་ཡབ་ཡུམ་གྱི་ཐུགས་རྗེ་དཔག་ཏུ་མེད་པའི་སྐུ་གསུང་ཐུགས་ཡོན་ཏན་འཕྲིན་ལས་མི་ཟད་རྒྱན་གྱི་འཁོར་ལོའི་རྣམ་ཐར་ལྟ་ཅི་སྨོས། མཚན་ཙམ་ཐོས་པ་ཡང་དོན་ཆེན་དང་ལྡན་ཞིང་། སྙིགས་མའི་རྒུད་པ་སེལ་བ་ལ་མཆོག་ཏུ་བསྔགས་ཕྱིར་རྒྱ་གར་གཞུང་ནས་རྫོགས་ལྡན་དགའ་སྟོན་གསར་དུ་སྤེལ་བའི་མཐུན་རྐྱེན་ལས་ཁུངས་སུ་འདུ་བྱེད་བསྒྱུར་བ་དགེ་ལེགས་འཕེལ།   …

༄༅། །ཟབ་ཏིག་དགོངས་པ་འདུས་པ་ལས༔ ཡེ་ཤེས་མཁའ་འགྲོའི་རྣམ་ཐར་བསྡུས་པ་ཨུཏྤལ་ཕྲེང་བ་བཞུགས་སོ༔   ཨ་བཾ་གཏེར་སྟོན་དཔའ་བོ་ཆོས་དབྱིངས་རྡོ་རྗེས།   རྒྱ་གར་སྐད་དུ༔ ན་མོ་ཌཱཀྐི་ཛྙཱ་ན་སཾ་ག་ར༔ བོད་སྐད་དུ༔ མཁའ་འགྲོ་ཡེ་ཤེས་མཚོ་རྒྱལ་ལ་ཕྱག་འཚལ་ལོ༔ ཨེ་མ་ཧོ༔ ངོ་བོ་ཀ་དག་བཟང་མོ་ཡུམ་ཆེན་དབྱིངས༔ རང་བཞིན་ལྷུན་གྲུབ་སྒྱུ་འཕྲུལ་མཁའ་འགྲོའི་ཚོགས༔ ཐུགས་རྗེ་ཟུང་འཇུག་ཡེ་ཤེས་མཚོ་རྒྱལ་ལ༔ རྟག་ཏུ་མི་ཕྱེད་དད་པས་ཕྱག་འཚལ་ལོ༔ ཡེ་ཤེས་དབྱིངས་ཀྱི་མཁའ་འགྲོ་འདི་ཉིད་ཀྱིས༔ འཇིག་རྟེན་འདི་དང་ཞིང་ཁམས་བསམ་ཡས་སུ༔ རྫུ་འཕྲུལ་མཛད་པ་ཚད་བཟུང་ལས་འདས་ཀྱང༔ འདི་རུ་ཤིན་ཏུ་བསྡུས་ཏེ་ཅུང་ཟད་བསྟན༔

༄༅། །ཌཱ་ཀི་ཡེ་ཤེས་མཚོ་རྒྱལ་གྱི་རྣམ་ཐར་དོན་བསྡུས་སྙིང་པོ་བཞུགས༔ སྐབས་ལྔ་པའོ༔   ཁམས་པ་ཨོ་རྒྱན་རིན་ཆེན་གླིང་པ།   ཨོ་རྒྱན་མཁའ་འགྲོའི་སྐད་དུ༔ དྷུ་མ་ག་ཡ་ས་ཐ་ནཱ་མ༔ བོད་སྐད་དུ༔ མཚོ་རྒྱལ་གྱི་རྣམ་ཐར་དོན་བསྡུས་སྙིང་པོ་ཞེས་བྱ་བ༔ ཕྱོགས་བཅུ་དུས་བཞིའི་རྒྱལ་བ་སྲས་བཅས་ཀྱི༔ སྐུ་གསུང་ཐུགས་ཡོན་འཕྲིན་ལས་རྫོགས་པའི་དཔལ༔ མཁའ་འགྲོ་ཡོངས་ཀྱི་སྤྱི་དཔལ་ཧེ་རུ་ཀ༔ མ་ཧཱ་གུ་རུ་མཚོ་སྐྱེས་རྗེ་ལ་འདུད༔ ད་ལྟ་བཞུགས་དང་ཕྱི་རབས་སྐལ་ལྡན་གྱི༔ དད་དང་མོས་གུས་དྭངས་བ་འདྲེན་པའི་ཕྱིར༔ ཁོ་མོའི་རྣམ་ཐར་དོན་བསྡུས་སྙིང་པོ་ཞིག༔ འདི་རུ་བཀོད་པས་སྐལ་བཟང་དགའ་བས་ཉོན༔

༄༅། །མཁའ་འགྲོ་ཡེ་ཤེས་མཚོ་རྒྱལ་གྱི་རྣམ་ཐར་ཨུཏྤལ་པདྨའི་ཕྲེང་བ་ཞེས་བྱ་བ་བཞུགས་སོ༔ ༔   ན་མོ་ཌ་ཀི་ཛྙཱ་ན་ས་གྷ་ར༔ ཨེ་མ་ཧོ༔ དབྱིངས་སྣང་ཁྱབ་བརྡལ་འོག་མིན་ཞིང་ཁམས་སུ༔ ཡུམ་ཆེན་ཆོས་སྐུ་ཀུན་ཏུ་བཟང་མོ་ཉིད༔ མ་འགགས་རོལ་རྩལ་ལྷུན་གྲུབ་བཀོད་པའི་ཞིང༔ སྒྱུ་འཕྲུལ་ལོངས་སྐུ་བཛྲ་ཝ་ར་ཧི༔ གང་སྣང་ཕྱོགས་བཅུར་དག་པའི་ཞིང་ཁམས་ནས༔ སྤྲུལ་པའི་ཟློས་གར་དབྱངས་ཅན་ལྷ་མོ་ཞེས༔ སྐུ་གསུམ་མཁའ་འགྲོའི་ཚོགས་ལ་གུས་ཕྱག་འཚལ༔ མི་མཇེད་འཇིག་རྟེན་བྱེ་བ་ཕྲག་བརྒྱའི་ཞིང༔ གང་འདུལ་སྤྲུལ་པའི་མཛད་པ་བསམ་མི་ཁྱབ༔ དེ་ཉིད་ཆ་ཤས་སྐྲ་རྩེའི་ཟག་མ་ཙམ༔ འདི་རུ་སྤྲོས་པ་ལྷག་བསམ་དག་པའི་མཐུས༔ མ་འོངས་དད་གུས་དང་བ་འདྲེན་ཕྱིར་བཀོད༔

༄༅། །མཁའ་འགྲོའི་གཙོ་མོ་ཡེ་ཤེས་མཚོ་རྒྱལ་གྱི་རྣམ་ཐར་མདོར་བསྡུས་སྒོ་ནས་གསོལ་བ་འདེབས་པ་མོས་གུས་གདུང་བའི་ཏམྦུ་ར་བཞུགས་སོ། །   ཀོང་སྤྲུལ་པདྨ་གར་དབང་བློ་གྲོས་མཐའ་ཡས།   ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ། ཀུན་ཏུ་བཟང་མོ་ཤེས་རབ་ཕ་རོལ་ཕྱིན། །དབྱིངས་ཕྱུག་རྒྱལ་ཡུམ་རྡོ་རྗེ་རྣལ་འབྱོར་མ། །དབྱངས་ཅན་ལྷ་མོ་ཡེ་ཤེས་མཚོ་རྒྱལ་ཞབས། །བླ་མ་སྐུ་གསུམ་མཁའ་འགྲོར་གསོལ་བ་འདེབས། །ཆོས་འཕགས་དྲུང་དུ་སྨོན་ལམ་ཆེན་པོ་ཐེབས། །ཐུབ་པའི་སྤྱན་སྔར་གངྒཱའི་ལྷ་མོར་སྤྲུལ། །དག་པའི་ཞིང་དུ་འཕགས་མ་དབྱངས་ཅན་མའི། །སྐུ་ཡི་བཀོད་པར་བསྟན་ལ་གསོལ་བ་འདེབས། །

༄༅༔ བོད་ཀྱི་ཇོ་མོ་ཡེ་ཤེས་མཚོ་རྒྱལ་གྱི་མཛད་ཚུལ་རྣམ་པར་ཐར་པ་གབ་པ་མངོན་ཕྱུང་རྒྱུད་མངས་དྲི་ཟའི་གླུ་ཕྲེང་བཞུགས་སོ༔     དཔའ་བོ་སྟག་ཤམ་རྡོ་རྗེའི་གཏེར་ནས་བཏོན།   སྐུ་གསུམ་ཇོ་མོའི་རྣམ་ཐར་སྐབས་དོན་བརྒྱད་པ༔ ཨྠིྀ ཟབ་རྒྱ༔ ན་མོ་གུ་རུ་དྷེ་བ་ཌཱཀྐི་ནིབྷཻ༔ བླ་མ་མཁའ་འགྲོའི་ཚོགས་ལ་ཕྱག་འཚལ་ལོ༔ སྣང་བ་མཐའ་ཡས་མགོན་པོ་སྤྱན་རས་གཟིགས༔ གང་དེའི་ཐུགས་རྗེའི་རྣམ་འཕྲུལ་པདྨ་འབྱུང༔ སྟོན་པ་མཆོག་གསུམ་འགྲོ་བའི་མགོན༔ བརྒྱུད་པའི་བླ་མ་ཐམས་ཅད་བདག་གིས་མཆོད༔ བདེ་ཆེན་དཀར་མོ་དུས་གསུམ་རྒྱལ་བའི་ཡུམ༔ ཆོས་སྐུ་མཁའ་འགྲོ་བདེ་ཆེན་ཀུན་ཏུ་བཟང༔ ལོངས་སྐུའི་མཁའ་འགྲོ་རྡོ་རྗེ་རྣལ་འབྱོར་མ༔ སྤྲུལ་སྐུའི་མཁའ་འགྲོ་མཚོ་རྒྱལ་མ་ལ་འདུད༔

༄༅། །བླ་མ་ནོར་བུ་རྒྱ་མཚོ་ལས༔ ཡེ་ཤེས་མཚོ་རྒྱལ་གྱི་རྣམ་ཐར་རྒྱས་པར་བཀོད་པ་བཞུགས་སོ༔   རིག་འཛིན་པདྨ་གླིང་པས་ལྷོ་བྲག་སྨན་མདོའི་བྲག་སེང་གེའི་གདོང་པ་ཅན་ནས་གདན་དྲངས་པ།   ཆོས་སྐུ་སྣང་བ་མཐའ་ཡས༔ ལོངས་སྐུ་ཐུགས་རྗེ་ཆེན་པོ༔ སྤྲུལ་སྐུ་པདྨ་འབྱུང་གནས༔ སྐུ་གསུམ་འགྱུར་མེད་ཀྱི་ལྷ་ལ་ཕྱག་འཚལ་ལོ༔ མི་བརྗེད་པའི་གཟུངས་ཐོབ་པ་དབྱངས་ཅན་མའི་སྤྲུལ་པ༔ ཡེ་ཤེས་མཚོ་རྒྱལ་གྱི་རྣམ་པར་ཐར་པ་རྒྱས་པར་བཀོད་པ་འདི༔ མ་འོངས་པའི་སེམས་ཅན་ཆོས་ལ་སྤྲོ་བ་བསྐྱེད་པའི་ཕྱིར་གསུངས་སོ༔