དཔལ་ནཱ་ལེནྡྲ། བྱོན་པ་ལེགས།

ཇོ་བོ་རྗེ་དཔལ་ལྡན་ཨ་ཏི་ཤའི་སྐུ་བརྙན་བྱོན་གཙང་འདི་ཉིད་དང་། འབྲོམ་སྟོན་རྒྱལ་བའི་འབྱུང་གནས་ཀྱིས་མཛད་པའི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་གསོལ་འདེབས་འདི་གཉིས་ཇོ་བོའི་འཁྲུངས་ཡུལ་བྷང་གྷ་ལའི་ཡུལ་གྱི་དྷརྨ་རཀྵི་ཏའི་གཙུག་ལག་ཁང་དུ་བཞུགས་སུ་གསོལ་ཡོད། ཁོང་ཚོར་ཇོ་བོའི་གསུང་མདོ་ཕྱོགས་དང་སྔགས་ཕྱོགས་སྐོར་ཤིང་དཔར་པོད་གཅིག་ཙམ་བཞུགས་ཡོད་འདུག  

སྐྱེ་དགུའི་བདག་མོ་ཆེན་མོའི་རྣམ་ཐར་སྙིང་བསྡུས།   དེ་རིང་ངོ་སྤྲོད་ཞུ་རྒྱུའི་ལས་གཞི་འདི། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༠༨ ཟླ་བ་ ༡ ཚེས་ ༦ ཉིན་མོན་གྷོ་བཙུན་དགོན་བྱང་ཆུབ་ཆོས་གླིང་དུ་དམིགས་བསལ་གལ་ཆེའི་ལམ་སྟོན་བཀའ་སློབ་འདི་འདྲ་ཞིག་ཕེབས་ཡོད། བཅོམ་ལྡན་འདས་ཀྱི་སྐུ་དུས་ནས་བཟུང་སྟེ་སྐྱེ་དགུའི་བདག་མོ་སོགས་ལོ་རྒྱུས་ཁུངས་ལྡན་ཡོད་པ་དེ་དག་གི་སྐུ་ཐང་ཞིག་འབྲི་ཐུབ་ན་ཡག་པོ་མེད་དམ་སྙམ་པ་ཞིག་བྱུང་། དེ་ནི་ང་ཚོས་སྐད་ཆ་གསར་པ་བཤད་ནས་བཟོས་པ་ལྟ་བུ་ཞིག་མིན་པར་བཅོམ་ལྡན་འདས་ཀྱི་སྐུ་དུས་ནས་དགེ་སློང་མ་ཡོད་པ་དེ་དག་དང་།

༄༅། །གངས་ཤུག་མ་ཎི་ལོ་ཆེན་རིག་འཛིན་ཆོས་ཉིད་བཟང་མོའི་རྣམ་པར་ཐར་པ་རྣམ་མཁྱེན་བདེ་སྟེར་ཞེས་བྱ་བ་བཞུགས་སོ། །   བགྲང་དུ་མེད་པའི་བསྐལ་པ་རྒྱ་མཚོར་ཚོགས་གཉིས་ཡོངས་སུ་རྫོགས། །སྲིད་ཞིའི་མཐའ་ལས་རྣམ་པར་བརྒལ་ཏེ་བྱང་ཆུབ་མཆོག་གི་སར་བཞུགས་ཀྱང་། །ཇི་ལྟ་ཇི་སྙེད་མཁྱེན་པའི་ཡེ་ཤེས་འགྱུར་མེད་བདེ་བ་དང་འགྲོགས་ནས། །འགྲོ་ལ་རྗེས་བརྩེས་སྣ་ཚོགས་སྐུར་སྟོན་ཁྱབ་བདག་དཔལ་ལྡན་བླ་མར་འདུད། །ཀ་དག་རང་བྱུང་རྒྱལ་ཀུན་དགོངས་པ་རྟོགས། །ལྷུན་གྲུབ་འོད་གསལ་སྙིང་རྗེས་འགྲོ་ཀུན་འདྲེན། །ཐེག་མཆོག་བསྟན་པའི་རྒྱལ་མཚན་འཛིན་པའི་རྗེ། །སྐྱབས་མགོན་པདྨ་རྒྱ་མཚོར་སྙིང་ནས་འདུད། །

༄༅། །ས་སྐྱའི་གདུང་རབས་རྗེ་བཙུན་རྟ་མགྲིན་དབང་མོའི་ལོ་རྒྱུས་བཞུགས་སོ།།   མཛད་པ་པོ་མི་གསལ།   དེ་ཡང་ཡབ་རྗེ་སྔགས་འཆང་ཀུན་དགའ་རིན་ཆེན་གྱི་བཙུན་མོ་ཡོངས་གྲགས་ཀྱི་གཉིས་པ་བསམ་ལྟེ་མ་ཡུམ་མཆོག་ཉི་ཟླ་དབང་མོར་གྲགས་པ་ལས། རིགས་སྲས་གདུང་སྲས་ཟུང་དང་རྗེ་བཙུན་མ་སྐུ་མཆེད་གསུམ་བཅས་ལྕམ་སྲིང་ལྔ་ཙམ་འཁྲུངས་པ་ལས། གཅེན་མོ་སྐུ་བགྲེས་པ་ནི་བདག་གི་སྐྱབས་གཅིག་རིགས་བརྒྱའི་ཁྱབ་བདག་རྗེ་བཙུན་རྟ་མགྲིན་དབང་མོ་སྐལ་བཟང་ཆོས་ཀྱི་ཉི་མ་དེ་ཉིད་ནི། མེ་སྤྲེལ་ལོར་སྐུ་བལྟམས་པ། གཞོན་ནུ་ནས་གཅེན་པོ་རྡོ་རྗེ་རིན་ཆེན་དང་ལྷན་དུ་གུས་པའི་དཔོན་སློབ་ཡོངས་འཛིན་མ་ཏིས་མུ་ཏྲ་དེ་ཉིད་གནས་ཀྱི་སློབ་དཔོན་དུ་བསྐོ་བཞག་སྩལ་བར་བསྟེན་གནང་གིས་ཀློག་འདོན་ཆོས་སྤྱོད་རྣམས་རྗེ་བཙུན་མ་ཡིན་ཡང་སྐུ་གདུང་དང་འདྲ་བར་སྦྱོང་བརྡར་གནང་བ་དང་།

༄༅། །རྗེ་བཙུན་མི་འགྱུར་དཔལ་སྒྲོན་གྱི་རྣམ་ཐར།   ༈ རྗེ་བཙུན་མི་འགྱུར་དཔལ་གྱི་སྒྲོན་མ་ནི། དབྱིངས་ཀྱི་ཡུམ་ཆེན་ཀུན་ཏུ་བཟང་མོ་ཉིད་རྣམ་པ་གངས་ཅན་མི་མོའི་ཚུལ་གྱིས་གླིང་འདིར་བྱོན་པར་གསུངས་ཏེ། སྒྲ་ཐལ་འགྱུར་རྩ་བའི་རྒྱུད་ལས། དེ་ནས་མཁའ་འགྲོ་དཔལ་འཛིན་མས། །བསྟན་པ་འདི་ཉིད་བཟུང་ནས་ནི། །ཚེ་ལོ་བཅུ་པའི་དུས་ངན་དར། །དེ་ནས་མི་གནས་རང་ས་འོ། །ཞེས་དང་། ཤ་འུག་གཏེར་བྱོན་གབ་རྒྱའི་ལུང་བྱང་དུམ་བུ་མཐའ་མ་ལས་ཀྱང་། ཁྱད་པར་བདེ་གཤེགས་ཀུན་འདུས་མན་ངག་འདི༔ འཆང་བྱེད་སྣོད་ལྡན་ཆོས་ཀྱི་བདག་པོ་ནི༔

༄༅། །རྗེ་བཙུན་མི་འགྱུར་དཔལ་གྱི་སྒྲོན་མའི་རྣམ་ཐར་དད་པའི་གདུང་སེལ་བཞུགས་སོ། །   མཛད་པ་པོ། ཁྱུང་པོ་རས་པ་གྲུབ་དབང་འགྱུར་མེད་འོད་གསལ།   ཨོཾ་སྭ་སྟི། སྐྱབས་གནས་ཀུན་འདུས་ཀྱི་ངོ་བོ་བདེ་ཆེན་ཌཱཀྐིའི་གཙོ་མོ་བསླུ་མེད་མཆོག་གི་ཞབས་ལ་གུས་པས་ཕྱག་འཚལ་ལོ། །གདོད་ནས་མི་འགྱུར་ཆོས་དབྱིངས་ནམ་མཁའ་ལ། །འགག་མེད་རང་མདངས་འགྲོ་བའི་དཔལ་གཅིག་པུར། །ཡོངས་ཤར་མ་རིག་མུན་སེལ་སྒྲོན་མེ་མཆོག །རིགས་ཀུན་བདག་ཉིད་ཁྱབ་བདག་བླ་མར་འདུད། །

༄༅། །ཞིང་འདི་སྐྱོང་བའི་གུང་རུ་ཡེ་ཤེས་ཀྱི་མཁའ་འགྲོ་མའི་འཁྲུངས་རབས་བཤད་པ།   མདོ་སྨད་རྒན་གྱའི་ལོ་རྒྱུས་ལས་བཏུས།   ད་ནི་དཔལ་འཁོར་ལོ་སྡོམ་པའི་ཕོ་བྲང་གཉའ་གོང་བྲག་དཀར་གྱི་གནས་ཀྱི་བདག་པོའི་ཚུལ་དུ་སྐུའི་སྒྱུ་འཕྲུལ་བསྟན་པ་གུང་རུ་ཡེ་ཤེས་ཀྱི་མཁའ་འགྲོ་མའི་སྐུ་ཕྲེང་རིམ་བྱོན་རྣམས་ཇི་ལྟར་བྱོན་ཚུལ་འཆད་པ་ལ། སྡེ་ཁྲི་འཇམ་དབྱངས་ཐུབ་བསྟན་ཉི་མས་མཛད་པའི་རྗེ་འདིའི་འཁྲུངས་རབས་གསོལ་འདེབས་ལས། དཔལ་ལྡན་བདེ་ཆེན་ཡེ་ཤེས་སྒྱུ་མའི་གར། །ཁྱབ་བདག་མགོན་པོ་ཧེ་རུ་ཀ་དཔལ་མཆོག ། སྙོམས་འཇུག་ལྷན་སྐྱེས་དགའ་བ་སྦྲང་རྩིའི་རོས། །ཚིམ་མཛད་རྡོ་རྗེ་ཕག་མོ་ལ་ཕྱག་འཚལ། །

གུང་རུ་མཁའ་འགྲོ་མ།   མདོ་སྨད་རྒན་རྒྱ་ཁུལ་དུ་བྱུང་བའི་བུད་མེད་ཀྱི་སྤྲུལ་སྐུ་ཞིག་སྟེ། འདིའི་སྐུ་ཕྲེང་དང་པོ་ལྷ་རྩེ་དཔོན་མོ་བསོད་ནམས་རྒྱན། དེའི་སྐུ་ཕྲེང་གཉིས་པ་མདོ་སྨད་ཁུལ་དུ་འཁྲུངས་པ་བློ་བཟང་ཆོས་སྒྲོན། སྐུ་ཕྲེང་གསུམ་པ་བློ་བཟང་སྒྲོལ་མ། སྐུ་ཕྲེང་བཞི་པ་དཀོན་མཆོག་ཆོས་སྒྲོན། (གུང་ཐང་བསྟན་པའི་སྒྲོན་མེ་དང་དུས་མཚུངས) སྐུ་ཕྲེང་ལྔ་པ་དཀོན་མཆོག་རིག་འཛིན་སྒྲོལ་མ། སྐུ་ཕྲེང་དྲུག་པ་དཀོན་མཆོག་རིག་འཛིན་དཔལ་མོ་བཅས་མཚན་ཐོ་ཙམ་སྐུ་འབུམ་གདན་རབས་ལས་གསལ་ཞིང་། སྐུ་ཕྲེང་དྲུག་པ་འདིའི་དྲུང་ནས་ཐུའུ་བཀྭན་ཡོངས་འཛིན་བསྟན་པ་རྒྱ་མཚོས་ཆོས་འབྲེལ་མང་པོ་གསན་པ་དང༌།

༄༅། །བསམ་སྡིངས་རྡོ་རྗེ་ཕག་མོའི་འཁྲུངས་རབས་དང་སྐུ་ཕྲེང་རིམ་བྱོན་གྱི་མཛད་རྣམ།   མཛད་པ་པོ་བདེ་ཆེན་ཆོས་སྒྲོན་དང་གྲྭ་ཐུབ་བསྟན་རྣམ་རྒྱལ།   བདེ་ཆེན་ཡེ་ཤེས་མཆོག་གི་དཔའ་བོ་དང་། །མཉམ་སྦྱོར་རྒྱལ་ཀུན་སྐྱེས་པའི་ཡུམ་ཆེན་མོ། །གཞི་དབྱིངས་རྡོ་རྗེ་དགའ་མ་ཝ་ར་ཧི། །མཁའ་འགྲོ་འབར་བའི་དབང་ཕྱུག་དེ་ལ་འདུད། །ཅེས་མཆོད་པར་བརྗོད་པ་སྔོན་དུ་བཏང་ནས། རྡོ་རྗེ་ཕག་མོའི་སྔོན་བྱུང་འཁྲུངས་རབས་དང༌། སྐུ་ཕྲེང་རིམ་བྱོན་གྱི་མཛད་རྣམ་མདོར་བསྡུས།   ༈ དང་པོ་རྡོ་རྗེ་ཕག་མོའི་སྔོན་བྱུང་འཁྲུངས་རབས།

༄༅། །དམྱལ་བ་མི་ཡུལ་གྱི་ས་མཚམས་ཤི་གསོན་གཉིས་ཀྱི་བཀའི་འཕྲིན་པ་སྣང་ས་ངན་སོང་གནས་སུ་བྱོན་སྐབས་འཁོར་འདས་ཆོས་རྒྱལ་ཆེན་པོས་དཀར་ནག་དབྱེ་འབྱེད་མཛད་པའི་འབྲས་བུའི་རྣམ་ཐར་ནས་མདོ་ཙམ་བསྡུས་པ་བཞུགས་སོ།།   བླ་མ་དཀོན་མཆོག་སྐྱབས་ཡུལ་རྣམས་ལ་གུས། ། ཉམ་ཐག་འགྲོ་བ་རྣམས་ལ་ལྷག་པར་བྱམས། ། དྲན་པ་ཙམ་གྱིས་ཡིད་ལ་དགའ་སྟེར་བའི། ། ཟབ་གསལ་སྣང་སའི་ཐུགས་ལ་བདག་བསྟོད་དོ། །