དཔལ་ནཱ་ལེནྡྲ། བྱོན་པ་ལེགས།

  ༄༅། །མཁའ་འགྲོ་མའི་བཀའ་ཆེན་གྱི་ཐིམ་ཡིག་དང་མཁའ་འགྲོ་མཚོ་རྒྱལ་གྱི་སྐྱེས་རབས་ལེའུ་བདུན་པ༔བཞུགས་སོ༔ ལེགས་སོ༔   ལྷུན་གྲུབ་མཁའ་འགྲོ་མ་ལ་ཕྱག་འཚལ་ལོ༔ མཁའ་འགྲོ་བཀའ་ཆེན་གྱི་ཐིམ་ཡིག་འདི་ལ༔ སྐབས་གསུམ་གྱིས་སྟོན་ཏེ༔ དང་པོ་ལོ་རྒྱུས་བསྟན་ཆེན་ནག་པོ་དང་ལྔ༔ མཁའ་རི་ལྕམ་སྲིང་གི་སྲོག་སྒྲུབ་ནག་པོ་དང་དྲུག་གོ༔ འདི་ལས་མང་ཉུང་ལྷག་ཆད་ཡོད་པས་སྤང་བར་བྱ༔ གསུམ་པ་ལུང་བསྟན་གཏད་རྒྱ་བསྟན་པ་ནི༔ དུས་ཀྱི་སྙིགས་མ་ལྔའི་ཚེ༔ ཆོས་དར་ལ་མ་སྨིན་པས་ཆོས་དཔོན་ལོག་པའི་འཁྲུག་དཔོན་འབྱུང༔

༄༅། །མཁའ་འགྲོ་ཡེ་ཤེས་མཚོ་རྒྱལ་གྱི་སྐྱེས་རབས་རྣམ་ཐར་རྒྱས་པ་ཞེས་བྱ་བ་བཞུགས།།   (རྡོ་རྗེ་གླིང་པས་གཏེར་ནས་བཞེས།) ཨེ་མ་ཧོ༔ དུས་གསུམ་རྣམ་དག་ཀ་དག་དུས་ཀྱི་ཚེ༔ བཀའ་བབ་བརྒྱུད་པའི་བྱིན་རླབས་གནས་ཀྱི་ཚེ༔ ཞག་སྟོད་དུས་གྲོ་ལྷོ་བྲག་མཁར་ཆུ་དང་༔ སྲིན་མོ་སྤར་ཟའི་དམྱལ་སྨད་དགེ་རི་བྲག༔ ཨུ་རྒྱན་པདྨའི་སྒྲུབ་ཕུག་བྱིན་རླབས་གནས༔ ཁོ་མོ་བདག་གི་སྙིང་གི་མདངས་ལ་གནས༔ ལས་ཅན་དོན་དུ་རི་བྲག་ལུང་པ་རྣམས༔ ཨུ་རྒྱན་ཁོ་མོ་གཉིས་ཀྱིས་བསྒྲུབས་ཕྱིར་ཡིན༔

གཞན་དང་མི་འདྲ་བའི་ནང་ཆོས་ཀྱི་ཁྱད་ཆོས།   ༄༅། །ནང་པའི་ཆོས་ཞེས་པ་ནི། དད་པ་གཅིག་པུའི་ཐོག་ནས་འགྲོ་རྒྱུ་ཞིག་ཆགས་མེད། སྔོན་རྒྱ་གར་གྱི་ཕྱི་ནང་གི་གྲུབ་མཐའ་སྨྲ་བ་མང་པོས་བདར་ཤ་བཅད་ནས་རྟག་པ་རང་བྱུང་གི་སྐྱེས་བུ་འདོད་ན་སྐྱོན་གང་ཞིག་ཡོད་པ་བགྲོ་གླེང་བྱེད་པ་དང་། དེ་བཞིན་འཁོར་འདས་ཀྱི་བདེ་སྡུག་མྱོང་མཁན་གྱི་ཕུང་པོ་ལས་དོན་གཞན་པའི་བདག་ཅེས་པ་ཞིག་བཤད་ན་འགལ་འདུ་གང་འདྲ་ཡོད་པ་དེ་རིགས་ཧ་ཅང་ཞིབ་ཚགས་ཀྱིས་རྒྱ་གར་མཁས་པའི་གཞུང་དུ་གཏན་ལ་ཕབ་ནས་ཡོད།

ཟླ་གྲགས་ཀླུ་སྒྲུབ་ཀྱི་དངོས་སློབ་ཡིན་མིན་ལ་དཔྱད་པ།   སྒོ་མང་བྱམས་པ་ཆོས་ལྡན།   བླ་མ་རྡོ་རྗེ་གདན་པས་གྲུབ་ཐོབ་བརྒྱད་ཅུ་བསྟོད་པ་ལས། འཇམ་དཔལ་སྐུ་ཡི་སྤྲུལ་པར་འཁྲུངས། །ཀླུ་སྒྲུབ་དགོངས་པ་ཐུགས་སུ་ཆུད། ། ཟླ་བ་གྲགས་པ་ཞེས་བྱ་བའི། །བླ་མ་དེ་ལ་ཕྱག་འཚལ་ལོ། ། ཞེས་གསུངས་པ་ལྟར། ཐལ་འགྱུར་བའི་སློབ་དཔོན་ཆེན་པོ་དཔལ་ལྡན་ཟླ་བ་གྲགས་པ་དེ་ཉིད་སློབ་དཔོན་ཀླུ་སྒྲུབ་ཀྱི་དངོས་སློབ་ཡིན་མིན་དཔྱད་པ་ལ། དངོས་སློབ་མ་ཡིན་པར་འདོད་པའི་ལུགས་དང་། དངོས་སློབ་ཡིན་པར་འདོད་པའི་ལུགས་གཉིས་ལས།

འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ།   ༄༅༅། །རྒྱ་གར་སྐད་དུ། ཨཱརྱཱ་བ་ལོ་ཀི་ཏེ་ཤྭ་རཱ་ཡ་སྟོ་ཏྲ། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། འཇིག་རྟེན་དབང་ཕྱུག་ལ་ཕྱག་འཚལ་ལོ། །པདྨ་དཀར་པོ་འདབ་བརྒྱད་ཀྱི། །གེ་སར་དཀྱིལ་ན་སྤྱན་རས་གཟིགས། །མན་འཛིའི་རི་དང་མཆོད་ཕྲེང་གཡས། །གཡོན་པ་པདྨོ་ཞགས་པ་འཛིན། །སྤྱན་གསུམ་དབུ་ལ་འོད་དཔག་མེད། །ཤེལ་གྱི་རི་ལྟར་དཀར་བ་སྟེ། །རིན་ཆེན་རྒྱན་གྱིས་རྣམ་པར་སྤྲས། །མ་ཆགས་དཀྱིལ་འཁོར་གཙོ་ལ་བསྟོད། །

༄༅། །བཅོམ་ལྡན་འདས་འཕགས་པ་འཇམ་དཔལ་གྱི་བསྟོད་པ་བྱིན་རླབས་ཅན་དང་བཅས་པ།།   ༄༅༅། །རྒྱ་གར་སྐད་དུ། བྷ་ག་བཱན་ཨཱརྱ་མཉྫུ་ཤྲཱི་ཨ་དྷི་ཥྛ་ན་དྷུ་ཏི། བོད་སྐད་དུ། བཅོམ་ལྡན་འདས་འཕགས་པ་འཇམ་དཔལ་གྱི་བསྟོད་པ་བྱིན་རླབས་དང་བཅས་པ། བཅོམ་ལྡན་འདས་འཕགས་པ་འཇམ་དཔལ་ལ་ཕྱག་འཚལ་ལོ། །འཇམ་དབྱངས་ཕྱོགས་བཅུའི་དེ་བཞིན་གཤེགས་པ་བྱེ་བ་རྣམས་ཀྱིས་བསྟོད་པར་འགྱུར་མོད་དེ་ལྟ་ནའང་། །བསམ་པ་བླུན་པོའང་བླ་མ་ལ་གུས་དབང་གིས་ཀྱང་ནི་ཁྱོད་ཀྱི་ཡོན་ཏན་བརྗོད་བགྱི་སྟེ། །

༄༅། །སངས་རྒྱས་གཉིས་པ་དབྱིག་གཉེན་ལ་བསྟོད་པ་དད་པའི་སྒོ་འབྱེད་ཅེས་བྱ་བ་བཞུགས་སོ། །   ༼རྫོགས་ཆེན་མཁན་པོ་ཐུབ་བསྟན་སྙན་གྲགས་(འཁྲུངས་དུས། དུས་རབས་༢༠པ།)༽   ༄༅། །རྣམ་འདྲེན་སྟོན་མཆོག་ཤཱཀྱའི་རྒྱལ་པོ་དེའི། །བདེན་གསུང་ལུང་གིས་རྒྱ་ཆེན་སྤྱོད་པ་ཡི། །རྨད་བྱུང་ཤིང་རྟའི་སྲོལ་འབྱེད་བསྔགས་པའི་མགོན། །སངས་རྒྱས་གཉིས་པ་དབྱིག་གཉེན་གྲགས་པ་ཡི། །མཚན་གྱི་གདུགས་དཀར་སྲིད་པ་གསུམ་ཉིད་ཀྱི། །བླ་རུ་མཐོ་བར་གྱུར་དེར་བསྟོད་པར་བགྱི། །

༄༅། །བོད་ཀྱི་རྩོམ་རིག་འཕེལ་རྒྱས་ལོ་རྒྱུས་ཐོག་གི་དུས་རབས་གསར་འབྱེད་མཁན་ཤོང་ལོ་རྡོ་རྗེ་རྒྱལ་མཚན་གྱི་ཕྱག་རྗེས་མདོ་ཙམ་བརྗོད་པ། སྒྲིག་རྩོམ་མཁན། ཆབ་སྤེལ་ཚེ་བརྟན་ཕུན་ཚོགས། ནོར་བྲང་ཨོ་རྒྱན། ས་སྐྱའི་དབང་འཛིན་དུས་རབས་སུ་བོད་ཀྱི་རིག་གནས་འཕེལ་རྒྱས་བྱུང་ཚུལ་རགས་ཙམ་ཞིག་གོང་དུ་བརྗོད་པ་ལྟར་དེའི་ནང་། ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་མཆོག་ནི་རང་ཅག་བོད་མི་རིགས་ཀྱི་གནའ་བོའི་རྩོམ་རིག་སྒྱུ་རྩལ་དེ་ཆུ་ཚད་གསར་པ་ཞིག་ཏུ་གོང་སྤེལ་གཏོང་བའི་ཐད། ཁྱད་དུ་འཕགས་པའི་ཕྱག་རྗེས་འཇོག་གནང་མཛན་མཁན་ལོ་རྒྱུས་ཐོག་གི་མཁས་པའི་དབང་པོ་གཞན་དྲིང་མི་འཇོག་པ་ཞིག་ཡིན།

བོད་ཀྱི་ནང་ཆོས་ནཱ་ལེནྡྲ་ནས་བརྒྱུད་ཚུལ། རང་རེ་བོད་ལ་སངས་རྒྱས་ཀྱི་ཆོས་ཡོད་པ་དེ་ནམ་རྒྱུན་རྗོད་བཞིན་པ་ལྟར། དཔལ་ནཱ་ལེནྡྲ་ནས་བརྒྱུད་པ་དང་། ནཱ་ལེནྡྲའི་མཁས་པའི་གཙུག་རྒྱན་ལྟ་བུ་ནི་མགོན་པོ་ཀླུ་སྒྲུབ་ཡིན། ཀླུ་སྒྲུབ་ཡབ་སྲས་དང་ཟླ་བ་གྲགས་པ་རྣམས་ནི་མདོ་སྔགས་ཡོངས་རྫོགས་ལ་གོ་བ་སྐྱེད་ཐུབ་པའི་གཞུང་ཕུལ་དུ་བྱུང་བའི་ལེགས་བཤད་མཛད་མཁན་རེད།

གནས་བརྟན་ཆོས་སྐྱོང་གི་ལོ་རྒྱུས།   གནས་བརྟན་ཆོས་སྐྱོང་གི་ལོ་རྒྱུས་ཤིག་ཡོད་པ་ནི། དྷརྨ་པ་ལ་སྟེ་ཆོས་སྐྱོང་ཁོང་སྐུ་ཚེའི་སྟོད་ལ་རྣམ་རིག་པའི་ལྟ་བ་འཛིན་གནང་མཛད་ཅིང་། ཁོང་ནི་ནཱ་ལེནྡྲར་སློབ་གཉེར་གནང་བའི་མཁས་པ་ཆེན་པོ་ཞིག་ཡིན། རིམ་པས་གསང་སྔགས་ཉམས་བཞེས་མཛད་དེ་གཙུག་ལག་ཁང་དུ་ཁོང་གི་བཞུགས་སའི་སྤྱིལ་ཁང་ནང་དུ་བུད་མེད་རྣལ་འབྱོར་མར་བཀའ་མོལ་གནང་བ་ཞིག་ཕྱི་ནས་ཐོས་པའི་གནས་ཚུལ་བྱུང་།