གསར་འཇུག

ལོ་ཙཱ་བ་རིན་ཆེན་བཟང་པོའི་རྣམ་ཐར།

ལམ་རིམ་བླ་བརྒྱུད་པའི་རྣམ་ཐར་དུ་གསལ་བའི་ལོ་ཆེན་རིན་ཆེན་བཟང་པོའི་རྣམ་ཐར།   ལོ་ཙཱ་བ་རིན་ཆེན་བཟང་པོ། དེ་ལ་ལོ་ཆེན་རིན་ཆེན་བཟང་པོ་ནི་ས་ཕོ་རྟའི་ལོ་ལ་ཡབ་གཞོན་ནུ་དབང་ཕྱུག་དང༌། ཡུམ་ཅོག་རོ་ཀུན་བཟང་ཤེས་བརྟན་མའི་སྲས་སུ་སྐུ་འཁྲུངས། རིགས་གཡུ་རི་གཡུ་སྒྲ། དགུང་ལོ་བཅུ་གསུམ་བཞེས་པའི་ཚེ་མཁན་པོ་ཡེ་ཤེས་བཟང་པོ་ལ་རབ་ཏུ་བྱུང༌། དེའི་མོད་ལ་འདུལ་བ་རྒྱ་ཆེར་འགྲེལ་ཐུགས་སུ་ཆུད། དེ་ནས་རྒྱལ་པོའི་བཀས་ཁ་ཆེར་བྱོན། ལོ་ཙཱ་མཁས་པར་བསླབས། པཎྜི་ཏ་ཀ་ར་རྣམ་གསུམ་སོགས་པཎ་གྲུབ་དུ་མ་ལ་གཏུགས་ཏེ་སྔགས་མཚན་ཉིད་ཀྱི་གཞུང་མང་པོ་ལ་སྦྱངས། མཁྱེན་པ་ཤིན་ཏུ་ཆེ་བས་མདོ་སྔགས་ཀྱི་ཆོས་མང་པོ་བསྒྱུར། ཕ་རོལ་ཏུ་ཕྱིན་པ་དག་རྒྱུད་ཀྱི་ཕྱོགས་གཉིས་ཀའི་བཤད་པ་རྒྱ་ཆེར་མཛད། དབང་དང་བསྒྲུབ་པའི་ལག་ལེན་མང་དུ་བསྟན་ཏེ་བསྟན་པ་སྔ་དར་ལས་ཕྱི་དར་སྔགས་ཀྱི་བསྟན་པ་བོད་དུ་དར་བ་ཡང་ལོ་ཙཱ་བ་འདི་ཁོ་ནའི་བཀའ་དྲིན་ཡིན། པཎྜི་ཏ་བདུན་ཅུ་རྩ་ལྔ་བསྟེན་ནས་དམ་པའི་ཆོས་མང་དུ་གསན། བླ་ཆེན་པོ་ལྷ་ལྡེ་བཙན་གྱིས་དབུའི་མཆོད་གནས་དང་རྡོ་རྗེའི་སློབ་དཔོན་དུ་བསྐུར། པུ་རངས་ཞིར་གྱི་གནས་གཞི་ཕུལ། གཙུག་ལག་ཁང་ཡང་བཞེངས།

མུ་མཐུད་ཀློགས།

པཎ་ཆེན་ནཱ་རོ་པའི་རྣམ་ཐར་སྙིང་བསྡུས།

ནཱ་རོ་པ། ནཱ་རོ་པའི་མཚན་གྱི་རྣམ་གྲངས་ལ། ཀུན་ཏུ་བཟང་པོ། ནམ་མཁའི་སྙིང་པོ། སྙན་གྲགས་བཟང་པོ། ནཱ་རོ་པ། ཡེ་ཤེས་དངོས་གྲུབ། རྩ་བཤད་པ་རྣམས་མཚན་གྱི་རྣམ་གྲངས་ཡིན་ཞེས་གསལ་བ་སྟེ། རྒྱ་གར་ཤར་ཕྱོགས་བྷཾ་ག་ལ་ན། ཤི་ན་རའི་གྲོང་ཁྱེར་འཛམ་བུ་ན་རྒྱལ་པོ་དགེ་བའི་གོ་ཆ་དང༌། བཙུན་མོ་དཔལ་གྱི་བློ་གྲོས། བུ་མོ་དཔལ་གྱི་ཡེ་ཤེ་བྱ་བ་ལ་སྲས་ཀྱིས་དབེན་ནས་བླ་མ་དཀོན་མཆོག་ལ་མཆོད་པ་དང༌། བསྙེན་བཀུར་བྱས་ནས་སྲས་གཅིག་ཡོང་བའི་གསོལ་བ་བཏབ་པས། རྒྱལ་གྱི་ཟླ་བ་ལ་སྲས་གཅིག་བཙས་ནས་མཚན་མཁན་ལ་བསྟན་པས་མཚན་མཁན་གྱིས་འདི་ཟས་གཙང་སྲས་བཞིན་མ་འབྱུང་ཚེ། མིའི་བདག་པོར་འགྱུར་ཞེས་ལུང་བསྟན་མཚན་ལ་རྒྱལ་བུ་ཀུན་དགའ་བཟང་པོར་བཏགས། དེ་ནས་ཆེར་བསྐྱེད་ནས་རྒྱལ་བུ་ཆོས་ལ་འཇུག་པར་ཡབ་ཀྱིས་མ་གནང་ཡང་མ་གསན་པར་ཁ་ཆེར་ཕེབས་ནས། རིག་གནས་ལ་མཁས་པར་བསླབས་ནས་དགེ་བསྙེན་གྱི་སྡོམ་པ་བླངས་ནས། མཚན་ནམ་མཁའི་སྙིང་པོ་བྱ་བར་བཏགས། པཎྜི་ཏ་བཅུ་གསུམ་བཅུ་བཞི་ཁྲིད་ནས་ཕ་མ་ཅན་དུ་འོངས་པས། ཡབ་ཀྱིས་ཁྱོད་ཀྱིས་ཕ་མའི་ངག་བཅག་པས་དམ་ཆོས་མེད་དོ་ཟེར་ནས་མ་དགའ་འོ། །

མུ་མཐུད་ཀློགས།

བླ་མ་རྡོ་རྗེ་གདན་པ་ཆེན་པོའི་རྣམ་ཐར་མདོར་བསྡུས།

ཀུན་མཁྱེན་པདྨ་དཀར་པོས་ (1527-1592) མཛད་པའི་ཆོས་འབྱུང་བསྟན་པའི་པདྨ་རྒྱས་པའི་ཉིན་བྱེད་ལས[1]། རྡོ་རྗེ་གདན་པ་ནི་དགེ་བསྙེན་རིག་གནས་དུ་མ། ལྷག་པར་སྒྲ་ཚད་ལ་མཁས་པ་ཞིག་འཁོར་རབ་ཏུ་བྱུང་བའི་པཎྜི་ཏ་འགའ་དང་བཅས་ཏེ་ཡུལ་དབུས་སུ་སླེབས་པ་ན། དེར་རྒྱལ་པོའི་བློན་པོ་ཆེན་པོས་བསྟན་པ་ལ་མི་མཛེས་སྙམ་ནས་ཅིའི་ཕྱིར་རབ་ཏུ་མི་འབྱིན་དྲིས་པས། མའི་འཚོ་བ་སྦྱར་བས་སོ་ཟེར། དེས་གསེར་སྲང་སུམ་ཅུ་དེ་ལ་གཏད་དེ། འདིས་མ་འཚོ་བར་གྱིས་ལ་ཅིས་ཀྱང་རབ་ཏུ་བྱུང་ཞིག །དེར་ཤཱནྟི་པ་ལ་རབ་ཏུ་བྱུང་བའི་མཚན་རཏྣ་ཨཱ་ཀ་ར་གུཔྟ། དེ་དང་ནཱ་རོ་པ། གནས་བརྟན་བྱང་ཆུབ་བཟང་པོ། མར་མེ་མཛད་བཟང་པོ་སོགས་ལ་རྟེན་ནས་སྡེ་སྣོད་གསུམ་རྒྱུད་སྡེ་བཞི་ལ་མཁས་པར་སྦྱངས་ཏེ། ཕྱིས་རྡོ་རྗེ་གདན་གྱི་བདག་མཛད་དེ་བཞུགས་པས་མཚན་རྡོ་རྗེ་གདན་པ་མངོན་ཤེས་ཅན་དུ་གྲགས།

མུ་མཐུད་ཀློགས།